နေပြည်တော် နိုဝင်ဘာ ၂၈
တပ်မတော်ပင်လယ်သွားဆေးရုံရေယာဉ် (သံလွင်) ဖြင့် ဧရာဝတီ တိုင်းဒေသကြီး ငပုတောမြို့သို့ ရောက်ရှိနေသည့် တပ်မတော်မှ ပါရဂူများ၊ ဆေးမှူးများနှင့် သူနာပြုများ ပါဝင်သော တပ်မတော် နယ်လှည့် အထူးကုဆေးအဖွဲ့သည် ယနေ့နံနက်ပိုင်းတွင် ငပုတောမြို့ မြို့နယ်ပြည်သူ့ ကျန်းမာရေးဦးစီးဌာနဝင်းအတွင်း အခြေပြု၍ ဒေသခံပြည်သူ ၆၀၄ ဦးအား ကျန်းမာရေးစောင့်ရှောက် မှု လုပ်ငန်းများ ဆက်လက်ဆောင်ရွက်ပေးသည်။
ထိုသို့ဆောင်ရွက်ပေးရာတွင်
ဆေးကုသမှုဆိုင်ရာရောဂါ ၁၈၀၊ ခွဲစိတ်ရောဂါ ၄၆ ဦး၊ သားဖွား မီးယပ်ရောဂါ ၁၆ ဦး၊ ကလေး ရောဂါ
၁၉ ဦး၊ အရိုးရောဂါ ၁၂၀၊ နား၊ နှာခေါင်း၊ လည်ချောင်းရောဂါ ၂၈ ဦး၊ မျက်စိရောဂါ ၁၀၄ ဦးနှင့်
သွားနှင့်ခံတွင်းရောဂါ ၉၁ ဦး စုစုပေါင်း ၆၀၄ ဦးတို့ကို လိုအပ် သည့် ဆေးဝါးကုသမှုများ
ဆောင်ရွက်ပေးသည်။ ၎င်းတို့အနက် အထွေထွေခွဲစိတ်လူနာ ငါးဦး၊ မျက်စိခွဲစိတ်လူနာ ၁၂ ဦး၊
ဓာတ်မှန် ရိုက် လူနာ လေးဦး၊ အာထရာ ဆောင်းစက်ဖြင့် စမ်းသပ်စစ်ဆေး လူနာ ၅၈ ဦး၊ ECG စက်ဖြင့်
နှလုံး စမ်းသပ်လူနာ ၅၇ ဦးနှင့် ဓာတ်ခွဲ စမ်းသပ်လူနာ ၂၈ ဦးတို့ကို ရောဂါ ရှာဖွေစမ်းသပ်ကုသပေးခြင်းများ
ဆောင်ရွက်ပေးသည်။
အဆိုပါ တပ်မတော်နယ်လှည့်အထူးကုဆေးကုသရေးအဖွဲ့သည်
ရန်ကုန်တိုင်းဒေသကြီး ကိုကိုး ကျွန်းမြို့နယ်နှင့် ဧရာဝတီတိုင်းဒေသကြီး ဟိုင်းကြီးကျွန်းမြို့နယ်အတွင်းရှိ
ကျေးရွာများနှင့် ပတ်ဝန်းကျင် ကျေးရွာများမှ ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများ
ဆောင်ရွက်ပေးရန်အတွက် တပ်မတော်ပင်လယ်သွားဆေးရုံရေယာဉ် (သံလွင်) ဖြင့် ရောက်ရှိ နေခြင်းဖြစ်သည်။
သတင်းစဉ်
No comments:
Post a Comment