မြစ်သား ဇွန် ၉
မန္တလေးတိုင်းဒေသကြီး မြစ်သားမြို့နယ်တွင် အထွေထွေအုပ်ချုပ်ရေးဦးစီးဌာနက
ရွာရှည်ကျေးရွာရှိ မူလပိုင်ရှင် တောင်သူများထံ စွန့်လွှတ်မြေများ ပြန်လည်လွှဲအပ်ခြင်း
အခမ်းအနားကို မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ဇွန် ၈ ရက်နေ့ လည် ၂ နာရီက ကျင်းပခဲ့ကြောင်း
သိရသည်။
အဆိုပါအခမ်းအနားတွင်
မြို့နယ်အုပ်ချုပ်ရေးမှူးဦးအေးနိုင်က စွန့်လွှတ်မြေနှင့် စပ်လျဉ်း၍ အမှာစကားပြောကြားခဲ့ပြီး တိုင်းဒေသကြီး လွှတ်တော်ကိုယ်စားလှယ်များ
ဖြစ်ကြသော ဦးမင်းအောင်၊ ဒေါ်သင်းမြမြသင်းနှင့် မြို့နယ်အုပ်ချုပ်ရေးမှူး ဦးအေးနိုင်၊
ဒုတိယရဲမှူး ခင်မောင်အေးတို့က ရွာရှည်ကျေးရွာအုပ်စုအတွင်း ကွင်းအမှတ်( ၄၅၃/ အောင်ဘက်စံကွင်း)
၊ ဦးပိုင်အမှတ်၊ ၉/၁၊၉/၂၊၉/၄၊၁၁ တို့ရှိ မြေဧရိယာ(၃.၈၂)ဧကကို မူလပိုင်ရှင်တောင် သူများဖြစ်သော
ဦးချစ်အပါတောင်သူ(၄)ဦးထံ ပြန်လည်လွှဲပြောင်းအပ်နှံပေးခဲ့ရာ တောင်သူများက လက်ခံရယူပြီး
တောင်သူဦးတင်အေးက ကျေးဇူးတင်စကား ပြန်လည်ပြောကြားခဲ့ကြောင်း
သတင်းရရှိသည်။
ရဲဝင်းထွန်း(မြစ်သား)
No comments:
Post a Comment