ဒုတိယအကြိမ် အမျိုးသားလွှတ်တော် (၁၁)ကြိမ်မြောက် ပုံမှန်အစည်းအဝေး ၁၈ ရက်မြောက်နေ့ကျင်းပ

နေပြည်တော် ဖေဖော်ဝါရီ ၂၇

ဒုတိယအကြိမ် အမျိုးသားလွှတ်တော် (၁၁)ကြိမ်မြောက် ပုံမှန်အစည်းအဝေး ၁၈ ရက် မြောက်နေ့ကို ယနေ့နံနက် ၁၀နာရီတွင် နေပြည်တော်ရှိ အမျိုးသားလွှတ်တော် အစည်းအဝေးခန်းမ၌ ကျင်းပသည်။

အစည်းအဝေးတွင် မကွေးတိုင်းဒေသကြီး မဲဆန္ဒနယ်အမှတ်(၅)မှ ဦးတင်အောင်ထွန်း၏ မကွေးတိုင်းဒေသကြီး၊ မင်းဘူးမြို့၊ အမှတ်(၃) ရပ်ကွက်၊ ဦးသြဘာသလမ်းမပေါ် ရှိ အန္တရာယ်ရှိ အဆောက်အအုံဖြစ်သော လှသီရိရုပ်ရှင်ရုံအဟောင်းအား ဖျက်သိမ်းပြီး အဆင့်မြင့်ရုပ်ရှင်ရုံ အသစ်တစ်ခု တည်ဆောက်ပေးနိုင်ခြင်း ရှိ /မရှိ သိရှိလိုခြင်း မေးခွန်းနှင့်စပ်လျဉ်း၍ ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းက မကွေးတိုင်းဒေသကြီး၊ မင်းဘူးမြို့ရှိ “လှသီရိ” ရုပ်ရှင်ရုံကို ပြည်ထောင်စု မြန်မာနိုင်ငံတော် တော်လှန်ရေးအစိုးရ၊ ပြန်ကြားရေးဝန်ကြီးဌာန၏ ၁၉၆၉ခုနှစ် ဇူလိုင် ၁ရက်စွဲပါ အမိန့်ကြော်ငြာစာအမှတ် (၁၂၈)ဖြင့် ပြည်သူပိုင်သိမ်းယူပြီး နိုင်ငံပိုင်ရုပ်ရှင်ရုံအဖြစ် အသုံးပြု ခဲ့ပါကြောင်း၊ ထို့နောက် အဆိုပါရုပ်ရှင်ရုံကို ပုဂ္ဂလိကပိုင်ပြုလုပ်ရေးကော်မရှင်၏ ၂၀၀၂ ခုနှစ် ဇူလိုင် ၂၆ ရက်စွဲပါ အမိန့်အမှတ် (၁၀/၂၀၀၂) အရ ပုဂ္ဂလိကလုပ်ငန်းရှင် ဒေါ်ခင်ဥမ္မာကျော်သို့ ငွေကျပ် (၅ ဒသမ ၀၅) သန်းဖြင့် အပြီးအပိုင်ရောင်းချခဲ့ပါကြောင်း၊ ယင်းရုပ်ရှင်ရုံကို လွှဲပြောင်းရောင်းချခြင်း သဘောတူစာချုပ်တွင်ပါရှိသည့် စည်းကမ်းသတ်မှတ်ချက်များအရ ၀ယ်ယူသူအနေဖြင့် မူလရုပ်ရှင် ပြသခြင်းလုပ်ငန်းကို ဆက်လက်လုပ်ကိုင် ရမည်ဖြစ်ပြီး ရုပ်ရှင်ရုံအဟောင်းကိုလည်း ရုပ်ရှင်ပြသနိုင် သည့် အဆောက်အဦ အဖြစ် ဆောင်ရွက်ရမည်ဖြစ်ပါကြောင်း။

၂၀၁၀ခုနှစ် ဧပြီ ၅ ရက်တွင် ယင်းရုပ်ရှင်ရုံ အဆောက်အဦ၏ အနောက်ဖက်ခြမ်းအလျား (၁၄၇)ပေ၊ အမြင့် (၂၀ပေ)ခန့်မှာ ပြိုကျခဲ့ပါကြောင်း၊ ယင်းရုပ်ရှင်ရုံ အဆောက်အဦသည် ဧရာဝတီမြစ်နှင့်ကိုက် (၃၀၀ - ၄၀၀)ခန့်သာ ကွာဝေးခြင်းကြောင့် နှစ်စဉ်မြစ်ရေတက်မှုနှင့် သက်တမ်းကြာမြင့်မှုတို့ကြောင့် ဆွေးမြေ့နေပြီ ဖြစ်သည့်အတွက် မင်းဘူးမြို့နယ် စည်ပင်သာယာရေးအဖွဲ့၏ ရုံးအမိန့်အမှတ်၊ (၁၅/၂၀၁၀)ဖြင့် အန္တရာယ်ရှိအဆောက်အဦအဖြစ် သတ်မှတ်ခဲ့ပါကြောင်း၊ ယင်းအမိန့်စာ ထုတ်ပြန်ချက်အရ ယခင်ရုပ်ရှင်ပြသမှုစနစ်ဟောင်း (Analogue)စနစ်ဖြင့် ရုပ်ရှင်ပြသခြင်းကို ရပ်ဆိုင်းခဲ့ပါကြောင်း။

ပုဂ္ဂလိကပိုင်ပြုလုပ်ရေးကော်မရှင်က အပြီးအပိုင်ရောင်းချခဲ့သည့် နိုင်ငံပိုင်ရုပ်ရှင် ရုံများအနက် မူလရုပ်ရှင်ပြသခြင်း လုပ်ငန်းဆက်လက်လုပ်ကိုင်ရန် စည်းကမ်းသတ်မှတ် ချက်ပါရှိသည့် ရုပ်ရှင်ရုံများကို Digital စနစ်သို့ပြောင်းလဲပြီး စာချုပ်ပါ ကတိက၀တ် များအတိုင်း ရုပ်ရှင်ပြသမှုလုပ်ငန်း ဆောင်ရွက်ရန် ပြန်ကြားရေးဝန်ကြီးဌာန၏ ယခင်မြန်မာ့ရုပ်ရှင်မြှင့်တင်ရေး ဦးစီးဌာနက ရုပ်ရှင်ရုံဝယ်ယူသူများ အားလုံးကို ၂၀၁၅ခုနှစ် ဖေဖော်ဝါရီ ၁၈ ရက်စွဲပါစာဖြင့် အကြောင်းကြားခဲ့ ပါကြောင်း။

ထို့နောက် ရှေ့လုပ်ငန်းစဉ်ဖြစ်သည့် Digital စနစ်ဖြင့်ပြသသည့် ရုပ်ရှင်ရုံအဖြစ် ပြောင်းလဲတည်ဆောက်နိုင်မည့် အဆိုပြုချက် ကို ၂၀၁၅ ခုနှစ် ဇူလိုင် ၃ ရက်မှစ၍ (၁)လ အတွင်း တင်ပြရန်နှင့် ၂၀၁၆ခုနှစ် ဇန်န၀ါရီ ၁ ရက်မှ လုပ်ငန်းစတင်ဆောင်ရွက် ရန် ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနက ရုပ်ရှင်ရုံ ၀ယ်ယူသူအားလုံးကို ၂၀၁၅ခုနှစ် ဇူလိုင် ၁၄ ရက်စွဲပါစာဖြင့် ထပ်မံအကြောင်းကြားခဲ့ပါ ကြောင်း၊ “လှသီရိ” ရုပ်ရှင်ရုံ ၀ယ်ယူသူကိုလည်း မူလလုပ်ငန်းဖြစ်သည့် ရုပ်ရှင်ပြသခြင်း လုပ်ငန်းကို Digital စနစ်ဖြင့် ပြောင်းလဲပြီး ဆက်လက် ဆောင်ရွက်ရန် အကြောင်းကြား ခဲ့ပါကြောင်း။

ယင်းရုပ်ရှင်ရုံဝယ်ယူသူက ရုပ်ရှင်ရုံပြန်လည်ပြုပြင် တည်ဆောက်ရန်နှင့် အဆင့်မြင့် Digital ရုပ်ရှင်ပြသမှုစနစ် တပ်ဆင်ရန် ငွေကြေးအခက်အခဲကြောင့် အကျိုးတူလုပ်ကိုင်မည့် ကုမ္ပဏီ သို့မဟုတ် အဖွဲ့အစည်းများသို့ ဆက်သွယ်နေပါကြောင်း၊ ၂၀၁၅ခုနှစ် သြဂုတ် ၂၀ ရက်စွဲပါစာဖြင့် ပြန်လည်တင်ပြခဲ့ပါကြောင်း၊ ယင်းရုပ်ရှင်ရုံ၏ မူလလုပ်ငန်းဖြစ်သည့် ရုပ်ရှင်ပြသခြင်းလုပ်ငန်းကို ဆက်လက်ဆောင်ရွက်ရန် ကိစ္စနှင့်ပတ်သက်၍ စီမံဆောင်ရွက်ထား ရှိမှုကို ပြန်လည်တင်ပြရန် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနက ပိုင်ရှင်ထံ ၂၀၁၈ခုနှစ် ဧပြီ ၃ ရက်စွဲပါစာဖြင့် ထပ်မံ အကြောင်းကြားခဲ့ပါကြောင်း။

ပြည်ထောင်စုအစိုးရအဖွဲ့၏ ၂၀၁၈ခုနှစ်၊ ဧပြီ ၁၀ ရက်စွဲပါ အမိန့်ကြော်ငြာစာ အမှတ် ၄၈/၂၀၁၈ အရ ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ယူစီမံခန့်ခွဲ လျက်ရှိသည့် နိုင်ငံပိုင် ရုပ်ရှင်ရုံ (၂၇)ရုံနှင့် ပုဂ္ဂလိကသို့ အပြီးအပိုင်ရောင်းချခဲ့သည့် ရုပ်ရှင်ရုံ့များအနက် ရုပ်ရှင် ပြသခြင်း လုပ်ငန်းဆောင်ရွက်ရန် စည်းကမ်းသတ်မှတ်ချက်ပါရှိသည့် ရုပ်ရှင်ရုံ(၉၄) ရုံ၊ စုစုပေါင်း ရုပ်ရှင်ရုံ (၁၂၁) ရုံကို ကြီးကြပ်ခြင်း၊ စီမံခန့်ခွဲခြင်းလုပ်ငန်းများ ဆောင်ရွက်နိုင်ရန်အတွက် သက်ဆိုင်သည့် အထောက်အထား၊ စာရွက်စာတမ်းများကို သက်ဆိုင်ရာနေပြည်တော်ကောင်စီ၊ တိုင်းဒေသကြီးအစိုးရအဖွဲ့ သို့မဟုတ် ပြည်နယ်အစိုးရအဖွဲ့များသို့ လွှဲပြောင်းပေးအပ် လျက်ရှိပါကြောင်း၊ မင်းဘူးမြို့ရှိ “လှသီရိ” ရုပ်ရှင်ရုံအပါအ၀င် မကွေးတိုင်းဒေသကြီးအတွင်းရှိ ရုပ်ရှင်ရုံ(၉)ရုံကိုလည်း မကွေးတိုင်းဒေသ ကြီး အစိုးရအဖွဲ့သို့ ၂၀၁၈ခုနှစ် စက်တင်ဘာ ၂၁ ရက်တွင် အပြီးအပိုင် လွှဲပြောင်းပေးအပ်ခဲ့ပြီး ဖြစ်ပါကြောင်း။

သို့ဖြစ်ပါ၍ မင်းဘူးမြို့ရှိ “လှသီရိ” ရုပ်ရှင်ရုံကို လတ်တလောအခြေအနေတွင် အဆင့်မြင့် ရုပ်ရှင်ရုံအသစ်တစ်ရုံအဖြစ် တည်ဆောက်ပေးနိုင်ခြင်း မရှိသေးပါကြောင်းနှင့် ၀ယ်ယူသူ ဒေါ်ခင်ဥမ္မာကျော်အနေဖြင့် ယင်းရုပ်ရှင်ရုံကို Digital အဆင့်မြင့်ရုပ်ရှင်ရုံအဖြစ် ပြန်လည် တည်ဆောက်နိုင်ရေးအတွက် မကွေးတိုင်းဒေသကြီးအစိုးရအဖွဲ့၏ ကြီးကြပ်မှုဖြင့်သာ ဆက်လက် ဆောင်ရွက်သွားရမည် ဖြစ်ပါကြောင်း ဖြေကြားသည်။

ကချင်ပြည်နယ် မဲဆန္ဒနယ်အမှတ်(၈)မှ ဒေါက်တာခင်မကြီး၏ ယိုယွင်းပျက်စီးပြီး အန္တရာယ်ရှိ အဆောက်အအုံဖြစ်သော ကချင်ပြည်နယ်၊ မိုးကောင်းမြို့နယ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ ၀န်ထမ်းအိမ်ရာအဆောက်အအုံအား အသစ်ပြန်လည်ဆောက်လုပ်ပေးရန်နှင့် ရုံးဝင်းအတွင်းရှိ မြေကွက်လပ်တွင် ကလေးကစားကွင်းပြုလုပ်ပေးရန် အစီအစဉ် ရှိ /မရှိ မေးခွန်းနှင့်စပ်လျဉ်း၍ ဒုတိယ၀န်ကြီး ဦးအောင်လှထွန်းက လွှတ်တော်ကိုယ်စားလှယ် မေးခွန်းတွင်ပါရှိသည့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မိုးကောင်းမြို့နယ်ရုံး ၀န်ထမ်း အိမ်ရာ အဆောက်အဦကို အသစ်ပြန်လည်ဆောက်လုပ်ရန် လိုအပ်သည်မှာ မှန်ကန်ပါကြောင်း၊ အဆိုပါ ၀န်ထမ်းအိမ်ရာ အဆောက်အဦကို ၁၉၅၁ ခုနှစ်က ဆောက်လုပ်ခဲ့ခြင်းဖြစ်ပြီး မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနက ပြန်ကြားရေးဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာနသို့ ၁၉၉၃ခုနှစ် သြဂုတ် ၂၅ ရက်တွင် မြေနေရာနှင့်အတူ လွှဲပြောင်းပေးအပ်ခဲ့ခြင်း ဖြစ်ပါကြောင်း။

အဆိုပါ ၀န်ထမ်းအိမ်ရာ အဆောက်အဦယိုယွင်းပျက်စီးမှုများ ပြင်ဆင်ရန်အတွက် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူများ မြေပြင်ကွင်း ဆင်းစစ်ဆေးပြီး နားလည်တတ်ကျွမ်း သည့် အင်ဂျင်နီယာများဖြင့် ခန့်မှန်းကုန်ကျစရိတ် တွက်ချက်လျက်ရှိပါကြောင်း၊ ယခုအချိန်တွင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၏ ရုံးအဆောက်အဦများကို ဦးစားပေးပြုပြင် တည်ဆောက်နေရပါသဖြင့် အဆိုပါ ၀န်ထမ်းအိမ်ရာအဆောက်အဦကို အသစ်ပြန်လည် တည်ဆောက်ပေးရန် အစီအစဉ်မရှိဘဲ လိုအပ်သည့် ပြင်ဆင်မှုများကိုသာ ဆောင်ရွက်ပေးမည် ဖြစ်ပါကြောင်း၊ ထို့ပြင် ဘဏ္ဍာငွေကန့်သတ်ချက်အရ ယင်းရုံးဝင်းအတွင်းရှိ မြေကွက်လပ်တွင် ကလေး ကစားကွင်း တည်ဆောက်ပေးရန် လတ်တလောအစီအစဉ်မရှိသေးပါကြောင်းနှင့် စေတနာရှင်/ အလှူရှင် သို့မဟုတ် BOD စနစ်ဖြင့် အကျိုးတူပူးပေါင်းဆောင်ရွက်လိုသည့် လုပ်ငန်းရှင်များ ပေါ်ပေါက်လာမှသာလျှင် တည်ဆောက်ပေးနိုင်မည် ဖြစ်ပါကြောင်း ဖြေကြားသည်။

မွန်ပြည်နယ် မဲဆန္ဒနယ်အမှတ်(၁၂) မှ ဒေါ်သီရိရတနာ ၏ မွန်ပြည်နယ်၊ သထုံခရိုင်၊ ဘီးလင်းမြို့နယ် အတွင်း လျှပ်စစ်မီးမရရှိသေးသော ကရင်တိုင်းရင်းသား ကျေးရွာများအတွက် လျှပ်စစ်မီးရရှိစေရေး ဦးစားပေးအစီအစဉ်ဖြင့် စီမံဆောင်ရွက်ပေးရန် အစီအစဉ် ရှိ/မရှိ မေးခွန်းနှင့်စပ်လျဉ်း၍ လျှပ်စစ်နှင့်စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က မွန်ပြည်နယ်၊ သထုံခရိုင်၊ ဘီးလင်းမြို့နယ်အတွင်းရှိ ကရင်တိုင်းရင်းသားကျေးရွာများဖြစ်သော ရွှေရောင်ပြကျေးရွာအုပ်စု၊ အ၀န်းကြီး၊ ရွှေရောင်ပြ၊ ခလောက်အင်း၊ ဇီးဝန်းကျေးရွာနှင့် ဒေါက်ရပ်ကျေးရွာအုပ်စု၊ ကဒီပုကျေးရွာ အုပ်စုနှင့် ဘုရားဆိပ်ကျေးရွာအုပ်စုတို့တွင် လျှပ်စစ်ဓာတ်အား ရရှိရေးအတွက် ၁၁ကေဗွီ ဓာတ်အားလိုင်း စုစုပေါင်း ၁၇ ဒသမ ၁၆မိုင်၊ ၁၁/၀ ဒသမ၄ ကေဗွီ ၅၀ ကေဗွီအေ ထရန်စဖော်မာ (၆)လုံး၊ ၁၀၀ ကေဗွီအေ ထရန်စဖော်မာ ၇လုံး၊ ၁၆၀ ကေဗွီအေ ထရန်စဖော်မာ (၄)လုံးနှင့် ၂၀၀ ကေဗွီအေ ထရန်စဖော်မာ (၁)လုံးတို့ကို ၂၀၁၈ - ၂၀၁၉ဘဏ္ဍာရေးနှစ် မွန်ပြည်နယ်အစိုးရ၏ ဘတ်ဂျက်ရန်ပုံငွေဖြင့် တည်ဆောက်ရန် ခွင့်ပြုချက်ရရှိထားပြီး ဖြစ်သောကြောင့် တင်ဒါခေါ်ယူ၍ စိစစ်ရွေးချယ်ခြင်း လုပ်ငန်းများကို ဆောင်ရွက်နေပါကြောင်း။

ထို့ပြင် ကျေးရွာများ လျှပ်စစ်ဓာတ်အား ရရှိရေးနှင့်ပတ်သက်၍ ဘီးလင်းမြို့နယ် နတ်ကြီးချောင် ကျေးရွာအုပ်စုမှ ကျေးရွာများ လျှပ်စစ်ဓာတ်အားရရှိရေးအတွက် ၂၀၁၉ - ၂၀၂၀ ဘဏ္ဍာရေးနှစ်တွင် မွန်ပြည်နယ်အစိုးရ၏ ရန်ပုံငွေဖြင့်လည်းကောင်း၊ အစူးချောင်းကျေးရွာအုပ်စု၊ မဲပလီကျေးရွာအုပ်စုနှင့် မဲနသန်ကျေးရွာအုပ်စုမှ ကျေးရွာများ လျှပ်စစ်ဓာတ်အားရရှိရေးအတွက် ၂၀၂၄ - ၂၀၂၅ဘဏ္ဍာရေး နှစ်တွင် မွန်ပြည်နယ် အစိုးရအဖွဲ့၏ ဘဏ္ဍာရန်ပုံငွေဖြင့်လည်းကောင်း၊ ကျခတ်ချောင်းကျေးရွာအုပ်စု နှင့် ရွှေရောင်ပြကျေးရွာအုပ်စုတို့မှ ကျေးရွာများ လျှပ်စစ်ဓာတ်အားရရှိရေးအတွက် ၂၀၂၅ - ၂၀၂၆ ဘဏ္ဍာနှစ်တွင် မွန်ပြည်နယ်အစိုးရ၏ ဘဏ္ဍာရန်ပုံငွေဖြင့်လည်းကောင်း၊ လေးကေကျေးရွာအုပ်စုနှင့် ကြိုးဝိုင်းကျေးရွာအုပ်စုအတွင်းရှိ ကျေးရွာများလျှပ်စစ်ဓာတ်အား ရရှိရေးအတွက် ၂၀၂၅ - ၂၀၂၆ ဘဏ္ဍာနှစ်တို့တွင် မွန်ပြည်နယ်အစိုးရ၏ ဘတ်ဂျက်ရန်ပုံငွေများတွင် ထည့်သွင်းလျာထားနိုင်ရေး ညှိနှိုင်းပေးသွားမည်ဖြစ်ပါကြောင်းနှင့် ဘဏ္ဍာငွေရရှိသည်နှင့် တစ်ပြိုက်နက် ဆောင်ရွက်ပေးသွား မည်ဖြစ်ပါကြောင်း ဖြေကြားသည်။

အလားတူ ရှမ်းပြည်နယ် မဲဆန္ဒနယ်အမှတ်(၁၁)မှ ဦးကျော်နီနိုင်နှင့် ရခိုင်ပြည်နယ် မဲဆန္ဒနယ်အမှတ် (၁၂) မှ ဦးစိုးဝင်းတို့၏ မေးခွန်းများနှင့်စပ်လျဉ်း၍ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယ၀န်ကြီး ဦးသာဦးက ပြန်လည်ရှင်းလင်းဖြေကြားခဲ့သည်။

ထို့နောက် အမျိုးသားလွှတ်တော် ဥပဒေကြမ်းကော်မတီ အတွင်းရေးမှူး ဒေါက်တာမြတ်ဉာဏစိုးက မြန်မာ့ဆက်သွယ်ရေးကော်ပိုရေးရှင်းဥပဒေကြမ်းနှင့် စပ်လျဉ်း၍ ဥပဒေကြမ်းကော်မတီ၏ အစီရင်ခံစာ ကို ပြန်လည်ဖတ်ကြား ရှင်းလင်းသည်။

ယင်းနောက် အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက အဆိုပါ ဥပဒေကြမ်းကို တစ်ပိုဒ်ချင်း စီအလိုက် လွှတ်တော်၏ အဆုံးအဖြတ်ရယူ အတည်ပြုသည်။

ဆက်လက်၍ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယ၀န်ကြီးဦးသာဦးက အဆိုပါ ဥပဒေကြမ်းကို ပြင်ဆင်ထားသည့်အတိုင်း အတည်ပြုပေးရန် အဆိုတင်သွင်းရာ တနင်္သာရီ တိုင်းဒေသကြီး မဲဆန္ဒနယ်အမှတ်(၇)မှ ဦးဇော်ဟိန်းက ထောက်ခံသည်။

ထို့နောက် အမျိုးသားလွှတ်တော်ဥက္ကဋ္ဌက ယင်းအဆိုကို အတည်ပြုရန် လွှတ်တော်၏ အဆုံးအဖြတ် ရယူရာ သဘောမတူသူမရှိသည့်အတွက် မြန်မာ့ဆက်သွယ်ရေးကော်ပိုရေးရှင်း ဥပဒေကြမ်းသည် ပြင်ဆင်ထားသည့်အတိုင်း အတည်ဖြစ်ကြောင်း ကြေညာသည်။

ယင်းနောက် ဧရာဝတီတိုင်းဒေသကြီး မဲဆန္ဒနယ်အမှတ်(၇)မှ ဒေါက်တာပြည့်ဖြိုး၏ ၂၀၁၆ ခုနှစ်၊ အမျိုးသား မြေအသုံးချမူဝါဒ (National Land Use Policy) ရှိသော်လည်း မြေယာစီမံခန့်ခွဲရေးနှင့် မြေအသုံးချရေးတို့အတွက် မဖြစ်မနေလိုအပ်သော မူဝါဒ၊ မဟာဗျူဟာ၊ လုပ်ငန်းစဉ်၊ ဥပဒေ၊ လုပ်ထုံးလုပ်နည်းများသည် နိုင်ငံတော်စဉ်ဆက်မပြတ် ဖွံ့ဖြိုးတိုးတက်ရေးအတွက် အကောင် အထည်ဖော်ဆောင်ရွက်နိုင်ရန် လွန်စွာအရေးကြီး ပါသဖြင့် ရေးဆွဲပြဋ္ဌာန်းရန်လိုအပ်သော အမျိုးသား မြေဥပဒေ(National Land Law) ဖြစ်ပေါ်လာစေရန် အမျိုးသား မြေအသုံးချမူဝါဒကို ပြန်လည်သုံးသပ်၍ မြေယာစီမံ အုပ်ချုပ်မှု၊ အမျိုးသားမြေ အသုံးချ မဟာဗျူဟာ၊ ကာလလတ်၊ ကာလရှည်စီမံကိန်း မျှော်မှန်းချက်များအလိုက် လုပ်ငန်းစဉ်များ၊ မူဘောင်များကို ချမှတ်အကောင် အထည်ဖော် ဆောင်ရွက်သွားရန် ပြည်ထောင်စုအစိုးရအား တိုက်တွန်းကြောင်းအဆိုကို လွှတ်တော်ကိုယ်စား လှယ်များက ဆွေးနွေးကြသည်။

ရန်ကုန်တိုင်းဒေသကြီး မဲဆန္ဒနယ်အမှတ်(၂) မှ ဦးဌေးဦးက နိုင်ငံဖွံ့ဖြိုးတိုးတက်ရန်၊ ပြဿနာများကို ဥပဒေနှင့်အညီ မျှတမှန်ကန်စွာ ဖြေရှင်းနိုင်ရန်နှင့် ပြည်သူပြည်သားများစိတ်အေးချမ်း လုံခြုံရန်အတွက် အမြန်ဆုံးလိုအပ်နေသည်မှာ အဆိုရှင် တင်ပြသကဲ့သို့ အမျိုးသားမြေဥပဒေတစ်ရပ် ပေါ်ပေါက်လာရေး သည်ထင်ရှားနေသည့်အတွက် အဆိုကို အပြည့်အ၀ထောက်ခံပါကြောင်း၊ ထို့ပြင် ဥပဒေတစ်ရပ် ပေါ်ပေါက်ရန်မှာ ခန့်မှန်း၍မရနိုင်အောင် ကြာမြင့်နိုင်သည့်အတွက် လတ်တလော အနေအထားတွင် ကာလတို၊ ကာလရှည်၊ စီမံကိန်းများ၊ မူဘောင်များ၊ မူဝါဒများချမှတ်ပြီး ဆောင်ရွက်ရန်ဟူသည့် အဆိုသည် မရှိမဖြစ်လိုအပ်နေသည့်အတွက် ထောက်ခံရခြင်း ဖြစ်ပါကြောင်း ဆွေးနွေးသည်။

ဧရာဝတီတိုင်းဒေသ ကြီး မဲဆန္ဒနယ်အမှတ်(၃)မှ ဦးဆန်းမြင့် က လယ်ယာမြေ ဥပဒေ၊ မြေလွတ် မြေလတ် မြေရိုင်းများ ဥပဒေ၊ မြေသိမ်းဥပဒေ၊ မြေခွန်တော်ဆိုင်ရာ ဥပဒေ၊ တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေး ဥပဒေ အစရှိသည့် မြေနှင့် သက်ဆိုင်သည့် ဥပဒေ၊ နည်းဥပဒေ များကိုလည်းမြေယာ စီမံအုပ်ချုပ်မှု၊ အမျိုးသားမြေအသုံးချမဟာဗျူဟာ၊ ကာလလတ်၊ ကာလရှည်စီမံကိန်း မျှော်မှန်းချက်၊ မူဘောင်လုပ်ငန်းစဉ်များတွင် အကောင်အထည်ဖော် ဆောင်ရွက်နိုင်ရေးအတွက် အမျိုးသားမြေဥပဒေ ဖြစ်စေရန် ပြုပြင်ဖြည့်စွက်ပြဋ္ဌာန်းသင့်ပါကြောင်း။

စားဝတ်နေရေး ဖွံ့ဖြိုးတိုးတက်ရေး၊ လူမှုဘ၀တည်ငြိမ်ရေးနှင့် မြေကျူးကျော်မှု စီမံခန့်ခွဲနိုင်ရေးအတွက် မြေမဲ့ယာမဲ့ပြည်သူများအတွက် မြေခွဲဝေချထားနိုင်ရန် အရန်မြေနေရာများ သတ်မှတ်ပေးထား သင့်ပါကြောင်း၊ မြေအရင်းအမြစ်နှင့် သဘာဝပတ်ဝန်း ကျင်ထိန်းသိမ်းကာကွယ်ရေးအတွက် စိုက်ပျိုးရေးနှင့် ဂေဟစနစ်ထိန်းသိမ်းရေးဇုန်များကို စနစ်တကျသတ်မှတ်ဖွဲ့စည်းခြင်းနှင့် မြေအသုံးချမှု ပြောင်းလဲရေး ဆောင်ရွက်ရာ တွင် မြို့ပြနှင့် ကျေးလက်ဖွံ့ဖြိုးရေးဇုန်၊ စိုက်ပျိုးရေးဇုန်၊ မွေးမြူရေးနှင့် ရေလုပ်ငန်းဇုန်၊ ကာကွယ်ထားသောနယ်မြေဇုန် သို့မဟုတ် အမျိုးသားကာကွယ်ရေးဇုန်၊ ကူးသန်းရောင်းဝယ်ရေးဇုန်၊ စက်မှုလက်မှုဇုန် သို့မဟုတ် သတ္တုတွင်းမြေဇုန်၊ စားကျက်မြေဇုန်၊ သစ်တောဇုန်စသည်ဖြင့် သတ်မှတ်ဆောင်ရွက်သင့်ပါကြောင်း အကြံပြုတိုက်တွန်းရင်း အဆိုကို ထောက်ခံပါကြောင်း ဆွေးနွေးသည်။

ယင်းအဆိုကို ဧရာဝတီတိုင်းဒေသကြီး မဲဆန္ဒနယ်အမှတ် (၁၁)မှ ဒေါ်မေသန်းနွဲ့၊ ဧရာဝတီ တိုင်းဒေသကြီး မဲဆန္ဒနယ်အမှတ်(၄)မှ ဦးထိန်ဝင်း၊ မွန်ပြည်နယ် မဲဆန္ဒနယ် အမှတ်(၈)မှ ဦးမျိုးဝင်း၊ ရန်ကုန်တိုင်းဒေသကြီး မဲဆန္ဒနယ် အမှတ်(၁၀)မှ နော်လှလှစိုးနှင့် ချင်းပြည်နယ် မဲဆန္ဒနယ်အမှတ် (၄)မှ ဦးဇုန်လှယ်ထန်း တို့က ဆက်လက်ဆွေးနွေး ကြသည်။

ဒုတိယအကြိမ် အမျိုးသားလွှတ်တော် (၁၁)ကြိမ်မြောက် ပုံမှန်အစည်းအဝေး ၁၉ ရက်မြောက်နေ့ကို မတ် ၁ ရက်တွင် ဆက်လက်ကျင်းပသွားမည်ဖြစ်ကြောင်း သိရသည်။

အောင်ရဲသွင်၊ လူမော်