နေပြည်တော် ဇန်နဝါရီ ၂၃
စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာတင်ထွဋ်သည် အိန္ဒိယနိုင်ငံ စားသုံးသူရေးရာအစားအသောက်နှင့် ဖြန့်ဖြူးရေးဝန်ကြီးဌာနမှ Secretary ဖြစ်သူ Smt. Nidhi Khare နှင့် အဖွဲ့အား ယမန်နေ့မွန်းလွဲပိုင်းတွင် ရန်ကုန်မြို့ ပြည်လမ်းရှိ Novotel Hotel ၌ လက်ခံတွေ့ဆုံသည်။
တွေ့ဆုံစဉ် မြန်မာနှင့်အိန္ဒိယ နိုင်ငံအကြားလယ်ယာကဏ္ဍဆိုင်ရာ ကုန်သွယ်မှုတိုးမြှင့်ဆောင်ရွက်ရန်၊ တင်သွင်းမှု မူဝါဒတည်ငြိမ်စေရေး၊ နိုင်ငံအချင်းချင်း ပူးပေါင်းဆောင်ရွက်ရန်၊ စပါးကို အခြေခံသော ပဲမျိုးစုံစိုက်ပျိုး ထုတ်လုပ်မှုကွင်းဆက် ဘက်စုံဖွံ့ဖြိုးတိုးတက်ရေးပူးပေါင်းဆောင်ရွက်ရန်၊ အိန္ဒိယမှ အများအပြားဝယ်ယူသော မတ်ပဲနှင့် ပဲစင်းငုံတို့တွင် ထွက်ကုန် အရည်အသွေးယှဉ်ပြိုင်နိုင်ရန်နှင့် ပိုးသတ်ဆေးဓာတ်ကြွင်း နည်းပါးရေးအတွက် ဘက်စုံပိုးမွှား ကာကွယ်ရေး နည်းပညာပေး လုပ်ငန်းများကို တိုးချဲ့ဆောင်ရွက်ပေးနိုင်ရေး ကိစ္စရပ်များ၊ အခြားပဲများနှင့်ပတ်သက်၍ အလားအလာများ၊ မြန်မာနိုင်ငံမှ ပဲမျိုးစုံတင်ပို့ရောင်းချမှု ရေရှည်တည်တံ့ရေးအတွက် လိုအပ်သည့်လုပ်ငန်းများတွင် ပူးပေါင်းဆောင်ရွက်ရေး၊ နှစ်နိုင်ငံပူးပေါင်းဆောင်ရွက်ရေးလုပ်ငန်းများတွင် ပဲမျိုးစုံသာမက ဂျုံနှင့်ပတ်သက်၍ အပြန်အလှန် ပူးပေါင်းဆောင်ရွက်မှုများကို သုတေသနနှင့်နည်းပညာဖွံ့ဖြိုးရေးမှစ၍ ဈေးကွက်ပို့ဆောင်သည်အထိ ဆောင်ရွက်နိုင်ရေး လုပ်ငန်းများကို ရင်းနှီးပွင့်လင်းစွာ ဆွေးနွေးခဲ့ကြကြောင်း သိရသည်။
သတင်းစဉ်
No comments:
Post a Comment