နေပြည်တော် ဒီဇင်ဘာ ၁၉
နိုင်ငံခြားသား ကမ္ဘာလှည့်ခရီးသွားဧည့်သည်များသည်
တာချီလိတ် နယ်စပ်ဝင်/ထွက်ပေါက်မှတစ်ဆင့် လာရောက် လည်ပတ်လျက်ရှိရာ ဇန်နဝါရီလမှ ဒီဇင်ဘာ
၁၅ ရက်အထိ ထိုင်း၊ တရုတ်နိုင်ငံသားနှင့် တတိယနိုင်ငံသား အများစု ပါဝင်သော နိုင်ငံခြားသား
ခရီးသွားဧည့်သည် ၂၂၉၈၂ ဦးတို့သည် ထိုင်းနိုင်ငံ မယ်ဆိုင်မြို့မှတစ်ဆင့်
တာချီလိတ်နယ်စပ်သို့
ဝင်ရောက်လာကာ တာချီလိတ်မြို့တွင်းရှိ တာလော့ဈေး၊ ဘုရင့်နောင်ရုပ်တု၊ မဟာမြတ်မုနိဘုရားကြီး၊
ရွှေတိဂုံစေတီတော်၊ တိုင်းရင်းသားကျေးရွာ၊ အာခါဈေး၊ တရုတ်ဘုံကျောင်းများသို့ သွားရောက်လည်ပတ်ခဲ့ကြကာ၊
ထိုင်း၊ တရုတ်နိုင်ငံသား အများစုပါဝင်သော နိုင်ငံခြား သား ခရီးသွားဧည့်သည် ၇၈၇၃ ဦးတို့သည် မိုင်းဖြတ်၊ ကျိုင်းတုံခရီးစဉ်သို့လည်းကောင်း၊
ထိုင်းနိုင်ငံသား အများစုပါဝင်သော နိုင်ငံခြားသားခရီးသွား ဧည့်သည် ၃၁၁၆ ဦးတို့သည် မိုင်းလားခရီးစဉ်ဒေသသို့
လည်းကောင်း၊ ထိုင်း၊ တရုတ်နိုင်ငံသားနှင့် တတိယနိုင်ငံသား အများစုပါဝင်သော နိုင်ငံခြားသားခရီးသွား
ဧည့်သည် ၉၆၀၂ ဦးတို့သည် တာချီလိတ်မှတစ်ဆင့် တောင်ကြီး-အင်းလေး-ပုဂံ-မ္တလေး-ကျိုက်ထီးရိုး-ရန်ကုန်
စသည့် ပြည်တွင်းပိုင်း ခရီးစဉ်ဒေသများသို့လည်းကောင်း သွားရောက်လည်ပတ်ခဲ့ကြသည်။
ဧည့်သည်အများစုသည်
မိုင်းဖြတ်မြို့ရှိ ဈေးတန်းကြီးဘုရား၊ မြတ်စွာဘုရားခြေတော်ရာစေတီ၊ ကျိုင်းတုံမြို့ရှိ
မဟာမြတ်မုနိ၊ ဟိုခိုကျောင်း၊ ဝတ်အင်းကျောင်း၊
စွန်တောင်စေတီ၊ ဓာတ်ကျော့မ် ဆရီ၊ ရမ်းထုန်းကျောင်း၊ ပါလျန်ကျောင်း၊ ရပ်တော်မူ၊ သစ်တစ်ပင်တောင်၊
က္ဘာအေးစေတီ စသည့်အထင်ကရနေရာများသို့ သွားရောက်လည်ပတ်ကြသည်။
နိုင်ငံခြားသား က္ဘာလှည့်ခရီးသွား
ဧည့်သည်များသည် မြန်မာနိုင်ငံ၏ တောတောင်ရေမြေ သဘာဝရှုခင်းများကို ပကတိ လေ့လာခံစားနိုင်စေရန်၊
နယ်မြေဒေသအသီးသီးရှိ အထင်ကရခရီးစဉ်နေရာများ၊ ဒေသတစ်ခုနှင့်တစ်ခု ကွဲပြားခြားနားသော
ရိုးရာယဉ်ကျေးမှု ဓလေ့စရိုက်များနှင့် လူနေမှုဘ၀ပုံစံများကို ကိုယ်တိုင်လေ့လာသိရှိခံစားနိုင်စေရန်အတွက်
အဆက်မပြတ် ဝင်/ထွက် လည်ပတ်လျက်ရှိသည်။ ဒီဇင်ဘာ
၁၂ ရက်က Marvellous Memory Travels & Tours Co.,Ltd အစီအစဉ်ဖြင့် မလေးရှားနိုင်ငံသား
ဧည့်သည် ၄၃ ဦးသည် ၎င်းတို့ကိုယ်ပိုင်မော်တော်ယာဉ် ၁၅ စီးဖြင့် ထိုင်းနိုင်ငံ မယ်ဆိုင်မြို့မှတစ်ဆင့်
မြန်မာနိုင်ငံ တာချီလိတ်မြို့သို့ ဝင်ရောက်လာပြီး ခွင့်ပြုခရီးစဉ်ဒေသများဖြစ်သာ တာချီလိတ်-
ကျိုင်းတုံ-အင်းလေး-မန္တလေး-ပုဂံ-နေပြည်တော်-ရန်ကုန်-မော်လမြိုင်- မြ၀တီ စသည့်ဒေသများသို့
သွားရောက်လည်ပတ်ပြီး ဒီဇင်ဘာ ၂၀ ရက်တွင် မြ၀တီနယ်စပ်ဂိတ်မှထိုင်းနိုင်ငံသို့ ပြန်လည်ထွက်ခွာမည်ဖြစ်ကြောင်း
သတင်းရရှိသည်။
(သတင်းစဉ်)
No comments:
Post a Comment