ပြန်ကြားရေးဝန်ကြီးဌာနသည်
ပြည်ထောင်စုအစိုးရ၏ သဘောတူညီချက်ဖြင့် ပုံနှိပ်ခြင်းနှင့် ထုတ်ဝေခြင်းလုပ်ငန်း
နည်းဥပဒေများကို အမိန့်ကြော်ငြာစာအမှတ် (၄၈/၂ဝ၁၄) ဖြင့် ၂ဝ၁၄ ခုနှစ်၊ အောက်တိုဘာလ
၁ဝ ရက်နေ့တွင် ထုတ်ပြန် ခဲ့ပြီးနောက် လုပ်ငန်းအသိအမှတ်ပြုလက်မှတ် လျှောက်ထားလာပါက
ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများ နှင့် အညီ စိစစ်၍
လုပ်ငန်းအသိအမှတ်ပြုလက်မှတ်များကို ခွင့်ပြုပေးလျက်ရှိပါသည်။
ထိုသို့ဆောင်ရွက်ပေးခဲ့ရာ
(၇-၁၂-၂ဝ၁၆) ရက်နေ့က ပြုလုပ်သော ပြန်ကြားရေးဝန်ကြီးဌာန၊ စီမံခန့်ခွဲရေးကော်မတီ
အစည်းအဝေးတွင် (၇-၁၁-၂ဝ၁၆) ရက်နေ့မှ (၂၅-၁၁-၂ဝ၁၆)ရက်နေ့အထိ
လုပ်ငန်းအသိအမှတ်ပြုလက်မှတ်လျှောက်ထား လာသည့် ပုံနှိပ်ခြင်းလုပ်ငန်းအတွက်
အသစ်လျှောက်ထားသူသုံးဦးနှင့် ထုတ်ဝေခြင်းလုပ်ငန်းအတွက် အသစ်လျှောက်ထားသူ ဂျာနယ် သုံးဦး၊
မဂ္ဂဇင်း နှစ်ဦး၊ အထွေထွေခုနစ်ဦး ပေါင်း ၁၅ ဦးတို့အား ခွင့်ပြုပေးခဲ့ပါသည်။
ပုံနှိပ်ခြင်းနှင့်ထုတ်ဝေခြင်းလုပ်ငန်းနည်းဥပဒေများပြဋ္ဌာန်းသည့်
(၁ဝ-၁ဝ-၂ဝ၁၄) ရက်နေ့မှ စ၍ ယနေ့အထိပုံနှိပ်ခြင်း လုပ်ငန်း ၁၃၉၁ ဦး၊
ထုတ်ဝေခြင်းလုပ်ငန်း ၁၉၈၇ ဦးနှင့် သတင်းအေဂျင်စီလုပ်ငန်း ၅၁ ဦး
စုစုပေါင်းပုံနှိပ်ခြင်း၊ ထုတ်ဝေခြင်း နှင့် သတင်းအေဂျင်စီလုပ်ငန်း ၃၄၂၉ဦးအား
အသိအမှတ်ပြုလက်မှတ်များ စိစစ်ခွင့်ပြုပေးခဲ့ပါသည်။
ပုံနှိပ်သက်တမ်းတိုးလျှောက်ထားသူတစ်ဦးနှင့်
ဂျာနယ်လျှောက်ထားလာသူ တစ်ဦးတို့အား အချက်အလက်များစိစစ် ဆောင်ရွက်ဆဲဖြစ်ကြောင်း
သတင်းထုတ်ပြန်အပ်ပါသည်။
ပြန်ကြားရေးဝန်ကြီးဌာန
No comments:
Post a Comment