မြွေဆိပ်ဖြေဆေး ထုတ်လုပ်နိုင်ရေး မြင်းများ စနစ်တကျ မွေးမြူရန်မှာကြား

နေပြည်တော်  မတ် ၁၂

စက်မှုဝန်ကြီးဌာန၊ ပြည်ထောင်စုဝန်ကြီး ဦးခင်မောင်ချိုသည် မတ်လ(၁၀) ရက်နေ့ နံနက်ပိုင်းတွင် ရှမ်းပြည်နယ်တောင်ပိုင်း၊ ဟဲဟိုးမြို့ရှိမြင်းမွေးမြူရေးဌာနသို့ ရောက်ရှိပြီး အထွေထွေမန်နေဂျာမှ မြင်းများ မွေးမြူထားရှိမှု အခြေအနေနှင့် ဆက်လက် ဆောင်ရွက်မည့် အစီအမံများကို ရှင်းလင်းတင်ပြရာ ပြည်ထောင်စုဝန်ကြီးမှ ပြည်သူများ အတွက် လိုအပ်သည့် မြွေဆိပ်ဖြေဆေးများ ပိုမိုတိုးတက် ထုတ်လုပ်နိုင်ရေးအတွက် မြင်းများအား စနစ်တကျမွေးမြူရန်၊ ဆေးဝါးစက်ရုံ(အင်းစိန်)သို့ ကျန်းမာဖွံ့ဖြိုး ပြီးရောဂါကင်းသည့် မြင်းများပေးပို့နိုင်ရေး အလေးထား ဆောင်ရွက်ရန်၊ မိမိတို့အသုံး မပြုသည့် စိုက်ကွင်း နေရာများကို ပုဂ္ဂလိကနှင့် အကျိုးတူ ပူးပေါင်းဆောင်ရွက်နိုင်ရေး အမြန်စီမံဆောင်ရွက်ရန် တို့ကို မှာကြားပြီးမြင်းများ မွေးမြူထားရှိသည့် အခြေအနေတို့ကို လှည့်လည်ကြည့်ရှု စစ်ဆေးသည်။

မွန်းလွဲပိုင်းတွင် တောင်ကြီးမြို့ရှိ ရှမ်းပြည်နယ်စက်မှု ကြီးကြပ်ရေးနှင့် စစ်ဆေးရေးဦးစီးဌာနသို့ ရောက်ရှိပြီး ပြည်နယ်အတွင်းရှိ SMEs များ၏ လုပ်ငန်းဆောင်ရွက်လျက်ရှိသည့် အခြေအနေတို့ကို အသေးစိတ် သိရှိအောင် အမြဲတမ်း ကွင်းဆင်းစစ်ဆေးနေရမည်ဖြစ်ကြောင်း၊ SMEs လုပ်ငန်းရှင်များ၏ လိုအပ်ချက်များကို သိရှိမှသာ ထိရောက်သော ကူညီပံ့ပိုးမှုများ ပေးနိုင်မည်ဖြစ်ကြောင်း၊ ဒေသထုတ်ကုန် ပစ္စည်းများနှင့် ပတ်သက်၍ ဈေးကွက်သုတေသန ပြုလုပ်ထားရန် မှာကြားသည်။

ညနေပိုင်းတွင် ပင်းပက်ဒေသရှိ အမှတ်(၂) သံမဏိစက်ရုံ(ပင်းပက်)သို့ ရောက်ရှိပြီး Iron Ore Preparation Unit, Air Separation Unit, Iron Ore Handling and Sizing Plant, Lime & Dolomite Plantနှင့် စွန့်ပစ်အပူမှ လျှပ်စစ်ဓါတ်အား ထုတ်လုပ်မည့် လုပ်ငန်းခွင်အခြေအနေ (Heat Recovery Power Station) တို့အားကြည့်ရှုစစ်ဆေးပြီး လိုအပ်သည်များကို ပေါင်းစပ် ညှိနှိုင်းဆောင်ရွက်ပေးသည်။

ပြည်ထောင်စုဝန်ကြီး ဦးခင်မောင်ချိုသည် ယနေ့နံနက်ပိုင်းတွင် စက်မှုဝန်ကြီးဌာနနှင့် မိတ္ထီလာခရိုင်လုံး ဆိုင်ရာ ပရဟိတ ကွန်ရက်တို့ ပူးပေါင်းဖွင့်လှစ်သည့် စက်မှုနှင့် အသက်မွေးပညာ ရွေ့လျားသင်တန်း အမှတ်စဉ်(၆၅) သင်တန်းဖွင့်ပွဲ အခမ်းအနားသို့ တက်ရောက်သည်။

အခမ်းအနား၌ ပြည်ထောင်စုဝန်ကြီးက အဖွင့်အမှာစကား ပြောကြားသည်။ ထို့နောက်  မိတ္ထီလာခရိုင်၊ ပြန်ကြားရေးနှင့် ပြည်သူ့ဆက်ဆံရေးရုံးတွင် မိတ္ထီလာခရိုင် ပရဟိတကွန်ရက်နှင့် မေထိုက်ဖက်ရှင် သင်တန်း ကျောင်းတို့ ပူးပေါင်းဖွင့်လှစ်လျက်ရှိသည့် အဆင့်မြင့်ဂျပန်နည်းပညာ စင်တီမီတာ စက်ချုပ် သင်တန်းသို့ ရောက်ရှိပြီး စာတွေ့ လက်တွေ့ သင်ကြားနေမှုများကို ကြည့်ရှု အားပေးသည်။

ဆက်လက်၍ စက်မှုနှင့် အသက်မွေးပညာရွေ့လျား သင်တန်း အမှတ်စဉ်(၆၅) သင်တန်း၌ စာတွေ့ လက်တွေ့ လေ့ကျင့်သင်ကြား ပေးနေမှုအခြေအနေများကို လှည့်လည် ကြည့်ရှုစစ်ဆေးပြီး မိတ္ထီလာ စက်မှုဇုန် ဝန်ဇင်းခန်းမ၌ စက်မှုဇုန်စီမံခန့်ခွဲရေး ကော်မတီဝင်များ၊ လုပ်ငန်းရှင်များနှင့် တွေ့ဆုံ၍ လိုအပ်သည်များကို ပေါင်းစပ် ညှိနိုင်းပေးသည်။

ယခုဖွင့်လှစ်သည့် စက်မှုနှင့်အသက်မွေးပညာရွေ့လျား သင်တန်းအမှတ်စဉ်( ၆၅) တွင် သင်တန်းသား/ သင်တန်းသူ (၅၀)ဦးကို အိမ်တွင်းဝါယာ သွယ်တန်းခြင်း၊ လယ်ယာသုံး အင်ဂျင်နှင့် ဆိုင်ကယ် အင်ဂျင်များ ပြုပြင်ထိန်းသိမ်းခြင်း၊ အိမ်သုံးလျှပ် စစ်အသုံးအဆောင် ပစ္စည်းများ ပြုပြင်ထိန်းသိမ်းခြင်း တို့ကို စာတွေ့လက်တွေ့ (၂)ပတ်ကြာ လေ့ကျင့်သင်ကြားပေးမည်ဖြစ်ကြောင်း သတင်းရရှိသည်။

(သတင်းစဉ်)