ရန်ကုန်-
ဇွန် ၁၂
ရုရှားဖက်ဒရေးရှင်းနိုင်ငံ၏
အမျိုးသားနေ့ အထိမ်းအမှတ် ဧည့်ခံပွဲအခမ်းအနားကို ယနေ့ ည ၇ နာရီတွင် ရန်ကုန်မြို့၊
ကမ္ဘာအေးဘုရားလမ်းရှိ Melia Hotel ၌ ကျင်းပရာ ပို့ဆောင်ရေးနှင့် ဆက်သွယ်ရေး
ဝန်ကြီးဌာန ပြည်ထောင်စုဝန်ကြီး ဦးသန့်စင်မောင်နှင့် ဇနီး
တို့ တက်ရောက်ကြသည်။
ရှေးဦးစွာ
ပြည်ထောင်စုသမ္မတမြန်မာနိုင်ငံတော် သီချင်းနှင့် ရုရှားဖက်ဒရေးရှင်း နိုင်ငံတော် သီချင်း
တို့ဖြင့် အခမ်းအနားကို စတင်ဖွင့်လှစ်သည်။
ထို့နောက်
မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး Dr.
Nikolay Listopadov နှင့်
ပြည်ထောင်စုဝန်ကြီး ဦးသန့်စင်မောင် တို့က နှုတ်ခွန်း
ဆက်စကားပြောကြားကြပြီး ရုရှားဖက်ဒရေးရှင်း နိုင်ငံ၏ အမျိုးသားနေ့ အထိမ်းအမှတ်
ကိတ်ကို လှီးဖြတ်ပေးကြသည်။
ယင်းနောက်
ပြည်ထောင်စုဝန်ကြီးနှင့် ဇနီး၊ သံအမတ်ကြီးတို့က တက်ရောက် လာကြသူများနှင့် အတူ
စုပေါင်းမှတ်တမ်းတင် ဓာတ်ပုံရိုက်ကြပြီး အခမ်းအနားသို့ တက်ရောက်လာကြသူများအား
သံအမတ် ကြီးက ညစာစားပွဲဖြင့် တည်ခင်းဧည့်ခံသည်။
အဆိုပါ
အခမ်းအနားသို့ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းနှင့် ဇနီး၊
ညှိနှိုင်းကွပ် ကဲရေးမှူး(ကြည်း၊ရေ၊လေ)
ဗိုလ်ချုပ်ကြီးမြထွန်းဦးနှင့်ဇနီး၊ တပ်မတော် အရာရှိကြီးများ၊ မြန်မာနိုင်ငံ ဆိုင်ရာ
နိုင်ငံခြားသံရုံးများမှ သံအမတ်ကြီးများ၊ သံရုံး ယာယီတာဝန်ခံများ၊ ကုလသမဂ္ဂဆိုင်ရာ
ဌာနေ ကိုယ်စားလှယ်များနှင့်
ဖိတ်ကြားထား သူများ တက်ရောက်ကြသည်။
(သတင်းစဉ်)
No comments:
Post a Comment