နာဂကိုယ်ပိုင်အုပ်ချုပ်ခွင့်ရဒေသအတွင်း ကျန်းမာရေးစောင့်ရှောက်မှုလုပ်ငန်းများအား အထူးအစီအစဉ်ဖြင့် အရှိန်အဟုန်မြှင့်တင်ရေး ညှိနှိုင်းအစည်းအဝေးကျင်းပ

နေပြည်တော် ဇွန် ၉

နာဂကိုယ်ပိုင်အုပ်ချုပ်ခွင့်ရဒေသ အတွင်း အထူးကိစ္စရပ်အနေဖြင့် တိုးချဲ့ကာကွယ် ဆေးထိုးလုပ်ငန်း၊ အာဟာရ ဖွံ့ဖြိုးရေး လုပ်ငန်း၊ မိခင်နှင့်ကလေးကျန်းမာရေး၊ တစ်ကိုယ် ရေသန့်ရှင်းရေး၊ ကျောင်းကျန်းမာရေးနှင့် ပတ်ဝန်းကျင်သန့်ရှင်းရေးလုပ်ငန်းများကို  အရှိန်အဟုန်မြှင့်တင်ဆောင်ရွက်ရေး ညှိနှိုင်းအစည်းအဝေးကို ယနေ့၊ နံနက်ပိုင်းတွင် မုံရွာမြို့၌ ကျင်းပသည်။

ရှေးဦးစွာ ပြည်ထောင်စုဝန်ကြီး ဒေါက်တာမြင့်ထွေးက အဖွင့်အမှာစကား ပြောကြားရာတွင် ဝေးလံသွားလာရ ခက်ခဲသော စစ်ကိုင်းတိုင်းဒေသကြီး၊ နာဂကိုယ်ပိုင် အုပ်ချုပ်ခွင့်ရဒေသရှိလေရှီး၊ လဟယ်နှင့် နန်းယွန်းမြို့နယ်အတွက် အမှန်တကယ်လိုအပ် လျက်ရှိပြီးလက်တွေ့မြေပြင် အခြေအနေတွင် ပြုလုပ်နိုင်မည့် ကျန်းမာရေးစောင့်ရှောက်မှု လုပ်ငန်းများကိုနိုင်ငံတကာ အစိုးရမဟုတ်သောအဖွဲ့အစည်းများ၊ မိတ်ဖက်အဖွဲ့အစည်း များနှင့် ပိုမိုထိရောက်စွာ ပူးပေါင်းဆောင်ရွက်နိုင်ရေးဆောင်ရွက်ခြင်းမှာ ဆေးပညာကျင့်ဝတ်များနှင့်အညီဖြစ်ပြီး ထိုသို့ဆောင်ရွက်နိုင်ရန်အတွက် ယခုညှိနှိုင်း အစည်းအဝေးသည် အရေးကြီးပါကြောင်း။

ညှိနှိုင်းအစည်းအဝေးတွင် လက်တွေ့မြေပြင်၌ အမှန်တကယ်ဆောင်ရွက်နိုင်မည့်လုပ်ငန်းစဉ်များ တိကျစွာ ထွက်ပေါ်လာရေးနှင့် စနစ်ကျစွာဆောင်ရွက်နိုင်ရေး ဝိုင်းဝန်း ဆွေးနွေးရမည်ဖြစ်ပါကြောင်း၊ လေရှီး၊ လဟယ်နှင့် နန်းယွန်းမြို့နယ်များရှိ ကျေးရွာများ အပါအဝင် နာဂကိုယ်ပိုင်အုပ်ချုပ်ခွင့်ရဒေသအတွင်းရှိကျေးရွာများမှ သွားလာရခက်ခဲသော ကျေးရွာများမှ မိမိတို့နိုင်ငံသား ဒေသခံပြည်သူများတွင် ဘာသာစကားမျိုးစုံကွဲပြား လျက်ရှိပြီး ကျန်းမာရေးအသိပညာလည်းနည်းပါးကာ ကာကွယ်နိုင်သည့်ရောဂါများ ဖြစ်ပွား လျက်ရှိသည်ကို တွေ့ရပါကြောင်း၊

နိုင်ငံတကာအဆင့်မီ ကျန်းမာရေးအဆင့်မြှင့်တင်ရေးဆိုင်ရာ စီမံကိန်းများ၊ စီမံချက်လုပ်ငန်းများ များပြားစွာရှိသော် လည်း မိမိတို့နိုင်ငံ၊ လုပ်ငန်းဆောင်ရွက်မည့်ဒေသ၏ အခြေအနေအရပ်ရပ်နှင့် ကိုက်ညီမှုမရှိပါက လက်တွေ့ ဆောင်ရွက်ရာတွင် မည်သို့မျှအောင်မြင်မှုရရှိမည် မဟုတ်ပါကြောင်း၊ ဒေသ၏ ပထဝီအနေအထား၊ လမ်းပန်း ဆက်သွယ်ရေး၊ စိုက်ပျိုးမွေးမြူရေး၊ ကုန်သွယ်မှု၊ လူမှု စီးပွား၊ ဖွံ့ဖြိုးမှု၊ ဒေသခံများ၏ ကျန်းမာရေး အသိပညာကြွယ်ဝမှု၊ ယုံကြည်ကိုးကွယ်မှု၊ ယဉ်ကျေးမှု၊ အလေ့အထ၊ ကျန်းမာရေး ဝန်ဆောင်မှု များရရှိမှုနှင့် အသုံးပြုမှု၊ ကျန်းမာရေးစောင့်ရှောက်မှုပေးသူများ၏ စွမ်းဆောင်ရည်နှင့် အရည်အသွေး၊ လူ့စွမ်းအားအရင်းအမြစ်၊ ဘဏ္ဍာငွေနှင့်ဆေး၊ ဆေးပစ္စည်းကိရိယာများ အပါအဝင် အရင်းအမြစ်များ၊ ဒေသရှိ ပြည်သူများ၏ ကျန်းမာရေး အဆင့်အတန်း စသည့်အခြေအနေများကို နောက်ခံထား၍ ဒေသနှင့် အကိုက်ညီဆုံးသော စီမံချက်နှင့် လုပ်ငန်းစဉ်များ ချမှတ်ဆောင်ရွက်ရမည်ဖြစ်ပါကြောင်း။

ဆက်သွယ်ပြောဆိုသည့် ဘာသာစကားအမျိုးမျိုးကွဲပြားလျက်ရှိသည့် အဆိုပါဒေသရှိ ပြည်သူများတွင် ရောဂါကာကွယ်ဆေး၊ အာဟာပြည့်ဝစွာစားသုံးမှု၊ မိခင်၊ မျိုးဆက်ပွားနှင့် ကလေးကျန်းမာရေး၊ တစ်ကိုယ်ရည်သန့်ရှင်းရေး စသည့် ကျန်းမာရေးအသိပညာ ဗဟုသုတများရရှိကြွယ်ဝစေရန် အလေးထား ဆောင်ရွက်သွားရမည်ဖြစ်ပါကြောင်း၊ လုပ်ငန်းများဆောင်ရွက်ရာတွင် ဝန်ကြီးဌာနတစ်ခုတည်းမှ ဆောင်ရွက်၍မရဘဲ ဒေသတာ ဝန်ရှိသူများအနေဖြင့် လမ်းပန်းဆက်သွယ်ရေး၊ လယ်ယာစိုက်ပျိုးရေးနှင့် မွေးမြူရေး အစရှိသည့် အထူးအရေးကြီးသည့် ကဏ္ဍများ၏ ပူးပေါင်းချိတ်ဆက်ဆောင်ရွက်မှုကို ရယူ ဆောင်ရွက်ရမည်ဖြစ်ပါကြောင်း။

ဒေသရှိ မြို့နယ် ပြည်သူ့ကျန်းမာ/ ကုသရေးဦးစီးဌာနမှူးများ၊ ဆရာဝန်များ၊ သူနာပြုများနှင့် အခြေခံ ကျန်းမာရေးပညာရှင်များဖြစ်သည့် ကျန်းမာရေးမှူးများ၊ သားဖွားဆရာမများ၊ ပြည်သူ့ကျန်းမာရေးကြီးကြပ်များ၏ အကြံပြုမှုသည် လုပ်ငန်းစဉ်များ ရေးဆွဲရာ၌ အထူးအရေးကြီးပါကြောင်း၊ဒေသတွင် လုပ်ငန်းဆောင်ရွက် လျက်ရှိသည့် ကုလသမဂ္ဂ လက်အောက်ခံအဖွဲ့အစည်းများ၊ နိုင်ငံတကာ အစိုးရမဟုတ်သော အဖွဲ့အစည်းများ၊ မိတ်ဖက် အဖွဲ့အစည်းများအနေဖြင့် ဝန်ကြီးဌာနနှင့် ထိရောက်စွာ ပူးပေါင်းချိတ်ဆက် ဆောင်ရွက်ခြင်းဖြင့် အောင်မြင်မှု များရရှိမည်ဖြစ်ပါကြောင်း။

တိုင်းဒေသကြီး အစိုးရအဖွဲ့နှင့် နာဂကိုယ်ပိုင်အုပ်ချုပ် ခွင့်ရဒေသဦးစီးအဖွဲ့မှ တာဝန်ရှိသူများအနေဖြင့် ကျန်းမာရေး ဆိုင်ရာ လိုအပ်ချက်များကို ဝန်ကြီးဌာနမှ တာဝန်ရှိသူများထံ တိုက်ရိုက်ဆက်သွယ် ပြောဆိုခြင်း၊ ပံ့ပိုးပူးပေါင်း ဆောင်ရွက်ခြင်းများဖြင့် အောင်မြင်မှု များရရှိနိုင်မည်ဖြစ်ပါကြောင်း ပြောကြားခဲ့ပါသည်။

ထို့နောက် စစ်ကိုင်းတိုင်းဒေသကြီး လူမှုရေးဝန်ကြီးဒေါက်တာဇော်ဝင်းက နာဂကိုယ်ပိုင် အုပ်ချုပ်ခွင့်ရဒေသအတွင်း ကျန်းမာရေးစောင့်ရှောက်မှုလုပ်ငန်းများအား အထူးအစီအစဉ်ဖြင့် အရှိန်အဟုန်မြှင့်တင်ရေးလုပ်ငန်းများအား ပံ့ပိုးပူးပေါင်းဆောင်ရွက်မှုများ ကို လက်ကမ်း ကြိုဆိုပါကြောင်း နှုတ်ခွန်းဆက်စကားပြောကြားသည်။

ဆက်လက်၍ နာဂကိုယ်ပိုင်အုပ်ချုပ်ခွင့်ရဒေသဦးစီးအဖွဲ့၊ အဖွဲ့ဝင်တိုင်းဒေသကြီး လွှတ်တော် ကိုယ်စားလှယ် ဦးကာစီရန်း က ကြိုဆိုနှုတ်ခွန်းဆက်စကားပြောကြားသည်။

ထို့နောက် Unicef ၊ WFP ၊ Access to Health Fund ၊ မြန်မာကြက်ခြေနီအသင်း၊ မြန်မာနိုင်ငံကျန်းမာရေးမှူး အသင်း၊ WHO Country Office ၊ PATH ၊ CPI ၊ Medical Action Myanmar တို့မှ တာဝန်ရှိသူများက လုပ်ငန်းများတွင် ဝန်ကြီးဌာနနှင့် ပူးပေါင်းပံ့ပိုးမည့် အစီအစဉ်များကို ပြောကြားသည်။

ညှိနှိုင်းအစည်းအဝေး နံနက်ပိုင်း ဆွေးနွေးအကြံပြုမှုအစီအစဉ်တွင် ပြည်ထောင်စုဝန်ကြီးက သဘာပတိ အဖြစ်ဆောင်ရွက်ခဲ့ပြီး မွန်းလွဲပိုင်းအစီအစဉ်တွင် အမြဲတမ်းအတွင်းဝန် ဒေါက်တာသာထွန်းကျော်က သဘာပတိ အဖြစ်ဆောင်ရွက်ခဲ့ကြကာ တက်ရောက်လာသူများက နာဂကိုယ်ပိုင်အုပ်ချုပ်ခွင့်ရဒေသရှိ လေရှီး၊ လဟယ်နှင့် နန်းယွန်းမြို့နယ်များတွင် တိုးချဲ့ကာကွယ်ဆေးထိုးလုပ်ငန်း၊ အာဟာရဖွံ့ဖြိုးရေးလုပ်ငန်း၊ မိခင်နှင့် ကလေးကျန်းမာရေး၊ တစ်ကိုယ်ရေသန့်ရှင်းရေး၊ ကျောင်းကျန်းမာရေးနှင့် ပတ်ဝန်းကျင်သန့်ရှင်းရေး လုပ်ငန်းများကို  အရှိန်အဟုန်မြှင့်တင်ဆောင်ရွက်ရေးရေး ဝိုင်းဝန်းအကြံပြုဆွေးနွေးခဲ့ကြပါ ကြောင်းသိရသည်။

(သတင်းစဉ်)