ပြည်ထောင်စုဝန်ကြီး ဦးထွန်းအုံ သီလဝါစက်မှုဇုန်ရှိ ပြည်ပပို့ကုန် ထုတ်လုပ်တင်ပို့နေသော စက်ရုံများ ကြည့်ရှုစစ်ဆေး

နေပြည်တော် ဇူလိုင် ၁၅

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံသည် ယနေ့နံနက် ၉ နာရီတွင် ရန်ကုန်တိုင်းဒေသကြီး သန်လျင်ခရိုင် ကျောက်တန်းမြို့နယ် သီလဝါ အထူးစီးပွားရေးဇုန်ရှိ Lightion Myanmar Co., Ltd. ၏ အီလက်ထရောနစ်ပစ္စည်းများ၊ စပီကာများ၊ ဆားကစ်ဘုတ်များ တပ်ဆင်ထုတ်လုပ်သည့်စက်ရုံသို့ ရောက်ရှိပြီး စက်ရုံလုပ်ငန်းခွင်အတွင်း ကြည့်ရှုစစ်ဆေးသည်။

ထို့နောက် Guston Amava Co., Ltd. ၏ CMP စနစ်ဖြင့် ပြည်ပပို့ကုန်အထည်ချုပ်စက်ရုံသို့ ရောက်ရှိပြီး ပို့ကုန်အထည်များ ချုပ်လုပ်နေမှုကိုလည်းကောင်း၊ Showa Glove Myanmar Co., Ltd. ၏ လက်အိတ်အမျိုးမျိုးထုတ်လုပ်သည့်စက်ရုံမှ ပြည်ပသို့ တင်ပို့ရန် လက်အိတ်များ ချုပ်လုပ် နေမှုကိုလည်းကောင်း၊ Koyorad Co., Ltd. ၏ ကားရေတိုင်ကီနှင့် ဆက်စပ်အစိတ်အပိုင်းများ ထုတ်လုပ်နေမှုတို့ကိုလည်းကောင်း ကြည့်ရှုစစ်ဆေးခဲ့ကြောင်း သိရသည်။

သတင်းစဉ်