နေပြည်တော် ဧပြီ ၃၀
ပြန်ကြားရေးဝန်ကြီးဌာန ပြည်ထောင်စုဝန်ကြီး
ဒေါက်တာဖေမြင့်သည် ဂျပန်နိုင်ငံ အအိချိခရိုင်၊ နာဂိုယာ မြို့ရှိ မြန်မာနိုင်ငံ၏ ဂုဏ်ထူးဆောင်ကောင်စစ်ဝန်ဖြစ်သူ
မစ္စတာ တိုရှိအို နီရှိမူရ ( Mr. Toshio Nishimura) နှင့် အဖွဲ့အား ယနေ့မွန်းလွဲ ၂ နာရီတွင်
ပြန်ကြားရေးဝန်ကြီးဌာန၌ လက်ခံတွေ့ဆုံသည်။
တွေ့ဆုံစဉ် မြန်မာနိုင်ငံနှင့်
ဂျပန်နိုင်ငံတို့အကြား ကဗျာ၊ စာပေ၊ ပန်းချီ၊ အနုပညာ ယဉ်ကျေးမှု ပူးပေါင်း ဖလှယ်ရေး၊
Documentary ၊ Drama ၊ Action ရုပ်ရှင်ဇာတ်ကား များ ပူးပေါင်းရိုက်ကူးရေးနှင့် မြန်မာ့
အသံနှင့် ရုပ်မြင်သံကြားနှင့် Animation များ ပူးပေါင်းဆောင်ရွက်ရေး၊ ခရိုင်၊ မြို့နယ်တို့ရှိ
စာကြည့် တိုက်များနှင့် ကလေးစာကြည့် တိုက်များသို့ ကူညီဆောင်ရွက်ရေးဆိုင်ရာ ကိစ္စရပ်များကို
ရင်းနှီး ပွင့်လင်းစွာ ဆွေးနွေးခဲ့ ကြသည်။
မစ္စတာ တိုရှိအို နီရှိမူရ
အား နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ၂၀၁၇ ခုနှစ်၊ အောက်တိုဘာလတွင်
မြန်မာနိုင်ငံ၏ ဂုဏ်ထူး ဆောင် ကောင်စစ်ဝန်အဖြစ် ရွေးချယ် ခန့်အပ် ခဲ့ခြင်း ဖြစ်ကြောင်း
သိရသည်။
(သတင်းစဉ်)
No comments:
Post a Comment