မြောက်ဦးမြို့ရှိ အမှတ် (၃၁) လုံခြုံရေးရဲတပ်ဖွဲ့ဌာနချုပ်အား AA အဖွဲ့က အင်အားအလုံးအရင်းဖြင့် ၀င်ရောက်တိုက်ခိုက်၊ တိုက်ပွဲနှင့် မသက်ဆိုင်သည့် မိသားစုဝင်များအား သတ်ဖြတ်ခြင်း၊ ကလေး သူငယ်များနှင့် အမျိုးသမီးများအား ဖမ်းဆီးခေါ် ဆောင်ခြင်းများ စသည့် အကြမ်းဖက်လုပ်ရပ်များ ကျူးလွန်

 

 နေပြည်တော် ဧပြီ ၁၀

ရခိုင်ပြည်နယ် မြောက်ဦးမြို့ရှိ အမှတ် (၃၁) လုံခြုံရေးရဲတပ်ဖွဲ့ဌာနချုပ်အား ဧပြီ ၉ ရက် ညပိုင်း တွင် AA အဖွဲ့က အင်အား အလုံးအရင်းဖြင့် ၀င်ရောက်တိုက်ခိုက်ပြီး တိုက်ပွဲနှင့် မသက်ဆိုင်သည့် မိသားစုဝင်များအား သတ်ဖြတ်ခြင်း၊ ဖမ်းဆီးခေါ် ဆောင်ခြင်းများ ကျူးလွန်သွားခဲ့ကြောင်း သိရသည်။

ဖြစ်စဉ်မှာ ဧပြီ ၉ ရက် ည ၁၀ နာရီခွဲခန့်တွင် AA အဖွဲ့မှ အင်အား ၂၀၀ ခန့်က အမှတ် (၃၁) လုံခြုံရေးရဲတပ်ဖွဲ့ဌာန ချုပ်အား မြောက်ဘက်မျက်နှာစာမှ လက်နက်ကြီး၊ လက်နက်ငယ်များဖြင့် ၀င် ရောက်ပစ်ခတ်တိုက်ခိုက်ပြီး အကြိမ်ကြိမ် လုံးထွေး တိုက်ခိုက် ခဲ့ကြောင်း၊ သို့ရာတွင် မိမိတပ်ဖွဲ့ဝင်များ ၏ ကြံ့ကြံ့ခံ ပြန်လည်ခုခံတိုက်ခိုက်မှုကြောင့် ပင်မဌာနချုပ်၏ အရေးကြီးနေရာများ ကျဆုံးမှုမရှိဘဲ လုံခြုံရေးရဲတပ်ဖွဲ့၏ အိမ်ထောင်သည်လိုင်းများအထိသာ ၀င်ရောက်နိုင်ခဲ့ကြောင်း၊ ဧပြီ ၁၀ ရက် နံနက် ၄ နာရီ ၁၀ မိနစ်ခန့်တွင် တပ်မတော်စစ်ကြောင်း ရောက်ရှိလာခြင်းကြောင့် AA အဖွဲ့ ပြန်လည် ဆုတ်ခွာသွားသဖြင့် နံနက် ၄ နာရီခွဲခန့်တွင် စခန်းဌာနချုပ်အား မိမိတပ်ဖွဲ့ဝင်များက ပြန်လည် ထိန်းချုပ်နိုင်ခဲ့ကြောင်း၊ ဆုတ်ခွာသွားသော AA အဖွဲ့ နောက်သို့ တပ်မတော် စစ်ကြောင်းများက ထပ်ကြပ်လိုက်လံရှင်းလင်းလျက်ရှိကြောင်း သိရသည်။

ဖြစ်စဉ်တွင် ရဲတပ်ဖွဲ့ဝင် နှစ်ဦး ကျဆုံးပြီး ခုနှစ်ဦးပျောက်ဆုံးကာ မိသားစုဝင် ဇနီး တစ်ဦးကို ပစ်ခတ် သတ်ဖြတ်ခဲ့ကြောင်း ၊ ထို့အပြင် AA အဖွဲ့က လုံခြုံရေး ရဲတပ် ဖွဲ့ဝင်များ၏ ဇနီး သုံးဦး၊ မိခင်တစ်ဦး၊ ကလေးသူငယ် သုံးဦး ( ယောကျာင်္းလေး တစ်ဦး နှင့် မိန်းကလေးနှစ်ဦး) တို့အား ဖမ်းဆီးခေါ်ဆောင် သွားခဲ့ကြောင်း၊ AA အဖွဲ့အနေဖြင့် ယခုကဲ့သို့ လုံခြုံရေးရဲ တပ်ဖွဲ့၏ အိမ်ထောင်သည် မိသားစုလိုင်း ခန်းများအား ၀င်ရောက်တိုက်ခိုက်ခြင်း၊ တိုက်ပွဲနှင့် သက်ဆိုင်ခြင်း မရှိသည့် ရဲတပ်ဖွဲ့ဝင်များ ၏ မိသားစုဝင်များ၊ အမျိုးသမီးနှင့် ကလေးသူငယ်များကို ဖမ်းဆီးခေါ်ဆောင်ခြင်းများ စသည့် အကြမ်းဖက်လုပ်ရပ်များ ကျူးလွန်ခဲ့ကြောင်း မြန်မာနိုင်ငံ ရဲတပ်ဖွဲ့မှ သတင်း ရရှိသည်။

(သတင်းစဉ်)