အမျိုးသားအဆင့် လူမှုဖူလုံရေးအဖွဲ့အစည်းအဝေး (၁/၂၀၁၈) ကျင်းပ

နေပြည်တော် ဖေဖော်ဝါရီ  ၁၆ 

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူ လုံရေးအဖွဲ့သည် အမျိုးသားအဆင့် လူမှုဖူလုံရေးအဖွဲ့အစည်းအဝေး (၁/၂၀၁၈) ကို ယနေ့ နံနက် ၉ နာရီခွဲတွင် နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန စုဝေးခန်း မ ကြီး၌ ကျင်းပခဲ့ရာ အမျိုးသားအဆင့် လူမှုဖူလုံရေးအဖွဲဥက္ကဋ္ဌ၊ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ  တက်ရောက်၍ အဖွင့်အမှာစကားပြောကြားပါသည်။

ပြည်ထောင်စုဝန်ကြီးက ပြောကြားရာတွင် လူမှုဖူလုံရေးအဖွဲ့အနေဖြင့် အလုပ်သမားများ၏ ကျန်းမာရေးနှင့် လူမှုရေးလိုအပ်ချက်များကို အလုပ်ရှင်၊ အလုပ်သမားနှင့် နိုင်ငံတော်က စုပေါင်းအာမခံထားပြီး ဥပဒေနှင့်အညီ ဖြည့်ဆည်း ပေးခြင်းအားဖြင့် နိုင်ငံတော်၏အဓိက ကုန်ထုတ်စွမ်းအား စုဖြစ်သည့် အလုပ်သမားများ၏ လူမှုဘဝလုံခြုံရေးနှင့် ကျန်းမာရေး စောင့် ရှောက်မှုများကို ပိုမိုခံစားရရှိစေခြင်းဖြင့် ကုန်ထုတ်လုပ်မှု တိုးတက်ပြီး နိုင်ငံတော်၏ စီးပွားရေးဖွံ့ဖြိုးတိုးတက်မှုကို အထောက်အကူဖြစ်စေမှာ ဖြစ်ပါ ကြောင်း၊ လူမှုဖူလုံရေးအဖွဲ့သည် အကျုံးဝင်အာမခံအလုပ်သမားပေါင်း (၁ ဒသမ ၁) သန်းခန့်၏ ကျန်းမာရေးစောင့်ရှောက်မှုနှင့် အကျိုးခံစားခွင့်များကို ရရှိစေရန် မြို့နယ်ပေါင်း (၁၁၆) မြို့နယ် တွင် အလုပ်သမားဆေးရုံကြီး (၃)ရုံ၊ မြို့နယ်ရုံး (၇၇)ရုံး၊ မြို့နယ်ဆေးခန်းပေါင်း (၉၆)ခန်း၊ ဌာနကြီးဆေးခန်း (၅၅)ခန်း၊ လူမှုဖူလုံရေး-ကဲလ်ဝဲဆေးခန်း (၃)ခန်း၊ တိုင်းရင်း ဆေးကုခန်း (၁)ခန်းတို့အပြင် ရွေ့လျားဆေး ကုသယာဉ်(၂)စီးတို့ဖြင့် အကောင်အထည်ဖော် ဆောင်ရွက်လျက် ရှိပါကြောင်း။

 လူမှုဖူလုံရေးအဖွဲ့သည် အကျုံးဝင် အာမခံအလုပ်သမားများကို ကျန်းမာရေး စောင့်ရှောက်မှုနှင့် အကျိုးခံစားခွင့်များကို ထိရောက်မြန်ဆန်စွာ ပေးနိုင်ရန်နှင့် အားလုံးယုံကြည် ကိုးစားရသည့် လူမှုဖူလုံရေးစီမံကိန်းကြီး ဖြစ်ပေါ်စေရန် ကျန်းမာရေး စောင့်ရှောက်မှုကဏ္ဍ၊ သတင်းအချက် အလက်နည်းပညာကဏ္ဍ၊ စီမံခန့်ခွဲမှုကဏ္ဍ၊ ဥဒေရေးရာကဏ္ဍ စသည့် ကဏ္ဍ (၄)ခုတွင် ပြုပြင် ပြောင်းလဲမှုများကို အကောင်အထည်ဖော်ဆောင်ရွက်လျက်ရှိပါကြောင်း၊ ထို့အပြင် လူမှုဖူလုံရေး စီမံကိန်းကို ခေတ်မီ ICT နည်းပညာများ အသုံးပြုပြီး အကောင်အထည် ဖော်ဆောင်ရွက်ရန်နှင့် နိုင်ငံအတွင်းရှိ ဆေးရုံ၊ ဆေးခန်းများနှင့်ပူးပေါင်း၍  Provider - Purchaser Split ကို အကောင် အထည်ဖော်ဆောင်ရွက်နိုင်ရေးတို့အတွက် မိတ်ဖက်အဖွဲ့အစည်းများ၊ အပြည်ပြည်ဆိုင်ရာ အလုပ်သမားရေးရာအဖွဲ့ (ILO) အပါအဝင် နိုင်ငံတကာ အဖွဲ့အစည်း များ၏အကြံပြုချက်များ၊ နည်းပညာရပ်ဆိုင်ရာအကူအညီများနှင့် အမြန်ဆုံး အကောင်အထည် ဖော်နိုင်အောင် ဆောင်ရွက် လျက်ရှိပါကြောင်း၊ မြန်မာနိုင်ငံ လူမှုဖူလုံရေးအဖွဲ့အနေဖြင့် အပြည် ပြည်ဆိုင်ရာနှင့် ဒေသဆိုင်ရာ လူမှုဖူလုံရေးအဖွဲ့အစည်းများဖြစ်သည့် International Social Security Association – ISSA နှင့် Asean Social Security Association – ASSA တို့တွင် အဖွဲ့ဝင် အဖြစ်ပါဝင်ပြီး ဒေသတွင်း နိုင်ငံများနှင့် နိုင်ငံတကာမှာ ပူးပေါင်းဆောင်ရွက် လျက်ရှိပါကြောင်း။

 အမျိုးသားအဆင့် လူမှုဖူလုံရေးအဖွဲ့ကို အစိုးရ၊ အလုပ်ရှင်၊ အလုပ်သမား ကိုယ်စားလှယ် (၂၈) ဦးဖြင့် ဖွဲ့စည်းပြီး အစည်းအဝေးများကို ကျင်းပပြုလုပ်ခဲ့ရာ ၂၀၁၆ ခုနှစ်ထိ စုစုပေါင်း (၅) ကြိမ် ကျင်းပနိုင်ခဲ့ပြီး ယခုအစည်းအဝေးသည် (၆) ကြိမ်မြောက် ကျင်းပခြင်း ဖြစ်ပါကြောင်း၊ ယခုအခါ အမျိုးသားအဆင့် လူမှုဖူလုံရေးအဖွဲ့ကို ကျစ်ကျစ်လစ်လစ်ဖြင့် လုပ်ငန်းများကို လျင်မြန်စွာ အကောင်အထည်ဖော် ဆောင်ရွက်ရန်အတွက် အစိုးရ၊ အလုပ်ရှင်၊ အလုပ်သမား ကိုယ်စား လှယ်(၂၀)ဦးဖြင့် ပြန်လည်ပြင်ဆင်ဖွဲ့စည်းပြီး အာမခံအလုပ်သမားများ၏ ကျန်းမာရေး စောင့်ရှောက်မှုနှင့် အကျိုးခံစားခွင့်များကို ထိရောက်မြန်ဆန်စွာ ထုတ်ပေးနိုင်ရေး အတွက် ဆောင်ရွက်လျက်ရှိပါကြောင်း၊ ယခုအစည်းအဝေးတွင် ဆွေးနွေးသွားမည့် အစီအစဉ်ပါ အကြောင်းအရာများအပြင် တက်ရောက်လာကြသည့် ကိုယ်စားလှယ်တော်ကြီးများ၏ ကျွမ်းကျင် မှု၊ ရင့်ကျက်သည့် အတွေးအခေါ် အမြော်အမြင်၊ အတွေ့အကြုံကောင်းများကို အခြေခံပြီး ပွင့်ပွင့်လင်းလင်း တိုင်တိုင်ပင်ပင်နှင့်  ညှိနှိုင်းဆွေးနွေးပေးရန်၊ အကြံဉာဏ်ကောင်းများ မျှဝေ သွားရန် တိုက်တွန်းပြောကြားလိုပါကြောင်း၊ အပြည်ပြည်ဆိုင်ရာမှာကဲ့သို့ လူမှုဖူလုံရေးအဖွဲ့ လျှောက်လှမ်းရမည့်အနာဂတ်လမ်းခရီးတွင်လည်း အခက်အခဲ၊ စိန်ခေါ်မှုတွေများစွာတွေ့ကြုံရမှာ ဖြစ်သည့်အတွက် အဖွဲ့ဝင်ကိုယ်စားလှယ်တော်ကြီးများအနေဖြင့် နိုင်ငံတော်၊ အလုပ်ရှင်၊ အလုပ်သမားများအားလုံး၏ အကျိုးကို ရှေ့ရှုပြီး မိမိတို့အတူ ဝိုင်းဝန်းပူးပေါင်း ဆောင်ရွက် သွားကြရန် တိုက်တွန်းပြောကြားသည်။ 

ဆက်လက်၍ လူမှုဖူလုံရေးအဖွဲ့ ညွှန်ကြားရေးမှူးချုပ် ဦးမောင်မောင်အေးမှ အစည်းအဝေးတွင် ဆွေးနွေးဆုံးဖြတ်အတည်ပြုပေးရမည့် ကိစ္စရပ်များနှင့်ပတ်သက်၍ ရှင်းလင်းတင်ပြသည်။ ထို့နောက် လူမှုဖူလုံရေးအဖွဲ့ဌာန တာဝန်ခံများမှ လုပ်ငန်းဆောင်ရွက်ချက်အမှာစာများအား ရှင်းလင်းတင်ပြခြင်း၊ အစည်းအဝေး တက်ရောက်လာသူများမှ ပြန်လည်ဆွေးနွေးခြင်းများ ဆောင်ရွက်ခဲ့ပြီး ပြည်ထောင်စု ဝန်ကြီးမှ နိဂုံးချုပ်အမှာစကား ပြောကြားသည်။ ယနေ့ ကျင်းပပြုလုပ်ခဲ့သည့် အမျိုးသားအဆင့် လူမှုဖူလုံရေးအဖွဲ့ အစည်းအဝေး (၁/၂၀၁၈)တွင် ဆွေးနွေးချက်များအပေါ် မှတ်တမ်းတင်အတည်ပြုခြင်း(၁၆) ချက် နှင့် ဆုံးဖြတ်ချက် (၆၆)ချက် တို့အား သဘောတူအတည်ပြုဆုံးဖြတ်ချက်များ ချမှတ်ဆောင်ရွက်ခဲ့ကြောင်း သတင်းရရှိသည်။