မြန်မာ့အနာဂတ်မျက်နှာစာလူငယ်မဟာဗျူဟာဖိုရမ် - ၂၀၂၅ ( Future Front Myanmar Youth Strategy Forum-2025) အောင်မြင်စွာကျင်းပနိုင်ရေးအတွက် လုပ်ငန်းကော်မတီများ၏ ဒုတိယအကြိမ်လုပ်ငန်းညှိနှိုင်းအစည်းအဝေးကို ယမန်နေ့ နေ့လယ်ပိုင်းက ရန်ကုန်တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၃)တွင် ကျင်းပခဲ့သည်။
ဦးစွာ မြန်မာ့အနာဂတ်မျက်နှာစာ လူငယ်မဟာဗျူဟာဖိုရမ် -
၂၀၂၅
ဦးစီးကော်မတီဒုတိယဥက္ကဋ္ဌ၊ ရန်ကုန်တိုင်းဒေသကြီးဝန်ကြီးချုပ်ဦးစိုးသိန်းက အဖွင့်အမှာစကားပြောကြားရာ အခမ်းအနားပြင်ဆင်ရေး၊ ဖိတ်ကြားရေး၊ သယ်ယူပို့ဆောင်ရေး၊ ကျွေးမွေးဧည့်ခံရေးကိစ္စများနှင့်တည်းခိုနေထိုင်ရေး၊ လေ့လာရေးခရီးစဉ်များအတွက် ရန်ကုန်တိုင်းဒေသကြီးအစိုးရအဖွဲ့က တာဝန်ယူဆောင်ရွက်ရမည်ဖြစ်ရာလုပ်ငန်းကော်မတီများဖွဲ့စည်းပြီး လုပ်ငန်းများဆောင်ရွက်လျက်ရှိနေပြီဖြစ်ကြောင်း၊ ကော်မတီအသီးသီးမှလုပ်ငန်းတာဝန်များအပေါ်အလေးထားဆောင် ရွက်သွားကြရန်နှင့် လုပ်ငန်းလိုအပ်ချက်များအား
တင်ပြဆွေးနွေးကြရန်စသည်တို့ကိုပြောကြားသည်။
ထို့နောက် ရန်ကုန်တိုင်းဒေသကြီးလူမှုရေးရာဝန်ကြီးဦးဌေးအောင်က လုပ်ငန်းအခြေအနေများအား ရှင်းလင်းတင်ပြသည်။
ဆက်လက်၍ ရန်ကုန်တိုင်းဒေသကြီးဝန်ကြီးများနှင့်တာဝန်ရှိသူများက လုပ်ငန်းကော်မတီများဖြစ်သည့် လုံခြုံ ရေးလုပ်ငန်းကော်မတီ၊ အခမ်းအနားပြင်ဆင်ရေးနှင့် စီစဉ်ရေးလုပ်ငန်းကော်မတီ၊ ကြိုဆိုရေးနှင့်တည်းခိုနေထိုင်ရေးလုပ်ငန်းကော်မတီ၊
ဧည့်ခံကျေးမွေးရေးလုပ်ငန်းကော်မတီ၊
ဖိတ်ကြားရေးနှင့် ကြိုဆိုနေရာချထားရေးလုပ်ငန်းကော်မတီ၊ ကျန်းမာရေးလုပ်ငန်းကော်မတီ၊
အထောက်အကူပြုလုပ်ငန်းကော်မတီ၊ သယ်ယူပို့ဆောင်ရေးလုပ်ငန်းကော်မတီ၊ လေ့လာရေးခရီးစဉ်လုပ်ငန်းကော်မတီနှင့် ဆွေးနွေးပွဲအချက်အလက်များ အထောက် အကူပြုလုပ်ငန်းကော်မတီများ၏ လုပ်ငန်းအခြေအနေများကို ရှင်းလင်းတင်ပြကြသည်။
ယင်းနောက်တက်ရောက်လာကြသူများက လုပ်ငန်းအခြေအနေများကိုဆွေးနွေးခဲ့ကြပြီး မြန်မာ့အနာဂတ်မျက် နှာစာလူငယ်မဟာဗျူဟာဖိုရမ်
- ၂၀၂၅ ဦးစီးကော်မတီဒုတိယဥက္ကဋ္ဌ၊ ရန်ကုန်တိုင်း ဒေသကြီး ဝန်ကြီးချုပ်ဦးစိုးသိန်းက ပေါင်းစပ်ညှိနှိုင်းပူပေါင်းဆောင်ရွက်ပေးကာ နိဂုံးချုပ်အမှာစကား ပြောကြားခဲ့ကြောင်း သိရသည်။
ဇွဲထက်ကို(ပြန်/ဆက်)
No comments:
Post a Comment