မြစ်ကြီးနားမှ ပူတာအိုသို့ နေ့ချင်းရောက် သွားလာနိုင်ပြီ

ရှင်မင်း

မြစ်ကြီးနားမြို့မှ ပူတာအိုမြို့သို့ ယခင်က နှစ်ညအိပ်သုံးရက်ခရီး အဖြစ် သွားရောက်ရသောခရီးအဖြစ်မှ ယခုအခါ မြစ်ကြီးနား-ဆွမ်ပရာဘွမ်- ပူတာအိုလမ်း ကောင်းမွန်ပြီဖြစ်သည့် အတွက် မြစ်ကြီးနားမှ ပူတာအိုသို့ နေ့ချင်းရောက် သွားလာနိုင်ပြီ ဖြစ်သည်။ နေ့ချင်းရောက်ခရီးအဖြစ် သွားလာနိုင်သည့်အတွက် ဒေသခံများ၏ လူမှုစီးပွားဘ၀များ ဖွံ့ဖြိုး တိုးတက်ရန် အခြေအနေကောင်းများ ဖြစ်ပေါ်လာပြီဖြစ်သည်။

“အရင်ကသွားရလာရခက်ခဲတယ်။ မြစ်ကြီးနားကနေ ပူတာအို သွားဖို့အတွက် ဖြစ်ဖြစ်၊ ပူတာအိုကနေ မြစ်ကြီးနား သွားဖို့ဖြစ်ဖြစ် လမ်းမှာညအိပ်ပြီးသွား ရတယ်။ အရင်က လမ်းပန်းဆက်သွယ်ရေး ခက်ခဲတော့ ကျန်းမာရေး အတွက်လည်း ခက်ခဲပါတယ်။ ကျန်းမာရေး အတွက် တစ်စုံတစ်ခုဖြစ်ပြီဆိုရင် ညအိပ်ခရီး ဖြစ်နေတော့ လမ်းမှာ တင် ဆုံးသွားတာ မျိုးတွေ အများကြီးရှိခဲ့ပါတယ်။ အခုက တော့ လမ်းကောင်းသွားပြီဖြစ်တဲ့အတွက် ကားလည်း ပေါပါတယ်။ ဘယ်အချိန်သွား သွားရသွားပြီ”ဟု မြစ်ကြီးနား-ဆွမ်ပရာ ဘွမ် - ပူတာအိုလမ်းပေါ်ရှိ တီယာန်ဇွပ် ကျေးရွာမှ မဖြူကပြောသည်။

▄ နေ့ချင်းရောက်သွားလာနိုင်ပြီ ▄

မြစ်ကြီးနား- ဆွမ်ပရာဘွမ်-ပူတာအို လမ်းသည် ၂၁၈ မိုင် ရှည်လျားပြီး မြစ်ကြီးနားမှ ပူတာအို အသွားအပြန် ကြာချိန် ၁၂ နာရီဖြစ်၍ နေ့ချင်းရောက်ခရီး အဖြစ် သွားလာနိုင်ပြီဖြစ်သည့်အတွက် ခရီးလမ်း တိုးတက်ကောင်းမွန် လာမှုနှင့်အတူ ဒေသခံများ၏ လူမှုစီးပွားရေးသည် လည်း တိုးတက်လာသည်။

“အရင်က လမ်းပန်းဆက်သွယ်ရေး ခက်ခဲတော့ စီးပွားရေးတွေလည်း ခက်ခဲ ကြတယ်။ လမ်းကောင်းတော့ ဒီလမ်းပေါ် ကနေ သွားကြ၊ လာကြနဲ့ စီးပွားရှာကြ တယ်။ မြစ်ကြီးနားက ပူတာအိုသွား ရင်ဖြစ်ဖြစ်၊ ပူတာအိုကနေ မြစ်ကြီးနား သွားရင်ဖြစ်ဖြစ် ကျွန်မတို့ တီယာန်ဇွပ်ရွာ မှာ တစ်ထောက်နားကြတယ်။ အရင်က သွားလာသူ မရှိတော့ လက်ဖက်ရည်၊ မုန့်လောက်ပဲ ရောင်းရတယ်။ အခု လမ်းကောင်းပြီး သွားလာတဲ့သူများတော့ စားသောက်ဆိုင်အဖြစ် တိုးချဲ့ရောင်းရပြီး အဆင်ပြေတယ်” ဟုလည်း မဖြူက ဆက်ပြော သည်။

“လမ်းတွေ ပိုကောင်းလာတော့ ကျွန်တော်တို့လို ကားမောင်းတဲ့ သူတွေ ကားမောင်းရတာသက်သာသလို စီးရတဲ့ ခရီးသွားလည်း သက်သာတာပေါ့။ကားစီး ဖို့လည်း အချိန်အရင်ကလောက် မပေးရ တော့ဘူး။ အခုလမ်းကောင်း သွားတော့ အလည်အပတ်လာတဲ့ ခရီးသည်တွေ လည်း ရှိလာပါပြီ”ဟု မြစ်ကြီးနား-ဆွမ်ပရာဘွမ်- ပူတာအို လမ်းပေါ်တွင် ယာဉ်လိုင်းမောင်းနှင်သူ ကိုဇော်လတ်က ပြောသည်။

“လမ်းတံတားဆိုတာ တိုင်းပြည် ဖွံ့ဖြိုးဖို့အတွက် အဓိကကျပါတယ်။ ဒီလို လမ်းတံတားတွေမဖွံ့ဖြိုးရင် ကုန်ဈေးနှုန်း တွေ ကြီးမြင့်မယ်။ လမ်းရှိ၊ တံတားရှိတော့ ကျန်တဲ့ ပညာရေး၊ ကျန်းမာရေးလည်း ဖွံ့ဖြိုးဖို့ အခွင့်အလမ်းအများကြီးရှိလာ တယ်။ အခုဆို မြစ်ကြီးနား- ဆွမ်ပရာဘွမ်- ပူတာအိုလမ်းမကြီးက ကောင်းမွန်လာတဲ့ အတွက် မြစ်ကြီးနားကနေ ပူတာအိုကို လွယ်လွယ်ကူကူ သွားလာနိုင်ပြီ။

▄ ငြိမ်းချမ်းရေးက အရေးကြီး ▄

“ဖွံ့ဖြိုးတိုးတက်မှုအတွက် ငြိမ်းချမ်း ရေးကလည်း အရေးကြီးပါတယ်။ ကျွန်တော်တို့ ပြည်နယ်တချို့နေရာတွေမှာ ငြိမ်းချမ်းရေးအတွက် ညှိနှိုင်းဆောင်ရွက် ရမှာရှိပါတယ်။ ငြိမ်းချမ်းရေးကို တစ်ရက် ထက်တစ်ရက် ပိုလုပ်နိုင်လေ ဖွံ့ဖြိုးရေးကို တစ်ရက်ထက် တစ်ရက် တိုးပြီး ဆောင်ရွက် လာနိုင်လေ ဖြစ်ပါတယ်။ အခုဆိုရင် မြစ်ကြီးနား- ဆွမ်ပရာဘွမ်- ပူတာအို ကတော့ အဆင်ပြေပြေနဲ့ သွားလာနိုင် ပါပြီ။ ကျွန်တော်တို့ ပြည်နယ်က ဆွမ်ပရာ ဘွမ်၊ ပူတာအိုဆိုတာ သဘာဝ အလှအပ တွေ အများကြီးရှိတဲ့ဒေသတွေ ဖြစ်ပါ တယ်။ မြစ်ကြီးနား ကနေ ပူတာအိုကို နေ့ချင်းပေါက် သွားနိုင်ပါပြီ။ ဒါကြောင့် ကျွန်တော် တို့ရဲ့ တခြားတိုင်းဒေသကြီး၊ ပြည်နယ်က သွေးချင်း ညီအစ်ကိုတွေ ကို လည်း လာလည်ဖို့ ဖိတ်ခေါ်ချင်ပါတယ်”ဟု ပြည်နယ်လွှတ်တော် ကိုယ်စားလှယ် ဦးဇော်ဒွဲက ပြောသည်။

မြစ်ကြီးနား-ဆွမ်ပရာဘွမ်-ပူတာအို လမ်းသည် သွားလာရလွယ်ကူပြီ ဖြစ် သော်လည်း မြေသားလမ်းအဖြစ် ကျန်ရှိ နေသည့် အပိုင်းများကို ကွန်ကရစ် လမ်းခင်းခြင်း၊ မြစ်ကြီးနား-ဆွမ်ပရာဘွမ်-ပူတာအို လမ်းပိုင်း အဆင့်မြှင့် တင်ခြင်း လုပ်ငန်းများကို ဘဏ္ဍာနှစ်အလိုက် ဆောင်ရွက်သွားမည် ဖြစ်ကြောင်း ကချင်ပြည်နယ် လမ်းဦးစီးဌာနမှ သိရ သည်။

ထိုသို့ ဆောင်ရွက်ရာတွင် မြစ်ကြီး နား- ဆွမ်ပရာဘွမ်- ပူတာအို လမ်းအား မြစ်ကြီးနားခရိုင် အပိုင်း၊ လမ်းအထူး အဖွဲ့ (၁)အပိုင်း၊ လမ်းအထူးအဖွဲ့ (၂)အပိုင်းနှင့် ပူတာအိုခရိုင်အပိုင်းဟူ၍ လမ်း ပိုင်းလေးပိုင်း သတ်မှတ်ခွဲခြား ဆောင်ရွက်လျက်ရှိကြောင်း သိရသည်။

ခရိုင်လမ်းဦးစီးဌာနများနှင့် လမ်း အထူးအဖွဲ့များသည် မြစ်ကြီးနား- ဆွမ်ပရာဘွမ် - ပူတာအိုလမ်းအား လမ်းပိုင်း သတ်မှတ်၍ လုပ်ငန်းပိုင်းခြား ဆောင်ရွက်ခြင်းများရှိသလို ပုဂ်္ဂလိက ကုမ္ပဏီများ အား တင်ဒါစနစ်ဖြင့် ဆောင်ရွက်စေခြင်း လည်းရှိကြောင်း သိရ သည်။

“ကျွန်တော်တို့အဖွဲ့က မြစ်ကြီးနား-ဆွမ်ပရာဘွမ်- ပူတာအိုလမ်း ကျွန်တော် တို့ တာဝန်ယူရတဲ့အပိုင်းမှာ ကွန်ကရစ် လမ်းခင်းခြင်းကို ဆောင်ရွက်နေပါတယ်။ ကျွန်တော်တို့ တာဝန်ယူရတဲ့အပိုင်းက တောင်ပေါ်မြေသား လမ်းအနေနဲ့ ကျန်ရှိ နေတဲ့အပိုင်း ဖြစ်ပါတယ်။ ၂၀၁၈- ၂၀၁၉ ဘဏ္ဍာရေးနှစ်မှာ ၅ ဒသမ ၅ မီတာ အကျယ်ရှိတဲ့ ကွန်ကရစ်လမ်း ၁၀ ဒသမ ၁၅ ကီလိုမီတာခင်းခြင်းကို ကျွန်တော်တို့ အဖွဲ့က ဆောင်ရွက်မှာ ဖြစ်ပါတယ်။ ဒါပေမယ့် ဒီမြေသားလမ်းကို ကွန်ကရစ် လမ်းအနေနဲ့ ပြည်သူတွေ အမြန်ဆုံး အသုံးပြုနိုင်အောင် ကျွန်တော်တို့ အဖွဲ့ အနေနဲ့ ကြိုးစားဆောင်ရွက်နေပါတယ်။ ကျွန်တော် တို့ဆောင်ရွက်တဲ့ လမ်းတွေ ဟာ တောင်ပေါ် လမ်းတွေဖြစ်တဲ့ အတွက် မိုးတွင်းရောက်ရင် လမ်းပေါ်ကို တောင်ပြို နိုင်တဲ့အခြေအနေမျိုး ရှိနိုင်ပါတယ်။ ဒီလိုမျိုးဖြစ်ရင် ဒေသခံပြည် သူတွေ သွားလာရေးခက်ခဲမှု မရှိအောင် ကျွန်တော်တို့အနေနဲ့ အချိန်မီ ပြင်ဆင် ဆောင်ရွက်ပေးလျက်ရှိပါတယ်”ဟု လမ်းအထူး အဖွဲ့(၂)မှ ဒုတိယဩန်ကြား ရေးမှူး ဦးကျော်စိုးသိန်းက ပြောသည်။

မြစ်ကြီးနား- ဆွမ်ပရာဘွမ်- ပူတာအို လမ်းပိုင်းပေါ်တွင် မြစ်ကြီးနား ခရိုင်မှ တာဝန်ယူဆောင်ရွက်မှုနှင့် ပတ်သက်၍ မြစ်ကြီးနားမြို့နယ် လမ်းဦးစီးဌာနမှ ဦးစီး အရာရှိ ဦးအောင်ဆန်းဦးက“မြစ်ကြီးနား-ဆွမ်ပရာဘွမ်- ပူတာအိုလမ်းရဲ့ မြစ်ကြီး နား-ဆွမ်ပရာဘွမ် လမ်းပိုင်းမှာမြစ်ကြီးနား မြို့ကနေ တီယာန်ဇွပ်ကျေးရွာအထိ ၅၃ မိုင်ရှိပါတယ်။ အရင်ဒီလမ်းက ကတ္တရာ လမ်းအဆင့် မဟုတ်သေး ပါဘူး။ လမ်းက လည်း မချဲ့ရသေးပါဘူး။ အခုကတော့ မြစ်ကြီးနားမြို့ ကနေ တီယာန်ဇွပ်ကျေးရွာ အထိ ကတ္တရာလမ်းအဆင့် ဖြစ်သွားပါပြီ။ လမ်းလည်း ချဲ့ပြီးပါပြီ။ ၂၀၁၈-၂၀၁၉ ဘဏ္ဍာရေးနှစ်ကနေစပြီး ကျောက်စီ ရေမြောင်းတည်ဆောက်တာ၊ မြေထိန်း နံရံ တည်ဆောက် တာစတဲ့ လမ်းပိုင်း ရေရှည်တည်တံ့ဖို့ အဆင့်မြှင့်တင်တာတွေ ဆက်လက်ဆောင်ရွက်သွားမှာ ဖြစ်ပါ တယ်”ဟု ပြောသည်။

မြစ်ကြီးနား- ဆွမ်ပရာဘွမ်-ပူတာအို လမ်းကွန်ရက်ပေါ်ရှိ တံတားများ တည်ဆောက်ခြင်းနှင့် ရေရှည်ကြံ့ခိုင် ကောင်းမွန်ရေးကို တံတား ဦးစီးဌာနမှ ဆောင်ရွက်လျက်ရှိပြီး ၂၀၁၈ -၂၀၁၉ ဘဏ္ဍာရေးနှစ်တွင် တီယာန်ဇွပ် တံတား၊ ဒရုခတံတား၊ ဆီနင်ခတံတားနှင့် ဖုန်ချန် တံတားတို့ကို ဆောင်ရွက်ခဲ့ကြောင်း သိရ သည်။

“ကျွန်တော်တို့ တံတားဌာနအနေနဲ့ ၂၀၁၈-၂၀၁၉ ဘဏ္ဍာရေးနှစ်မှာ မြစ်ကြီး နား- ဆွမ်ပရာဘွမ်- ပူတာအို လမ်းပေါ်မှာ ပြည်ထောင်စုငွေ လုံးငွေရင်းရန်ပုံငွေနဲ့ တည်ဆောက်နေတဲ့ တံတားလေးစင်းရှိ ပါတယ်။ ပထမတံတားဖြစ်တဲ့ တီယာန်ဇွပ် တံတားက ရာခိုင်နှုန်းပြည့် ပြီးစီးနေပါပြီ။ အခုအခါမှာတော့ အများပြည်သူ သွားလာ နိုင်နေပါပြီ။ ဒုတိယတံတားဖြစ်တဲ့ ဒရုခ တံတားကလည်း ရာခိုင်နှုန်းပြည့် ပြီးစီး နေပါပြီ။ တတိယ တံတားဖြစ်တဲ့ ဆီနင်ခ တံတားကတော့ ၆၀ ရာခိုင်နှုန်းကျော် ဆောင်ရွက်ပြီးစီးနေပါပြီ။ စတုတ္ထတံတား ဖုန်ချန် ကတော့ ပြီးစီးမှု ငါးရာခိုင်နှုန်း ရှိပါပြီ။

“ဒီထဲက ရာခိုင်နှုန်းပြည့် ပြီးစီးနေတဲ့ တံတားတွေ soft opening အစီအစဉ်နဲ့ ဖွင့်လှစ်နိုင်ဖို့ ပြည်နယ်အစိုးရထံ တင်ပြ ထားပြီး ဖြစ်ပါတယ်။ ပြည်နယ်အစိုးရရဲ့ အတည်ပြုချက်ရရင် ၀န်ကြီးဌာနကို တင်ပြပြီးတော့ ဖွင့်ပွဲအခမ်းအနားကျင်းပ သွားမှာ ဖြစ်ပါတယ်။

“တံတားတစ်စင်းရဲ့ တန်ဖိုးက ကြီးမားပါတယ်။ ဒါကြောင့် တံတားကြီး ရေရှည်တည်တံ့ဖို့ ပြင်ဆင်ထိန်းသိမ်းတဲ့ ကဏ္ဍကလည်း အရေးကြီးပါတယ်။ ဒါကိုလည်း ကျွန်တော်တို့ ဦးစီးဌာနနဲ့ အတူ ပြည်သူတွေက ပူးပေါင်း ပါဝင်ပေးဖို့ အရေးကြီးပါတယ်။ တံတားတွေ မှာ ရာသီဥတုကြောင့်သော်လည်းကောင်း၊ အခြား ထူးခြား ဖြစ်စဉ်ကြောင့်သော် လည်းကောင်း အားနည်းချက်တစ်စုံ တစ်ရာဖြစ်ပေါ် ခဲ့ရင် ပြည်သူတွေအနေနဲ့ တံတား ဦးစီးဌာနကို ဆက်သွယ်ပေးစေ ချင်ပါတယ်။ ဒါမှသာ ပြည်သူတွေ အဆင် ပြေစွာ အသုံးပြုနိုင်ဖို့ အမြန်ဆုံး ပြင်ဆင် ဆောင်ရွက်နိုင်မှာ ဖြစ်ပါတယ်”ဟု တံတားဦးစီးဌာနမှ ဒုတိယညွှန်ကြား ရေးမှူး စောဇာနည်လှက ပြောသည်။

ရာခိုင်နှုန်းပြည့်ပြီးစီးကာ မကြာမီ ဖွင့်လှစ်တော့မည့် တီယာန်ဇွပ် တံတား သည် တီယာန်ချောင်းပေါ်တွင် တည်ရှိပြီး တံတားအရှည် မီတာ ၉၀၊ ယာဉ်သွားလမ်း ၂၄ ပေ၊ လူသွားလမ်းတစ်ဖက် သုံးပေရှိ သော သံကူကွန်ကရစ်တံတား ဖြစ်သည်။

▄ မကြာမီဖွင့်လှစ်မည် ▄

အလားတူ ရာခိုင်နှုန်းပြည့်ပြီးစီးကာ မကြာမီဖွင့်လှစ်တော့မည့် ဒရုခတံတား သည် ဒရုခချောင်းပေါ်တွင် တည်ရှိပြီး တံတားအရှည် မီတာ ၆၀၊ ယာဉ်သွားလမ်း ၂၄ ပေ၊ လူသွားလမ်းတစ်ဖက် ၀ ဒသမ ၉ မီတာရှိသော သံကူ ကွန်ကရစ်တံတား ဖြစ်သည်။

“မြစ်ကြီးနားကနေ ပူတာအိုကို အရင်က နေ့ချင်းမရောက်နိုင်ဘူး။ လမ်းမှာ ညအိပ်ရတယ်။ သွားရလာရ ခက်ခဲတယ်။ အခုတော့ ချက်ချင်းသွား ချက်ချင်းရောက်နိုင်တဲ့ အခြေအနေ ဖြစ်တဲ့အတွက် ပိုပြီးချစ်ခင် ရင်းနှီးလာပြီး နားလည်မှုရှိလာမယ်။ ဒီလိုပိုမိုရင်းနှီး နားလည်လာတဲ့အတွက် တိုင်းရင်းသား တွေအချင်းချင်း အထင် အမြင် လွဲမှားတဲ့ ပြဿနာတွေလည်း မရှိနိုင်တော့ဘူးလို့ ထင်ပါ တယ်” ဟု တံတားအထူးအဖွဲ့(၁)မှ ဦးစီးအရာရှိ ဦးအောင်ကျော်လင်း က ပြောသည်။

လမ်းဦးစီးဌာနမှ ပထမဦးစားပေး အနေဖြင့် ခရိုင်ချင်းဆက်လမ်းဖြစ် သည့် မြစ်ကြီးနား- ဆွမ်ပရာဘွမ်- ပူတာအို လမ်းကို ရာသီမရွေး သွားလာနိုင်ရေး၊ ဗန်းမော်- မြစ်ကြီးနားလမ်းပိုင်းကို AC လမ်း၊ ကွန်ကရစ်လမ်း အဆင့်မြှင့် တင် နိုင်ရေး၊ ရွှေဘို- မြစ်ကြီးနား လမ်းပိုင်း ကို ၂၄ ပေ အကျယ် AC လမ်း၊ ကွန်ကရစ် လမ်း အဆင့်မြှင့် တင်နိုင်ရေးအတွက် ဆောင်ရွက်လျက်ရှိကြောင်း သိရှိရသည်။

▄ ရာသီမရွေးသွားလာနိုင် ▄

ထို့ပြင် မံဝိန်း-ချီဖွေလမ်းကို ၁၂ ပေ အကျယ် ကတ္တရာလမ်း ၃၆/၃ မိုင်နှင့် တံတားငယ်စုစုပေါင်း ၇၆ စင်းကိုအဆင့် မြှင့်တင်နိုင်ခဲ့သည့် အတွက် မြစ်ကြီးနား မြို့မှ ချီဖွေမြို့အထိ သုံးနာရီခန့်အတွင်း ရာသီမရွေး သွားလာနိုင်ပြီ ဖြစ်ကြောင်း လမ်းဦးစီးဌာနမှ သိရသည်။

“၂၀၁၈-၂၀၁၉ ဘဏ္ဍာရေးနှစ်မှာ မချမ်းဘော့- ဖရုခ- နောင်မွန် လမ်းမှာ ရှိတဲ့ ထီခတံတား ပေ ၄၀၀ နဲ့ ထာခတံတား ပေ၂၀၀ ကို အပြီးတည်ဆောက်ပေးမှာ ဖြစ်တဲ့အတွက် မြန်မာနိုင်ငံ မြောက်ဖျား အစွန်းမှာရှိနေတဲ့ ပန်နန်းဒင်မြို့ကနေ နောင်မွန်၊ ပူတာအို၊ မြစ်ကြီးနား မြို့ အထိ လမ်းပန်းဆက်သွယ်ရေးတိုးတက် ကောင်းမွန် လာမှာ ဖြစ်တဲ့အတွက် တိုင်းရင်းသားပြည်သူတွေ ကူးလူး ဆက်သွယ်သွားလာနိုင်ပြီးတော့ လူမှု စီးပွားဘ၀တွေ လည်း ဖွံ့ဖြိုး တိုးတက်လာ မှာ ဖြစ်ပါတယ်” ဟု ကချင်ပြည်နယ် လမ်းဦးစီးဌာန မှညွှန်ကြားရေးမှူး ဦးတင် မောင်အုန်းက ပြောသည်။

▄ ကြိုးပမ်းဆောင်ရွက် ▄

မြစ်ကြီးနား- ဆွမ်ပရာဘွမ်- ပူတာအို လမ်းသာမက ပြည်နယ်အတွင်း အခြား နေရာများရှိ လမ်းကွန်ရက်၊ တံတား ကွန်ရက်များ ကောင်းမွန်စေ ရန်အတွက် ကချင်ပြည်နယ်အစိုးရအဖွဲ့နှင့်သက်ဆိုင် ရာ ဦးစီးဌာနများ အနေဖြင့် ကြိုးပမ်း ဆောင်ရွက်လျက်ရှိသည်။

ထိုသို့ ဆောင်ရွက်ရာတွင် မြစ်ကြီး နား- ဆွမ်ပရာဘွမ်- ပူတာအို လမ်းသာမက မချမ်းဘော့-ဖရုခ-နောင်မွန် လမ်းပေါ်တွင် ထီခတံတား ပေ ၄၀၀ နှင့် ထာခတံတား ပေ ၂၀၀ ကိုလည်းကောင်း၊ မန္တလေး-လားရှိုး- ဗန်းမော်- မြစ်ကြီးနားလမ်းပေါ် တွင် နန့်မြစ်ခတံတား လေးလမ်းသွား ၃၀၂ ပေကို လည်းကောင်း၊ နမ်္မတီး-တနိုင်း-ပန်ဆောင်လမ်းပေါ်တွင် ၀ါရာဇွပ် တံတား ပေ ၆၀၀ ကို လည်းကောင်း တည်ဆောက်လျက်ရှိသည်။

ထာခတံတား ပြီးစီးမှုမှာ ၅၀ ရာခိုင် နှုန်း၊ ထီခတံတားပြီးစီးမှုမှာ၊၃၅ ရာခိုင် နှုန်း၊ နန့်မြစ်ခတံတားမှာ ၇၅ရာခိုင်နှုန်း၊ ၀ါရာဇွပ်တံတားမှာ ငါးရာခိုင်နှုန်း ပြီးစီးပြီ ဖြစ်ကြောင်း သိရသည်။ ထို့အပြင် တံတား ဦးစီးဌာနအနေဖြင့် ဗလမင်းထင် တံတား အမှတ် (၂) Feasibility Study ကြိုတင်လေ့လာမှုကိုလည်း ဆောင်ရွက် လျက်ရှိကြောင်း သိရသည်။