လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာ ၀င်းမြတ်အေးအား မြန်မာနိုင်ငံဆိုင်ရာ မလေးရှားနိုင်ငံ သံအမတ်ကြီး လာရောက်တွေ့ဆုံ

နေပြည်တော် မတ် ၁၂

ပြည်ထောင်စုဝန်ကြီး ဒေါက်တာဝင်းမြတ်အေးသည် မြန်မာနိုင်ငံဆိုင်ရာ မလေးရှားနိုင်ငံ သံအမတ်ကြီး H.E. Mr. Mohd Haniff Abd Rahman နှင့်အဖွဲ့အား ယနေ့ နံနက်ပိုင်းတွင် ယင်းဝန်ကြီးရုံး မေခလာခန်းမ၌ တွေ့ဆုံသည်။

တွေ့ဆုံရာတွင် မြန်မာနိုင်ငံနှင့်မလေးရှား (၂)နိုင်ငံအကြား ရင်းနှီးစွာပူးပေါင်း ဆောင်ရွက်မှုများ၊ ငြိမ်းချမ်းစွာ အတူလက်တွဲဆောင်ရွက်နေမှုများ၊ မလေးရှားနိုင်ငံရှိ မြန်မာနိုင်ငံသား အလုပ်သမားများ ဆိုင်ရာကိစ္စများ၊ ရွှေ့ပြောင်းလုပ် သားများအား ပြန်လည်ခေါ်ယူနိုင်ရေး၊ ပြန်လည်နေရာချထားရေးနှင့် ပြန်လည်ထူထောင်ရေး ကိစ္စများ၊ မြန်မာနိုင်ငံသို့ ပြန်လည်ဝင်ရောက်လိုသည့် ချင်းလူမျိုး အပါအ၀င် အခြား တိုင်းရင်းသားများ ပြန်လည်ခေါ်ယူနိုင်ရေး နှစ်နိုင်ငံ ညှိနှိုင်းဆောင်ရွက်မည့် ကိစ္စများ၊ ရခိုင်ပြည်နယ်တွင် လူမှုစီးပွားဘ၀ ဖွံ့ဖြိုးတိုးတက်ရေး၊ နေရပ်စွန့်ခွာသူများ ပြန်လည်လက်ခံရေး၊  ပြန်လည် နေရာ ချထားရေးနှင့်ပြန်လည်ထူထောင်ရေး လုပ်ငန်းများကို UEHRD စီမံကိန်းဖြင့် စနစ်တကျ ဆောင်ရွက်နေမှုများအား ဆွေးနွေးခဲ့ကြကြောင်း သတင်းရရှိသည်။

(သတင်းစဉ်)