သရက်ချောင်း ဩဂုတ် ၂၃
တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်အတွင်း ကိုဗစ် - ၁၉ ရောဂါ နှင့်ဘေးအန္တရာယ်အပေါင်းတို့မှ ကင်းဝေးစေရန် ရည်ရွယ်၍ မြို့နယ်စီမံအုပ်ချုပ်ရေးအဖွဲ့မှ ကြီးမှူးပြီး အန္တရာယ်ကင်းပရိတ်တရားတော်နှင့် ကမ္မဝါစာ၊ မဟာသမယသုတ်တော် ရွတ်ဖတ်ပူဇော်ခြင်း အခမ်းအနားကို ယနေ့ ညနေ ၃ နာရီခွဲ အချိန်က မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေး ခန်းမ၌ကျင်းပပြုလုပ်ခဲ့သည်။
အခမ်းအနားသို့ မြို့နယ်သံဃာနာယကအဖွဲ့ဥက္ကဋ္ဌ၊ ညောင်ဇင်ကျောင်းသစ်ကျောင်းတိုက် ဆရာတော် အဂ္ဂမဟာသဓမ္မဇောတိကဓဇ ဦးကောသလ္လမှ ဦးစီးသောသံဃာတော်(၉)ပါး ကြွရောက် ချီးမြှင့်ပေး တော်မူပြီး ရှေးဦးစွာဆရာတော်သံဃာတော်များ နှင့်ဧည့်ပရိတ်သတ်တို့က နမောတဿ(၃)ကြိမ် ရွတ်ဆို၍ ငါးပါးသီလခံယူဆောက် တည်ခဲ့ကြသည်။
ဆက်လက်၍ သံဃာတော်အရှင်သူမြတ်များမှ ရတနာသုတ်၊ မေတ္တာသုတ်၊ ဓာရဏပရိတ်၊ မဟာသမာ ယသုတ်၊ သမ္ဗုဒ္ဓေဂါထာ (၅)မျိုး၊ ပဗ္ဗာဇနိယကမ္မဝါစာတရားတော်များ ရွတ်ဖတ်ချီးမြှင့်ခဲ့ကြသည်။ ထို့နောက် ဆရာတော်သံဃာတော်များအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမိုးထွေးဦးနှင့် တာဝန် ရှိသူများက လှူဖွယ်ဝတ္ထုများ ဆက်ကပ်လှူဒါန်းခဲ့ပြီး ပရိတ်တရားတော်များရွတ်ဆိုပူဇော်ခြင်း၊ ကောင်းမှုကုသိုလ်များကို အမျှပေးဝေကာ ဗုဒ္ဓသာသနံစိရံတိဌတု(၃)ကြိမ်ရွတ်ဆို ဆုတောင်း၍ အခမ်းအနားကို ရုတ်သိမ်းခဲ့ကြောင်းသိရသည်။
ကေခိုင်ဝင်း
No comments:
Post a Comment