မွန်ပြည်နယ်ဝန်ကြီးချုပ် မော်လမြိုင်မြို့ မြဆည်းဆာ ဘိုးဘွားရိပ်သာတွင် သက်ကြီးဘိုးဘွား (၄၁)ဦး အား ဒုတိယအကြိမ် ကိုဗစ်-၁၉ ရောဂါ ကာကွယ်​ဆေး ထိုးနှံ​ပေးမှုကြည့်ရှု၍ အာဟာရဖြည့် အစားအစာများ လှူဒါန်း

 

မော်လမြိုင် ဩဂုတ် ၂၇

မွန်ပြည်နယ် ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ၊ ပြည်နယ် ဝန်ကြီးချုပ် ဦးဇော်လင်းထွန်း၊ အစိုးရအဖွဲ့ဝင်ဝန်ကြီးများ၊ ကျန်းမာရေးဦးစီးဌာနမှ တာဝန်ရှိသူများသည် ယမန်နေ့ နံနက် ၉ နာရီက မော်လမြိုင်မြို့၊ မြဆည်းဆာ ဘိုးဘွားရိပ်သာတွင်  အသက်(၆၅) နှစ်အထက်  သက်ကြီးဘိုးဘွား (၄၁)ဦးအား ကျန်းမာ​ရေးဝန်ထမ်းများ၊ ဌာနဆိုင်ရာဝန်ထမ်းများနှင့် ပရဟိတ​စေတနာ့ ဝန်ထမ်းများက ကိုဗစ်-၁၉ ​ရောဂါ ကာကွယ်​ဆေး  ဒုတိယအကြိမ်  ထိုးနှံ​ပေးမှုကို ကြည့်ရှု၍ အား​ပေးစကား​ပြော​ကြားပြီး အာဟာရဖြည့် အစားအစာများ လှူဒါန်း​ပေးခဲ့သည်။ 

ထို့နောက် ပြည်နယ်ဝန်ကြီးချုပ်က မြို့နယ်များအလိုက် ကိုဗစ်-၁၉ ရောဂါ ကာကွယ်ဆေးများကို လူဦးရေ စာရင်းများအရ တိကျမှန်ကန်စွာ ထိုးနှံ​နိုင်ရေး ကြပ်မတ်​ဆောင်ရွက်သွားရန်၊ ပြည်သူများ တစ်ဦးမှ တစ်ဦးသို့  ရောဂါကူးစက်ပြန့်ပွားမှုမရှိစေရန်နှင့် ကိုဗစ်-၁၉ စည်းမျဉ်း၊  စည်းကမ်းများနှင့် အညီတိကျစွာ လိုက်နာ ဆောင်ရွက်ကြရန် တာဝန်ရှိသူများကို မှာကြားသည်။ 

ဆက်လက်၍ ဘိုးဘွားများ ခိုလှုံရာ မြဆည်းဆာဘိုးဘွားရိပ်သာတွင် အလှူရှင် အဂ္ဂမဟာသီရိ သုဓမ္မမဏိ​ဇောတဓရ ဦးလှထွန်းမိသားစု (ကိုလှထွန်းငရုတ်သီးမှုန့်လုပ်ငန်း) မှ စုစု​ပေါင်းလှူဒါန်း​ငွေကျပ် သိန်းတစ်​သောင်း​ကျော်ဖြင့် ​ဆောက်လုပ်လှူဒါန်းသည့် (၁၂၀ ​ပေ၊ ၈၀​ပေ) ဓမ္မာရုံ၊ (၁၂၀ ​ပေ၊ ၇၀ ​ပေ) နှစ်ထပ်သံဃာ​ဆောင်၊ (၁၂၀​ ပေ၊ ၅၀ ​ပေ) ဆွမ်းစား​ဆောင်နှင့် (၁၂၀ ​ပေ၊ ၃၀ ​ပေ) ဘိုးဘွား ရိပ်သာ​ဆေးရုံတို့ ဆောက်​လုပ် နေမှုကို ကြည့်ရှုသည်။

မွန်ပြည်နယ်အ​နေဖြင့် ကိုဗစ်-၁၉ ​ရောဂါ ကာကွယ်​ဆေး   အလုံး​ရေ (၉၅၀၀၀) ​ကို   ထိုးနှံ​ပေးခဲ့ပြီးဖြစ်ရာ ယခုထပ်မံ​ရောက်ရှိလာသည့် ကာကွယ်​ဆေးများကို မော်လမြိုင်မြို့နယ် အပါအဝင် သက်ဆိုင်ရာ မြို့နယ် များအလိုက် သတ်မှတ်နေရာများ၌ ဩဂုတ် ၂၇ ရက်​နေ့မှစ၍ ထိုးနှံပေးမည်ဖြစ်​ပြီး ကျန်းမာ​ရေးဝန်ထမ်း များ၊ ဌာနဆိုင်ရာဝန်ထမ်းများ၊  ပရဟိတ​စေတနာ့ဝန်ထမ်းများက ကာကွယ်​ဆေးထိုးနှံပေးရာတွင်  ဝိုင်းဝန်း ကူညီဆောင်ရွက်ကြရန် စီစဉ်​ထားကြောင်း သိရသည်။