ရန်ကုန် ဇူလိုင် ၂၁
နိုင်ငံတကာ ကုန်သွယ်မှုဆိုင်ရာ ကွင်းဆက်တွင်ပါဝင်သော မြန်မာနိုင်ငံမှ ကုမ္ပဏီ၊ အဖွဲ့အစည်းများ အနေဖြင့် စည်းကမ်းလိုက်နာမှု ကောင်းမွန်စေရေးနှင့် ကုန်သွယ်မှု လုံခြုံချောမွေ့စေရေးတို့အတွက် ကုန်တင်ပို့သူ (Exporter) နှင့် ကုန်တင်သွင်းသူ (Importer) ကုမ္ပဏီများကို အကောက်ခွန်ဦးစီး ဌာနက အခွင့်ရစီးပွားရေးလုပ်ငန်း ဆောင်ရွက်သူ (Authorized Economic Operators-AEO) အသိအမှတ်ပြုလက်မှတ်များ ပေးအပ်လျက်ရှိကြောင်း ယနေ့နံနက် ၉ နာရီတွင် ပြည်ထောင်စု သမ္မတ မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ် (UMFCCI) မင်္ဂလာ ခန်းမ၌ကျင်းပသည့် AEO အသိ အမှတ်ပြုလက်မှတ် ချီးမြှင့်ခြင်း အခမ်းအနားမှ သိရသည်။
အဆိုပါအခမ်းအနားတွင်
အကောက်ခွန်ဦးစီးဌာန ညွှန်ကြားရေးမှူးချုပ် ဦးသိန်းဆွေက Coca Cola Pinya Beverages
Myanmar Co., Ltd (Importer)၊ Paing Family International Co., Ltd (Exporter) ၊
GOOD BROTHERS’ Co., Ltd (Exporter) ကုမ္ပဏီတို့ကို အခွင့်ရစီးပွားရေးလုပ်ငန်းဆောင်ရွက်သူ
AEO (Level-1) အသိအမှတ်ပြုလက်မှတ်များ၊ ပြည်ထောင်စုသမ္မတ မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်ဥက္ကဋ္ဌ
ဦးအေးဝင်းက Wilmar Myanmar Riceland Limited (Exporter)၊ Wilmar Myanmar Edible
Oils Limited (Importer)နှင့် UPG Paint & Coating Co.,Ltd (Importer) ကုမ္ပဏီတို့ကို
အခွင့်ရစီးပွားရေး လုပ်ငန်းဆောင်ရွက်သူ AEO (Level-2) အသိအမှတ်ပြုလက်မှတ် များ ပေးအပ်ခဲ့ကြသည်။
တက်ရောက်
အဆိုပါအခမ်းအနားသို့
ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှု လုပ်ငန်းရှင်များအသင်းချုပ်ဥက္ကဋ္ဌ၊
ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး လုပ်ငန်းကော်မတီအတွင်းရေးမှူး၊
ရန်ကုန်တိုင်းဒေသကြီး လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ပြည်ထောင်စုသမ္မတမြန်မာနိုင်ငံ
ကုန်သည်များနှင့်စက်မှုလက်မှု လုပ်ငန်းရှင်များ အသင်းချုပ်မှ တာဝန်ရှိသူများ၊ အသင်းအဖွဲ့များမှ
တာဝန်ရှိသူများနှင့် ကုမ္ပဏီ လုပ်ငန်းရှင်များ တက်ရောက်ခဲ့ကြကြောင်း သိရသည်။
သတင်းစဉ်
No comments:
Post a Comment