ပြည်သူများ၏ မျှော်လင့်ချက်ဖြစ်သော မြန်မာ - ကိုရီးယား ချစ်ကြည်ရေး (ဒလ) တံတားစီမံကိန်း လုပ်ငန်းစတင်ဆောင်ရွက်

 

 နေပြည်တော် ဇွန် ၂၈

ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော်သည် မြန်မာနိုင်ငံဆိုင်ရာ ကိုရီးယားနိုင်ငံ သံအမတ်ကြီးနှင့် အတူ ယနေ့ နံနက် ၉ နာရီတွင် ဒလဘက်ကမ်း၌  မြန်မာ - ကိုရီးယား ချစ်ကြည်ရေး (ဒလ) တံတားလုပ်ငန်း စတင် ဆောင်ရွက်နေမှုကို ကြည့်ရှုအားပေးသည်။

ရှေးဦးစွာ Soosung , Dohwa , Jinwoo ကုမ္ပဏီတို့မှ တာဝန်ရှိသူများက တံတားတည်ဆောက်ရေးလုပ်ငန်း ဆောင်ရွက် မည့် လုပ်ငန်းစီမံချက်၊ ဒလဘက်ကမ်း ဘိုးပိုင်လုပ်ငန်းများ ဆောင်ရွက်မည့်အစီအစဉ်၊ Qualtity Control Plan နှင့် လုပ်ငန်းခွင်ဘေးအန္တရာယ် ကင်းရှင်းရေးစီမံချက်များနှင့် ပတ်သက်၍ ကဏ္ဍအလိုက် ရှင်းလင်းတင်ပြကြသည်။

ယင်းနောက် ပြည်ထောင်စုဝန်ကြီး၊ သံအမတ်ကြီး၊ လွှတ်တော်ကိုယ်စားလှယ်များနှင့် ဌာနဆိုင်ရာ တာဝန်ရှိသူများသည် ဒလဘက်ကမ်း A-1 ဘိုးပိုင်စတင်တူးနေမှု ၊ စီမံကိန်းလုပ်ငန်းများ အရှိန်အဟုန်ဖြင့် လည်ပတ်နိုင်ရန် ဆောင်ရွက်ထားရှိမှု၊ ဆိပ်ကမ်းမှတဆင့် တံတားတည်ဆောက်ရေး ပစ္စည်းများသယ်/ချနိုင်မှု အခြေအနေတို့ကို ကြည်ရှုစစ်ဆေးပြီး တာဝန်ရှိသူ များအား လုပ်ငန်းလိုအပ်ချက်များ မှာကြားသည်။

ဆက်လက်၍ ပြည်ထောင်စုဝန်ကြီးနှင့်အဖွဲ့သည် ရန်ကုန်ဘက်ကမ်းသို့ရောက်ရှိပြီး Contractor GS Engineering & Construction မှတာဝန်ရှိသူတို့က တံတားတည်ဆောက်ရေးစီမံကိန်း၊ ရန်ကုန်ဘက်ခြမ်းတွင် တာဝန်ယူဆောင်ရွက်မည့် စီမံကိန်းလုပ်ငန်းများနှင့် ပတ်သက်၍ ရှင်းလင်းတင်ပြသည်။

ထို့နောက် ပြည်ထောင်စုဝန်ကြီးနှင့်အဖွဲ့သည် မြန်မာ - ကိုရီးယား ချစ်ကြည်ရေး (ဒလ) တံတားစီမံကိန်း၏ ရန်ကုန် ဘက်ခြမ်း RAP – 1 ဘိုးပိုင်စတင်တူးနေမှုကို ကြည့်ရှုအားပေးသည်။

မြန်မာ - ကိုရီးယား ချစ်ကြည်ရေး (ဒလ) တံတားတည်ဆောက်ရေး စီမံကိန်းလုပ်ငန်း စတင်ဆောင်ရွက်ခြင်းသည် ပြည်သူများ၏ မျှော်လင့်ချက်ကို အကောင်အထည်ဖော်ပေး လိုက်ခြင်းဖြစ်ပြီး တံတားကြီးသည် ရန်ကုန်မြို့၏ Land Mark တစ်ခုဖြစ်ကာ လမ်းပန်းဆက်သွယ်ရေး ကောင်းမွန်လာမှုနှင့်အတူ မြို့ပြဒေသ ဖွံ့ဖြိုးတိုးတက်လာကာ သွားလာရေး လွယ်ကူအဆင်ပြေချောမွေ့ပြီး ကုန်စည်စီးဆင်းမှုများလည်း သွက်လက်မြန်ဆန်လာ မည်ဖြစ်ကြောင်း သိရသည်။

(သတင်းစဉ်)