ဖွံ့ ဖြိုးမှုအနည်းဆုံးနိုင်ငံအဖြစ်မှ လွတ်မြောက်ရေးဆိုင်ရာ အလုပ်ရုံဆွေးနွေးပွဲ ကျင်းပ

  နေပြည်တော် ဇွန် ၆

ကုလသမဂ္ဂ ကုန်သွယ်ရေးနှင့် ဖွံ့ဖြိုးရေးဆိုင်ရာ ညီလာခံ (United Nations Conference on Trade and Investment- UNCTAD) နှင့် စီမံကိန်းနှင့်ဘဏ္ဍာ ရေးဝန်ကြီးဌာနတို့ ပူးပေါင်း၍ ဖွံ့ဖြိုးမှု အနည်း ဆုံးနိုင်ငံ အဖြစ်မှ လွတ်မြောက်ရေးဆိုင်ရာ အလုပ်ရုံဆွေးနွေးပွဲကို ယနေ့ နံနက်ပိုင်းတွင် နေပြည်တော် ရှိ Kempinski ဟိုတယ်၌ ကျင်းပသည်။

အလုပ်ရုံဆွေးနွေးပွဲတွင် စီမံကိန်းနှင့်ဘဏ္ဍာရေး ဝန်ကြီးဌာန ဒုတိယဝန်ကြီး ဦးမောင်မောင်ဝင်းက အဖွင့် အမှာစကားပြောကြားပြီး UNCTAD မှ Small Island Developing States(SIDS)ဌာနမှူး Mr.Pierre Encontre တို့က ကြိုဆိုနှုတ်ခွန်းဆက် အမှာစကားပြောကြားသည်။

အလုပ်ရုံဆွေးနွေးပွဲသို့ ပြည်ထောင်စုဝန်ကြီးဌာနများနှင့် ပြည်ထောင်စုသမ္မတမြန်မာနိုင်ငံ ကုန်သည် များနှင့် စက်မှုလုပ်ငန်းရှင်များအသင်းမှ ကိုယ်စားလှယ်များ တက်ရောက်ခဲ့ပြီး ဆွေးနွေးပွဲကို ဖွံ့ဖြိုးမှု အနည်းဆုံးနိုင်ငံ အဖြစ်မှ လွတ်မြောက်ရေး၊ LDC Graduation အတွက် ကူးပြောင်းသည့် အချိန်တွင် လွယ်ကူချောမွေ့စေရေး၊ အခွင့်အလမ်းကောင်းများရရှိစေရေး၊ အခြားနိုင်ငံများ၏ အတွေ့အကြုံများကို လေ့လာနိုင်ရေးနှင့် အပြည်ပြည် ဆိုင်ရာ ထောက်ပံ့မှုများ ဆက်လက်ခံစားခွင့်ရရှိနိုင်ရေး တို့အတွက် အထောက်အကူဖြစ်နိုင်ရန် ရည်ရွယ်၍ ကျင်းပ ခြင်းဖြစ်ကြောင်း သိရသည်။

သတင်းစဉ်