ရေဘေးသင့် ပြည်သူများ ပြန်လည်ထူထောင်ရေး လုပ်ငန်းများ ဆောင်ရွက်ရန် အလှူငွေများ လာရောက်လှူဒါန်း

နေပြည်တော် စက်တင်ဘာ ၂၀

မြန်မာနိုင်ငံတွင် လတ်တလောဖြစ်ပွားနေသော ရေကြီးရေလျှံမှုများနှင့် မြေပြိုမှုများ ကြောင့် ဘေးသင့် ဒေသများအတွက် လူသားချင်းစာနာ ထောက်ထားမှုနှင့် ပြန်လည် ထူထောင်ရေး လုပ်ငန်းများ ဆောင်ရွက်ပေးနိုင်ရန် အလှူရှင်များက အလှူငွေများ ပေးအပ် လှူဒါန်းလျက်ရှိသည်။

ထိုကဲ့သို့ ပေးအပ်လှူဒါန်းလျက်ရှိရာတွင် ယနေ့တွင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်းက ငွေကျပ်သိန်း (၁ဝဝ) ၊ လယ်ဝေးမြို့နယ် ပညာရေးမှူး နှင့် ပညာရေး မိသားစုကငွေကျပ် (၂,၁၅၇,ဝ၅ဝိ/-) နှင့် စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၊ စိုက်ပျိုရေး သုတေသနဦးစီးဌာန ဝန်ထမ်းများ၏မျှဝေခြင်း အစီအစဉ်က ငွေကျပ်(၂၅)သိန်းကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေး ဝန်ကြီး ဌာန အစည်းအဝေး ခန်းမ၌ လာရောက်လှူဒါန်းရာ ပြည်ထောင်စု ဝန်ကြီး ဒေါက်တာ ဝင်းမြတ်အေး က လက်ခံရယူပြီး ဂုဏ်ပြုမှတ်တမ်းလွှာများ ပေးအပ်ကာ ကျေးဇူးတင်စကား ပြန်လည်ပြောကြားခဲ့ကြောင်း သိရသည်။

(သတင်းစဉ်)