ကိုလက်စထရော ကျစေသော ဝါးရွက်

ကြည်လွင်မြင့်(မုဒြာ)

သွေးအတွင်း အဆီတိုးလာသောဓာတ်ကို Cholester ဟုခေါ်သည်ကို ခေတ်မီသူတိုင်းသိကြပြီးဖြစ် သည်။ Cholesterol များလာလျှင် သွေးတိုး၊ နှလုံးနှင့် လေဖြတ်ရောဂါတို့ဖြစ်နိုင်သည်။ အနည်းဆုံး လူဝ လာပြီး အသည်း အဆီဖုံးရောဂါဖြစ် လေ့ရှိသဖြင့် လူတိုင်းကြောက်ရွံ့သော ဓာတ်တိုးရောဂါဖြစ်ပြီး ဝလာ သူတိုင်း ခြောက်လတစ်ကြိမ် စစ်ဆေးကြည့်ရန် ဆရာဝန်ကြီးများကလည်း ညွှန်ကြားကြသည်။

ကြက်သွန်ဖြူစားလျှင် Cholesterol ကျစေသည်ဟု လူသိများသော်လည်း နောက်ပိုင်း သုတေသနပြုချက်များ အရ မသေချာဟုဆိုသည်။ ထင်ထားသလောက် မကျဟုဆိုသည်။ တိုင်းရင်းဆေးပညာဘက်မှလည်း သုတေသန ပြုသည့် ဓာတ်ခွဲခန်းများ ထူထောင်ပြီး ခေတ်မီသိပ္ပံနည်းကျ သုတေသနပြုလုပ်ကာCholesterol ကျစေသည့် အပင်များကို စမ်းသပ်ရှာ ဖွေလျက်ရှိသည်။

မြန်မာ့မြေပေါ်တွင် ပေါက်ရောက်သည့် လက်တစ်ကမ်းမှ ဆေးဘက်ဝင် အပင်များ၊ အရပ်သုံးဆေးမြီးတို အဖြစ် ရောဂါပျောက်ကြောင်း နာမည်ကြီးသည့် ဆေးပင်များရှိသည်။ ထိုထဲမှ Cholesterol ကျစေည့် ဆေးဖက်ဝင် အပင်မှာ 'ဝါးပင်' ဖြစ်သည်။

ဆေးပင်သုတေသန ပြုချက်များအရ ဝါးပင်မှ ဝါးရွက်သည် သွေးအတွင်းရှိ Cholesterol ကို ကျစေသော Hypolipidaemic Activity ပါရှိပါသည်။ ဝါးရွက်လက်တစ်ဆုပ် စာမှရရှိသော သတ္တုရည်ကော်ဖီဇွန်း နှစ်ဇွန်းကို တစ်နေ့နှစ်ကြိမ် (သို့မဟုတ်) ဝါးရွက်ပြုတ်ရည် အကြမ်း ပန်းကန်တစ်ဝက်ကို တစ်နေ့နှစ်ကြိမ် သောက်သုံးပါက Cholesterol ကို သိသာစွာ ကျဆင်းစေသည်။ (ကျန်းမာရေးဝန်ကြီးဌာန တိုင်းရင်းဆေးပညာ ဦးစီးဌာန၊ ၂ဝ၁ဝ ပြည့်နှစ် ဒီဇင်ဘာလထုတ် လက်တွေ့အသုံးချ ဆေးဖက် ဝင်အပင်များ ပေါင်းချုပ်စာအုပ်၊ စာမျက်နှာ ၆၅ဝ မှ) ဝါးပင်သည် မြန်မာ့ တောတောင်များတွင် သဘာဝအလျောက် ပေါက်ရောက်သော အပင်မျိုးဖြစ်သည်။ စိုက်ပျိုး ပင်အဖြစ်လည်း စိုက်ပျိုးနိုင်သည်။ သမပိုင်းဥတုတွင် ပို၍ဖြစ်ထွန်းသည်။

''ငှက်ပျောကဆုန်၊ ဝါးနယုန်'' ဟုဆိုသဖြင့် မိုးတစ်ပြိုက် နှစ်ပြိုက်ရွာချသည့် နယုန်လတွင် ဝါးကိုစိုက်ပျိုးနိုင် သည်ဟု ရှေးလူကြီးများ အဆိုရှိသည်။

ရုက္ခဗေဒအဆိုအရ ဝါးပင်အမျိုး ပေါင်း ၂ဝဝ ကျော်မျှရှိသည်။ အသုံးများသော လူသိများသောဝါးမျိုးများ မှာ ကြခတ်ဝါး၊ ထီးရိုးဝါး၊ ဝါးနက်၊ ဝါးပိုးဝါး၊ ကြသောင်းဝါး၊ တင်းဝါး၊ သိုက်ဝါး၊ ဝါးဖြူ၊ မြင်ဝါး၊ ရွှေဝါး၊ ဝါးမင်း၊ ဝါးယား၊ ဝါးကောက် တို့ဖြစ်သည်။ ဝါးပင်မှ အစို့ထွက်လာသည့်မျှစ်မှာ မြန်မာတို့အကြိုက် အစား အစာဖြစ်သည်။ မျှစ်ချဉ် အဖြစ်လည်း အချဉ်တည်၍ စားကြသည်။ ဝါးပိုးမျှစ်ချဉ်ကို လူကြိုက်အလွန်များ သည်။

ဝါးပင်ပေါက် မျှစ်စို့များသည် အပူ ဓာတ်ရှိသည်။ အစာအိမ်ကို အစာချေရည်ထွက်စေရန် လှုံ့ဆော်ပေး နိုင်သည်။ အစာစားချင်စိတ်ဖြစ်ပေါ် စေ၍ အစာစားပြီးချိန်တွင်လည်း အစာကြေစေနိုင်သဖြင့် နာတာရှည် ခံတွင်းပျက်သူ၊ နှုတ်မမြိန်ရောဂါ ရှိသူများ မျှစ်ကို ချက်ပြုတ်စားခြင်း ဖြင့် ရောဂါသက်သာ စေနိုင်သည်။

မျှစ်ကို အနာပေါက်ဆေးကုရာတွင် အသုံးပြုပုံမှာ မျှစ်ကို သတ္တုရည်ညှစ်ပြီး အနာပေါ်တွင်လောင်း၍ အဝတ်ဖြင့် တစ်နာရီခန့် ပတ်စည်းထားလျှင် ပိုးတွယ်သောအနာကိုပင် သန့်စင်စေသည်ဟု ရှေးဆေးကျမ်းများတွင် တွေ့ရ သည်။ ထိုနည်းတူ ဝါးရွက်တစ်မျိုးမျိုးကို ပြုတ်၍ အနာဖန်ဆေးခြင်းပြုပေးလျှင် အနာအကျက် မြန်စေနိုင်သည်။ အသားနုတက် စေသော ဖန်ဆေးဖြစ်သည်။

ဝါးရွက်သည် သွေးဖောက်ပြန်သော ရောဂါ၊ အပူငုပ်နာများကို နိုင်သည်ဟု ဆိုသည်။ ရှေးမြန်မာများသည် မီးဖွား ပြီးနောက် သားအိမ်အတွင်းမှ သွေးဟောင်းသွေးပုပ်များ ကင်းစင်စေရန် ဝါးရွက်ဖြင့် ချွေးအောင်း၊ ချွေးထုတ်ခြင်း ကို ပြုလုပ်ပေးကြသည်။

ဆေးကျမ်းများအဆိုအရ ကြခတ်ဝါးရွက်(သို့မဟုတ်) ဝါးရွက်တစ်မျိုးမျိုး လက်တစ်ဆုပ်စာကို ကြိတ်ချေ၍ ပြုတ်ပြီး လက်ဖက်ရည်ပန်းကန် တစ်လုံးခန့်သောက်ပါက သွေးအန်၊ သွေးကျရောဂါ၊ မီးယပ်သွေးချုပ်ရောဂါ ပျောက်ကင်းသည်။ ကလေးမွေးပြီး သူများ နို့ရွှင်ဆေးအဖြစ်လည်း တိုက်ကျွေးကြသည်။

ဝါးရွက်သည် ရှာဖွေရလွယ်ကူပြီး အဆိပ်အတောက်လည်း ကင်းသော အရွက်ဖြစ်သဖြင့် အဆီတိုးပြီး ဝလာ သူများ အနောက်တိုင်းနည်းဖြင့် သွေးစစ်သောအခါ တက်နေသူများ သောက်သုံးသင့်ကြောင်း ဆေးသုတေသန မှ အတည်ပြုထားသည်။