ကိုရီးယားသမ္မတနိုင်ငံမှ ရခိုင်ပြည်နယ်အတွက် ဆန်တန်ချိန် ၂၅၀ လှူဒါန်း

စစ်တွေ ဇန်န၀ါရီ ၂၂

အာဆီယံအပေါင်း ၃ အရေးပေါ် အရန်ဆန်ရိက္ခာ အစီအစဉ်(၃)အရ ကိုရီးယားသမ္မတနိုင်ငံမှ လှူဒါန်းသည့် ဆန်တန်ချိန် ၂၅၀ အား ရခိုင်ပြည်နယ် အစိုးရအဖွဲ့သို့ လွှဲပြောင်းပေးအပ်ပွဲ အခမ်းအနားကို ယနေ့နံနက် ၉ နာရီတွင် ရခိုင်ပြည်နယ် အစိုးရအဖွဲ့ အစည်းအဝေး ခန်းမ၌ ကျင်းပသည်။

အခမ်းအနားတွင် ရခိုင်ပြည်နယ်ဝန်ကြီးချုပ် ဦးညီပုက “ပြည်ထောင်စုအစိုးရ အနေနဲ့ရော၊ ပြည်နယ်အစိုးရ အနေနဲ့ရော ရခိုင်ပြည်နယ်ရဲ့ အခြေအနေကို ပြောင်းလဲအောင် ကြိုးစားနေပါတယ်။ ရခိုင်ပြည်နယ် တည်ငြိမ်အေးချမ်းမှုရအောင် ဒီထက်ပိုပြီး ဆောင်ရွက်သွားမှာပါ။ ကိုရီးယားနိုင်ငံ အနေနဲ့လည်း ကျွန်တော်တို့နဲ့ ပူးပေါင်း ဆောင်ရွက်ပေးပါလို့ ပြောချင်ပါတယ်။ ကျွန်တော်တို့အနေနဲ့ တည်ငြိမ်အေးချမ်းမှုနဲ့ ဖွံ့ဖြိုးတိုးတက်မှုကို တစ်ပြိုင်တည်း လုပ်တယ်ဆိုတာတောင် ဖွံ့ဖြိုးတိုးတက်မှုကို ဦးစားပေးလုပ်ဖို့ ဆုံးဖြတ်ထားပါတယ်။ ဖွံ့ဖြိုး တိုးတက်လာတာနဲ့အမျှ တည်ငြိမ်အေးချမ်းလာမယ် လို့ယုံကြည်ပါတယ်။ မတည်မငြိမ်ဖြစ်နေတယ် ဆိုတာကလည်း ရခိုင်ပြည်နယ်ရဲ့ ဒေသအစိတ်အပိုင်း တစ်ခုပါ။ ဒါကိုလည်း ပြောချင်ပါတယ်။ အခုလှူဒါန်းတဲ့ ဆန်တွေကို လိုအပ်တဲ့နေရာတွေ၊ လိုအပ်တဲ့ လူတွေဆီ ရောက်အောင် ပို့ပေးသွားမှာ ဖြစ်ပါတယ်။ မှန်မှန်ကန်ကန် သုံးစွဲနိုင်အောင်လည်း ဆောင်ရွက်ပေးသွားမှာ ဖြစ်ပါတယ်” ဟု ပြောကြားသည်။

ထို့နောက် မြန်မာနိုင်ငံဆိုင်ရာ ကိုရီးယား သံအမတ်ကြီ Mr. Lee Sang Hwa က ဆန်တန်ချိန် ၂၅၀ လှူဒါန်းရခြင်းနှင့် စပ်လျဉ်း၍ ပြောကြားသည်။

ယင်းနောက် စိုက်ပျိုးရေးဦးစီးဌာန ဒုတိယညွှန်ကြားရေးမှူးချုပ် ဦးအေးကိုကိုက အာဆီယံအပေါင်း ၃အရေးပေါ် အရန်ဆန်ရိက္ခာ အစီအစဉ်(၃)အရ ကိုရီးယားသမ္မတနိုင်ငံမှ ရခိုင်ပြည်နယ်အတွက် ဆန်တန်ချိန် ၂၅၀ လှူဒါန်းနိုင်ရေး ဆောင်ရွက်ပေးခဲ့မှုနှင့် စိုက်ပျိုးရေး၊ မွေးမြူရေးနှင့် ဆည်မြောင်း ၀န်ကြီးဌာန အနေဖြင့် ရခိုင်ပြည်နယ်အတွင်း စိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက် ဆောင်ရွက်နေမှုများနှင့် စပ်လျဉ်း၍ ရှင်းလင်းတင်ပြသည်။

ထို့နောက်  ကိုရီးယားသံအမတ်ကြီးက ဆန်တန်ချိန် ၂၅၀ကို ပေးအပ်လှူဒါန်းရာ ၀န်ကြီးချုပ် ဦးညီပုက လက်ခံပြီး ဂုဏ်ပြုမှတ်တမ်းလွှာ ပြန်လည်ပေးအပ်သည်။

ယင်းနောက် ရခိုင်ပြည်နယ် စိုက်ပျိုးရေး၊ မွေးမြူရေး၊ သစ်တောနှင့် သတ္တုဝန်ကြီး ဦးကျော်လွင်က ဆန်လှူဒါန်းခြင်းအတွက် ကျေးဇူးတင်စကား ပြောကြားသည်။

ကိုရီးယားသမ္မတနိုင်ငံ အနေဖြင့် ရခိုင်ပြည်နယ်အတွက် ၂၀၁၇ခုနှစ်တွင် ဆန်တန်ချိန် ၂၆၇တန်ကို လှူဒါန်းခဲ့ပြီး ယခုဆန်တန်ချိန် ၂၅၀ ကို ထပ်မံ လှူဒါန်းခြင်းဖြစ်ကြောင်း သိရသည်။

အခမ်းအနားအပြီး ၀န်ကြီးချုပ်ဦးညီပုသည် မြန်မာနိုင်ငံဆိုင်ရာ ကိုရီးယား သံအမတ်ကြီး Mr. Lee Sang Hwa နှင့် အဖွဲ့အား ပြည်နယ်အစိုးရ အဖွဲ့ရုံးဧည့်ခန်းမ၌ တွေ့ဆုံပြီး ရခိုင်ပြည်နယ် ဖွံ့ဖြိုး တိုးတက်ရေး ဆိုင်ရာ ကိစ္စရပ်များနှင့် စပ်လျဉ်း၍ ဆွေးနွေးကြသည်။

မျိုးမြင့်(သတင်းစဉ်)  ဓာတ်ပုံ- မင်းထက်