နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အာဆီယံနိုင်ငံခြားရေးဝန်ကြီးများအား ရခိုင်ပြည်နယ်တွင် လတ်တလော ဖြစ်ပေါ်တိုးတက်မှုများ ရှင်းလင်း‌ပြောကြား

ရန်ကုန် ဒီဇင်ဘာ ၁၉

အာဆီယံနိုင်ငံခြားရေးဝန်ကြီးများ၏ အလွတ်သဘော ဆွေးနွေးပွဲတစ်ရပ်ကို ဒီဇင်ဘာ ၁၉ ရက်တွင် ရန်ကုန်မြို့၊ ဆီဒိုနား ဟိုတယ်၌ မြန်မာနိုင်ငံက အိမ်ရှင်အဖြစ် လက်ခံကျင်းပသည်။

အဆိုပါ အလွတ်သဘောဆွေးနွေးပွဲတွင် အာဆီယံအလှည့်ကျဥက္ကဌ၊ လာအိုပြည်သူ့ ဒီမိုကရက်တစ်သမ္မတနိုင်ငံ နိုင်ငံခြား ရေးဝန်ကြီး H.E. Mr. Saleumxay Kommasith က သဘာပတိအဖြစ် ဆောင်ရွက်ခဲ့သည်။

ယင်းအလွတ်သဘောဆွေးနွေးပွဲကို ရခိုင်ပြည်နယ်အတွင်း  ငြိမ်းချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေးအတွက် ကြိုးပမ်း ဆောင်ရွက်ချက်များအား အာဆီယံ အဖွဲ့ဝင်နိုင်ငံများသို့ မိသားစုအသွင်ဖြင့် ရှင်းလင်းပြောကြားနိုင်ရန် ပြုလုပ်ခဲ့ခြင်း ဖြစ်ကြောင်း၊ အာဆီယံ၏ စည်းလုံးညီညွတ်မှု ပိုမိုတိုးတက် ခိုင်မာစေရေးအတွက်လည်း ရည်ရွယ်ကျင်းပခဲ့ခြင်း ဖြစ်ကြောင်း နိုင်ငံခြားရေးဝန်ကြီးဌာနက ယနေ့ ရက်စွဲဖြင့် ထုတ်ပြန်သည့် သတင်းထုတ်ပြန်ချက်တွင် ဖော်ပြထားသည်။

ယနေ့ကျင်းပသည့် အလွတ်သဘောဆွေးနွေးပွဲတွင် နိုင်ငံတော်၏ အတိုင်ပင်ခံ ပုဂ္ဂိုလ်နှင့် နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဒေါ်အောင်ဆန်းစုကြည်က အာဆီယံနိုင်ငံခြားရေးဝန်ကြီးများအား အောက်တိုဘာလဆန်းတွင် ရဲကင်းစခန်းသုံးခုကို ကြိုတင်စီစဉ်အကြမ်းဖက်တိုက်ခိုက်ခဲ့မှုနောက်ပိုင်း ရခိုင်ပြည်နယ်မြောက်ပိုင်းတွင် လတ်တလော ဖြစ်ပေါ်တိုးတက်မှုများကို ရှင်းလင်းပြောကြားခဲ့သည်။

ထို့အပြင် လူသားချင်းစာနာထောက်ထားမှု အကူအညီများကို ကုလသမဂ္ဂအေဂျင်စီများနှင့် ပူးပေါင်းလျက် နှစ်ဖက် လူ့အဖွဲ့အစည်းများသို့ ဖြန့်ဝေဆောင်ရွက်ပေး နေမှုများ အပါအဝင် အစိုးရ၏ ကြိုးပမ်းဆောင်ရွက်မှုများကိုလည်း နိုင်ငံတော်၏ အတိုင်ပင်ခံပုဂ္ဂိုလ်က  ရှင်းလင်း‌ပြောကြားခဲ့ကြောင်း အဆိုပါကြေညာချက်တွင် ဖော်ပြ ထားသည်။

နိုင်ငံတော်၏အတိုင်ပင်ခံပုဂ္ဂိုလ်က  ယင်းသို့ ခက်ခဲသိမ်မွေ့သည့် ပြဿနာများ ကို ဖြေရှင်းဆောင်ရွက်သွားရန် အစိုးရက လေးနက်စွာ သံန္နိဋ္ဌာန်ချထားမှုကို လည်း ကောင်း၊ အစိုးရ၏ ဆောင်ရွက်မှုများမှ ရလဒ်ကောင်းများရရှိရန် ကြိုးပမ်းဆောင် ရွက်ခွင့်နှင့် အချိန်အတိုင်းအတာတစ်ခုလိုအပ်မှုကိုလည်းကောင်း ထပ်လောင်း‌ပြော ကြားခဲ့သည်။ ထို့ပြင် အာဆီယံ၏ စည်းလုံး ညီညွတ်မှု မြှင့်တင်ရန်နှင့် အာဆီယံ မိသား စုဝင်များ အကြား ကွဲပြားခြားနားမှုများကို ခင်မင်ရင်းနှီးမှုဖြင့် ငြိမ်းချမ်းစွာ ဆွေးနွေး ညှိနှိုင်း အ‌ဖြေရှာဆောင်ရွက်သွားရန် အရေးကြီးကြောင်းကိုလည်း အလေးထား ပြောကြား ခဲ့သည်။

အာဆီယံနိုင်ငံခြားရေးဝန်ကြီးများက မြန်မာနိုင်ငံအစိုးရအနေဖြင့် အစည်းအဝေးကို လက်ခံစီစဉ်ကျင်းပခဲ့ခြင်းနှင့် ရခိုင်ပြည်နယ်တွင် ဖြစ်ပေါ်တိုးတက်မှုများကို ရှင်းလင်းပြောကြားခဲ့ခြင်းတို့အတွက် ကျေးဇူးတင်ရှိကြောင်း ပြောကြားခဲ့ပြီး အာဆီယံ နိုင်ငံခြားရေးဝန်ကြီးများသည် ရခိုင်ပြည်နယ် အခြေအနေအပေါ် အာဆီယံမိသားစုနှင့် အာဆီယံ အသိုက်အဝန်း စိတ်ဓာတ်ဖြင့် ရင်းနှီးပွင့်လင်းစွာ အမြင်ချင်းဖလှယ် ခဲ့ကြကြောင်း သတင်းထုတ်ပြန်ချက်အရ သိရသည်။

ရခိုင်ပြည်နယ်နှင့်‌စပ်လျဉ်းသည့် စိန်ခေါ်မှုများကို ဖြေရှင်းရန် မြန်မာနိုင်ငံ အစိုးရ၏ ကြိုးပမ်းဆောင်ရွက်ချက်များကို အာဆီယံက ကြိုဆိုခဲ့ကြသည်။ ထို့အပြင် ဝန်ကြီးများက ရခိုင်ပြည်နယ်ရှိ လူ့အဖွဲ့အစည်းများအကြား သဟဇာတရှိစွာဖြင့် ငြိမ်းချမ်းစွာ အတူယှဉ်တွဲနေထိုင်ရေး၊ အရပ်သားပြည်သူများ၏ လူ့အခွင့်အရေး ကာကွယ်ပေးရေးနှင့် ရခိုင်ပြည်နယ်၌ အားလုံးအတွက် လူသားချင်း စာနာထောက်ထားမှု အကူအညီနှင့် ကျန်းမာရေးစောင့်ရှောက်မှု ပိုမိုတိုးမြှင့်ပေးအပ်ရေး နည်းလမ်းများကို အကြံပြုဆွေးနွေးခဲ့ကြသည်။ အာဆီယံနိုင်ငံများက လူသားချင်း စာနာမှုနှင့် ဖွံ့ဖြိုးရေး အကူအညီများ ပံ့ပိုးပေးရန် အသင့်ရှိကြောင်းကိုလည်း ပြောကြားခဲ့ကြသည်။

မြန်မာနိုင်ငံအစိုးရ အနေဖြင့်လည်း လိုအပ်‌သော လူသားချင်းစာနာ ထောက်ထားမှု အကူအညီများ ဝင်ရောက်ခွင့်ပြုရန်နှင့် ရခိုင်ပြည်နယ်တွင် ဖြစ်ပေါ်တိုး တက်မှု အခြေအနေတို့ကို အာဆီယံအဖွဲ့ဝင်နိုင်ငံများသို့ မျှဝေအသိပေးရန် အသင့်ရှိ ကြောင်း ထပ်လောင်း ပြောကြားခဲ့သည်။

ရခိုင်ပြည်နယ်တွင် ငြိမ်းချမ်းရေးနှင့် အမျိုးသားပြန်လည်သင့်မြတ်ရေးကိစ္စရပ်တို့နှင့် စပ်လျဉ်း၍ အာဆီယံအဖွဲ့ဝင်နိုင်ငံ များ၏ နားလည်မှုနှင့် နွေးထွေးစွာ တုံ့ပြန်မှုတို့ အပေါ် ကျေးဇူးတင်ရှိကြောင်း မြန်မာ နိုင်ငံက ထုတ်ဖော်ပြောကြားခဲ့ကြောင်း သတင်းထုတ်ပြန်ချက်တွင် ဖော်ပြထားသည်။

အာဆီယံနိုင်ငံခြားရေးဝန်ကြီးများ၏ အလွတ်သဘောဆွေးနွေးပွဲသို့ ဘရူနိုင်း ဒါရူဆလမ် နိုင်ငံ၊ နိုင်ငံခြားရေးနှင့် ကုန်သွယ်ရေးဝန်ကြီးဌာန၊ ဒုတိယဝန်ကြီး Dato Erywan Pehin Yusof ၊ ကမ္ဘောဒီးယားနိုင်ငံ၊ နိုင်ငံခြားရေးဝန်ကြီးဌာန၊ လက်ထောက်နိုင်ငံခြားရေးဝန်ကြီး Mr Kan Pharidh ၊ အင်ဒိုနီးရှားသမ္မတနိုင်ငံ၊ နိုင်ငံခြားရေးဝန်ကြီး Ms. Retno Marsudi ၊ လာအိုပြည်သူ့ ဒီမိုကရက်တစ်သမ္မတနိုင်ငံ၊ နိုင်ငံခြားရေးဝန်ကြီး Mr. Saleumxay Kommasith ၊ မလေးရှားနိုင်ငံ၊ နိုင်ငံခြား ရေးဝန်ကြီး Dato Sri Anifah Aman ၊ ဖိလစ်ပိုင် သမ္မတနိုင်ငံ၊ နိုင်ငံခြားရေးဝန်ကြီး Mr. Perfecto Rivas Yasay,Jr. ၊ စင်ကာပူသမ္မတနိုင်ငံ၊ နိုင်ငံခြားရေးဝန်ကြီး Dr. Vivian Balakrsihnan ၊ ထိုင်းနိုင်ငံ၊ နိုင်ငံခြားရေးဝန်ကြီး Mr. Don Pramudwinai ၊ ဗီယက်နမ် ဆိုရှယ်လစ်သမ္မတနိုင်ငံ၊ ဒုတိယနိုင်ငံခြားရေးဝန်ကြီး Mr. Nguyen Quoc Dzungနှင့် အာဆီယံအတွင်းရေးမှူးချုပ် Mr. Le Luong Minh တို့ တက်ရောက်ခဲ့ကြောင်း နိုင်ငံခြားရေးဝန်ကြီးဌာန၏ သတင်းထုတ်ပြန် ချက်အရ သိရှိရသည်။

(သတင်းစဉ်)