နေပြည်တော် စက်တင်ဘာ ၂၈
သိပ္ပံနှင့် နည်းပညာဝန်ကြီးဌာန ဒုတိယဝန်ကြီး ဒေါက်တာ အောင်ဇေယျသည် ယမန်နေ့ညနေ ပိုင်းက ကျောက်ဆည်မြို့ရှိ အစိုးရစက်မှုလက်မှုသိပ္ပံ (ကျောက်ဆည်) ၌ ဝန်ကြီးဌာနအောက်ရှိ ဦးစီးဌာန များမှ ဝန်ထမ်းများနှင့်လည်းကောင်း၊ အစိုးရစက်မှုလက်မှုသိပ္ပံနှင့် အစိုးရနည်းပညာအထက်တန်း ကျောင်းတို့မှ ရေဘေးသင့်ဝန်ထမ်းများနှင့်လည်းကောင်း၊ ဇီဝနည်းပညာသုတေသနဦးစီးဌာန၌ အဆိုပါဦးစီးဌာနမှ ဝန်ထမ်းများနှင့်လည်းကောင်း သီးခြားစီတွေ့ဆုံ၍ ရေဘေးသင့်ဝန်ထမ်း များအတွက် ဆန်အိတ်နှင့် ထောက်ပံ့ငွေများကို ပေးအပ်ပြီး ဝန်ထမ်းများ၏ တင်ပြမှုများအပေါ် ဖြည့်ဆည်းဆောင်ရွက်ပေးခဲ့သည်။
ထို့နောက် ဒုတိယဝန်ကြီးသည်
ဇီဝနည်းပညာသုတေသနဦးစီးဌာန၌ ဆေးပညာဆိုင်ရာ ဇီဝ နည်းပညာဌာနရှိ ဆေးပညာဆိုင်ရာဓာတ်ခွဲခန်းကို
Biosafety Level 2 အထိ အဆင့်မြှင့်တင် ဆောင်ရွက်ပြီးစီးမှု၊ စိုက်ပျိုးရေးလုပ်ငန်းများ
အထောက်အကူပြု ဇီဝနည်းပညာသုတေသနရလဒ် များ၊ တန်ဖိုးမြှင့်ဒေသထုတ်ကုန်များ စမ်းသပ်ထုတ်လုပ်ထားမှု၊
နိုင်ငံတကာပူးပေါင်းဆောင်ရွက်မှု စီမံကိန်းများမှ ရလဒ်များကို ကြည့်ရှုစစ်ဆေးကာ အမျိုးသားရေးရည်မှန်းချက်များ
အောင်မြင် ပြည့်မီစေရေး တစ်တပ်တစ်အားဖြစ်စေမည့် နိုင်ငံ့အကျိုးပြု ဇီဝနည်းပညာသုတေသနများဖြင့်
ရှင်သန်သက်ဝင်နေသော ရပ်ဝန်းတစ်ခုဖြစ်စေရေး ရည်မှန်း ဆောင်ရွက်ရန်၊ သုတေသနရလဒ် များမှ
အသီးအပွင့်များကို ပြည်သူများ၏ လူမှုစီးပွားဘဝဖွံ့ဖြိုးရေးအတွက် လက်တွေ့ကျကျအသုံးချနိုင်ရေး ဆက်စပ်ဌာနများနှင့်
ပူးပေါင်းဆောင်ရွက်သွားရန်၊ ဇီဝနည်းပညာ အသိပညာပေးမှုများ၊ ဖြန့်ဝေပေးမှုများကို ကျယ်ပြန့်စွာ
မြှင့်တင်ဆောင်ရွက်ရန် တိုက်တွန်းမှာကြားပြီး ရေကြီးရေလျှံဖြစ်ပေါ်ခဲ့မှုကြောင့် ပြန်လည်ပြုပြင်မွမ်းမံရေး
ဆောင်ရွက်ရန် လိုအပ်မှု အခြေအနေများကို ကြည့်ရှုစစ်ဆေးခဲ့ကြောင်း သိရသည်။
သတင်းစဉ်
No comments:
Post a Comment