နိုင်ငံတော်၏အတိုင်ပင်ခံပုဂ္ဂိုလ်နှင့် ပခုက္ကူမြို့နယ် ဒေသခံပြည်သူများ စကားဝိုင်းကျင်းပ

ပခုက္ကူ - သြဂုတ် ၉

နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများစကားဝိုင်းကို ယနေ့နံနက် ၉ နာရီခွဲတွင် မကွေးတိုင်းဒေသကြီး ပခုက္ကူမြို့နယ် ချောက်ကန်ကျေးရွာ၌ ကျင်းပ သည်။

ဒေသခံပြည်သူများစကားဝိုင်းတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ``တစ်နိုင်ငံလုံးမှာ ငြိမ်းချမ်းရေးဆွေးနွေးပွဲတွေ လုပ်ရတဲ့ရည်ရွယ်ချက်က ငြိမ်းချမ်းရေးဆိုတာ တစ်နိုင်ငံလုံးနဲ့သက်ဆိုင်တယ်ဆိုတာကို ပြည်သူပြည်သားတွေ သဘောပေါက်ဖို့ပဲဖြစ်ပါတယ်။ အခုပခုက္ကူမှာဆိုရင် အရင်တုန်းက ပြည်တွင်းစစ်တွေ မရှိတဲ့အခါကျတော့ အပစ်အခတ်ရပ်စဲရေးဆိုတာ ဘာလဲ၊ ဘယ်လိုအဓိပ္ပာယ်ရှိသလဲ၊ ကိုယ့်ရဲ့ဘ၀တွေကို ဘယ်လိုအကျိုးဆက်အနေနဲ့ ပြောင်းလဲစေသလဲဆိုတာကို နားလည်ကြမှာမဟုတ်ဘူး။ ပြည်တွင်းစစ်တွေဖြစ်တဲ့ ဒေသတွေက ပြည်သူပြည်သား တွေပဲ နားလည်တာဖြစ်ပါတယ်။ ဒါပေမယ့်လည်း ကိုယ်ရဲ့ဒေသမှာ ပြည်တွင်းစစ်ဖြစ်ခဲ့ သည်ဖြစ်စေ၊ မဖြစ်ခဲ့သည်ဖြစ်စေ နိုင်ငံရဲ့ငြိမ်းချမ်းရေးဟာ အားလုံးနဲ့သက်ဆိုင်တယ်။
``ကျွန်မတို့အားလုံးဟာ ငြိမ်းချမ်းရေးရအောင်လုပ်ဖို့ တာဝန်ရှိပါတယ်။ အဲဒီတော့ ဒီလိုဆွေးနွေးပွဲ စကားဝိုင်းတွေမှာဆိုရင် ပါဝင်တဲ့ပုဂ္ဂိုလ်တွေ တစ်ဦးစီဟာ ဘယ်လိုမြင် သလဲဆိုတာ သိချင်ပါတယ်။ ပြီးတော့ ငြိမ်းချမ်းရေးရအောင် ဘယ်လိုလုပ်ရ မလဲ။ ဘာဖြစ်လို့ ငြိမ်းချမ်းရေးကိုလိုအပ်သလဲ။ ဒီဟာတွေကို စုပေါင်းပြီးတော့ စဉ်းစားစေချင် ပါတယ်။
``ပြီးတော့ ငြိမ်းချမ်းရေးဟာ ကျွန်မတို့နိုင်ငံရဲ့ ဖွံ့ဖြိုးတိုးတက်ရေးနဲ့ ဘယ်လို ဆက်နွှယ်မှုရှိတယ်လို့ ထင်သလဲဆိုတာကိုလည်း ကျွန်မတို့အနေနဲ့ သိချင်ပါတယ်။ တခြားကိုယ်ရဲ့ ရပ်ရွာမှာဖြစ်နေတဲ့ ကိစ္စတွေနဲ့ ပတ်သက်ပြီးတော့ ပြောချင်တာရှိရင် လည်းပြောလို့ရပါတယ်။ ဥပမာဆိုရင် ကျွန်မအမြဲပဲ ဘယ်နေရာသွားသွား ပြည်သူပြည်သားတွေကို မေးရတယ်။ ၀န်ကြီးချုပ်လိမ္မာရဲ့လား။ ကျွန်မတို့ မကွေးတိုင်း ဒေသကြီးက ၀န်ကြီးချုပ်ကတော့ လိမ္မာပုံတော့ရပါတယ်။ ဒါပေမယ့်လည်း ပြည်သူ တွေ ကပိုပြီးတော့သိမှာပါ။ အဲဒီတော့ ကျွန်မတို့အစိုးရဟာ ပြည်သူပြည်သား တွေကို တာဝန်ခံရတဲ့အစိုးရပါ။
``ပြည်သူတွေရွေးချယ်တင်မြှောက်လို့ တက်လာတဲ့အစိုးရဆိုတာ ပြည်သူ ပြည်သားတွေကို တာဝန်ခံရပါတယ်။ ပြည်သူပြည်သားတွေရဲ့ ဘ၀တွေ အကောင်း ဆုံးဖြစ်အောင် ကြိုးစားရပါတယ်။ ဘယ်အစိုးရမှ ခြောက်ပစ်ကင်းသဲလဲစင်မဟုတ်ပါဘူး။ မမှားတဲ့အစိုးရဆိုတာလည်း တစ်ခါမှမရှိပါဘူး။ မမှားတဲ့ရှေ့နေဆိုပေမယ့် ရှေ့နေတွေ ထက်ပိုပြီးတော့ မှားနိုင်တာ အစိုးရတွေပါပဲ။ အမှားရှိရင်လည်း အရေးကြီးတာက ပြင်နိုင်ဖို့ပါပဲ။ ကျွန်မ မကြာခဏပြောသလိုပေါ့။ ပြဿနာတွေရှိရင် ပြဿနာက အရေးကြီးတာမဟုတ်ပါဘူး။ ဘယ်လိုဖြေရှင်းမလဲဆိုတဲ့ အဖြေကို ရအောင်လုပ်ဖို့က အရေးကြီးတာပါ။
အခုဒီစကားဝိုင်းမှာဆိုရင် ကျွန်မတို့ နိုင်ငံမှာ လွတ်လပ်ရေးရကတည်းက ဘာဖြစ် လို့ အပြည့်အ၀ ပြည်တွင်းငြိမ်းချမ်းရေးရအောင် မလုပ်နိုင်သေးတာလဲ။ ဒီပြဿနာကို ကျွန်မတို့ ဘယ်လိုဖြေရှင်းမလဲဆိုတာကို နည်းနည်းအာရုံပြုပြီး ပြောပြစေချင်ပါတယ်´´ ဟု ပြောကြားသည်။
မဖြိုးသီရိလွင် (တတိယနှစ်၊ နည်းပညာတက္ကသိုလ်)
ယခုစကားဝိုင်းသည် ငြိမ်းချမ်းရေးကိုဦးတည်သည့် စကားဝိုင်းဖြစ်သည့်အတွက် ငြိမ်းချမ်းရေးအဓိပ္ပါယ်ကို အရှင်းလင်းဆုံးနှင့်ဘက်ပေါင်းစုံက ခြုံငုံမှုရှိအောင် ပြန်ပြီး ပြောပြလိုပါကြောင်း၊ ငြိမ်းချမ်းရေးကို အရိုးရှင်းဆုံးစဉ်းစားကြည့်မည်ဆိုပါက ငြိမ်းချမ်း ရေးဆိုသည်မှာ အိပ်၊ နိုးချမ်းသာခြင်းဖြစ်ပါကြောင်း၊ အိပ်နေသည့်အချိန်တွင် စိတ်ချမ်းချမ်းသာသာနှင့်အိပ်နိုင်ပြီး နိုးနေသည့်အချိန်တွင် မိမိ၏လုပ်ငန်းဆောင်တာ များကို စိတ်ချမ်းချမ်းသာသာနှင့် လုပ်နိုင်ခြင်းကို ငြိမ်းချမ်းရေးဟုဆိုရမည်ဖြစ်ပါကြောင်း၊ လက်ရှိကာလတွင် လူတိုင်းနှုတ်ဖျား၌ ငြိမ်းချမ်းရေးဟုပြောနေကြပါကြောင်း၊ တကယ် တမ်းတွင် ငြိမ်းချမ်းရေးအကြောင်းကို မသိသူ အများကြီးရှိပါကြောင်း။
မကွေးတိုင်းဒေသကြီး မြန်မာနိုင်ငံအလယ်ပိုင်းဒေသသည် နှစ်ပေါင်းများစွာငြိမ်း ချမ်းနေခဲ့ပါကြောင်း၊ ဒီနေရာတွင်နေထိုင်သည့် ကျောင်းသားလူငယ်များသည် များသော အားဖြင့် ငြိမ်းချမ်းရေးကို ခံစားရပါကြောင်း။
ငြိမ်းချမ်းရေးကိုခံစားရသည့်အတွက် မငြိမ်းချမ်းခြင်းကို နားမလည်ကြပါကြောင်း၊ ၎င်းတို့၏ပတ်ဝန်းကျင်နှင့် သတင်းမီဒီယာများမှ မြန်မာနိုင်ငံ၏ မည်သည့်နေရာတွင် တိုက်ပွဲများကြုံတွေ့နေရသည်၊ ဘယ်လိုနေထိုင်နေကြရသည်ကို သိကြပါကြောင်း၊ သိသာ သိပြီး ဘာမှမတတ်နိုင်ဘူးဆိုသည့် စိတ်ရှိနေသည့်လူငယ်များ အများကြီးရှိပါကြောင်း၊ ဒုတိယတစ်ခုပြောလိုသည်မှာ မြန်မာနိုင်ငံသည် လူတစ်ယောက်၏ ခန္ဓာကိုယ်ကဲ့သို့ဖြစ် ပါကြောင်း၊ ခန္ဓာကိုယ်တွင်ကိုက်ခဲနာကျင်မှုတစ်ခုရှိပါက ခန္ဓာကိုယ်တစ်ခုလုံးအပါဝင် စိတ်ကပါ အေးအေးချမ်းချမ်းမနေရပါကြောင်း၊ မြန်မာနိုင်ငံတွင် ငြိမ်းချမ်းရေးရှိသည့် အစိတ်အပိုင်းများရှိသလို မငြိမ်းချမ်းသည့်အစိတ်အပိုင်းများရှိပါကြောင်း၊ မငြိမ်းချမ်း သည့်အစိတ်အပိုင်းများရှိနေသည့်အတွက် မငြိမ်းချမ်းခြင်းကြောင့် သက်ရောက်လာ သည့် အကျိုးခံစားမှုများကို တစ်နိုင်ငံလုံးကခံစားရပါကြောင်း၊ မငြိမ်းချမ်းသည့်ဒေသများ က ကျောင်းသားလူငယ်များနှင့် ပြည်သူလူထုသည် သက်ရောက်လာသည့်အကျိုးများ ကို အခံစားရဆုံးဖြစ်ပါကြောင်း။
မငြိမ်းချမ်းသည့်ဒေသများတွင် ကျောင်းသားလူငယ်များသည် အချင်းချင်းစုပြီး လက်လှမ်းမီသလောက် သူတို့နည်း၊ သူတို့ဟန်နှင့် ငြိမ်းချမ်းရေးဆွေးနွေးပွဲများလုပ်ကြ ပါကြောင်း၊ ပြည်သူများ၏ အသံကိုနားထောင်ပြီး ပြည်သူများ၏ လက်မှတ်များကို ကောက်ခံထားခြင်းမျိုးကို ငြိမ်းချမ်းရေးစကားဝိုင်းများတွင် တွေ့ရပါကြောင်း၊ ငြိမ်းချမ်း သည့်ဒေသက ကျောင်းသားလူငယ်များ မည်သို့ပါဝင်ကြမည်နည်း၊ နိုင်ငံတော်ကြီးဖွံ့ဖြိုး တိုးတက်ရန် မိမိတို့ မည်သည့်နေရာမှ ပါဝင်ကြရမည်ကို ငြိမ်းချမ်းသည့်ဒေသက ကျောင်းသား လူငယ်များ စဉ်းစားရန်လိုပြီဟု မြင်ပါကြောင်း။
ငြိမ်းချမ်းရေးဆိုသည်မှာ တစ်ဦးနှင့်တစ်ဦး အပြန်အလှန်နားလည်မှု၊ အပြန်အလှန် လေးစားမှု၊ယုံကြည်မှုများနှင့် တည်ဆောက်ယူရသည့်အရာဖြစ်ပါကြောင်း၊ နားလည်မှု ရှိရန် ပထမဦးဆုံးနားထောင်ရန်လိုပါကြောင်း၊ ငြိမ်းချမ်းရေးရပါက ယခုလက်ရှိ အခြေအနေထက် ပိုမိုကောင်းမွန်သည့်အနာဂတ်ကို ရလိမ့်မည်ဟုယုံကြည်မှုအား ကောင်းရန် လိုအပ်သည်ဟု ပြောလိုပါကြောင်း။
မငြိမ်းချမ်းရခြင်းအကြောင်းကိုအရိုးရှင်းဆုံး ဝေဖန်သုံးသပ်မည်ဆိုပါက ပထမ တစ်ခုသည် တစ်ယောက်အပေါ်တစ်ယောက်ထားသည့် နားလည်နိုင်စွမ်း၊ မတူညီသည့် အမြင်၊ စိတ်သဘောထားများကြောင့်ဖြစ်ပါကြောင်း၊ မည်သည့် လူ့အဖွဲ့အစည်းသော် လည်းကောင်း၊ ရုံးပိုင်းဆိုင်ရာ ကျောင်းပိုင်းဆိုင်ရာတွင်သော်လည်းကောင်း ရှေ့ကဦး ဆောင်သည့်သူကဦးဆောင်ပြီး နောက်ကလိုက်မလာခြင်းမျိုး၊ အထက်လူကြီးနှင့် နောက်ကလိုက်လုပ်သူများ၏ ကြားထဲတွင် အချိတ်အဆက်မမိခြင်းမျိုး၊ နားလည်မှုလွဲ နေခြင်းမျိုးများရှိပါကြောင်း၊ကျောင်းသားလူငယ်များသည် စဉ်းစားဆင်ခြင်ဥာဏ်ရှိ နေပြီးဖြစ်ပါကြောင်း၊ စဉ်းစားဆင်ခြင်ဥာဏ်ရှိနေပြီးဖြစ်သည့် ကျောင်းသား လူငယ်များ တွင် မိမိအနာဂတ်ေ၀၀ါးနေပြီးလမ်းပျောက်နေခြင်းမျိုးဖြစ်နေသည့်အတွက် မြန်မာနိုင်ငံ ၏ ငြိမ်းချမ်းရေးသည် ကြိုးစားယူဖို့ ခက်ခဲနေခြင်းဖြစ်သည်ဟု ထင်မြင်မိပါကြောင်း။
အခြေခံကစပြီး ကလေးငယ်များ၏ နုနယ်သည့်စိတ်၊ ၎င်းတို့၏နှလုံးသား၊ ၎င်းတို့၏နိုင်ငံအပေါ်ထားသည့် စိတ်သဘောထားများကို မည်သို့ပြုပြင်ယူရမည် ဆိုသည်ကို ပြည်သူလူထုအားလုံးနှင့် ကျောင်းသားလူငယ်များ၊ ပြည်သူလူထုအားနှင့် ကဏ္ဍအသီးသီးမှ တတ်ကျွမ်းပညာရှင်များအားလုံး စုပေါင်းပြီးစဉ်းစားရန် လိုအပ်နေပါ ကြောင်း ဆွေးနွေးသည်။
ဦးကျော်နိုင်(ယာဉ်လိုင်းဥက္ကဋ္ဌ)
မိမိဆွေးနွေးချင်သည်မှာ မိသားစုများ၏ ငြိမ်းချမ်းရေးဖြစ်ပါကြောင်း၊ မိသားစုငြိမ်း ချမ်းပါက ရပ်ကွက်ငြိမ်းချမ်းမည်။ ရပ်ကွက်ငြိမ်းချမ်းပါက မြို့နယ်ငြိမ်းချမ်းမည်။ မိမိတို့ကိုယ်တိုင် ငြိမ်းချမ်းပြီဆိုပါက တိုင်းပြည်လည်း ငြိမ်းချမ်းမည်ဖြစ်ပါကြောင်း။
အခြေခံအနေဖြင့်မိသားစုများ ငြိမ်းချမ်းရန်လိုအပ်ပါကြောင်း၊ မိသားစုငြိမ်းချမ်း ရန်အတွက် အခြေခံအလုပ်အကိုင် အခွင့်အလမ်းနှင့်ဝင်ငွေရှိမည်ဆိုပါကမိသားစုများ ငြိမ်းချမ်းမည်ဟု ယုံကြည်ပါကြောင်း၊ အကြောင်းအမျိုးမျိုးကြောင့် အထက်တန်းကျောင်း သားဘ၀ဖြင့် ကျောင်းထွက်ခဲ့ရသည့် ၇၀ ရာခိုင်နှုန်းသော လူငယ်ထုအတွက် အလုပ် အကိုင်အခွင့်အလမ်း နည်းပါးနေသည်ကိုတွေ့ရပါကြောင်း၊ အသက်မွေးဝမ်းကျောင်း ပညာကျောင်းများ ပေါများစွာဖွင့်လှစ်ပေးမည်ဆိုပါကထိုလူငယ်ထုအတွက် လမ်း ပျောက်တော့မည် မဟုတ်ပါကြောင်း။
အိမ်တစ်အိမ်တွင် မိသားစုဝင်တစ်ယောက် မူးယစ်ဆေးဝါးစွဲကပ်ပြီဆိုလျင် အဆိုပါ မိသားစုသည် မငြိမ်းချမ်းတော့ပါကြောင်း၊ ထို့ကြောင့် မူးယစ်ဆေးဝါးကိုလည်း တွန်းလှန်ရမည်ဖြစ်ပါကြောင်း၊ မူးယစ်ဆေးဝါးများသည်မငြိမ်းချမ်းသည့်နယ်စပ် ဒေသများမှ လာပါကြောင်း၊ မူးယစ်ဆေးဝါးများသည်လက်နက်များ၊ ကျည်ဆန်များ အဖြစ် ပြောင်းလဲသွားမည်ဆိုပါကမိမိတို့တိုင်းပြည်၏ငြိမ်းချမ်းရေးသည် မည်သည့်အခါမှ ရနိုင်တော့မည်မဟုတ်ပါကြောင်း၊ ထို့ကြောင့် မူးယစ်ဆေးဝါးကို တိုက်ထုတ်ကြရ မည်ဖြစ်ပါကြောင်း၊ နိုင်ငံတော်သမ္မတကြီး၏လုပ်ဆောင်မှုများသည် တော်တော်အောင် မြင်ပါကြောင်း။
မိသားစုတစ်စုတွင် ကျန်းမာရေး ထိခိုက်လာပြီဆိုလျင် ဘယ်မိသားစုဝင်မှ ငြိမ်းချမ်းသာယာမှု၊ ပျော်ရွှင်မှု မရှိနိုင်တော့ပါကြောင်း၊ ပခုက္ကူပြည်သူ့ဆေးရုံကြီးသည် လမ်းပန်းဆက်သွယ်ရေးကောင်းသော်လည်း ဆေးရုံနေရာကျဉ်းပါကြောင်း၊ လူနာ အမျိုး သမီးနှင့် ကလေးများအတွက် ဆေးရုံဆောက်မည်ဟုကြားသိရပါကြောင်း၊ ဆေးရုံသည် အမှန်တကယ် ကျပ်တည်းနေသည့်အတွက် အကောင်အထည်ဖော်ပေးစေလိုပါကြောင်း ဆွေးနွေးသည်။
မယမုံဖြိုး(မဟာပထမနှစ်၊ ပခုက္ကူတက္ကသိုလ်)
မိမိတို့နိုင်ငံသည်တိုင်းရင်းသား ပြည်သူလူထုပေါင်းစုံနေထိုင်သည့် ပြည်ထောင်စု နိုင်ငံတစ်နိုင်ငံဖြစ်သည့်အတွက် တိုင်းရင်းသားအချင်းချင်းအကြားတွင် သင့်မြတ်ရန်လို အပ်သည်ဟုထင်ပါကြောင်း၊ ပြည်ထောင်စုစိတ်ဓာတ်ရှိပြီး တိုင်းရင်းသားအားလုံးသည် ကိုယ့်ပြည်သူကို ကာကွယ်မည်ဆိုသည့်စိတ်ဓာတ် အားလုံးတွင်ရှိလျှင် ငြိမ်းချမ်းရေး ဖော်ဆောင်ရာတွင် အခက်အခဲမရှိဟု ထင်မိပါကြောင်း။
တိုင်းရင်းသားများ စုပေါင်းနေထိုင်သည့်အတွက် အင်အားမတူညီမှုများရှိပါ ကြောင်း၊ အင်အားများမတူညီသည့်အတွက် တစ်ဦးနှင့်တစ်ဦးအကြားတွင် ပဋိပက္ခများ ဖြစ်စေသည့် သဘောထားကွဲလွဲမှုများ ဖြစ်လာပါကြောင်း၊ ယင်းကွဲလွဲမှုများကြောင့် ငြိမ်းချမ်းရေးရရှိရန် ကြာရှည်နေပါကြောင်း၊ ပြည်သူအချင်းချင်း၏ ကြားထဲတွင် ပဋိပက္ခ ဖြစ်စေသည့် ကွာခြားမှုပေါင်းများစွာကို စေ့စပ်ညှိနှိုင်းနိုင်ရန် လိုအပ်ပါကြောင်း၊ တိုင်း ပြည်တစ်ပြည်၏ ငြိမ်းချမ်းရေးသည်လည်း တိုင်းပြည်ဖွံ့ဖြိုးတိုးတက်ရန် အဓိက ပင်တိုင် ဖြစ်သည်ဟုထင်မိပါကြောင်း၊ ငြိမ်းချမ်းရေးသည် ဒေသဖွံ့ဖြိုးရေးတွင်အရေးပါပါကြောင်း။ မငြိမ်းချမ်းသည့်ဒေသများကို ခြုံငုံကြည့်ပါက အားလုံးသည် နယ်စပ်ဒေသများဖြစ်နေပါ ကြောင်း၊ နယ်စပ်ဒေသများသည် အခြားပြည်ပနိုင်ငံများနှင့်ချိတ်ဆက်ပြီး စီးပွားရေးကို အဓိကလုပ်သည့် ဒေသများဖြစ်ပါကြောင်း။
ဒေသများမငြိမ်းချမ်းသည့်အတွက် ပြည်ပမှလာရောက်ရင်းနှီးမြှုပ်နှံမည့်သူများ သည် ရင်းနှီးမြှုပ်နှံရန် မ၀င်ရဲကြပါကြောင်း၊ မိမိတို့နိုင်ငံ၏ စီးပွားရေးသည်လည်း သိသိ သာသာကျဆင်းလာပါကြောင်း၊ ဒေသတစ်ခုချင်းစီတွင် ငြိမ်းချမ်းရေးရရန်အတွက် ကြိုးစားသင့်ပါကြောင်း။
ငြိမ်းချမ်းရေးဆိုသည်မှာ လူကြီးပိုင်းနှင့်သာသက်ဆိုင်သည် မဟုတ်ပါကြောင်း၊ လူငယ်များအားလုံးနှင့်လည်းသက်ဆိုင်နေသည့် အရာတစ်ခုဖြစ်ပါကြောင်း၊ မိမိတို့ လူငယ်များ၊လူကြီးများနှင့် ပြည်သူပြည်သားများ နားလည်ရမည်မှာ အားလုံးစည်းစည်းလုံးလုံး ညီညီညွတ်ညွှတ်ဖြင့် ညှိနှိုင်းတိုင်ပင်ဆွေးနွေးသင့်သည်ဟု ထင်မိပါကြောင်း၊ ထိုသို့ ညှိညှိနှိုင်းနှိုင်းဆွေးနွေးသည့် စကားဝိုင်းကသာ ငြိမ်းချမ်းရေးကို ဖော်ဆောင်နိုင်မည်ဖြစ်ပါကြောင်း။
ပြည်သူပြည်သားအားလုံးက နိုင်ငံငြိမ်းချမ်းရန်အတွက် တစ်ထောင့်တစ်နေရာ မှ ပါဝင်ကူညီမည်ဆိုသည့်စိတ်ဓာတ်ရှိရန်လိုအပ်ပါကြောင်း၊ နိုင်ငံ၏စီးပွားရေးအချက် အချာကျသည့် ဒေသများတစ်ခုချင်းစီဖွံ့ဖြိုးတိုးတက်ရန်အတွက် အဓိကအခြေခံ လိုအပ်ချက်တစ်ခုဖြစ်သည့် ငြိမ်းချမ်းရေးရအောင် မိမိတို့ ကြိုးစားရန်လိုအပ်ပါကြောင်း၊ ဒေသတစ်ခုချင်းစီ ငြိမ်းချမ်းပြီး ဖွံ့ဖြိုးတိုးတက်လာသည်နှင့်အမျှ ဒေသတွင်မှီ တင်းနေထိုင်သည့် ပြည်သူများ၊ ဒေသခံများ အားလုံး၏ မိသားစုများ စားဝတ်နေရေး အဆင်ပြေ လာမည်ဖြစ်ပါကြောင်း၊ မိမိတို့နိုင်ငံတွင်မှီတင်းနေထိုင်သည့် ပြည်သူပြည် သားများအားလုံး၏စီးပွားရေးအဆင်ပြေလာမည်ဖြစ်ပါကြောင်း၊ မိမိတို့နိုင်ငံ၏စီးပွားရေး ဖွံ့ဖြိုး တိုးတက်လာမည်ဖြစ်ပါကြောင်း ရှင်းလင်းဆွေးနွေးသည်။
ဦးသက်ခိုင်(တောင်သူ၊ ကိုင်းကျေးရွာ)
ငြိမ်းချမ်းရေးနှင့် စိုက်ပျိုးရေး ဆက်စပ်သည့်အကြောင်းဆွေးနွေးလိုပါကြောင်း၊ ပခုက္ကူဒေသသည် အဘိုးအဘွားများလက်ထက်ကမငြိမ်းချမ်းခဲ့ပါကြောင်း၊ ယင်းအချိန် က မငြိမ်းချမ်းသေးတဲ့ ဒဏ်ကိုတိုက်ရိုက် ခံစားခဲ့ရပါကြောင်း၊ ယခုအချိန်တွင် ငြိမ်းချမ်း သွားသော်လည်း မငြိမ်းချမ်းသေးသည့် ဒဏ်ကိုလည်း သွယ်ဝိုက်ခံစားခဲ့နေရတာလည်း ရှိပါကြောင်း၊ နယ်စပ်ဝင်ထွက်ဂိတ်များတွင် လက်နက်ကိုင် ပဋိပက္ခများဖြစ် နေ သည့်အတွက် မိမိတို့ဒေသမှ ထွက်ကုန်များ၊ အခြားဒေသများမှထွက်သည့် ကုန်များ သည်လည်း ကုန်စည်စီးဆင်းမှုများ ရပ်တန့်သွား၍ သီးနှံဈေးကွက်များ ကျဆင်းလာ သောကြောင့် လူသုံးကုန်ပစ္စည်းများ ဈေးတက်သွား ပါကြောင်း၊ ထို့ကြောင့် ငြိမ်းချမ်းရေး သည် မြန်မာနိုင်ငံသူ၊ နိုင်ငံသားအားလုံး မည်သည့်နေရာတွင် နေထိုင်သည်ဖြစ်စေ မငြိမ်းချမ်းပါက မငြိမ်းချမ်းခြင်း၏အကျိုးကို အားလုံး ခံစားနေရသည်ဟု မြင်မိပါ ကြောင်း။
မိမိတို့နိုင်ငံက ပြည်တွင်းစစ် အရှည်ကြာဆုံးဟုပင် ပြော၍ရပါကြောင်း၊ လွတ် လပ်ရေးရပြီးကတည်းက အတိုက်အခိုက်နှင့် စစ်ပွဲများက နှစ်ပေါင်း ၇၀ နီးပါး ကြာခဲ့ပြီ ဖြစ်ပါကြောင်း၊ မိမိတို့ အားလုံးသည် သစ်တောများကို မဆင်မခြင် ခုတ်ခဲ့ကြပါကြောင်း၊ မိမိတို့ တောင်သူလယ်သမားများ ၄င်းဒဏ်ကို ခံစားနေရပါကြောင်း၊ မြစ်ချောင်းတစ် လျှောက်တွင်ရေကြီး၊ ကမ်းပြိုမှုများကို ခံစားနေရပါကြောင်း၊သစ်တောများပျက်စီး သွား သည့်အတွက် သဘာဝပတ်ဝန်းကျင်များ ပျက်စီးပြီး၍ မိမိတို့စိုက်ပျိုးသည့် သီးနှံများတွင် ပိုးမွှားများ အလွန်ကျပါကြောင်း၊ တောင်သူများက ပိုးသတ်ဆေးများကို အလွန်အကျွံ သုံးစွဲရပါကြောင်း၊ ဈေးကွက်မရှိသည့်အခါတွင် ပိုးသတ်ဆေးဖိုးများ ကုန်ကျစရိတ်များ ပြားပြီး အရှုံးပေါ်ပါကြောင်း။
နိုင်ငံတိုးတက်ရန်အတွက်ငြိမ်းချမ်းရေးသည် မရှိမဖြစ်နှင့် ငြိမ်းချမ်းရေးရမှဖြစ် မည်ဟုယုံကြည်မိပါကြောင်း၊စိုက်ပျိုးရေးနှင့်ပတ်သက်၍ မိမိတို့ဒေသနှင့် ကိုက်ညီသည့် မျိုးကောင်းမျိုးသန့်များရရှိရန် သုတေသနလုပ်ငန်းများကို လုပ်စေချင်ပါကြောင်း၊ စပါးစိုက်တောင်သူများကို ၁ ဧက တစ်သိန်းခွဲချေးပြီးဆီထွက်သီးနှံစိုက်ပျိုးသည့် တောင်သူ များကို ကျပ် ၅ သောင်းချေးပါကြောင်း၊ဆီထွက်သီးနှံစိုက်ပျိုးသည့် တောင်သူများက စပါးစိုက်တောင်သူများကဲ့သို့ ကုန်ကျမှုမများသော်လည်းဆီထွက်သီးနှံ စိုက်ပျိုးသည့် တောင်သူများကိုလည်း စိုက်ပျိုးစရိတ်ချေးငွေ တိုးပြီးချေးပေးမည်ဆိုပါက သီးနှံမပေါ်ခင် အတိုးကြီးကြီးရှာရသည့်ဒဏ်မှ အတတ်နိုင်ဆုံးသက်သာလိမ့်မည်ဟု မြင်မိပါကြောင်း။
မိမိတို့ဒေသသည် ပဲစင်းငုံအများကြီးထွက်ပါကြောင်း၊ ပဲစင်းငုံဈေးကွက် ကျဆင်းသွားသည့်အတွက် တောင်သူများ စီးပွားပျက်ပါကြောင်း၊မြန်မာနိုင်ငံအစိုးရက လက်မှုလယ်ယာမှ စက်မှုလယ်ယာသို့ ပြောင်းလဲရန်အတွက် ထွန်စက်များ၊ လယ်ယာသုံးစက်ကိရိယာများကို အရစ်ကျရောင်းချနေသော်လည်း တောင်သူများ မ၀ယ်နိုင်ပါကြောင်း၊ ယင်းအချိန်တွင် မိမိတို့ ခိုင်းနေသည့် နွားများပြည်ပသို့ တင်ပို့ရောင်းချနေပါကြောင်း၊ စည်းကမ်းအတိုင်းလုပ်မည်ဆိုပါကအန္တရာယ်မရှိနိုင် သော်လည်း လက်ရှိအနေအထားအရ ခိုင်းနွားများရှား၍ ဈေးကြီးနေပါကြောင်း၊ ပြည်ပသို့တင်ပို့နေသည့် ခိုင်းနွားများနှင့် ပတ်သက်၍ အစိုးရအနေဖြင့် မူဝါဒများ ပြန်လည်သုံးသပ်ပေးပါရန် ပြောကြားလိုပါကြောင်း၊မြို့ဆင်ခြေဖုံးများတွင် သိမ်းဆည်းခံ လယ်ယာမြေများရှိပါကြောင်း၊ရတဲ့သူ ရပြီး၊ မရတဲ့သူ မရပါကြောင်း၊ မရသေးသူများကို သိမ်းဆည်းခံလယ်ယာမြေများ ပြန်လည်ရရှိရေး ကူညီပါရန် မေတ္တာရပ်ခံလိုပါကြောင်း ပြောကြားသည်။
မအိစံပယ်ဖြိုး(ဒုတိယနှစ်၊ ပညာရေးကောလိပ်)
ပညာရေးနှင့် ငြိမ်းချမ်းရေးအကြောင်း ပြောလိုပါကြောင်း၊ ပထမဦးဆုံး နိုင်ငံ တစ်နိုင်ငံမှာရှိသည့် တိုင်းသူပြည်သားများ အားလုံး ငြိမ်းငြိမ်းချမ်းချမ်းနှင့် နေထိုင်စား သောက်နိုင်ရန် အရေးကြီးပါကြောင်း၊ ငြိမ်းချမ်းရေးကို ညီညီညွတ်ညွတ်နှင့် ပူးပေါင်း ဆောင်ရွက်ပြီး အကောင်အထည် ဖော်ရန် လိုအပ်ပါကြောင်း၊ ငြိမ်းချမ်းရေးဟု ပြောလိုက်သည်နှင့် အပြောကလွယ်ပါကြောင်း၊ သို့သော် လက်တွေ့အကောင်အထည် ဖော်သည့်နေရာတွင် ခက်ခဲမှုများရှိမည်ဟု မိမိ အနေဖြင့်မြင်မိပါကြောင်း၊ ငြိမ်းချမ်းရေး ရရန်၊ ငြိမ်းချမ်းစွာနေထိုင်နိုင်ရန် ပညာရေးကဏ္ဍသည် အရေးပါသည်ဟု မြင်မိပါ ကြောင်း၊ ပညာရေးကို မြှင့်တင်ရန် လိုအပ်မည်ဟု ထင်ပါကြောင်း၊ ပညာဟု ပြောလိုက်သည်နှင့် ဖတ်စာအုပ်များနှင့် စာသင်ခန်းများထဲတွင် ရှိသည့် ပညာဟုသာ မြင်ကြပါကြောင်း၊ တကယ်တမ်းမှာ မိမိအတွက် ဘယ်လိုအကျိုး ရှိအောင် လုပ်မည်၊ ကိုယ့်တိုင်းပြည်၊ ကိုယ့်ရပ်ရွာ၊ မိမိကိုယ်တိုင်မှစပြီး ကိုယ့်ရပ်ရွာ ကိုယ့်ပတ်ဝန်းကျင်မှာရှိ သည့် လူများအတွက် မည်သို့အကျိုးရှိအောင်လုပ်မည်ဆိုသည့် ပညာများကို သင်ကြားရမည် ဖြစ်ပါကြောင်း။
မိမိပြောလိုသည်မှာ ပထမဦးဆုံး လူတစ်ယောက်တွင် ရှိသင့်ရှိထိုက်သည့် အရေးအဖတ် အတွက်အချက် စသည့် အခြေခံသင်ကြားမှုများမှစပြီး ပထမဦးဆုံး Learning to know သိဖို့အတွက် သင်ကြရမည် ဖြစ်ပါကြောင်း၊ နောက်တစ်ခုမှာ မိမိ ကိုယ်တိုင် ဘာဖြစ်ချင်သည်ကို မိမိကိုယ်တိုင်သိရန် လိုအပ်ပါကြောင်း၊ မိမိဘ၀အတွက် လိုအပ်သည့် အရည်အချင်းများ၊ လုပ်တတ်ကိုင်တတ်ရန်အတွက် Learning to do ကို လည်း သင်ကြားရမည်ဟု ထင်ပါကြောင်း၊ လူ့ဘောင်အဖွဲ့အစည်းကို လေ့လာမည် ဆိုပါက များသောအားဖြင့် မိမိတို့ လူငယ်ပိုင်းများသည် အချိန်မကုန်သင့်သည့် အရာများနှင့် အလဟဿ အချိန်ဖြုန်းတီးနေသည်ကို တွေ့နေရပါကြောင်း၊ အချိန်မကုန်သင့်သည့် အရာများတွင် အချိန်မကုန်ဘဲ အချင်းချင်းပေါင်းသင်းဆက်ဆံ ပြီး မည်သို့ ကိုယ့်အတွက် အကျိုးရှိမည်ဆိုသည်များ သိနေဖို့၊ စဉ်းစားဖို့အတွက် learning to let’s together ဆိုသည်ကို သင်ယူရန် လိုအပ်မည်ဟုမြင်ပါကြောင်း၊ ယင်းတို့သည် လူတစ်ယောက်အနေဖြင့် သင်ယူသင့်သည်ဟု ထင်မြင်မိသည့်အရာများ ဖြစ်ပါကြောင်း။
နယ်စပ်ဒေသများပါမကျန် ကလေးသူငယ်များအားလုံး ငြိမ်းငြိမ်းချမ်းချမ်း၊ အေးအေးချမ်း ချမ်း ပညာသင်ကြားနိုင်ရန် လိုအပ်မည်ဟုထင်ပါကြောင်း၊ နယ်စပ်ဒေသများတွင် လက်နက်ကိုင်အဖွဲ့များနှင့် ပဋိပက္ခများဖြစ်ပြီး အဆိုပါဒေသရှိ ကလေးများ ပညာကို ကောင်းစွာ မသင်ကြားနိုင်ပါကြောင်း၊ ရလာသည့်အကျိုးဆက်မှာ ပညာသင်ကြားပါက ရနိုင်မည့် ဆင်ခြင်တုံတရား၊ ကိုယ်ချင်းစာတရား၊ စဉ်းစားတွေးခေါ် နိုင်စွမ်းများ ရလာမည် မဟုတ်ပါကြောင်း၊ ယင်းအတွက် စဉ်းစားဆင်ခြင်နိုင်စွမ်းများ၊ တစ်ဦးအပေါ်တစ်ဦး ထားသင့်သည့် ကိုယ်ချင်းစာတရားများ၊ ညီညီ ညွတ်ညွတ်ပူး ပေါင်းဆောင်ရွက်တတ်မှု များ မရပါက မိမိတို့လိုချင်နေသည့် ငြိမ်းချမ်းရေးဆိုသည်မှာ အလှမ်းဝေးနေအုံးမည် ဖြစ်ပါကြောင်း။
မိမိတို့နိုင်ငံသည် ပြည်ထောင်စုနိုင်ငံဖြစ်ပါကြောင်း၊ အင်္ဂလိပ်ဘာသာစကားနှင့် ဆိုပါက Union ဟု အဓိပ္ပာယ်ရပါကြောင်း၊ မိမိလေ့လာမှတ်သားမိသလောက် Union ဆိုသည်မှာ တစ်ဦးနှင့်တစ်ဦး ညီညီညွတ်ညွတ်ပူးပေါင်းဆောင်ရွက်ကြရန် ဖွဲ့စည်းထား သည့် အစုအဖွဲ့ဖြစ်ပါကြောင်း၊ ထို့ကြောင့် ငြိမ်းချမ်းရေးကို လိုချင်ပါက ပါးစပ်အပြောနှင့် ငြိမ်းချမ်းရေး လုပ်မနေဘဲ တိုင်းရင်းသားအချင်းချင်း ညှိနှိုင်းခြင်း၊ ကိုယ့်ဘက်သူ့ဘက် မျှမျှတတဆွေးနွေးခြင်းဖြင့် ငြိမ်းချမ်းရေးပန်းတိုင်ကို ဘယ်လိုနည်းလမ်းများနှင့် သွားမည်ဆိုသည်ကို ပူးပေါင်းဆောင်ရွက်ပြီး ဆွေးနွေးတိုင်ပင်သင့်သည်ဟု ထင်မိပါ ကြောင်း ဆွေးနွေးပြောကြားသည်။
ဦးမြင့်ဝင်း(အရောင်းအ၀ယ်)
ငြိမ်းချမ်းရေးနှင့် စီးပွားရေးအကြောင်းကို ဆွေးနွေးသွားမည်ဖြစ်ပါကြောင်း၊ ငြိမ်းချမ်းရေးဆိုသည်မှာ လူတိုင်း ကိုယ်စိတ်နှစ်ပါးလုံး အေးချမ်းသာယာပြီး မိမိ၏ ပတ်ဝန်းကျင်၊ မိမိ၏ဒေသတွင် ငြိမ်းငြိမ်းချမ်းချမ်းနှင့် လုပ်ကိုင်နေရမည် အခြေအနေဟု ထင်မြင်မိပါ ကြောင်း၊ မိမိတို့ဒေသသည် ငြိမ်းချမ်းသည့် ဒေသဖြစ်ပါကြောင်း၊ မိမိတို့ ဒေသ၏ အဓိကစီးပွားရေးလုပ်ငန်းသည် တောင်သူလုပ်ငန်းနှင့် မိမိတို့ရွာ၏ မြောက်ဘက်တွင် အမှတ်(၁၁) အထည်ချုပ်စက်ရုံရှိပါကြောင်း၊ ထိုစက်ရုံတွင်လုပ်သည့် အလုပ်သမားများ ရှိပါကြောင်း၊ နောက်မိမိတို့ရွာတွင် ကိုယ်ထူကိုယ်ထ တစ်နိုင်တစ်ပိုင် မွေးသည့် မွေးမြူရေးလုပ်ငန်းများရှိပါကြောင်း။
မိမိတို့ တောင်သူလုပ်ငန်းတွင် တောင်သူများ မည်မျှပင်ကြိုးစားကြိုးစား၊ မည်ကဲ့ သို့ သွင်းအားစုများထည့်ထည့် နှစ်ချုပ်လိုက်၍ အရှုံးအမြတ်ကို တွက်မည်ဆိုပါက ရှုံး သည့်နှစ်ကများပါကြောင်း၊ ရှုံးသည်ဆိုသည်မှာ အချက် ၃ ချက်ရှိပါကြောင်း၊ နံပါတ် တစ်မှာ သဘာဝမိုးရေကိုမျှော်ကိုးရပါကြောင်း၊ သစ်ပင်များစိုက်ထားပါကြောင်း၊ ကြီး ထွားလာပါကြောင်း၊ အသီးအပွင့်များ ပွင့်နေပါကြောင်း၊ ဥများလည်း ဥနေပါကြောင်း၊ သို့သော် မိုးမရွာပါက အလကားဖြစ်၍ ဆုံးရှုံးပါကြောင်း၊ စီးပွားရေးများ ထိခိုက်ပါ ကြောင်း။
နံပါတ်နှစ်မှာ မိမိတို့တောင်သူများသည် မိရိုးဖလာ စိုက်ပျိုးရေး နည်းစနစ်များပင် လုပ်နေပါကြောင်း၊ တကယ်တမ်းဆိုပါက မျိုးကောင်းမျိုးသန့်များ၊ စိုက်နည်းစနစ်များကို ကျင့်သုံးမည်ဆိုပါက ပိုကောင်းသော်လည်း မိရိုးဖလာစနစ်များကိုပင် လုပ်နေသည့် အတွက်ကြောင့် သီးနှံများမှာ အထွက်နှုန်းများကျပါကြောင်း၊ ထို့ကြောင့်လည်း စီးပွား ရေးထိခိုက်ပါကြောင်း၊ နောက်တစ်ချက်မှာ မိမိတို့ရွာသည် ပခုက္ကူမြို့နှင့် နီးစပ် ၊ ထိစပ်နေပါကြောင်း၊ မြို့နယ်နိမိတ်မှာ ချဲ့ချဲ့လာပါကြောင်း၊ ချဲ့လာသည့်အခါ မိမိတို့စိုက်သည့် တောင်သူများ၏ စိုက်ဧကများသည် တစ်ဖြည်းဖြည်း ကျဉ်း မြောင်းလာပါကြောင်း၊ လုပ်ကွက်များကျဉ်းမြောင်းလာပါကြောင်း၊ ဧရိယာများကျဉ်း မြောင်းလာပါကြောင်း၊ အထွက်နှုန်းများလျော့၍ စီးပွားရေးများ ထိခိုက်လာပါကြောင်း။ မိုးကိုမျှော်နေရပါကြောင်း၊ ယခုကဲ့သို့ သဘာဝမိုးရေကို မျှော်နေမည့်အစား ဆည် မြောင်းတာတမံများ၊ မြစ်ရေတင်လုပ်ငန်းများ မိမိတို့ဒေသတွင် တည်ဆောက်ပေးမည် ဆိုပါက မိမိတို့စီးပွားရေးများ ပို၍ဖွံ့ဖြိုးလာမည်ဟု ယုံကြည်ပါကြောင်း။
မိမိတို့ ရွာ၏မြောက်ဘက်အထည်ချုပ်စက်ရုံတွင် မိမိတို့ ဒေသခံများသာမက ရွာနီးချုပ်စပ်မှသူများရော၊ ပခုက္ကူမြို့ပေါ်မှ အလုပ်သမားများပါ အထည်ချုပ် စက်ရုံတွင် လုပ်ကြပါကြောင်း၊ အထည်ချုပ်စက်ရုံတွင်လုပ်သည့် အလုပ်သမားတစ်ယောက်၏ တစ်လပျမ်းမျှဝင်ငွေမှာ တစ်သိန်းခွဲ၊ နှစ်သိန်းလောက်ဝင်ပါကြောင်း၊ အကယ်၍ စက်ရုံသည် ရေရှည်တည်တံ့ခိုင်မြဲမှုမရှိပါက ယင်းစက်ရုံတွင် လုပ်နေသည့် အလုပ်သမားများ အလုပ်လက်မဲ့ဖြစ်သွားမည်ဖြစ်ပါကြောင်း၊ စားဝတ်နေရေးများ ခက်ခဲ မည်ဖြစ်ပါကြောင်း၊ စီးပွားရေးများ ထိခိုက်လာမည်ဖြစ်ပါကြောင်း၊ ထို့ကြောင့် စက်ရုံ၊ အလုပ်ရုံများ ရေရှည်တည်တံ့ခိုင်မြဲစေရန်အတွက် စီမံပေးရန်တောင်းဆိုပါကြောင်း ဆွေးနွေးပြောကြားသည်။
မခိုင်သဇင်အောင် (ဂုဏ်ထူးတန်းပထမနှစ်၊ ပခုက္ကူတက္ကသိုလ်)
ငြိမ်းချမ်းရေးဆိုသည်မှာ ကိုယ့်ထမင်းကိုလည်း သူလာစားမည်၊ သူ့ရေကိုလည်း ကိုယ်သွားသောက်မည်၊ သူ၏ဒေသကိုလည်း ကိုယ်သွားလည်မည်၊ မိမိ၏ဒေသတွင် လည်း မည်မျှလည်စရာပေါများကြောင်း၊ မည်မျှစည်ပင်သာယာကြောင်း ပြောပြပြီး အလည်ခေါ်မည်၊ မတူညီသည့်ဒေသများ၏ ယဉ်ကျေးမှုများကိုဖလှယ်ကြမည်၊ ထိုသုိ့ ကိုင်းကျွန်းမှီ၊ ကျွန်းကိုင်းမှီဖြစ်နေသည့်သဘောကို ငြိမ်းချမ်းခြင်းဟုထင်ပြပါကြောင်း၊ ပြည်ထောင်စုမြန်မာနိုင်ငံတွင် တစ်ဦးချင်းစီရပ်၍မရဘဲ တိုင်းရင်းသားမျိုးစုံပေါင်းစည်းမှ သာလျှင် မြန်မာနိုင်ငံဟု ဖြစ်ပေါ်လာသည့်အတွက် စုစုစည်းစည်း ရှိနေရန်လိုအပ်ပါ ကြောင်း၊ မငြိမ်းချမ်းပါက ပြည်သူများ တိုက်ရိုက်ခံစားရပါကြောင်း၊ မငြိမ်းချမ်းသည့် အတွက် ယင်းဒေသမှာရှိကလေးများ ကျောင်းသွားနေရမည့်အစား တောထဲတောင်ထဲ တွင် ပြေးလွှားပြီး စစ်ဘေးကိုရှောင်နေရပါကြောင်း၊ အခန့်မသင့်ပါက မိမဲ့ဖမဲ့အဖြစ်နှင့် ရင်နင့်ဖွယ်ရာတွေ့မြင်ရပါကြောင်း၊ ထိုသို့ဖြစ်ပါက မျိုးဆက်သစ်များ၏ စိတ်ထဲတွင် အနာတရဖြစ်သွားပြီး ယင်းကဲ့သို့စိတ်ဒဏ်ရာရနေသည့် ကလေး များနေပြီဆိုပါက နိုင်ငံ၏မျိုးဆက်သစ်လူငယ်များ၊ လူ့စွမ်းအားအရင်းအမြစ်များအတွက် အင်မတန်ရင် လေးစရာဖြစ်ပါကြောင်း၊ ထို့ကြောင့် ပြည်တွင်းငြိမ်းချမ်းရေးသည် အင်မတန်မှလို အပ်ပါကြောင်း။
ငြိမ်းချမ်းရေးရရန်အတွက် လူငယ်များတွင်လည်း တာဝန်အပြည့်ရှိသည်ဟု ထင် ပါကြောင်း၊ မိမိဒေသက ငြိမ်းချမ်းသည်၊ တခြားဒေသကမငြိမ်းချမ်းဘူး၊ တခြားဒေသ မငြိမ်းချမ်းတာ ငါတို့နဲ့မဆိုင်ဘူးဆိုသည့် ဘယ်သူသေသေ ငတေမာရင်ပြီးရော စိတ် ဓာတ်မျိုးမရှိရန် အင်မတန်မှအရေးကြီးပါကြောင်း၊ လူငယ်များကိုပညာပေးဆွေးနွေးပြီး ယခုကဲ့သို့ ဆွေးနွေးပွဲများ အများကြီးလုပ်ပေးရမည်ဖြစ်ပါကြောင်း၊ ဆွေးနွေးပွဲများ၊ ဟောပြောပွဲများ များစွာနားထောင်ပြီး စာအုပ်များစွာဖတ်မှသာလျှင် လူငယ်များ၏ စိတ်ထဲတွင် ငြိမ်းချမ်းရေးအသိအမြင်များရှိလာပြီး နောင်တစ်ခေတ် လူကြီးများဖြစ်လာ ချိန် ၎င်းတို့၏ စိတ်ထဲတွင် ငြိမ်းချမ်းရေးအမြင်များ ရှိလာမှသာလျှင် ဦးတည်ထားသည့် ဒီမိုကရေစီဖက်ဒရယ် ပြည်ထောင်စုဖြစ်လာမည်ဖြစ်ပါကြောင်း။
ကိုယ်တွေ့အနေနှင့်ပြောရပါက ပခုက္ကူတက္ကသိုလ်တွင် ဟောပြောပွဲများ များစွာ ပြုလုပ်ပါကြောင်း၊ကျောင်းသူကျောင်းသားများလည်း နားထောင်လိုပါကြောင်း၊ သို့သော် ဟောပြောပွဲခန်းမသည် လိုအပ်ချက်များရှိပြီး ကျောင်းသားများလာနိုင်အောင် မဆွဲ ဆောင်နိုင်သည့်အတွက် မတက်မဖြစ်တက်ရမည့်သူများသာလျှင် စာပေဟောပြောပွဲကို ရောက်ပါကြောင်း၊ ဆွဲဆောင်မှုမရှိသည့်အတွက်ကြောင့် မသွားကြပါကြောင်း၊ မသွား သည့်အတွက် ဗဟုသုတမရဘဲ ဆုံးရှုံးမှုတစ်ခုဖြစ်ပါကြောင်း၊ ထို့ကြောင့် ငြိမ်းချမ်းခြင်း သည် လူ၏ ရုပ်ရော၊ နာမ်ရော ငြိမ်းချမ်းခြင်းဖြစ်ပါကြောင်း၊ လူတစ်ယောက်သည် ရုပ်ရော၊ နာမ်ရောငြိမ်းချမ်းမှ၊ စိတ်ရောငြိမ်ချမ်းနေမှသာလျှင် လုပ်ငန်းဆောင်တာများကို များစွာလုပ်ဆောင်နိုင်ပြီး ပညာရေး၊ စီးပွားရေး၊ လူမှုရေး၊ ဘာသာရေးစသည့် ကဏ္ဍမှ နေပြီး စွမ်းစွမ်းတမံလုပ်ဆောင်နိုင်မှသာလျှင် မျှော်မှန်းထားသည့် ပြည်ထောင်စုကြီး ဖြစ်လာမည်ဖြစ်ပါကြောင်း ဆွေးနွေးပြောကြားသည်။
မောင်ဇေယျာမင်း(ဒုတိယနှစ်၊ နည်းပညာတက္ကသိုလ်)
ငြိမ်းချမ်းရေး၏အနှစ်သာရကို မိမိအမြင်အားဖြင့် ဆွေးနွေးလိုပါကြောင်း၊ ငြိမ်းချမ်းရေးဆိုသည်မှာ တိုင်းပြည်တစ်ပြည်၏ အသက်သွေးကြောဖြစ်သည်ဟု မြင်မိပါကြောင်း၊ ငြိမ်ချမ်းရေးရမှသာလျှင် တိုင်းပြည်တွင်ရှိသည့် ပညာရေး၊ စီးပွားရေး၊ ကျန်းမာရေးအစရှိသည့် အခြေခံ ဖွံ့ဖြိုးတိုးတက်မှုများကို ပြုလုပ်နိုင်မည်ဟု ထင်မြင်မိပါကြောင်း၊ ငြိမ်းချမ်းရေးကို ပြောသည့်နေရာတွင် လွတ်လပ်ပြီးတရားမျှတ သည့် ဥမကွဲသိုက်မပျက် မိသားစုစိတ်ဓာတ် အရင်းခံပြီး တည်ဆောက်ရမည်ဟု ထင်မြင်ပါကြောင်း၊ ထပ်မံဆွေးနွေးလိုသည်မှာ မငြိမ်းချမ်းသည့်ဒေသများတွင် စစ်မက်ဖြစ်ပွားနေသည့်အတွက် အဆိုပါဒေသများတွင်ရှိသည့် ကလေးငယ်များ၊ အမျိုးသမီးများသည် အခက်အခဲများစွာ ရှိနေပါကြောင်း၊ ပညာရှာရန်အတွက် စာသင်ကျောင်းများ ပိတ်ထားရကြောင်း၊ ကျန်းမာရေးအတွက်ဆိုလျှင်လည်း ဆေးရုံ၊ ဆေးခန်းများ ပိတ်ထားရသည့်အတွက် ရသင့်ရထိုက်သည့် လူ့အခွင့်အရေးဆိုင်ရာများ ဆုံးရှုံးနေရသည်ကို တွေ့မြင်ရပါကြောင်း၊ ထို့ကြောင့် မိမိတို့အနေဖြင့် ပြဿနာပေါင်းစုံ ကို တစ်ဖက်နှင့်တစ်ဖက် သုံးသပ်ဆင်ခြင်ပြီး ငြိမ်းချမ်းရေး ရအောင် ဆောင်ရွက်ရ မည်ဟု မြင်ပါကြောင်း။
မငြိမ်းချမ်းသည့် ဒေသများတွင် မငြိမ်းချမ်းခြင်း၏ ဆိုးကျိုးများကို မိမိအနေဖြင့် မြင်မိပါကြောင်း၊ အဆိုပါဒေသများတွင် အခြေခံအဆောက်အအုံ ပျက်စီးသည်များရှိပါ ကြောင်း၊ အခြေခံအဆောက်အအုံများ ပျက်စီးသည့်အခါ အခြေခံအဆောက်အအုံများ ကို ပြန်လည်တည်ဆောက်ရသည်နှင့် တိုင်းပြည်၏တိုးတက်မှုကိုလည်း ထိခိုက်စေသည် ဟု ထင်မြင်ပါကြောင်း၊ မိမိတို့အနေဖြင့် လက်နက်ကိုင်အဖွဲ့များ တစ်ဖက်နှင့်တစ်ဖက်၊ တစ်ယောက်နှင့်တစ်ယောက် သံသယများနေသည်ဟု ထင်မြင်မိပါကြောင်း၊ ယုံကြည်မှု နည်းသည်ဟုလည်းမြင်မိပါကြောင်း၊ မိမိတို့အနေဖြင့် တစ်နိုင်ငံလုံးတွင်ရှိသည့် အဖွဲ့ အစည်းပေါင်းစုံ၊ ပြည်သူလူထုအားလုံးသည် တစ်ယောက်နှင့် တစ်ယောက်၊ တစ်ဖက်နှင့်တစ်ဖက် ညီညွှတ်စွာ၊ တရားမျှတစွာ၊ သံသယကင်းကင်း၊ ယုံကြည်မှုရှိစွာ တည်ဆောက်မည်ဆိုလျှင် ငြိမ်းချမ်းရေးပန်းတိုင်သည် မဝေးဟု မြင်မိပါကြောင်း။
ပညာရေးဆိုသည်မှာ လူ့သိက္ခာတရား၏ အခြေခံအုတ်မြစ်ဟုပြောခဲ့ပါကြောင်း၊ ထိုအရာကို လူတိုင်းသိရန်လိုအပ်ပါကြောင်း၊ မိမိတို့ ယခုအချိန်တွင် ဘွဲ့ရလျှင် ပညာတတ်ဖြစ်သည်ဟု ယူဆကြကြောင်း၊ ဘွဲ့ရသော်လည်း ပညာတတ်ဟုခေါ်ဆို၍ မရပါကြောင်း၊ ဘွဲ့ရသော်လည်း မိမိတို့နိုင်ငံကို ထောက်ပံ့ပေးနိုင်သော ပညာရှင်နည်းပါးပါကြောင်း၊ ထို့ကြောင့် အတန်းပညာတက်ရောက်သည့်အခါ ဘွဲ့ရရန် ဦးမတည်ဘဲ နိုင်ငံကို အကျိုးပြုနိုင်သော ပုဂ္ဂိုလ်များ၊ လူငယ်များ ဖြစ်လာစေရန်အတွက် ကြိုးစားရန် လိုအပ်ပါကြောင်း၊ သို့မှသာ တိုင်းပြည်ကို အထောက်အပံ့ပြုမည့် လူငယ်ပညာရှင်များစွာ ပေါ်ထွန်းလာမည်ဟု မြင်မိပါကြောင်း။
ထပ်မံ၍ ဆွေးနွေးလိုသည်မှာ မိမိတို့ကျောင်းသည် မြို့နှင့် ဆယ်မိုင်ခန့် ကွာဝေးပါကြောင်း၊ ထိုကဲ့သို့ ဝေးကွာသည့်အတွက် ဖယ်ရီစီး၍သော်လည်းကောင်း၊ ဆိုင်ကယ်စီး၍သော်လည်းကောင်း ကျောင်းတက်ရောက်ကြရပြီး ကျောင်းကို ရောက်ရှိသည့်အခါ ပင်ပန်း၍ စာကိုအာရုံမစိုက်နိုင်သည်များရှိပါကြောင်း၊ ထို့အတွက် စဉ်းစားပေးစေလိုပါကြောင်း၊သင်ထောက်ကူပစ္စည်း မပြည့်စုံမှုများလည်းရှိပါကြောင်း၊ မိမိဖြစ်စေချင်သည်မှာ စာရ၍ စာမေးပွဲအောင်သည်ဆိုခြင်းထက် စာတွေ့လက်တွေ့ သင်ယူတတ်မြောက်သူများဖြစ်လိုပြီး တိုင်းပြည်အတွက် အကျိုးပြုနိုင်မည့်သူများ ဖြစ်လိုပါကြောင်း၊ ထို့ကြောင့် စာတွေ့လက်တွေ့ မျှတစွာ သင်ကြားနိုင်ရန်နှင့် သွားလာရေး ခက်ခဲသည့် အခြေအနေကို စဉ်းစားပေးစေလိုပါကြောင်း ဆွေးနွေးသည်။

ဆွေးနွေးချက်များနှင့်စပ်လျဉ်း၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က`` ငြိမ်းချမ်းရေးဆိုတာ အားလုံးနဲ့ဆိုင်တယ်ဆိုတာ အားလုံးသိပြီးသားဖြစ်ပါတယ်။ ဒီမှာသတိပြုမိတာကတော့ ရှေ့ကဦးဆောင်တဲ့အတိုင်း နောက်ကမလိုက်တာဟာ ပြဿနာလို့ပြောတာ တစ်ခုရှိပါတယ်။ ဒါပေမယ့် ရှေ့ကဦးဆောင်တဲ့သူကလည်း မှန်ဖို့လိုပါတယ်။ နောက်ပြီးတော့ ဦးဆောင် တဲ့သူအရွေးမှန်ဖို့လည်း လိုပါတယ်။ ဒီမိုကရေစီစနစ်ဆိုတာ ဦးဆောင်မယ့်သူတွေကို ကိုယ့် ဘာသာကိုယ် ရွေးချယ်ပိုင်ခွင့်ရှိတဲ့ စနစ်ပဲဖြစ်ပါတယ်။ မှန်မှန်ကန်ကန် ရွေးချယ်ဖို့ဆိုတာဟာ တာဝန်ဖြစ်ပါတယ်။ ပါတီအဖွဲ့အစည်းတစ်ခုပဲဖြစ် စေ၊ ပုဂ္ဂိုလ်တစ်ဦးပဲဖြစ်စေ ပြောင်းလဲတတ်ပါတယ်။ ပြောင်းလဲတတ်တာတွေကို ပြည်သူလူထုကနေသတိပြုရမယ်။ စိတ်ဝင်စားရမယ်။

``နောက်ဆုံး ခြုံငုံပြီးပြောရမယ်ဆိုရင် ပြည်သူလူထုက နိုင်ငံရေးကို စိတ်ဝင်စားဖို့ အင်မတန်မှလိုအပ်ပါတယ်။ နိုင်ငံရေးကို စိတ်ဝင်စားတယ်ဆိုတာ နိုင်ငံရေးပါတီဝင်ပြီး နိုင်ငံရေးလုပ်တာမဟုတ်ပါဘူး။ ကိုယ့်ပြည်သူတစ်ယောက်အနေနဲ့ ကိုယ်လိုချင်တဲ့အခွင့် အရေးတွေရှိရင် ကိုယ့်တာဝန်တွေကိုလည်းမမေ့ဖို့ အင်မတန်မှ အရေးကြီးပါတယ်။

``ပြည်သူလူထုအရည်အချင်းပြည့်ဝရင်အရည်အချင်းမဲ့တဲ့အစိုးရတစ်ခုတက် ဖို့ အင်မတန်မှခက်ပါတယ်။ ဒါပေမယ့်လည်း ပြည်သူလူထုကနေ ဆင်ခြင်တုံတရား ရှိနေရင် အစိုးရကလည်းကောင်းလေပဲ။ ဆင်ခြင်တုံတရားရှိရုံနဲ့လည်း မလုံလောက်ဘူး။ ပြည်သူလူထုကနေ သိက္ခာရှိရှိ၊ သတ္တိရှိရှိနဲ့ ကိုယ်ယုံကြည်ရာဘက်ကနေ ရပ်တည်ဖို့ဟာ အင်မတန်အရေးကြီးပါတယ်။ ဒီအချိန်မှာဆိုရင် ကျွန်မတို့ရဲ့ ပြည်သူလူထုဟာ ငြိမ်းချမ်း ရေးဘက်ကနေပြီးရပ်တည်ဖို့ အင်မတန်မှအရေးကြီးပါတယ်။ ကလေးငယ်တွေကို သွန်သင်ဆုံးမဖို့ဆိုတာ ကိုယ်ကိုယ်တိုင်က မှန်တာမလုပ်ဘဲ ကိုယ့်ကလေးငယ်တွေ မှန် ကန်အောင် သွန်သင်ဆုံးမဖို့က ခက်ပါလိမ့်မယ်။ ဘယ်သူမဆို နေ့ချင်းညချင်း ကိုယ့်ကိုယ် ကိုယ် ပြုပြင်ပြောင်းလဲလို့ရပါတယ်။

``နိုင်ငံတစ်နိုင်ငံ တိုးတက်ဖို့အတွက် ငြိမ်းချမ်းရေးဟာ အခြေခံအုတ်မြစ် တစ်ခုဖြစ်ပါတယ်။ မငြိမ်းချမ်းတဲ့နိုင်ငံဟာ ဖွံ့ဖြိုးတိုးတက်ဖို့ကို ရေရှည်ထိန်းသ်ိမ်းထားလို့ မရပါဘူး။ အတိုင်းအတာတစ်ခုအထိ ရှေ့ကိုရောက်မယ်။ တစ်ခါတလေရပ်သွားမယ်။ တစ်ခါတလေနောက်ကို ပြန်ဆုတ်မယ်။ ဒီလိုပဲဖြစ်နေပါမယ်။ ကျွန်မတို့နိုင်ငံရေး လုပ်တယ်ဆိုတာ အနာဂတ်ကိုကြည့်ပြီးလုပ်ရပါတယ်။ အနာဂတ်ကိုဦးတည်ပြီး ကြည့်တာကတော့ ပစ္စုပ္ပန်ကိုတည့်တည့်ကြည့်ရမှာပါ။ ပြောချင်တာက ပစ္စုပ္ပန်ကိုတည့် တည့်ကြည့်ပါ။ အခုဖြစ်ပေါ် နေတဲ့ ကျွန်မတို့နိုင်ငံရဲ့ ပြဿနာတွေ၊ ရင်ဆိုင်နေရတဲ့ စိန်ခေါ်မှုတွေကို တည့်တည့် ကြည့်ပါ။
``အရင်တုန်းက အတိတ်ကိုပြန်ပြန်သွားပြီး အတိတ်ရဲ့အကျဉ်းသမားတွေလည်း မဖြစ်သင့်ဘူး။ အနာဂတ်ကိုဘဲ မျှော်ကိုးပြီးတော့ အခုလုပ်ကြမယ့်ဟာကို မလုပ်ကြဘဲ အနာဂတ်၊ အနာဂတ်ဆိုပြီး မဖြစ်သေးတဲ့ကိစ္စကို အာရုံစိုက်နေလို့မဖြစ်ပါဘူး။ အခုလက် ရှိလုပ်ရမယ့်ကိစ္စတွေကို အားလုံးဝိုင်းလုပ်မယ်ဆိုရင် ငြိမ်းချမ်းရေးရနိုင်မှာပါ။ ငြိမ်းချမ်း ရေးဘာလို့မရသလဲဆိုရင် နားလည်မှုနည်းပါးလို့ဆိုပြီး ပြောသွားပါတယ်။ မှန်ပါတယ်။ နားလည်မှုဆိုတာ ဘာပေါ်မှာအခြေခံသလဲဆိုတော့ တစ်ဦးနဲ့တစ်ဦး လေးစားမှုအပေါ် မှာလည်းအခြေခံပါတယ်။

နားထောင်တယ်ဆိုတာကလည်း လေးစားလို့ပါ။ ကိုယ်လေး စားရတဲ့ပုဂ္ဂိုလ်ပြောရင်နားထောင်တယ်။ ကိုယ်မလေးစားရတဲ့ ပုဂ္ဂိုလ်ပြောရင် နားမထောင်ဘူး။ ဒါက လူ့သဘာဝပါပဲ။ တစ်ယောက်နဲ့ တစ်ယောက် အပြန်အလှန်လေး စားခြင်း၊ နားလည်မှုယူခြင်း၊ ယုံကြည်မှုယူခြင်း ၊ ကိုယ့်ကိုကိုယ်ယုံကြည် မှုမရှိတဲ့သူဟာ တခြားသူကိုယုံကြည်ဖို့ အင်မတန်မှခက်ပါတယ်။ ကိုယ့်ကိုယ်ကိုယ် ယုံကြည်မှုရှိမှ တခြားလူကို ယုံကြည်ရဲတယ်။

``ကျွန်မတို့ ပြည်သူ ပြည်သားတွေ ကိုယ့်ကိုကိုယ် ယုံကြည်မှုရှိစေချင်ပါတယ်။ အဲဒီအတွက် နိုင်ငံ့အနာဂတ်ကို ဦးတည်ပြီးတော့ ပစ္စုပ္ပန်မှာ ပညာရေး၊ ကျန်းမာရေးကို အင်မတန်မှ ဂရုစိုက်တယ်ဆိုတာ ဘာဖြစ်လို့လဲဆိုတော့ ရုပ်ပိုင်းဆိုင်ရာဘက်က ကျန်းမာရေး၊ ဦးနှောက်ပိုင်းဆိုင်ရာဘက်က ပညာရေး၊ ဦးနှောက်တင်မဟုတ်ဘူး အကျင့်စာရိတ္တကိစ္စလည်းပါပါတယ်။ ဒီနှစ်ခုပေါ်မှာ အခြေခံပြီးတော့ တိုးတက်အောင် လုပ်ရပါမယ်။ ခုနကပြောသွားတဲ့အထဲမှာ စာမေးပွဲရမှတ်ကိုမူတည်ပြီးတော့ ဘယ်ဘာ သာရပ်ပေါ်မှာ ယူနိုင်တယ်ဆိုတာ သတ်မှတ်ထားတဲ့အခါကြတော့ မိဘတွေရော၊ ကလေးတွေကိုယ်တိုင်ရော၊ ဂုဏ်ကိုမက်ပြီးတော့ ဟိုဟာယူမယ်၊ ဒီဟာယူမယ်။ တကယ်စိတ်ဝင်စားလို့မဟုတ်ဘူး။ တကယ်လုပ်ချင်လို့မဟုတ်ဘူး။

``ဥပမာဆိုရင် ဆေးကျောင်းသားဆိုရင် ဂုဏ်ရှိတယ်။ ဆရာဝန်လုပ်ချင်ကြ တယ်။ တကယ်ပဲဆေးကျောင်းကိုတက်တဲ့ ပုဂ္ဂိုလ်တစ်ယောက်ချင်း တစ်ယောက်ချင်း ဟာ တကယ်ပဲ ဆရာဝန်တစ်ယောက်ရဲ့အလုပ်ကို လုပ်ချင်ရဲ့လားမေးရင် တကယ် စိတ်ထဲမှာ ရှိ မရှိ မသိဘူး။ အမှန်ပြောရရင် ပိုက်ဆံများများရချင်လို့လား။ ဂုဏ်ရှိချင် လို့လား။ မိဘရဲ့ တိုက်တွန်းမှုကြောင့်လား။ အဲဒါတော့မသိဘူး။ လူကြီးတွေသင်လိုက်တဲ့ အတိုင်း မကျန်းမာနေတဲ့သူတွေကို ကုသဖို့ဆိုပြီးပြောကြပါတယ်။ နိုင်ငံတစ်နိုင်ငံကို ကုသဖို့နည်းကအမျိုးမျိုးရှိပါတယ်။ ဆရာဝန်တစ်ယောက်ထဲ ကုသနိုင်တာမဟုတ်ပါဘူး။ သာမန်ပြည်သူ၊ ပြည်သားတွေက နိုင်ငံ့ရဲ့ဒဏ်ရာ ဒဏ်ချက်တွေကို ပျောက်အောင်လို့ ကုသနိုင်တဲ့နည်းတွေ အများကြီးရှိပါတယ်။
``ငြိ်မ်းချမ်းရေးကို ထိခိုက်နေတဲ့အရာတွေကို ကျွန်မတို့အားလုံးဝိုင်းပြီးတော့ ပယ်ရမယ်။

ငြိမ်းချမ်းရေးဖြစ်စေမယ့်အရာတွေကို အားလုံးဝိုင်းပြီးတော့ ပြုစုပျိုးထောင်ရ မယ်။ အဲဒီဟာလည်း ပြည်သူ ပြည်သားတွေပါမှဖြစ်မှာပါ။ ပညာရေးစနစ်လည်း ပြောင်း လဲလာပါပြီ။ စာမေးပွဲရမှတ်နဲ့မသတ်မှတ်ဘဲ အဆင့်နဲ့သတ်မှတ်တဲ့အခါကျတော့ ငါးမှတ် ပိုတဲ့သူက ငါးမှတ်နည်းတဲ့သူအပေါ်မှာ ကျောတဲ့ကိစ္စတို့၊ မိဘချင်းပြိုင်တဲ့ကိစ္စတို့ ဒါတွေ အင်မတန်မှ ကျဆင်းသွားပါတယ်။ တက္ကသိုလ်ပညာရေးထက် အသက်မွေးဝမ်းကျောင်း ပညာရေးကိုအားပေးနေပါတယ်။ ပညာသင်တယ်ဆိုတာ အဓိကက ကိုယ့်ဘ၀ကိုယ် လုံလုံခြုံခြုံ ပြည့်ပြည့်စုံစုံ ရပ်တည်နိုင်ဖို့ပါပဲ။ အဲဒါက တက္ကသိုလ်သွားမှဖြစ်တဲ့ကိစ္စ မဟုတ်ပါဘူး။ တက္ကသိုလ်မရောက်ဘူးဘဲ ကိုယ့်ဘ၀မှာ လုံလုံခြုံခြုံ ကျေကျေနပ်နပ် ရပ်တည်နိုင်တဲ့ ပုဂ္ဂိုလ်တွေရှိပါတယ်။ အသက်မွေးဝမ်းကျောင်းပညာ ကျောင်းသူ ကျောင်းသားများဆိုတာ ကျွန်မတို့နိုင်ငံအနေနဲ့ အင်မတန်မှလိုအပ်ပါတယ်။ တခြားနိုင်ငံ တွေနောက်ကနေ ကျန်ရစ်ခဲ့တဲ့နိုင်ငံတစ်ခုအနေနဲ့ အမြန်နှုန်းနဲ့လိုက်နိုင်အောင် လုပ်ရ မယ်ဆိုရင် သင်ထားတဲ့ပညာတွေဟာ နိုင်ငံရဲ့ဖွံ့ဖြိုးတိုးတက်မှု လိုအပ်ချက်တွေနဲ့ ကိုက် ညီနေရမှာဖြစ်ပါတယ်။
``ဆရာဝန်တွေအများကြီးလိုပါတယ်။ သိတဲ့အတိုင်းပဲ ဒီနိုင်ငံမှာ ဆေးပညာသင် သွားတဲ့ပုဂ္ဂိုလ်တွေကလည်း နိုင်ငံရပ်ခြားမှာ အလုပ်သွားလုပ်ကြတယ်။ ဒီမှာလုပ်ကြတာ မဟုတ်ပါဘူး။ ဒါကိုလည်းအပြစ်မဆိုပါဘူး။ လူတိုင်းဟာ ကိုယ့်ရဲ့ဝမ်းရေးအတွက်၊ ကိုယ့်မိသားစု ၀မ်းရေးအတွက်လုပ်ဖို့ဟာ တာဝန်တစ်ခုလိုဖြစ်နေတဲ့အခါမှာ ဒီနိုင်ငံမှာ အခွင့်အရေးမရလို့ တခြားနိုင်ငံကိုသွားရတယ်လို့ ဒီလိုပဲနားလည်ပါတယ်။

``ကျွန်မတို့နုိုင်ငံမှာ အားလုံးအတွက် အခွင့်အရေးတွေ အများကြီးရအောင်၊ ပြည့် ပြည့်စုံစုံ မှန်ကန်တဲ့အခွင့်အရေးတွေရအောင် ကြိုးစားပြီးတော့ဆောင်ရွက်နေပါတယ်။ ဒီလိုလုပ်ခြင်းအားဖြင့် ငြိ်မ်းချမ်းရေးရဲ့ အခြေခံအုတ်မြစ်ဖြစ်တဲ့ တည်ငြိမ်မှုကို ဆောက် တည်နိုင်မယ်လို့ထင်ပါတယ်။ ပြည်သူလူထုဟာ စိတ်ပိုင်းဆိုင်ရာအရ၊ ရုပ်ပိုင်းဆိုင်ရာအရ လုံခြုံပြီဆိုရင် နိုင်ငံဟာလည်း လုံခြုံမှာဖြစ်ပါတယ်။ အရေးကြီးတာကတော့ ညီညွတ်မှုပါ။ အထူးသဖြင့် ငြိမ်းချမ်းရေးဆွေးနွေးပွဲဆိုတော့ သတိပေးပါတယ်။ ကျွန်မတို့နိုင်ငံဟာ ပြည်ထောင်စုဖြစ်တယ်။ ပြည်ထောင်စုထဲမှာဆိုရင် လူမျိုးဘာသာ အမျိုးမျိုးရှိကြတယ်။ အားလုံးကနေပြီးတော့ ညီညီညွတ်ညွတ်နဲ့ အချင်းချင်းမှာ မတူညီတဲ့ကိစ္စများဟာ တစ်ယောက်ကို တစ်ယောက်ပိုပြီးတော့ ကွာဟစေတာမဟုတ်ဘဲနဲ့ တစ်ယောက်ကို တစ်ယောက် ဖြည့်ဆည်းပေးတယ်ဆိုတဲ့ စိတ်ဓာတ်နဲ့ထားပြီးတော့ ငယ်ငယ်ကတည်းက နိုင်ငံ့အကျိုးအတွက်၊ နိုင်ငံ့အရေးအတွက် လုပ်ချင်တဲ့စိတ်ဓာတ်ကိုတော့ မွေးမြူစေချင်ပါ တယ်။

နိုင်ငံရေးကို ပြောလိုတာမဟုတ်ဘူး။ ကိုယ်ဘာပဲလုပ်လုပ်။ ဈေးသည်ပဲလုပ်လုပ်၊ ဆရာဝန်ပဲလုပ်လုပ်၊ ကျောင်းဆရာပဲလုပ်လုပ်၊ ဘာပဲလုပ်လုပ် နိုင်ငံ့ရဲ့အရေးဟာ တို့ အရေးဖြစ်တယ်။ နိုင်ငံကောင်းအောင်လုပ်ဖို့ တုို့မှာတာဝန်ရှိတယ်။ တတ်နိုင်တဲ့နေရာ ကနေပြီးတော့ လုပ်ပေးမယ်ဆိုတဲ့ စိတ်ဓာတ်ကိုထားစေချင်ပါတယ်။ ဈေးသည်တစ် ယောက်ဆိုရင် မှန်ကန်တဲ့ပစ္စည်းနဲ့ မှန်ကန်တဲ့ဈေးကို ရောင်းတယ်ဆိုရင် နိုင်ငံပေါ်မှာ တာဝန်ကျေတယ်လို့ ကျွန်မတို့သတ်မှတ်မှာပါ။ ဆရာဝန်ကြီးတစ်ယောက် လုပ်ပြီးတော့ ကရုဏာဆရာဝန်မဟုတ်ဘဲ အသပြာဆရာဝန်ပီပီ ပြည်သူဆီကနေ ရသမျှပိုက်ဆံ ညှစ်ယူနေမယ်ဆိုရင် သူတို့ပညာတွေ ရှိချင်ရှိမယ်။ ဘယ်လောက်ပဲချမ်းသာ ကြွယ်ဝနေ ပါစေ ၊ သူဟာနိုင်ငံအပေါ်မှာ တာဝန်မကျေဘူးလို့ ယူဆမှာဖြစ်ပါတယ်။

``အထူးသဖြင့် ငြိမ်းချမ်းရေးဖြစ်စဉ်မှာ ပါဝင်နေသည့်ပုဂ္ဂိုလ်တွေ၊ အဖွဲ့အစည်း တွေအားလုံးဟာ တကယ်ပဲနိုင်ငံ့အပေါ်မှာ စေတနာထားမယ်ဆိုရင် ငြိမ်းချမ်း ရေးရမှာပါ။ ပခုက္ကူလို ငြိမ်းချမ်းရေးရဲ့ အကျိုးအမြတ်ကို ရှည်ကြာစွာခံစားရတဲ့ဒေသ တစ်ခုမှာတောင် ဖွံ့ဖြိုးသင့်သလောက်မဖွံ့ဖြိုးဘူး။ ဘာဖြစ်လို့လဲဆိုရင် ကျွန်မတို့ နိုင်ငံ တစ်ခုလုံးကမှ မဖွံ့ဖြိုးသေးလို့ပါ။ နိုင်ငံတစ်ခုလုံး မဖွံ့ဖြိုးရင် အရပ်ဒေသလိုက် ဖွံ့ဖြိုးဖို့ဆိုတာ မဖြစ်နိုင်ပါဘူး။ အတုိုင်းအတာတစ်ခုပဲဖြစ်နိုင်ပါတယ်။ ဒါကြောင့် ကိုယ့် အကျိုးအတွက် အများအကျိုးကို ဆောင်ရွက်ဆိုတဲ့ စိတ်ဓာတ်နဲ့ လူငယ်တွေကနေစပြီး တော့ ကူညီစေချင်တယ်။ သူတို့ထက်အရေးကြီးတာ မျှော်လင့်ချက်ကို ဘယ်တော့မှ လက်မလွှတ်ပါနဲ့။

``ကျွန်မတို့ အသက်ကြီးတဲ့သူတွေတောင်မှ မျှော်လင့်ချက်နဲ့ ရပ်တည်နိုင်ရင် ဘာဖြစ်လို့မျှော်လင့်ချက်နဲ့ မရပ်တည်နိုင်ရမှာလဲ။ ဒါပေမယ့် မျှော်လင့်နေလို့လည်းမပြီး မျှော်လင့်ချက် အကောင်အထည်ဖော်နိုင်ဖို့ အလုပ်လုပ်နိုင်တဲ့အင်အား လုပ်တတ်ကိုင် တတ်တဲ့ အရည်အချင်းတွေနဲ့တော့ ပြည့်ဝဖို့လိုပါတယ်။ ကျွန်မကတော့ လူငယ်တွေရဲ့ အမြင်ကို တင်ပြသွားတာကို တန်ဖိုးထားပါတယ်။ လူငယ်တိုင်း လူငယ်တိုင်းဟာ မတူတဲ့အမြင်တွေ ရှိပေမယ့် နောက်ဆုံးမှာတော့ တူညီတဲ့စိတ်ဓာတ်နဲ့ ငြိမ်းချမ်းရေးရဖို့ လုပ်ကြလိမ့်မယ်လို့ မျှော်လင့်ပါတယ်။´´ ဟုပြောကြားသည်။
ကျွန်မတို့အနေနဲ့ အသက်မွေးဝမ်းကျောင်းပညာကို အင်မတန်မှ အားပေးတယ်။ မိဘတွေဟာ သားသမီးတွေကို အသက်မွေးဝမ်းကျောင်းပညာကျောင်းတွေကို လွှတ်ဖို့ဝန်မလေးပါနဲ့။ တချို့ထင်နေတာက အသက်မွေးပညာကျောင်းဆိုတာ ဒုတိယတန်းစား ပညာရေးလို့ထင်နေတယ်။

``ကမ္ဘာ့အချမ်းသာဆုံး နိုင်ငံတွေဖြစ်တဲ့ ဆွစ်ဇာလန်တို့၊ ဂျာမနီတို့၊ ဆွီဒင်တို့ ဆိုရင် အသက်မွေးဝမ်းကျောင်းပညာသင်တဲ့ ကျောင်းသားတွေနဲ့ တက္ကသိုလ်တက်တဲ့ ကျောင်းသားတွေကို ဘယ်လိုမှခွဲခြားပြီးမမြင်ပါဘူး။ အသက်မွေးဝမ်းကျောင်းပညာ ကျောင်းက ထွက်တဲ့ကျောင်းသားတွေဟာ ၀င်ငွေရကိန်းက ပိုပြီးမြင့်မားတာကြောင့် အင်မတန်မှသိက္ခာရှိပါတယ်။ ကျွန်မ ဆွစ်ဇာလန်သွားတုံးက အသက်မွေးဝမ်းကျောင်း ပညာကျောင်းမှာ သွားနေတဲ့ ကျောင်းသားလေး ၄ ယောက်နဲ့တွေ့ပြီး သူတို့ကို မေးကြည့်တယ်။ ခွဲခြားဆက်ဆံမှုရှိသလား။ ဒုတိယတန်းစား ပညာရေးစာရင်းထဲမှာ ၀င်နေတဲ့ လူငယ်တွေ ဆိုပြီး ခွဲခြားဆက်ဆံတာရှိသလားဆိုပြီးမေးတော့ သူတို့က ဒီမေးခွန်းကို အံ့အားသင့်တယ်။

``သူတို့ရဲ့ ပညာရေးဝန်ကြီးဌာနက တာဝန်ရှိသူကို ဒီလိုခွဲခြားဆက်ဆံမှု မရှိတာ ဘာကြောင့်လဲဆိုပြီး မေးကြည့်တော့ အသက်မွေးဝမ်းကျောင်းပညာကျောင်းက ထွက် တဲ့ ကလေးတွေရဲ့ ၀င်ငွေရနိုင်တဲ့အနေအထားဟာ တက္ကသိုလ်ကထွက်တဲ့ ကလေး တွေထက်တောင် ပိုကောင်းသေးတယ်ဆိုတာကိုကြည့်ပြီး ရပ်ရွာကလည်း လေးစားကြ တယ်။ အထင်ကြီးကြတယ်။ ခွဲခြားပြီးမမြင်ဘူး။ ဒါကြောင့် သဘောတူပါတယ် ဒီကိစ္စကိုလည်း တတ်နိုင်သလောက် လုပ်ပေးပါ့မယ်။

``မူးယစ်ဆေးဝါးကတော့ တကယ့်ပြဿနာပါ။ အရင်တုန်းကဆို ဘိန်းနဲ့ ဘိန်း ထွက်ပစ္စည်းတွေကအန္တရာယ်ပါ။ အခုတကယ့်အန္တရာယ်က စိတ်ကြွဆေးပြားတွေပါ။ ကလေးတွေ ငယ်ငယ်ကတည်းကစသုံးတယ်။ သုံးလာတဲ့နှုန်းက တက်လာတဲ့အတွက် ပြဿနာ ဖြစ်လာပါတယ်။ ဘာကြောင့်လဲဆိုတော့ မိဘ၊ ဆရာများဟာ အရည်အချင်း နှစ်ခုရှိဖို့ လိုပါတယ်။ တစ်ချက်က ကလေးတွေဟာ မူးယစ်ဆေးဝါး သုံးစွဲနေသလား ဆိုတဲ့လက္ခဏာတွေကို ကြည့်တတ်ဖို့လိုပါတယ်။ ဒုတိယတစ်ချက်က ဒီလိုသိလာပြီဆို ရင် သားသမီးတွေက ယုံယုံကြည်ကြည်နဲ့ ၀န်ခံလာဖို့ ပြောဖို့လိုတယ်။ မပြောရဲရင် ပြဿနာကို ဖြေရှင်းဖို့ခက်မယ်။ လူကြီးတွေနဲ့ ကလေးတွေကြားထဲမှာ နားလည်မှု၊ ယုံကြည်မှုနဲ့ ပူးပေါင်းဆောင်ရွက်ပြီး ဒီပြဿနာကို ဖြေရှင်းနိုင်မှာပါ။

အပစ်အခတ်ရပ်စဲရေးသဘောတူညီမှုရတာနဲ့ ငြိမ်းချမ်းရေးရတာမဟုတ်ပါဘူး။ အပစ်အခတ်ရပ်စဲရေး သဘောတူညီမှုဆိုတာက တကယ်တော့ ကျွန်မတို့ ခဏခဏပြောပါတယ်။ ကျည်ဆန်တစ်တောင့်ပစ်လိုက်တာနဲ့ တစ်ခါတည်းပျက်ပြား သွားနိုင်ပါတယ်။ တကယ် ငြိမ်းချမ်းရေးရဖို့ဆိုရင် အခြေခံတွေနားလည်မှုနဲ့ အခြေခံလို အပ်တဲ့ နိုင်ငံရေးပြုပြင်ပြောင်းလဲမှုတွေကိုလုပ်ဖို့ ဖြစ်တယ်။
``ကျွန်မတို့ကပြည်ထောင်စုဆိုတော့ တိုင်းရင်းသားလူမျိုးပေါင်းစုံရှိတယ်။ တော်တော်များများ စစ်ဖြစ်နေတဲ့ဒေသတွေဟာ နယ်စပ်ဒေသတွေဖြစ်နေတယ်။ နယ်စပ်ဒေသတွေမှာဖြစ်နေတယ်ဆိုတော့ စီးပွားရေးကိုထိခိုက်တယ်။ နိုင်ငံစီးပွားရေးကို ထိခိုက်တယ်။ တခြားနိုင်ငံတွေရဲ့ ဆက်ဆံရေးကိုလည်း ထိခိုက်တယ်။
``ကျွန်မတို့ရဲ့ ပြည်သူပြည်သားများဟာ ရတနာဆိုတာကို အားလုံးသဘော ပေါက်ရမယ်။ တစ်ယောက်ချင်းကလည်း ကိုယ်ကိုယ်တိုင်ကရတနာဖြစ်သလို ကိုယ့်ဘေးပတ်ဝန်းကျင်မှာရှိတဲ့ တခြားကိုယ့်ရဲ့ နိုင်ငံသူနိုင်ငံသားများဟာလည်း ရတနာ တွေပဲ။ အဲဒီဟာကို ပြုစုပျိုးထောင်ဖို့အရေးကြီးပါတယ်။ နိုင်ငံချမ်းသာမှ ပညာရေးတိုး တက်မယ်မဟုတ်ဘူး။ ဒီနှစ်ခုကအမြဲတမ်းဒွန်တွဲရမယ်၊ ပညာရေးတိုးတက်ခြင်းအား ဖြင့်လည်း နိုင်ငံကိုချမ်းသာအောင်လုပ်နိုင်မယ်။ တစ်ခုပြီးမှ တစ်ခုမဟုတ်ဘူး။ တစ်ခါတည်းလုပ်သွားမှဖြစ်မယ်။ ချမ်းသာတဲ့အထိ စောင့်ပြီးတော့မှ ပညာရေးစနစ်ကို ပြုပြင်လို့မဖြစ်ဘူး။ တတ်နိုင်သလောက် တတ်နိုင်သလောက် လုပ်သွားရမယ်။

``ကျွန်မတို့ ပညာရေးကို အဓိကထားပြီးလုပ်သွားရမယ်ဆိုတာတော့ အားလုံး သဘောတူတယ်။ ရှိတဲ့ပိုက်ဆံကို အကောင်းဆုံးနည်းနဲ့ သုံးဖို့လိုတယ်။ နေပြည်တော် နားကရွာလေးတစ်ခုကိုသွားပါတယ်။ အဲဒီရွာမှာ မွေးမြူရေးလုပ်ငန်းတစ်ခုစတယ်။ အဲဒီမွေးမြူရေးလုပ်ငန်းက ကြက်မွေးမြူရေးဖြစ်ပါတယ်။ နောက်သုံးလလောက်ကြာရင် တစ်နေ့ကို ကြက်ဥကိုးသောင်းလောက်ထွက်မယ်လို့ခန့်မှန်းထားပါတယ်။ ကြက်ဥတွေ ကို တစ်လုံးကို တစ်ရာနဲ့ ရောင်းနိုင်တယ်။
``ကျွန်မက ရွာကမိခင်တွေကို ပြောပြပါတယ်။ သားသမီးတွေကို တစ်နေ့ကို ကြက်ဥတစ်လုံးဝယ်ကျွေးမယ်ဆိုရင် သူတို့ရဲ့ ကျန်းမာရေးဘယ်လောက်ကောင်းလာမယ်။

သူတို့ဦးနှောက်ဖွံ့ဖြိုးတိုးတက်ရေးအတွက် ဘယ်လောက်အထောက်အကူပြုမယ်။ တစ်ရာဆိုတာဟာ ဘာမှ အာဟာရမရှိတဲ့ မုန့်ထုပ်ကလေးတစ်ခုဈေးနဲ့ ဘာမှမကွာဘူး။ အာဟာရမရှိတဲ့ မုန့်ထုပ်လေးတစ်ခုကို ကိုယ့်သားသမီးတွေကို ၀ယ်ကျွေးမယ့်အစား တစ်နေ့ ကြက်ဥတစ်လုံးမှန်မှန်ဝယ်ကျွေးမယ်ဆိုရင် ရေရှည်အတွက်ကောင်းတယ်။ ဒီလို ကျွန်မတို့စဉ်းစားရမယ်။ ကိုယ့်မှာ ပိုက်ဆံမရှိဘူးဆိုရင် အကောင်းဆုံးနည်းနဲ့ သုံးရမယ်။ အကျိုးအမြတ်ဆိုတာက ကိုယ်တစ်ယောက်တည်းအတွက်မဟုတ်ဘူး။
``ကိုယ့်ပတ်ဝန်းကျင်အတွက်အကျိုးအမြတ်အများဆုံး ဖြစ်စေမယ့်နည်းနဲ့ ကျွန်မတို့သုံးရမယ်။ ကျွန်မတုိ့ ငြိမ်းချမ်းရေးရဖို့်ဆိုတာလည်း ရေရှည်အတွက်၊ ပစ္စုပ္ပန်အတွက်၊ အနာဂတ်အတွက် အင်မတန်မှကောင်းပါတယ်။ ငြိမ်းချမ်းသွားပြီဆိုရင် ရောဂါတစ်ခုမရှိခြင်းနဲ့နှိုင်းယှဉ်ပါကဝေဒနာတစ်ခု ပျောက်သွားပြီဆိုရင် စိတ်ကဘယ် လောက် ပေါ့ပါးသွားမလဲ။ ဒါကတော့ရေတိုပါ။ ချက်ချင်လက်ငင်းရတဲ့ အကျိုးဆက် ဝေဒနာမရှိတော့လို့ ပိုပြီးတော့ အလုပ်လုပ်နိုင်မယ်။ ပိုပြီးတော့ ကိုယ့်ဘ၀ကို ရပ်တည်နိုင်မယ်ဆို ရင်ဒါက ရေရှည်အကျိုးဆက် ငြိမ်းချမ်းရေးရခြင်းဆိုတာလည်း ကျွန်မတို့ နိုင်ငံငြိမ်းချမ်းသွားတာနဲ့အတူ ချက်ချင်းလက်ငင်းရမယ့်အကျိုးဆက် တွေရှိမယ်။

ကျွန်မတို့နိုင်ငံက စိုက်ပျိုးရေးကိုအခြေခံတဲ့ နိုင်ငံဖြစ်ပါတယ်။ နိုင်ငံ ဖွံ့ဖြိုးတိုးတက်ဖို့ဆိုတာကလည်း စိုက်ပျိုးရေးက အင်မတန်မှ အရေးကြီးပါတယ်။ တချို့က လက်မှုလယ်ယာကနေ စက်မှုလယ်ယာပြောင်းသွားတယ်။ စက်မှုလယ်ယာ ပြောင်းသွားတယ် ဆိုတာကလည်း စိုက်ပျိုးရေးကဏ္ဍကို ပံ့ပိုးဖို့ပါပဲ။ စိုက်ပျိုးရေးကဏ္ဍ ပျောက်ကွယ်သွားအောင် လုပ်ဖို့မဟုတ်ပါဘူး။
``အခုပြောသွားတဲ့အထဲမှာ စိုက်ပျိုးရေးကဏ္ဍနဲ့ ပတ်သက်ပြီးတော့ ဗဟိုအစိုးရ ရဲ့ မူဝါဒတွေနဲ့ဆိုင်တဲ့ကိစ္စတွေလည်းပါတယ်။ ဗဟိုအစိုးရနဲ့ပတ်သက်လို့ မူဝါဒတစ်ခု အောင်မြင်ဖို့၊ ထိရောက်စွာအောင်မြင်ဖို့ ပါဝင်ပတ်သက်နေတဲ့သူတွေ အားလုံးက ရည် ရွယ်ချက်တွေကိုနားလည်ရမယ်။ ဒီစီမံကိန်းတွေကို အကောင်အထည်ဖော်မယ်ဆိုတာ လည်းနားလည်ရမယ်။ တာဝန်လည်းသိရမယ်။ လူတိုင်း လူတိုင်းမှာ တာဝန်ရှိတယ်။ တရားမ၀င် သစ်တစ်ပင်ခုတ်ရင် တရားမ၀င်ဘူး။ ကိုယ်က တရားဥပဒေစိုးမိုးရေး အတွက်လုပ်မယ်ဆိုရင် ကိုယ့်နိုင်ငံအများကြီးသက်သာတယ်။ တရားဥပဒေစိုးမိုးရေးမရှိ ဘဲ ဘယ်စီမံကိန်းမှ မအောင်မြင်နိုင်ပါဘူး။
``ခိုင်းနွားတွေကို ရောင်းလိုက်မယ်ဆိုရင် တောင်သူလယ်သမားတွေအတွက် ပြသနာရှိတယ်။ သို့သော် တရားဝင်လုပ်ရတဲ့အကြောင်းရင်းက ခိုးပြီးရောင်းတဲ့အတွက် ဘယ်ဘက်ကမှ အကျိုးမရှိဘူး။ တရားဝင် ဘောင်ဝင်အောင်လို့ လုပ်လိုက်တဲ့ သဘော ပါ။ နွားတွေအားကိုးမှုတွေကို ကျဆင်းလာအောင်လည်းလုပ်ရမယ်။ တောင်သူတွေ အနေနဲ့ လယ်ယာသုံးစက်တွေကို တတ်နိုင်တဲ့ အခြေအနေဖြစ်အောင်လုပ်ဖို့လည်း လို တယ်။ ဆီထွက်သီးနှံတွေ စိုက်တဲ့တောင်သူတွေ အခက်အခဲတွေကို ပြန်ပြီး တိုင်ပင်ပါ့ မယ်။ ပိုပြီးမျှမျှတတရှိအောင် ဆီထွက်သီးနှံတွေစိုက်ပျိုးတဲ့ တောင်သူတွေလည်း လိုအပ် တဲ့ ပံ့ပိုးမှုတွေရအောင် ဘယ်လိုလုပ်ရမလဲဆိုတာကို စဉ်းစားပါ့မယ်။

``ချမ်းသာတဲ့နိုင်ငံမဟုတ်တဲ့အတွက် ရှိတဲ့ဘဏ္ဍာငွေကို ဘယ်လိုအကောင်း ဆုံး ဖြစ်အောင် မျှမျှတတသုံးရမလဲ ဆိုတာကို တစ်ချိန်လုံးစဉ်းစားနေရပါတယ်။ အားလုံးပေး လို့ မရတဲ့အတွက် အရေးကြီးတဲ့ဟာကို ပံ့ပိုးပါတယ်။ အရေးကြီးတဲ့ဟာကို သတ်မှတ် တဲ့နေရာမှာ အမြဲမမှန်တာလည်း ဖြစ်နိုင်ပါတယ်။ စီမံကိန်းတွေအောင်မြင်ဖို့ ဆိုတာ နည်းနည်းအချိန်ယူရတယ်။ လယ်ယာမြေတွေ ပြန်ရဖို့အတွက်ဆိုတာက ကျွန်မတို့နိုင်ငံ ရဲ့ ရည်ရွယ်ချက်တစ်ခုဖြစ်ပါတယ်။
``မှန်ကန်တဲ့ပိုင်ရှင်တွေဆီကို လယ်ယာမြေတွေ ပြန်လည်ရအောင်လုပ်ဖို့ဆိုရင် ပြသနာတွေကအမျိုးမျိုးပါ။ သိမ်းထားတဲ့သူတွေက ပြန်မပေးချင်တဲ့ပြဿနာ၊ ပြန်ပေး ဖို့သဘောတူညီပြီး သက်ဆိုင်ရာဌာနတွေက မြန်မြန်ဆန်ဆန် မှန်မှန်ကန်ကန် မလုပ်နိုင် တဲ့ပြဿနာ၊ လယ်ယာမြေတွေကို ပြန်လည်ရပိုင်ခွင့်ရှိပါတယ်ဆိုပြီး လျှောက်တဲ့ပြည်သူ တွေအားလုံးကလည်း ရိုးသားတာတော့မဟုတ်ပါဘူး။ ရပိုင်ခွင့်မရှိဘဲ တောင်းတဲ့သူတွေ လည်းရှိတယ်။ တကယ်ရပိုင်ခွင့်ရှိတဲ့သူတွေအတွက် ရှုပ်ထွေးကုန်ပါတယ်။ ရှုပ်ထွေးမှု တွေကိုရှောင်ဖို့ဆိုရင် အားလုံးကမှန်ကန်ဖြောင့်မတ်ဖို့လိုတယ်။
``အမြန်ဆုံးပြီးအောင်လုပ်ဖို့တော့ ဆော်သြနေပါတယ်။ ပြည်သူလူထုတွေရဲ့ ရသင့်ရထိုက်တဲ့ လယ်ယာမြေတွေကို အမြန်ဆုံးပြန်ရအောင်လို့ လုပ်ပါဆိုတာကို သက်ဆိုင်ရာဌာနတွေကိုလည်း တိုက်တွန်းနေပါတယ်။ ကျွန်မတို့အနေနဲ့ကလည်း တတ်နိုင်သမျှ နည်းလမ်းကောင်းတွေကိုရှာပြီးတော့ အကောင်အထည်ဖော်နေပါတယ်။´´

ပညာရေးဘက်ကနေ ငြိမ်းချမ်းရေးကို ပံ့ပိုးပေးဖို့ဆိုရင် အဓိကအားဖြင့် စိတ်ထား ဖြစ်ပါတယ်။ ဒီကလေးသူငယ်များရဲ့ စိတ်ထားကို ပညာရေးစနစ်ကနေ ပြုပြင်ပြောင်း လဲပေးဖို့ပဲဖြစ်ပါတယ်။ နောက်ပြီးတော့ အားလုံးကနေ ပြည်ထောင်စုထဲမှာ ညီညီမျှမျှ လူတိုင်း လူတိုင်းဟာ တန်ဖိုးရှိတယ်ဆိုတာလက်ခံရမယ်။ ကိုယ်တစ်ယောက်တည်းတင် တန်ဖိုးရှိတာမဟုတ်ဘူး။ တခြားသူတွေမှာလည်း တန်ဖိုးရှိတယ်ဆိုတာ လက်ခံရမယ် ဒါတွေကိုလည်း သဘောတူပါတယ်။
ကျောင်းဆရာမလုပ်ဖို့ ပညာသင်နေတဲ့ပုဂ္ဂိုလ်တစ်ယောက်ဆိုတော့ မေးခွန်း တစ်ခုမေးချင်တယ်။ ဒါကတော့ တစ်ခါတုန်းက ဆရာမကြီးတစ်ယောက်က မေးဖူးတဲ့ မေးခွန်းပါ။ “ မောင်ဖြူကို သင်္ချာသင်ပေးချင်တယ်ဆိုရင် သမီး ပထမဦးဆုံး ဘာသိဖို့လို သလဲ” ဆိုတာပါ။

တကယ်တော့ ကျောင်းသား ကိုသိဖို့ အဓိကပဲ။ ကိုယ့်ကိုယ်ကို သိဖို့မဟုတ်ဘူး။ ကိုယ်သင်တဲ့ဘာသာကို သိဖို့လည်း မဟုတ်ဘူး။ ကိုယ့်ရဲ့အရည်အချင်းကိုလည်း သိဖို့ မဟုတ်ဘူး။ ကျောင်းသားကို သိဖို့ပဲဆိုပြီး ဆရာမကြီးက ပြောပါတယ်။ ကျောင်းသား အကြောင်းသိမှ ဒီကျောင်းသားကို ကိုယ်သင်ပေးချင်တဲ့ ပညာရအောင် လုပ်ပေးနိုင်မှာ ဖြစ်ပါတယ်။ သင်္ချာပဲဖြစ်ဖြစ်၊ သမိုင်းပဲဖြစ်ဖြစ် ဘာပဲဖြစ်ဖြစ်ပါ။ အဲဒါကြောင့် ပညာရေး လောကမှာ တာဝန်ထမ်းဆောင်ချင်တဲ့ လူငယ်အားလုံးက ဒါကို သဘောပေါက်ဖို့လိုပါ တယ်။ အရေး ကြီးတာကတော့ ကိုယ့်ရဲ့တပည့်တွေပါ။ ကိုယ့်ရဲ့တပည့်တွေအကြောင်း ကိုယ်သိပြီဆိုရင် တစ်ယောက်နဲ့တစ်ယောက်လည်းမတူဘူး။ သူ့အားနည်းချက်ရှိတယ်။ သူ့အားသာချက်ရှိတယ်။ တစ်ယောက်ဟာ အတန်းထဲမှာ သူ အမှတ်ရရေးအတွက် အားနည်းချင် နည်းမယ်။ တခြားသူ့မှာ အရည်အချင်းတွေရှိနိုင်တယ်။ အဲဒါတွေကို ဆရာ၊ ဆရာမတွေ က ဖော်ထုတ်ပေးရမယ်။ အားပေးရမယ်။
အခုဒီပညာရေးစနစ်ကိုလည်း ပြောင်းဖို့ကြိုးစားနေပါတယ်။ အလွတ်ကျက်တဲ့ စနစ်ကို အားမပေးချင်ဘူး။ ဒါပေမယ့် အခုအထိ အတိုင်းအတာတစ်ခုအထိတော့ စာမေးပွဲမှာ အမှတ်ရရေးဟာ အလွတ်ကျက်တာနဲ့ ဆိုင်နေတဲ့အတွက် မှတ်ဥာဏ် ကောင်းတဲ့ကလေးတွေက အလေးသာတယ်။

ဒီကလေးတစ်ယောက်ဟာ မှတ်ဥာဏ် မကောင်းဘဲ တစ်ခြားသူတွေ နာရီဝက်နဲ့ ကျက်ရတဲ့ဟာကို သူ့မှာ ၄၅ မိနစ်၊ မိနစ် ၅၀ ကျက်ရတယ်ဆိုပေမယ့် သူစိတ်ထား ပိုကောင်းရင်ကောင်းမယ်။ လူမှုရေးမှာ ပိုကောင်း ရင်ကောင်းမယ်။ သူ့ရဲ့သူငယ်ချင်းတွေကြားထဲမှာ ပြဿနာဖြစ်ရင် သူဖြေရှင်းပေးနိုင်တဲ့ အရည်အချင်းတွေရှိရင်ရှိမယ်။ အဲဒီလိုပဲ ဆရာ၊ ဆရာမ တစ်ယောက်အတွက် ကိုယ့်ရဲ့တပည့်တွေရဲ့ အရည်အချင်းကို သိဖို့ဆိုတာ အရေးအကြီးဆုံးပဲ။ ဒါမှ ဒီတပည့် တွေအတွက် အကောင်းဆုံးဖြစ်လာမှာပါ။ တပည့်တွေရဲ့ စိတ်နေစိတ်ထားကိုသိမှ သူတို့ ငြိမ်းချမ်းရေးကိုနှစ်သက်အောင် ကိုယ်ကလုပ်ပေးနိုင်မှာဖြစ်တယ်။ သူ့အကြောင်း ဘာမှမသိဘဲနဲ့ အရာတစ်ခုကို နှစ်သက်အောင်ဆိုတာ လုပ်ပေးလို့ မရပါဘူး။ အဲဒါကြောင့် ကလေးတွေကို ငြိမ်းချမ်းရေးမှာ စိတ်ပါဝင်စားအောင် ငြိမ်းချမ်းရေးနဲ့ ပတ်သက်ပြီးတော့ ထဲထဲဝင်ဝင် ပါလာနိုင်အောင်ဆိုရင် ပထမဆုံး သူတို့အကြောင်း သိဖို့လိုတယ်။

ငြိမ်းချမ်းရေးဆွေးနွေးပွဲ လုပ်တယ်ဆိုတာလည်း ပြည်သူတွေအကြောင်း သိချင် လို့ဖြစ်ပါတယ်။ ကျွန်မတို့ပြည်သူတွေ ဘာတွေစဉ်းစားနေလဲ။ သတိပြုမိတယ်၊ အခု ဆိုရင် ငါးယောက်ရှိတယ်။ ငါးယောက်မှာ နှစ်ယောက်ကတော့ အလုပ်လုပ်နေတယ်။ လူလတ်ပိုင်းပါ။ သုံးယောက် ကတော့ ပညာသင်နေတဲ့ လူငယ် ပိုင်းပါ။ ဒီဆွေးနွေးပွဲ စကားဝိုင်းကို ချဉ်းကပ်ပုံခြင်း မတူဘူး။ ဘယ်လိုမတူသလဲဆိုတာ ကျွန်မ မပြောတော့ ဘူး။ မတူဘူးဆိုတာ သတိပြုမိတယ်။ အဲဒီ ဟာကတော့ အတွေ့အကြုံနဲ့ လည်းဆိုင် တယ်။ ကိုယ်ဖြတ်သန်းခဲ့ရတဲ့ ဘ၀နဲ့လည်းဆိုင်တယ်။ တစ်ဦးချင်းတစ်ဦးချင်းရဲ့ စိတ်ထားနဲ့လည်းဆိုင်တယ်။ မတူကွဲပြားတဲ့ သဘောတရားတွေ အားလုံး အပေါ်မှာ အခြေခံပြီးတော့ ဒီသဘောတရားတွေဟာ ကျွန်မတို့နိုင်ငံအတွက် စုပေါင်းအင်အား တစ်ခုဖြစ်လာအောင်လို့လုပ်ဖို့က အဓိက အရေးကြီးပါတယ်။´´

ခေတ်မီတဲ့နိုင်ငံတစ်နိုင်ငံ ဖွံ့ဖြိုးတဲ့နိုင်ငံ တစ်နိုင်ငံဆိုရင် ရာသီဥတုကို အားကိုးမနေသင့်ဘူး။ ကိုယ့်ရဲ့သိပ္ပံအစွမ်းအစနဲ့ နည်း ပညာနဲ့ ရာသီဥတုရဲ့ဒဏ် တွေကိုကျော်လွှားနိုင်ရမယ်။ ဒါကိုလည်း ကျွန်မတို့ ကြိုးစားပါ မယ်။ ဒေါက်တာအောင် သူကိုလည်း ပြောပါမယ်။ စိုက်ပျိုးရေရရှိရေးအတွက်ပါ။
``ကျွန်မ စောစောကပြောတဲ့အတိုင်းပဲ ရှိတဲ့ပိုက်ဆံကို မျှသုံးရတာပါ။ အားလုံး ကတော့တောင်းကြတာပဲ။ မကွေးတိုင်းဒေသကြီးအစိုးရကလည်း ကိုယ့်ဟာကိုယ်ပိုက် ဆံရအောင် ထပ်ပြီးတော့ရှာပါ။ ကိုယ့်တိုင်းဒေသကြီးကို ကိုယ်ပြန်ကြည့်နိုင်အောင်ပါ။ ဘာဖြစ်လို့လဲဆိုတော့ ဗဟိုအစိုးရက အားလုံးကို လိုသလောက် ပေးဖို့ဆိုတာလည်း အင်မတန်မှ ခက်ပါတယ်။ ကျွန်မတို့လည်း ကြိုးစားပါမယ်။
``နောက်တစ်ခုကတော့ ပြည်သူတွေနဲ့လည်းဆိုင်ပါတယ်။ နည်းပညာအသစ် တွေကို မသုံးချင်ဘူးဆိုတာ ဒါပြည်သူတွေနဲ့ဆိုင်တယ်။ ကိုယ့်ရဲ့စိတ်ကိုကိုယ် ပြောင်းရ မယ်။ ကိုယ်ကနေပြီးတော့ စွန့်စားရဲရမယ်။ အရင်တုန်းက ဒီအတိုင်းပဲလုပ်ခဲ့လို့ ဒီအတိုင်းပဲ ဆက်ပြီးတော့ လုပ်မယ်ဆိုရင်၊ ခေတ်နဲ့အညီ မပြောင်းနိုင်ဘူးဆိုရင်၊ ကိုယ်ပဲ နာမှာပဲ။ စောစောတုန်းက ပြောသွားတဲ့အထဲမှာ ပဲစင်းငုံဈေးက ကျသွားတဲ့အခါ ဈေး ကွက်က နည်းနည်းပျက်သွားတဲ့အခါကျတော့ တစ်ခြားဟာစိုက်ဖို့ စဉ်းစားရမယ်။ မြန်မြန်ဆန်ဆန် ပြောင်းလဲမှရမယ်။ ဒီကမ္ဘာကြီးက အမြန်နှုန်းနဲ့ ပြောင်းလဲနေတာ။ ကိုယ်ကလည်း လိုက်ပြီးတော့ပြောင်းလဲနိုင်ရမယ်။
``ပိုပြီးတော့ကောင်းတာက သူရဲ့ပြောင်းလဲမှုကို ကိုယ်က ကြိုတင်တွက်ဆပြီး တော့ အဲဒီဟာအတွက်ပြင်ထားရမယ်။ ဒီရာသီဥတုနဲ့ ပတ်သက်ရင် ကျွန်မခဏခဏ ပြောပါတယ်။ ရာသီဥတုက တကယ်ပြောင်းလဲသွားပြီ။ အရင်တုန်းက ရာသီဥတုပုံစံနဲ့ပဲ တွက်ပြီးလုပ်နေကြတယ်။ အထူးသဖြင့် တောင်သူလယ်သမားတွေ ဒီလိုလုပ်လို့မရဘူး။ ရာသီဥတုက ပြောင်းလဲသွားပြီဆိုတာလက်ခံရမယ်။ အဲဒီအချက်အလက်တွေ၊ ပြောင်း လဲခြင်းပုံစံနဲ့ ပြောင်းလဲခြင်းရဲ့ အကျိုးဆက်တွေကို တောင်သူလယ်သမားအများစု သိအောင်လုပ်ပေးဖို့ကတော့ အစိုးရရဲ့တာဝန်ဖြစ်ပါတယ်။
``အဲဒါတော့ စိုက်ပျိုးရေးဝန်ကြီးကိုလည်း ကျွန်မပြောပါမယ်။ ရာသီဥတု ပြောင်း လဲမှုအပေါ်မှာအခြေခံပြီးတော့ ပိုပြီးတော့ ပညာပေးဖို့၊ နောက်တစ်ခုက ဈေးကွက် ပြောင်းလဲမှု၊ ပဲစင်းငုံနဲ့ပတ်သက်ရင် ပဲစင်းငုံဈေးကွက်ရဲ့ ပြောင်းလဲမှုက ကျွန်မတို့နိုင်ငံ ကြောင့်မဟုတ်ဘူး။ အဓိကက အိန္ဒိယနိုင်ငံကြောင့်။ အိန္ဒိယနိုင်ငံက အစတုန်းက ကျွန်မတို့နိုင်ငံရဲ့ ပဲစင်းငုံကို အများကြီးသွင်းတယ်။ ဒါပေမယ့် သူတို့နိုင်ငံမှာ ဖူလုံအောင် ဆိုပြီးတော့ စီမံကိန်းချပြီးတော့လုပ်တာ အောင်မြင်သွားတဲ့အခါကျတော့ ဒီဘက်ကနေ ပြီးတော့ ၀ယ်ဖို့မလိုတော့ဘူး။ မ၀ယ်ဘူး၊ မလိုတော့ဘူးဆိုတော့ ကျွန်မတို့ ဈေးကွက်က ပျက်သွားတဲ့သဘော ရှိပါတယ်။
``ဒါတွေကိုလည်း ကျွန်မတို့ပိုပြီးတော့၊ ကြိုတင်ပြီးတော့ တွက်နိုင်ဖို့လိုတယ်။ ဥပမာဆိုရင် ဒီနိုင်ငံကို ကျွန်မတို့က လယ်ယာထွက်ပစ္စည်းတစ်ခု ပို့နေတယ်ဆိုရင် အဲဒီနိုင်ငံမှာ အဲဒီလယ်ယာထွက်ပစ္စည်းကို ထပ်ပြီးတော့လိုအပ်မှု ဘယ်လောက်ရှိသလဲ၊ ဘယ်လောက်ကြာကြာဆက်ပြီးတော့ လိုအုံးမှာလဲဆိုတာ ဒါတွေကိုလည်း ကျွန်မတို့ က ကျယ်ကျယ်ပြန့်ပြန့် လေ့လာရတယ်။ ပြဿနာတစ်ခုကို ကိုင်တွယ်တယ်ဆိုတာ အဖက်ဖက်ကနေပြီးတော့ ကြည့်ရပါတယ်။ အဲဒီတော့ တစ်ခုတည်းကြည့်လို့မရပါဘူး။ ဒါပေမယ့် မြန်မြန်ဆန်ဆန် ပြောင်းလဲရမယ်။ ကိုယ့်ပဲစင်းငုံဝယ်နေကျနိုင်ငံက ၀ယ်ဖို့ မလိုတော့ဘူးဆိုရင် ကိုယ်တစ်ခြားဘာထုတ်မလဲဆိုတာကို စဉ်းစားရမယ်။ အစိုးရက ပံ့ပိုးဖို့၊ ကူညီဖို့ကို ပညာပေးရေး၊ နောက်ထောက်ပံ့ရေး အဲဒါတွေကို ပံ့ပိုးကူညီပေးဖို့ တာဝန်ရှိပါတယ်။
``အခု မြို့တွေကျယ်လာလို့ဆိုတာတော့ အဲဒါကြောင့်လို့တော့ ပြောလို့မရပါဘူး။ သို့သော်ငြားလည်း လယ်ယာမြေကို ကြိုက်သလို တခြားဟာအတွက် သုံးလို့မရပါဘူး။ ဒါလည်းစည်းမျဉ်၊ စည်းကမ်း ဥပဒေရှိတယ် ဆိုတာလည်း သိပြီးသားဖြစ်မှာပါ။ ဥပဒေနဲ့ မကိုက်ညီဘဲနဲ့ လယ်ယာမြေကို တိုက်ဆောက်လိုက်လို့လည်း မရပါဘူး။ ဒါကြောင့် အဲဒီလိုမရအောင် လုပ်ထားတဲ့ ဥပဒေကိုလည်း တချို့က ဒါနဲ့ပြောင်းပြန်မြင်တဲ့ လူတွေ ရှိတယ်။ တချို့က ဘယ်လိုမြင်သလဲဆိုတော့ ဘာဖြစ်လို့ တောင်သူလယ် သမားတွေ သူဌေးဖြစ်တာကို မမြင်စေချင်လို့၊ သူတို့လယ်တွေကို သူတို့ဟာသူတို့ ရောင်းခွင့်ကို လွတ်လွတ်လပ်လပ် မပေးထားတာလဲဆိုပြီးတော့ မေးတဲ့လူတွေရှိတယ်။ အဲဒီလို လွတ်လွတ်လပ်လပ် မပေးရခြင်းအကြောင်းက ခုနကပြောသွားတဲ့ကိစ္စပဲ။ ကျွန်မတို့ဟာ စိုက်ပျိုးရေးကို အခြေခံတဲ့ နိုင်ငံ၊ အထူးသဖြင့် စပါးနဲ့ပတ်သက်ရင် ကျွန်မတို့ နိုင်ငံသူ၊ နိုင်ငံသားတွေဟာ ဆန်စားတဲ့ပြည်သူတွေဖြစ်တယ်။ အဲဒီတော့ ဆန်လုံလုံလောက် လောက် ထုတ်နိုင်အောင်လို့ဆိုတာကို ဦးတည်ပြီးတော့ ဒီလိုဥပဒေတွေကို ထုတ်ခဲ့ရ တာဖြစ်ပါတယ်။ ခေတ်နဲ့အညီတော့ ပြောင်းဖို့တော့ လိုမှာပါ။ မြို့ကြီးတွေက မကျယ် လာပါနဲ့လို့တော့ ပြောလို့မရပါဘူး။ ကျယ်လာမှာပဲ။ ဒါကတော့ ဖွံ့ဖြိုးတိုးတက်မှုရဲ့ အကျိုးတစ်ရပ်ပါ။ အကောင်းလည်းရှိတယ်။ အဆိုးလည်း ရှိတယ်။
``နောက်တစ်ခု ပြောသွားတဲ့အထဲမှာ အထည်ချုပ်စက်ရုံတွေ။ ဒီအထည်ချုပ် စက်ရုံတွေ တည်တံ့ခိုင်မြဲဖို့၊ ဒါကို ကျွန်မတို့ ရေတိုနဲ့ ရေရှည် စဉ်းစားရပါတယ်။ ရေတို အနေနဲ့တော့ ပြည်သူပြည်သားများရဲ့ အလုပ်အကိုင် လုံခြုံမှုအတွက် ဒီလိုစက်ရုံတွေ ထပ်ပြီးတော့ တည်ရှိနိုင်အောင် ကျွန်မတို့ကြိုးစားရမယ်။ သို့သော်ငြားလည်း ရေရှည်မှာ ကျွန်မတို့ဟာ အထည်ချုပ်စက်ရုံရဲ့အဆင့်ထက် မြင့်သွားတဲ့အဆင့်ကို ရောက်အောင်လို့ ကျွန်မတို့ဦးတည်ရမယ်။ အထည်ချုပ်စက်ရုံဆိုတာဟာ လမ်းဆုံးမဟုတ်ပါဘူး။
``အထည်ချုပ်စက်ရုံဆိုတာဟာ လမ်းလယ်ကနေသွားရင်းနဲ့ ကျွန်မတို့ ဖွံ့ဖြိုးတိုး တက်ရေးအတွက် အလွယ်တကူ၊ တနည်းအားဖြင့် ပြောရမယ်ဆိုရင် ကျွန်မတို့နိုင်ငံမှာ အထည်ချုပ်စက်ရုံတွေလာဖွင့်တဲ့ စီးပွားရေးသမားတွေဆိုတာက တခြားနိုင်ငံတွေထက် ကျွန်မတို့ဘက်မှာ သက်သက်သာသာ လုပ်နိုင်လို့လာဖွင့်တာပါ။ အဲဒီတော့ ဒါကလမ်း ဆုံမဟုတ်ဘူး။ ကျွန်မတို့ ဖြတ်သွားရမယ့်တစ်ခုပဲ။ အဲဒီတော့ အထည်ချုပ်စက်ရုံတွေ တည်မြဲပါစေဆိုတဲ့ ဦးတည်ချက်နဲ့မဟုတ်ဘဲနဲ့ ကျွန်မတို့ ပြည်သူ ပြည်သားတွေရဲ့ အလုပ်မြဲဖို့အတွက်၊ အလုပ်တစ်ဆင့်ထက်တစ်ဆင့် တက်သွားဖို့အတွက် စီးပွားရေးစီမံ ကိန်းတွေကို ကျွန်မတို့ဦးတည်ရမှာပါ။
``အဲဒီအထဲမှာ လယ်ယာကဏ္ဍကတော့ ကျွန်မတို့နိုင်ငံအတွက် အမြဲပဲအရေး ကြီးနေမှာပဲ။ ကမ္ဘာကြီးအတွက်လည်းအရေးကြီးတယ်။ ကျွန်မ ခဏခဏပြောပါတယ်။ နောက်ဆုံး ပြန်ပြီးတော့ ကြည့်လိုက်ရင် ဘယ်အစားအစာမဆို မူလကတော့ မြေကြီးက ပဲထွက်တာပဲ။ စက်ရုံထဲက ဘယ်လောက်ပဲ ဘယ်လိုပဲလုပ်လုပ်၊ စည်သွပ်ဘူးပဲ လုပ်လုပ်၊ ဘာပဲလုပ်လုပ် ပထမဦးဆုံး မြေကြီးကပဲထွက်တာပဲ။ မွေးမြူရေးဆိုရင် တောင်မှ မွေးမြူရေးတိရစ္ဆာန်တွေ စားတဲ့အစားအစာက မြေကြီးကပဲထွက်တာပဲ။ ဒါ့ကြောင့် လယ်ယာကဏ္ဍဆိုတာ ပပျောက်သွားဖို့ဆိုတာ မဖြစ်နိုင်ဘူး။ အဲဒါကြောင့် လည်း ကျွန်မတို့က ခေတ်နဲ့အညီ ခေတ်မီအောင်၊ နောက်ပြီးတော့ ခေတ်ရဲ့ လိုအပ်မှု အပေါ်မှာ အခြေခံပြီးတော့ ကျွန်မတို့နိုင်ငံအတွက် အကျိုးအမြတ်ထွက်အောင် တော့ လုပ်နိုင်ရမယ်။
``တစ်ကမ္ဘာလုံးမှာပြောနေတာ စားနပ်ရိက္ခာလုံခြုံမှု၊ ဒါလိုအပ်လာပြီ အထူး သဖြင့် ၂၁ ရာစုနှစ် ကုန်လာတာနဲ့အမျှ စားနပ်ရိက္ခာ လုံခြုံမှုက ပိုပြီးတော့ကြီးမားတဲ့ လိုအပ်ချက်ဖြစ်မယ်ဆိုတာ ပြောနေပေမယ့်လည်း ဒီဟာကို အခြေခံပြီးတော့ စီးပွားရေး စီမံကိန်းတွေ သတ်မှတ်တဲ့နိုင်ငံတွေက အင်မတန်မှရှားပါတယ်။ ကျွန်မတို့ကတော့ ဒီဟာကို အမြဲပဲနှလုံးသွင်းပြီးတော့ စားနပ်ရိက္ခာ လုံခြုံမှုအတွက် ကမ္ဘာ့စားနပ်ရိက္ခာ လုံခြုံမှုလိုအပ်ချက်အရ ကျွန်မတို့ရဲ့ စိုက်ပျိုးရေးကဏ္ဍကို ဘယ်လိုဖွံ့ဖြိုးတိုးတက် အောင် လုပ်နိုင်မလဲဆိုတာကို စဉ်းစားပြီးတော့ ကျွန်မတို့ကြိုးစားသွားမယ်။
``ငြိမ်းချမ်းရေးရဖို့ဆိုရာမှာ တိုင်းရင်းသားလူငယ်များ အချင်းချင်းကြားထဲမှာ ပိုပြီးတော့ခင်မင်မှုရှိလာရင်၊ ရင်းနှီးမှုရှိလာရင်၊ တစ်ယောက်နဲ့ တစ်ယောက်ပိုပြီး နားလည်မှုရှိလာရင် ငြိမ်းချမ်းရေးအတွက် အထောက်အကူဖြစ်မယ်ဆိုတာကို ကျွန်မတို့ အားလုံးသဘောတူမယ်လို့ ထင်ပါတယ်။ ခေါင်းဆောင်တွေ မဟုတ် လို့ငြိမ်းချမ်းရေး မရတာ။ ဒါကလည်းဟုတ်ပါတယ်။ ခေါင်းဆောင်တွေက တကယ် ပဲငြိမ်းချမ်းရေးရချင် တယ်ဆိုရင် ငြိမ်းချမ်းရေးမရစရာအကြောင်းဘာမှမရှိပါဘူး။ ခေါင်းဆောင်တွေကနေပြီး တော့ မှန်မှန်ကန်ကန်ခေါင်းဆောင်မှုမပြုရင် ဖယ်ရှားသင့် တယ်ဆိုတာ ဒါဒီမိုကရေစီရဲ့ အနှစ်သာရပါပဲ။ ဒီမိုကရေစီရဲ့အနှစ်သာရဆိုတာဟာ ပြည်သူလူထုရွေးချယ်တင်မြှောက် တဲ့ အစိုးရဖြစ်ရမယ်။
ပြည်သူလူထုရွေးချယ် တင်မြှောက်တဲ့အစိုးရဆိုတာဟာ ကျွန်မတို့အထွေထွေရွေး ကောက်ပွဲတွေက ရွေးချယ်တင်မြှောက်တယ်။ အစိုးရဆိုတာခေါင်းဆောင်ပါ။ ယာယီ ခေါင်းဆောင်ပါ။ နိုင်ငံကို ဦးဆောင်မှုပေးနေတဲ့၊ ခေါင်းဆောင်မှုပေးနေတဲ့အစိုးရကို ပြည်သူကနေပြီး မသင့်တော်ဘူး၊ မကျေနပ်ဘူးဆိုရင် နောက်ရွေးကောက်ပွဲမှာ အေးအေးချမ်းချမ်းနဲ့ ဖယ်ရှားလိုက် လို့ရတယ်။ အဲဒါဟာ ဒီမိုကရေစီစနစ်ရဲ့ အဓိက အားသာချက်ပဲ။ ကိုယ့်ရဲ့နိုင်ငံ ပြောင်းလဲသင့်တယ်လို့ထင်ရင် ပြည်သူလူထုကနေပြီး ငြိမ်းငြိမ်းချမ်းချမ်းနဲ့ ပြောင်းလဲပေး ပိုင်ခွင့်အပြည့်အ၀ရှိတယ်။ ဒါကြောင့်ကျွန်မတို့က ဒီမိုကရေစီကိုဦးတည်ပြီး ဒီမိုကရေစီ အပြည့်အ၀ရအောင်လို့ ကြိုးစားနေတာ ဖြစ်ပါတယ်။
ခေါင်းဆောင်တွေရဲ့တာဝန်ဆိုတာလည်း အင်မတန်မှ ကြီးပါတယ်။ လူတွေရဲ့ သဘောသဘာဝအရ ခေါင်းဆောင်တွေရဲ့စကားကို နားထောင်ကြတာများပါတယ်။ ခေါင်းဆောင်ကလုပ်တယ်ဆိုရင်လိုက်လုပ်ကြတယ်။ ခေါင်းဆောင်ကလုပ်တာကို မမှန် မှန်းသိရဲ့သားနဲ့ လိုက်လုပ်တာဟာ တကယ်တော့မှန်ကန်တဲ့လုပ်ရပ်မဟုတ်ပါဘူး။ လူတိုင်းသိပါတယ်။ သို့သော်ငြားလည်း မလွန်ဆန်နိုင်လို့ဆိုပြီးလုပ်ကြတယ်။ ကျွန်မ ပြောချင်တာက ကျွန်မတို့အစိုးရကိုတကယ်ပဲချစ်ခင်လေးစားတယ်ဆိုရင် မမှန်တာကို လုပ်နေရင် မထောက်ခံသင့်ဘူး။ မမှန်တာကိုလုပ်နေရင် ဒါကိုမမှန်ပါဘူး ဆိုတာကို ထောက်ပြသင့်တယ်။ ဒါပေမယ့်လည်း တချို့ကျတော့ ဒါလည်းကျွန်မတို့ ပြည်သူတွေ အသိပဲ။ ကျွန်မတို့အစိုးရက ဘာလုပ်လုပ်အပြစ်ရှာဖို့စောင့်ကြည့်နေတဲ့ လူမျိုးလည်းရှိ တယ်။ ဒါဟာ နိုင်ငံပေါ်မှာစေတနာရှိလို့တော့မဟုတ်ဘူး။ သူတို့အပေါ်မှာသူတို့ စေတနာရှိလို့ပဲ ဒီလိုပဲ သတ်မှတ်ရမှာပဲ။ ကျွန်မတို့ပြည်သူတွေဟာ အစိုးရများကို ထိန်းထားနိုင်တဲ့ ပြည်သူများဖြစ်ဖုိ့လိုပါတယ်။ အစိုးရများကို ထိန်းထားနိုင်တဲ့ ပြည်သူ များ၊ ပြည်သားများဆိုတာ ဗဟုသုတကြွယ်ဝရမယ်။ လူငယ်တွေက စာဖတ်ဖို့လို တယ်လို့လည်းပြောသွားပါတယ်။ ဆွေးနွေးပွဲဆိုတာ တစ်ချိန်လုံးလုပ်နေလို့မရဘူး။ ဒါပေမယ့် စာဆိုတာတစ်ချိန်လုံး ဖတ်နေလို့ရတယ်။ ကိုယ်တကယ်လုပ်ချင်ရင် ကျောင်း သူကျောင်းသားများအနေနဲ့ တကယ်ပဲပညာရှာချင်ရင် ရှာနိုင်တဲ့အခွင့်အရေးတွေရှိ တယ်။
ကျွန်မတို့လိုပေါ့ ဖွံ့ဖြိုးတိုးတက်မှုမရှိသေးတဲ့နိုင်ငံမှာဆိုရင် အပင်ပန်းခံပြီး၊ ဒုက္ခခံပြီး ပညာရှာရမယ်။ ရတဲ့ပညာနဲ့ နောင်လာနောက်သားတွေ သက်သက်သာသာနဲ့ ဆက်ပြီးနေနိုင်အောင်လို့ ကျွန်မတို့ကလုပ်ပေးသွားရမှာဖြစ်ပါတယ်။´
ငြိမ်းချမ်းရေး မရှိတဲ့အခါကျရင် အမျိုးသမီးနဲ့ ကလေးတွေ ဒုက္ခရောက် တယ်ဆိုတာကို ပြောသွားတယ်။ အဲဒါကို သဘောကျတယ်။ အားလုံးပဲ ပြောကြပါ တယ်။ နိုင်ငံတစ်နိုင်ငံ၊ ဒေသ တစ်ခုမှာ ငြိမ်းချမ်းရေးမရှိရင်၊ စစ်မက်တွေ ဖြစ်နေရင် ဒုက္ခအခံရဆုံးက ကလေးတွေနဲ့ အမျိုးသမီးတွေပဲ။ ဒါကြောင့် အမျိုးသမီးတွေက ငြိမ်းချမ်းရေးအတွက်ကို ထဲထဲဝင်ဝင် လုပ်ဖို့လိုတယ်။ ဘာဖြစ်လို့ဒုက္ခခံရမယ့်ကိစ္စတွေ ကို အမျိုးသားတွေက လုပ်နေရသလဲဆိုတဲ့ အဲဒီမေးခွန်းကို မေးရဲရမယ်။ အဲဒီမေးခွန်းရဲ့ အဖြေကို မဖြစ်မနေပေးရမယ်ဆိုပြီး အမျိုးသားတွေကို ပညာပေးရလိမ့်မယ်။ တကယ်ပဲ ငြိမ်းချမ်းရေးလိုချင်တယ်ဆိုရင် နေ့ချင်းညချင်းရအောင်လုပ်လို့ရတယ်။
``ဆန္ဒမပါသေးလို့မရတာပဲလို့ ဒီလိုပဲသတ်မှတ်ပါတယ်။ ငြိမ်းချမ်းရေးနဲ့ ဖွံ့ဖြိုး ရေးဟာ ပတ်သက်နေတာကို စောစောက ဆွေးနွေးခဲ့တာလည်း ရှိပါတယ်။ ကျွန်မတို့ သဘောတူပါတယ်။ ပညာရေးစနစ်နဲ့ ပတ်သက်ရင် တချိန်တုန်းက မြန်မာနိုင်ငံက အရှေ့တောင်အာရှမှာ ပညာရေးအဆင့် အမြင့်ဆုံးနိုင်ငံဖြစ်ခဲ့တယ်။ ဒါပေမယ့် စနစ် ကြောင့် ကျကျလာလိုက်တာ အခုဆိုရင် အောက်ဆုံးလောက်မှာ ရောက်နေတယ်။ ပြန်တက်ဖို့ဆိုတာ နေ့ချင်းညချင်း လုပ်လို့မရဘူး။ ဘာဖြစ်လို့လဲဆိုတော့ ဒီနိုင်ငံ မှာကောင်းမွန်တဲ့ ပညာရေးစနစ်ကို မမီလိုက်ရတဲ့ ပုဂ္ဂိုလ်တွေက မျိုးဆက်နှစ်ဆက် လောက်ရှိနေပြီ။
``ပြောရမယ်ဆိုရင် ဆရာ၊ ဆရာမတွေ တော်တော်များများက ကောင်းမွန်တဲ့ ပညာရေးစနစ်ကို မမီခဲ့ဘူး။ အခုကောင်းမွန်တဲ့ ပညာရေးနစ် ထူထောင်ဖို့ဆိုတော့ ဆရာ၊ ဆရာမတွေရဲ့ အရည်အချင်းကိုပါ တခါတည်းဖြည့်ပေးနေရတယ်။ ကျောင်းသား တွေကိုပဲ အာရုံစိုက်ပြီး ကြည့်လိုမရဘူး။ ဆရာ၊ ဆရာမတွေကိုလည်း ကြည့်ရတယ်။ ဆရာ၊ ဆရာမတွေကို အရည်အချင်းဖြည့်ပေးဖို့ဆိုတာ ဒါလည်း လွယ်တဲ့ကိစ္စမဟုတ် ဘူး။ သူတို့အလုပ်တွေပစ်ပြီး အားလုံးကျောင်းပြန်ပြီး တက်ဖို့ဆိုတာလည်း မဖြစ်နိုင်ဘူး။ အလုပ်ကတစ်ဖက်၊ အရည်အချင်းမြှင့်တင်ရေးကိစ္စတွေက တစ်ဖက်နဲ့ နှစ်ခုစလုံးကို တစ်ချိန်တည်းမှာလုပ်သွားရမှာပါ။ ဒါလည်းသေးတဲ့ တာဝန်မဟုတ်ဘူး။ အစိုးရအနေနဲ့ လည်း ပံ့ပိုးမှုလုပ်ရမယ်။
``နောက်လက်တွေ့ကျကျလုပ်ဖို့ကိစ္စ၊ အဲဒါက အကြောင်းနှစ်ကြောင်းရှိတယ်။ တစ်ကြောင်းက ငွေကြေးကိစ္စ၊ ဥပမာ Practical ဓာတ်ခွဲခန်းတွေဆိုတာဟာ ပိုက်ဆံရှိမှ ကျောင်းတွေမှာ လုပ်နိုင်မှာပါ။ ကျွန်မတို့ ကျောင်းတွေမှာ မရှိဘူး။ တက္ကသိုလ်အဆင့်မှ ရှိတာ။ တက္ကသိုလ်တွေတောင်မှ ဒီလောက်ပြည့်စုံတဲ့ ဓာတ်ခွဲခန်းတွေမဟုတ်ဘူး။ အဲဒီကနေတစ်ဆင့် ကွင်းဆင်းပြီးလေ့လာတာတွေမှာလည်း ငွေရေးကြေးရေး လိုအပ် တယ်။ နောက်ပြီး ဆရာ ဆရာမတွေကလည်း ဒီလိုမျိုးလုပ်တတ်ဖို့လိုတယ်။ ဒီလို လက်တွေ့ ကျကျသင်တဲ့နည်းတွေကို ဆရာ၊ ဆရာမတွေက ကျွမ်းကျင်ဖို့လိုတယ်။ နှစ်ပေါင်းများစွာ ဆယ်စုနှစ်တွေနဲ့ချီပြီး မသုံးခဲ့ရတော့ ဆရာ၊ ဆရာမတွေလည်း မလုပ် တတ်ဘူးဖြစ်နေတယ်။
``မလုပ်တတ်တဲ့ အခါကျတော့ စောစောကပြောသလို ဆရာ၊ ဆရာမတွေရဲ့ အရည်အချင်းတွေလည်း မြှင့်တင်ပေးရသေးတယ်။ ကျောင်းသားတွေ အခုလက်ရှိ ပစ္စုပ္ပန်မှာ ပိုပြီးတော့ ကောင်းကောင်းမွန်မွန် သင်နိုင်ဖို့အတွက် အထောက်အကူပစ္စည်း တွေကိုလည်း ပံ့ပိုးရတယ်။ ဒီနှစ်ခုစလုံးကို တစ်ချိန်တည်း လုပ်ရတယ်ဆိုတာ ငွေတစ်ခု တည်းနဲ့မပြီးဘူး။ သင်ပေးဖို့ဆိုတာ အချိန်ယူရတယ်။ အတတ်နိုင်ဆုံး အချိန်တိုအတွင်း မှာ တိုးတက်မှုဖြစ်အောင် ကြိုးစားတယ်။ ကျောင်းသူကျောင်းသား လူငယ်တွေကလည်း ကိုယ့်အရည်အချင်းကို မြှင့်တင်ရေးအတွက် ရုန်းကန်ရမယ်။ နောက်ဆုံး အတ္တာဟိ အတ္တနော နာထော ဆိုတဲ့ မိမိကိုယ်သာ ကိုးကွယ်ရာဆိုပြီး ကိုယ့်ကိုကိုယ် အားကိုးစိတ် ရှိရမယ်။ ကိုယ့်ဘာသာ အားကိုးနိုင်မှ တခြားသူတွေကိုလည်း ကိုယ်နဲ့အတူ ပါအောင် ခေါ်နိုင်မယ်။
``မကြာခင်က ကျွန်မ ပေတောကျေးရွာလေးကိုသွားခဲ့တယ်။ အဲဒီမှာ မူလတန်း ကျောင်းလေးကိုသွားကြည့်တဲ့အခါ အဲဒီကျောင်းလေးကထူးခြားတယ်။ ထူးခြားတယ်ဆို တာက ကျောင်းဆရာက ၃ ယောက်ရှိတယ်။ ဆရာမ က နှစ်ယောက်ရှိတယ်။ ဒါဆိုရင် ဒီနိုင်ငံမှာ ထူးခြားတာပဲ။ တော်တော်များများ ကျောင်းတွေမှာဆိုရင် ဆရာဆိုရင် မူးလို့မှ ရှုစရာ၊ ဘယ်မှာမှ ရှာမတွေ့ဘူး။ ဆရာမတွေချည်းပဲ။ အဲဒီကျောင်းမှာ ကျောင်းဆရာက ၃ ယောက်ရှိတယ်။ ဆရာမ က နှစ်ယောက်ရှိတယ်။ ဒါထက်ပိုပြီး သဘောကျတာက ဘာလဲဆိုတော့ ကလေးတွေက လုံးဝရှက်တာ၊ ကြောက်တာမရှိဘူး။ မေးလို့ရှိရင် ဖြေတာပဲ၊ ဘာတတ်သလဲမေးလို့ရှိရင် ခပ်အေးအေး ရွတ်ပြတာပဲ။သူတို့ကို သူတို့ ယုံကြည်မှု ရှိတဲ့ပုံ ပေါ်တယ်။အဲဒါက အရေးကြီးဆုံးပဲ။

``ကျွန်မတို့ ကလေးတွေကို သူတို့ကိုယ် သူတို့ ယုံကြည်မှုရှိအောင် သင်ပေးရင် သူတို့ဘာသာပညာရှာနိုင်တယ်။ သူတို့ဘာသာ ပညာရှာနိုင်တဲ့ အရည်အချင်းတွေ လည်းပြည့်လာမယ်။ တချို့ကျောင်းတွေမှာဆိုရင် ကလေးတွေကို တုံးသွားအောင် လုပ်သလိုဖြစ်နေတယ်။ မေးခွန်းမေးရင် ဆရာမက သူပဲ အဖြေမသိလို့လား၊ အချိန်ပဲ မရှိလို့လားမသိဘူး။ မမေးနဲ့ဆိုပြီး ဟန့်လိုက်တဲ့အခါကျတော့ နောက်ထပ်ကလေး တွေက မမေးရဲတော့ဘူး။ မမေးရဲတာနဲ့ နောက်တဆင့် ဘာဖြစ်သွားလဲဆိုတော့ မမေး တတ်တော့ဘူး။ မေးခွန်းမမေးတတ်ရင် ဒီဘ၀မှာ တိုးတက်မှုမရှိနိုင်ဘူး။ မေးခွန်း မေးတတ်ရမယ်။ ကိစ္စတစ်ခုဖြစ်ရင် ဒါဘာကြောင့်ဖြစ်တာလဲ။ အခုငြိမ်းချမ်းရေး မရဘူး။ ဘာကြောင့် ငြိမ်းချမ်းရေးမရတာလဲ။ ငြိမ်းချမ်းရေးရဲ့ အဟန့်အတားက ဘာတွေလဲ၊ ဒီလိုမေးခွန်းတွေ မေးတတ်ရမယ်။ ဒီလိုမေးခွန်းတွေ မမေးတတ်ရင် ဘယ်တော့မှ အဖြေရမှာမဟုတ်ဘူး။ ဘယ်တော့မှ တိုးတက်မှု ရှိမှာမဟုတ်ဘူး။
``ပညာသင်တယ်ဆိုတာ ကလေးတွေဟာ သိချင်စိတ်၊ စူးစမ်းဆင်ခြင်တတ်ရုံ တင်မဟုတ်ဘူး။ သိချင်တတ်ချင်စိတ်ရှိဖို့က အရေးကြီးတယ်။ ကလေးလေးတစ် ယောက်ဟာ သိချင်တတ်ချင်စိတ် ရှိပြီဆိုရင် သူ့ဘာသာသင်ယူမှာပဲ။ ငယ်ငယ်တုန်းက ကျောင်းစာထဲမှာ ပုံပြင်တစ်ခုသင်ရတယ်။ ဒါကတော့ ဆရာကို မရိုသေတာနဲ့ ပတ်သက် လို့ပါ။ ဆရာကိုအာခံရင် အာခေါင်ကို လှံစူးတယ်ဆိုတယ်။ အဲဒီမှာ လူတစ်ယောက်က ငှက်ကို ကြည့်ပြီးတော့ ပညာရှာတာပဲ။ ငှက်ရဲ့ လုပ်ပုံလုပ်နည်းကို ကြည့်ပြီးတော့ သူပညာရပ်တစ်ခုကို ရအောင်လုပ်တာပဲ။ သင်ယူချင်ရင် အချိန်မရွေး သင်ယူနိုင်တယ်။ လောကကြီးမှာ ကိုယ့်ဘေးမှာ ဖြစ်နေပျက်နေတဲ့ ကိစ္စတွေကို နိစ္စဓူဝ လေ့လာပြီးတော့ ပညာတွေအများကြီးရနိုင်တယ်။ အဲဒီစိတ်ဓာတ်ကို လူငယ်တွေ၊ ကျောင်းသူကျောင်း သားတွေရဲ့ စိတ်အတွင်းမှာ၊ နှလုံးသားထဲမှာ စွဲသွားအောင်လို့ လုပ်ပေးဖို့လိုတယ်။ အဲဒီလိုဆိုရင် ပညာတတ်သွားပြီ၊ ပညာရှာတတ်သွားမှ တကယ့်ပညာတတ်လို့ ခေါ်တယ်။ ကိုယ့်ဘာသာ ကျောင်းခန်းအပြင်ဘက်မှာ ပညာရှာတတ်သွားတဲ့သူဟာ ပညာတတ်ပဲ။ ကျောင်းခန်း အပြင်ဘက်ရောက်လို့မှ ကျောင်းခန်းထဲက ပညာကလွဲလို့ ဘာမှမတတ်ဘူးဆိုရင် ပညာတတ်လို့ သတ်မှတ်ရမှာ အင်မတန်မှ ခက်ပါတယ်။ အဲဒီတော့ ၀ိုင်းဝန်းပြီး ဆွေးနွေးပေးလို့ ကျေးဇူးတင်ပါတယ်။´´ ဟုပြောကြားသည်။
ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး က မိမိတို့အနေဖြင့် ဆေးရုံကြီးဆောက်ရန်ရှိပါကြောင်း၊ ဆရာဝန်များ ဖြည့်ဆည်းရန် လည်းအဓိကဖြစ်ပါကြောင်း၊ ခုတင် ၅၀ တွင် ၈၆ ယောက်မှ ၁၀၁ ယောက်အထိ တိုးရ မည်ဖြစ်ပါကြောင်း၊ ကြားဖြတ်အစီအစဉ်အနေဖြင့် ဆရာဝန်များ ပို့ပေးမည်ဖြစ်ပါကြောင်း၊ ဆရာဝန်များခန့်ရန် အစိုးရအဖွဲ့ကလည်း သဘောတူပြီးဖြစ်ပါကြောင်း၊ အတွေ့အကြုံရှိ သည့် ရန်ကုန်ဆေးရုံကြီးနှင့် မန္တလေးဆေးရုံကြီးများမှ ၂ နှစ် ၃ နှစ်ကျော်သည့် သူများ ကို ပို့ပေးမည်ဖြစ်ပါကြောင်း၊ တိုင်းဒေသကြီးနှင့် ပြည်နယ် ဦးစီးမှူးများကို မိမိတိုင်း ဒေသကြီးနှင့် ပြည်နယ်တိုင်းတွင်ရှိသော ဆေးရုံတိုင်းကို ကုတင်တိုးရန် လိုအပ်မှု ရှိ မရှိ ဆန်းစစ်ရန် လမ်းညွှန်ထားပြီးဖြစ်ပါကြောင်း။

လာမည့်နှစ်တွင် ဘဏ္ဍာငွေတိုးပြီးလုပ်ရန်ရှိပါကြောင်း၊ အဓိကအနေဖြင့် ဆရာ ၀န်များရောက်အောင် လွှတ်ပေးမည်ဖြစ်ကြောင်း၊ ၀န်ထမ်းအိမ်ရာများနှင့်ပတ်သက်ပြီး ၂၀၁၈-၂၀၁၉ ဘတ်ဂျက်တွင် ငွေကျပ် ၂၆၉ ဘီလီယံသုံးစွဲပြီး ၀န်ထမ်းအိမ်ရာများ ဆောက်လုပ်သွားမည်ဖြစ်ပါကြောင်း ဖြည့်စွက်ဆွေးနွေးသည်။
မကွေးတိ်ုင်းဒေသကြီး စိုက်ပျိုးမွေးမြူရေးနှင့် ဆည်မြောင်းဝန်ကြီးက ဦးဝင်းမော် ဌေးက မိမိကိုယ်တိုင် တောင်သူတစ်ဦးဖြစ်ပါကြောင်း၊ မကွေးတွင် ဆီထွက်ဖြစ်သည့် မြေပဲ၊ နှမ်းတို့ကို နှစ်တိုင်းစိုက်ပါကြောင်း၊ ရှုံးနေသည်မှာ ၂ နှစ် ၃ နှစ်ရှိပြီဖြစ်ပါကြောင်း၊ မကွေးတွင်လည်း စိုက်ပျိုးရေးသုတေသနခြံရှိပါကြောင်း၊ တောင်သူများ မျိုးကောင်းမျိုး သန့်ရရှိရေး၊ ရာသီဥတုဒဏ်ခံနိုင်သည် မျိုးစိတ်များရရှိရေး သုတေသနလုပ်ရန် သုတေ သနခြံကို အမြဲညွှန်ကြားပါကြောင်း၊ ယခင်စိုက်ပျိုးသည့် အချိန်က မျိုးများကို ပွဲရုံမှာတင် ၀ယ်ကြပါကြောင်း၊ စိုက်ပျိုးရေးသုတေသနခြံက ၀ယ်ရသည်ကို သိရှိသူအနည်းငယ်သာ ရှိပါကြောင်း၊ ကျယ်ကျယ်ပြန့်ပြန့် ဖြန့်ဖြူးနိုင်သည့် အနေအထားမရှိသေးပါကြောင်း၊ သက်ဆိုင်ရာ တိုင်းစိုက်ပျိုးရေးဦးစီးမှူးနှင့် ညှိနှိုင်းပြီး ယခုကြိုးစားထားပါကြောင်း။
စိုက်ပျိုးရေးချေးငွေကိစ္စတွင် ယခင်က ကျပ် ၂ သောင်းသာရပါကြောင်း၊ ယခု ၅ သောင်း ဆိုသည်မှာ တစ်ဧကကို ၂၀ ရာခိုင်နှုန်းခန့်သာရှိပါကြောင်း၊ တစ်ဧက အမှန်တကယ် ၃ သိန်းခန့်ကုန်ကျပါကြောင်း၊ ခိုင်းကျွဲနွားများကို ရောင်းချရာတွင် ယနေ့အထိ မကွေး တိုင်းတွင် မိမိသိသလောက် အကောင်ရေ ၁၇၀၀၀ ကျော်ခန့် ကုမ္ပဏီပေါင်း ၁၇၀ ကနေတင်ပို့ပြီးဖြစ်ပါကြောင်း၊ တရားဝင်သွားခြင်းဖြစ်ပါကြောင်း၊ တရားမ၀င်သွားသည် များရှိသည်ဟု ကြားသိနေရပါကြောင်း။ ယင်းအတွက် သက်ဆိုင်ရာ လွှတ်တော်ကိုယ် စားလှယ်များနှင့် ညှိနှိုင်းပြီး တတ်နိုင်သလောက် ထိန်းချုပ်ရန် ကြိုးစားနေပါကြောင်း၊ သိမ်းဆည်းခံ လယ်မြေများကို မူလတောင်သူများထံ ပြန်လည်ပေးနိုင်ရေး မိမိတို့ မြေသိမ်း ကော်မတီအဆင့်ဆင့်ကို ဖွဲ့စည်းပြီး ကြိုးစား ဆောင်ရွက်နေပါကြောင်း။
ကော်မတီများတွင်လည်း အဓိက တောင်သူလယ်သမားကိုယ်စားလှယ်များ၊ လွှတ်တော်ကိုယ်စားလှယ်များ၊ ဌာနဆိုင်ရာအသီးသီးမှ ပုဂ္ဂိုလ်များပါဝင်ဖွဲ့စည်းပြီး တိုင်း မြေသိမ်းကော်မတီကိုတင်ပြပြီး အမြန်ဆုံးဆောင်ရွက်နိုင်ရန် ကြိုးစားနေပါကြောင်း၊ မူလပိုင်ရှင် တောင်သူလယ်သမားများသို့ လက်ထဲစိုက်ပျိုးမြေများကို ပြန်လည်အပ်နှံရေး ကြိုးစားနေပါကြောင်းဖြည့်စွက်ဆွေးနွေးသည်။

ရေစကြိုမြို့နယ် ဆန်းသစ်ကျေးရွာ ဘုန်းတော်ကြီးကျောင်း ကျောင်းထိုင် ဆရာတော် ဦးခေမာစာရက လယ်ယာမြေကိစ္စနှင့်စပ်လျဉ်း၍လည်းကောင်း၊ ပခုက္ကူ စက်မှုဇုန် စီမံခန့်ခွဲမှုကော်မတီ ဥက္ကဋ္ဌ ဦးကျော်ထင်က ပခုက္ကူ စက်မှုဇုန်ဖွံ့ဖြိုးတိုး တက်ရေးနှင့် ပညာရေးအခြေခံအဆောက်အအုံလိုအပ်ချက်များ ဖြည့်ဆည်းပေးနိုင်ရေး နှင့်စပ်လျဉ်း၍ လည်းကောင်း၊ ပခုက္ကူမြို့နယ် ပုဂ္ဂလိကမော်တော်ယာဉ်လိုင်းများ ကြီးကြပ်ရေးကော်မတီဥက္ကဋ္ဌ ဦးမောင်မောင်ထွေးက အဝေးပြေးယာဉ်ရပ်နားစခန်း ဆောင်ရွက် ပေးနိုင်ရေးနှင့် စပ်လျဉ်း၍လည်းကောင်း မေးမြန်းရာ နိုင်ငံတော်၏အတိုင် ပင်ခံပုဂ္ဂိုလ် ဒေါ်အောင်ဆန်းစုကြည်နှင့် မကွေးတိုင်းဒေသကြီးဝန်ကြီးချုပ် ဒေါက်တာ အောင်မိုးညိုတို့က ပြန်လည်ရှင်းလင်း ဖြေကြားသည်။
ထို့နောက် အွန်လိုင်းမှတစ်ဆင့် မေးမြန်းသည့် မေးခွန်း ၃ ခုကို နိုင်ငံတော်၏ အတိုင်ပင်ခံပုဂ္ဂိုလ်က ပြန်လည်ဖြေကြားသည်။

မင်းရသ၏ မေးခွန်းနှင့်စပ်လျဉ်း၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်း ဆန်းစုကြည်က ``ကျွန်မပြောချင်တာက ပြည်သူတွေက ငြိမ်းချမ်းရေးလိုချင် တယ်ဆို တာကို သေသေချာချာ သက်ဆိုင်တဲ့ပုဂ္ဂိုလ်တွေသိအောင် အသံထွက်ပြီး အသိပေးကြ ရပါလိမ့်မယ်။ ပြည်သူတွေက ငြိမ်းချမ်းရေးလိုချင်တယ်။ ငြိမ်းချမ်းရေးမလို ချင်တာက ဘယ်သူတွေလဲဆိုတာ ပြည်သူတွေ သိဖို့လိုပါတယ်။ ဒါကြောင့် ငြိမ်းချမ်းရေး လိုချင်တဲ့ ပြည်သူတွေအားလုံး စည်းစည်းလုံးလုံးနဲ့ တစ်သံတည်းထွက်ပြီး ကိုယ်လက် လှမ်းမီရာ လက်လှမ်းမီရာ ငြိမ်းချမ်းရေးအတွက် သဲတစ်ပွင့် အုတ်တစ်ချပ် ငြိမ်းချမ်းရေး ဗိမာန်ကြီး ကို တည်ဆောက်ရေးအတွက် ပံ့ပိုးကြပါ။ တစ်ဦးနဲ့ တစ်ဦး တွန်းအားပေးနိုင်ရင် အများ ကြီးခရီးရောက်မှာ ဖြစ်ပါတယ်။

``ဒီလိုငြိမ်းချမ်းရေးစကားဝိုင်းတွေ လုပ်ရတာ ပင်ပန်းတယ်လို့ မထင်ပါဘူး။ ဒီလို စကားဝိုင်းတွေနဲ့မှ ပြည်သူတွေနဲ့ ထိတွေ့မှုရှိတာပါ။ ဒီလိုလာရတာ ကျွန်မအတွက် စိတ်ချမ်းသာပါတယ်။ ပြည်သူတွေအနေနဲ့လည်း ကျွန်မတို့ရဲ့ လုပ်ငန်းတွေကို ပံ့ပိုးမယ် ဆိုတာ ယုံကြည်ပါတယ်။ ကျွန်မတို့ဟာ ပြည်သူလူထုကို ယုံကြည်လို့ နိုင်ငံရေးလုပ်ခဲ့ တာပါ။ ပြည်သူကို မယုံကြည်ရင် ဘယ်တော့မှ နိုင်ငံရေးမလုပ်ဘူး။ အာဏာရရှိရေးနဲ့ နိုင်ငံရေးနဲ့ မတူပါဘူး။ နိုင်ငံ့အရေးလုပ်တယ်ဆိုတာ ပြည်သူကို ယုံကြည်မှုမရှိဘဲ လုပ် လို့မရဘူး။ ဆက်ပြီးတော့လည်း ယုံကြည်သွားမယ် ပံ့ပိုးပေးကြပါ ´´ဟုဖြေကြားသည်။
ကျော်ဇောအောင်၏ မေးခွန်းနှင့်စပ်လျဉ်း၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ``ကျွန်မသက်သာအောင်လို့ ၀န်ကြီးတွေနဲ့ ပြည်နယ်၊ တိုင်း တွေမှာ ထိတွေ့မှုတွေလုပ်ပေးပါဆိုတာ ကောင်းပါတယ်။ ဒါပေမယ့် ၀န်ကြီးတွေ ပြော တာ မဟုတ်ရင် ကျွန်မ ပိုပင်ပန်းတာမျိုးတော့ မဖြစ်စေချင်ပါဘူး။ ဒီလိုစကားဝိုင်းတွေ လိုလားတယ်ဆိုရင် ကျွန်မအနေနဲ့ ၀န်ကြီးတွေကို ကန့်သတ်ထားမှာ မဟုတ်ပါဘူး။ ကိုယ့်ရဲ့သက်ဆိုင်ရာ ကဏ္ဍအရ ပြည်သူတွေနဲ့ ထိတွေ့ပြီး ဆွေးနွေးပွဲတွေ လုပ်နိုင်ဖို့ အတွက် ကျွန်မစဉ်းစားပါ့မယ်။ ´´ ဟုဖြေကြားသည်။

ကျော်ငြိမ်းသန့်၏ မေးခွန်းနှင့်စပ်လျဉ်း၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က `` ကျွန်မတို့အနေနဲ့ အလုပ်တစ်ခုကို လုပ်မယ်ဆိုရင် အစီအစဉ် နဲ့တင်မကဘူး လုပ်ကိုလုပ်ပါတယ်။ ဒေါ်ခင်ကြည်ဖောင်ဒေးရှင်းအနေနဲ့ ရွေ့လျားစာကြည့် တိုက်တွေလုပ်နေတာ တစ်နိုင်ငံလုံးမှာပြန့်သွားပါပြီ။ ပထမဆုံးစတာကတော့ ကျွန်မရဲ့ မြို့နယ် ကော့မှူးမြို့နယ်ကစတာပါ။ ရွေ့လျားစာကြည့်တိုက် စလုပ်တဲ့နေ့မှာပဲ ရှိတဲ့ စာအုပ်တွေ အားလုံးငှားဖြစ်သွားတယ်။ ဒါကြောင့် အားတက်သွားတယ်။ ပြည်သူတွေ ဟာ စာဖတ်ချင်တယ်။ စာအုပ်မရှိလို့သာ မဖတ်ရတာကို သဘောပေါက်သွားတဲ့အတွက် ဒေါ်ခင်ကြည်ဖောင်ဒေးရှင်းကနေ ရွှေ့လျားစာကြည့်တိုက်တွေကို အောင်အောင်မြင်မြင် နဲ့ တိုင်းနဲ့ပြည်နယ် အနှံ့အပြားမှာရှိလာပါပြီ။ နောက်ဆို ပြန်ကြားရေးဝန်ကြီးဌာနနဲ့ ပညာရေးဝန်ကြီး တို့ပူးပေါင်းပြီး ကျောင်းတွေ၊ မြို့တွေမှာ ရှိနိုင်ဖို့ကြိုးစားသွားပါမယ်။ အခုစပြီးလုပ်နေပါပြီ။

ကျွန်မတို့ ပြည်သူ ပြည်သားများဟာ စာဖတ်ဝါသနာပါနိုင်တဲ့ အခြေခံဗီဇ ရှိတယ် ဆိုတာကိုမြင်ရပါတယ်။ ကလေးတွေကို ငယ်ငယ်ကတည်းက စာဖတ်နိုင်ဖို့ လူကြီးတွေ ကအားပေးရမယ်။ အခုတစ်ကမ္ဘာလုံးမှာဖြစ်နေတာက ကလေးတွေက ငယ်ငယ်က တည်းက ဖုန်းတွေကိုင်တဲ့အခါကျတော့ စာဖတ်တဲ့ အလေ့အကျင့်မရှိတော့ဘူး။ စာအုပ် တစ်အုပ်ဖတ်တယ်ဆိုတာ စာအုပ်ထဲမှာ အာရုံစူးစိုက်ရတယ်။ အတွေးအခေါ်တွေလည်း အများကြီးပေါ်လာတယ်။ အထူးသဖြင့် လူငယ်တွေ ကို စာဖတ်တဲ့အလေ့အကျင့် ရှိစေ ချင်တယ်။ မိဘတွေကလည်း အားပေးရုံတင်မကဘူး လက်တွေ့ကျကျ ကူညီပေးဖို့လို တယ်။ ဒါဆိုရင် ကျွန်မတို့ ကလေးတွေ အများကြီးတိုးတက်မှု ရှိမှာပါ။ ကျွန်မတို့ရဲ့ ပြည်သူ ပြည်သားတွေဟာ စာအုပ်ကို ချစ်တတ်တဲ့ နိုင်ငံသူ နိုင်ငံသားတွေ ဖြစ်လာမယ် လို့ ယုံကြည်ပါတယ်´´ ဟုဖြေကြားသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နိဂုံးချုပ် အမှာစကားပြောကြားရာတွင် “ ကိုယ်တကယ် လုပ်ချင်တဲ့ အလုပ်တစ်ခုကို လုပ်ရင်တော့ အပင်ပန်းခံနိုင်ရမယ်။ ကျွန်မတို့နိုင်ငံမှာ ငြိမ်းချမ်းရေး တည်ဆောက်ချင်ရင် အားလုံးအပင်ပန်းခံနိုင်ရမယ်။ အမြဲတမ်း ကိုယ်လိုချင်တာကိုပဲ ကြည့်နေမယ်၊ ကိုယ်သက်သာသလိုပဲနေမယ်ဆိုရင်တော့ ကျွန်မတို့နိုင်ငံတိုးတက်မှာ မဟုတ်ဘူး။ ငြိမ်းချမ်းရေးကိုလည်း အမြန်ရမှာမဟုတ်ဘူး။ ငြိမ်းချမ်းရေးရခြင်းအားဖြင့် ဆယ်စုနှစ်ပေါင်းများစွာ ဒုက္ခခံခဲ့ရတဲ့ ကျွန်မတို့ရဲ့ ပြည်ထောင်စုသား ညီအစ်ကိုမောင်နှမများကို ကူညီနိုင်မှာဖြစ်တယ်။ သူတို့ရဲ့ဘ၀တွေ လှပအောင် တည်ဆောက်ပေးနိုင်မှာ ဖြစ်ပါတယ်။
လူတစ်ဦးတစ်ယောက်ရဲ့ ကိုယ်ကလွဲလို့ တခြားလူတစ်ဦး တစ်ယောက်ရဲ့ ဘ၀ကို လှပအောင်တည်ဆောက်ပေးနိုင်တယ်ဆိုတာ အင်မတန်မှ ကြီးမားတဲ့ ကုသိုလ် ပါ။ ကျွန်မတို့ နိုင်ငံသူနိုင်ငံသားအားလုံးရဲ့ ဘ၀တွေကို လှပအောင် တည်ဆောက်ပေး နိုင်တယ်ဆိုရင် တစ်သက်တာ မကုန်နိုင်တဲ့ စိတ်ချမ်းသာမှုတွေရမှာပါ။ တကယ်စိတ် သောကဖြစ်နေတဲ့အချိန်၊ ကိုယ်က ဒုက္ခရောက်နေတဲ့အချိန်မှာ ကိုယ်တစ်ချိန်တစ်ခါက ဘယ်သူတွေအတွက် စိတ်ချမ်းသာမှုရှိအောင်၊ ဘယ်သူတွေရဲ့ဘ၀လှပအောင် လုပ်ခဲ့ တယ်ဆိုတာကို အဲဒီအတွေးတွေ ပြန်တွေးလိုက်ရင် ရင်ဆိုင်ရတဲ့ ဒုက္ခတွေ၊ ကိုယ်ပတ် သက်နေတဲ့ပြဿနာတွေဟာ ခံသာလာတယ်။ ကျော်လွှားနိုင်တဲ့ အရည်အချင်းတွေ လည်း တက်လာပါတယ်။ ငြိမ်းချမ်းရေးရရှိဖို့အတွက် တစ်ဦးချင်းမှာ ကိုယ်လုပ်နိုင်တာ ဘာရှိတယ်ဆိုတာ စဉ်းစားပါ။ ငါမလုပ်နိုင်ပါဘူးဆိုတာ ဘယ်တော့မှမရှိဘူး။ အနည်းဆုံးအားဖြင့် ကိုယ့်မိတ်ဆွေတစ်ယောက်နဲ့ ငြိမ်းချမ်းရေးရဲ့ အရေးပါမှုကို ဆွေးနွေးနိုင်မယ်ဆိုရင် ဒါလည်းငြိမ်းချမ်းရေးကို အားပေးတာပဲ။ ကျွန်မတို့ ပြည်သူပြည်သားများဟာ ငြိမ်းချမ်းရေးကို ပံ့ပိုးမှ ငြိမ်းချမ်းရေးကို တိုးတက်အောင် ကျွန်မတို့နဲ့ ၀ိုင်းဝန်းပြီး ကျွန်မတို့နိုင်ငံဟာ မြန်မြန်ဆန်ဆန် တိုးတက်ဖွံ့ဖြိုးနိုင်မယ်။ လူငယ်တွေရဲ့ဘ၀ လည်းလှနိုင်မယ်။ လူကြီးတွေကလည်း လိပ်ပြာသန့်သန့်နဲ့ ဒီဘ၀ထဲကနေပြီး ကိုယ့် အချိန်အခါ ရောက်တဲ့အခါမှာ ထွက်သွားနိုင်မှာဖြစ်ပါတယ်။ ကျေးဇူးတင်ပါတယ်” ဟု ပြောကြားသည်။
အဆိုပါ ငြိမ်းချမ်းရေးစကားဝိုင်းသို့ ပြည်ထောင်စုဝန်ကြီးများ၊ တိုင်းဒေသကြီး ဝန်ကြီးချုပ်၊ တိုင်းဒေသကြီးလွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ တိုင်းဒေသကြီး စာရင်းစစ်ချုပ်၊ တိုင်းဒေသကြီး ဥပဒေချုပ်၊ တိုင်းဒေသကြီး တရားသူကြီးချုပ်၊ တိုင်းဒေသကြီးဝန်ကြီးများ၊ လွှတ်တော်ကိုယ်စားလှယ်များ၊ ဒေသခံပြည်သူများနှင့် လူမှုရေးအသင်းအဖွဲ့ဝင်များ တက်ရောက်ကြသည်။

ငြိမ်းချမ်းရေးစကားဝိုင်းများကို ၂၀၁၇ ခုနှစ်အတွင်း ၅ ကြိမ် ကျင်းပခဲ့ပြီး ၂၀၁၈ ခုနှစ် ဧပြီ ၁၀ ရက်တွင် ဧရာဝတီတိုင်းဒေသကြီး မြောင်းမြမြို့နယ် အမှတ်(၁)အခြေခံ ပညာအထက်တန်းကျောင်း၌ နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများ စကားဝိုင်း၊ ၂၀၁၈ ခုနှစ် ဇွန် ၁၄ ရက်တွင် မွန်ပြည်နယ် မော်လမြိုင်မြို့ မော်လမြိုင် တက္ကသိုလ် ဘက်စုံခန်းမ၌ နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများ၏ ငြိမ်းချမ်းရေးစကားဝိုင်းတို့ကို ကျင်းပခဲ့ပြီး ယခုအကြိမ်သည် ၂၀၁၈ ခုနှစ်အတွင်း သုံးကြိမ်မြောက် ကျင်းပသည့် စကားဝိုင်းဖြစ်သည်။
(သတင်းအဖွဲ့)