ချောင်းဦး ဒီဇင်ဘာ ၂၀
စစ်ကိုင်းတိုင်းဒေသကြီး၊ ချောင်းဦးမြို့နယ်အတွင်း
စိုက်ပျိုးထုတ်လုပ်သည့် ဖရဲသခွား၊ သခွားမွှေးသီးများကို တရုတ်ဈေးကွက်သို့ တင်ပို့ရောင်းချလျက်ရှိရာ
ယခုနှစ် ဖရဲသခွားဈေးကွက် ဈေးကောင်းရသဖြင့် စိုက်ပျိုးသည့် တောင်သူများ အဆင်ပြေလျက်ရှိကြောင်း
ချောင်းဦးမြို့နယ် မင်ခေါင်ကျေးရွာမှ သခွားစိုက် တောင်သူများထံမှ သိရသည်။
ချောင်းဦးမြို့နယ်အတွင်းမှ စိုက်ပျိုးထုတ်လုပ်သော
ဖရဲသခွားများနှင့် သခွားမွှေးများကို ရှမ်းပြည်နယ် မြောက်ပိုင်း မူဆယ်(၁ဝ၅)မိုင် ကုန်သွယ်ရေး
ဇုန်အား ယခုလ(၁၁)ရက်နေ့တွင် ပြန်လည်ဖွင့်လှစ်ပြီးနောက် ၄င်းမှ တဆင့် တရုတ်နိုင်ငံ သစ်သီး
ဈေးကွက်သို့ မော်တော်ယာဉ်များဖြင့် အများဆုံးတင်ပို့ရောင်းချလျက်ရှိရာ ယခုနှစ်တွင်
သခွားဈေး မြင့်တက်ပြီး ဈေးကောင်းရလျက်ရှိကြောင်း သိရသည်။
'' ဒီနှစ်မှာတော့ ရွှေသခွားမွှေးကို အများဆုံးစိုက်ကြတယ်၊
ရာသီဥတုဒဏ်လည်း ခံနိုင်တယ်၊ အသီး ထွက်ရှိမှု ကောင်းသလို၊ အလေးချိန်လည်း ပိုတဲ့အတွက်
အစိုက်များတာပါ၊ နောက်ပြီးဖရဲသွား၊ ဝုခုန်း ဖရဲသခွား မျိုးလည်း စိုက်ကြတယ်၊ ဝုခုန်းဖရဲသခွားက
မနေ့ကအထိကို တစ်ကီလိုကို တရုတ်ယွမ်ငွေ (၆)ကျပ်ကနေ (၉)ကျပ် အထိရှိတယ်၊ ဖရဲသခွားနဲ့ရွှေသခွားက
တစ်ကီလိုကို တရုတ်ယွမ်ငွေ(၄)ကျပ်ကနေ (၈)ကျပ် အထိရှိတယ်၊ ဖရဲသခွား ဈေးက အခုနှစ်မှာ
အစကောင်းတယ်လို့ပြောရမယ်၊ ဈေးကောင်းရတယ်၊ စိုက်ပျိုးတဲ့ တောင်သူတွေ ကလည်း ပိုပြီးစိုက်လာကြတယ်၊
အခုအချိ်န်မှာတော့ တစ်ရက်ကို ကားအစီးရေ (၁ဝ)စီး လောက်တော့ထွက်တယ်၊ လှိုင်တဲ့အချိန်ဆိုရင်တော့
တစ်ရက်ကိုကားအစီးရေ (၂ဝဝ)လောက် အထိထွက်တယ်၊ အခုနှစ်ဖရဲသခွားစိုက်ရာသီရဲ့ တာထွက်ဈေးကောင်းတယ်၊
မနှစ်ကတော့ ဒီဈေးမရဘူး တစ်ကီလို တရုတ် ယွမ်ငွေ(၃) ကျပ်လောက်ပဲ ဈေးပေါက် တယ်၊ ဒီနှစ်ကတော့(၃)ဆလောက်အထိ
ဈေးပိုရတယ်၊ ဈေးပိုရတဲ့အတွက် အခုနှစ်ဖရသခွား စိုက်ထဲ့ သူတွေ အခြေ အနေကောင်းတယ်လို့ပြောရမှာပါ၊
တရုတ်ဘက်က လိုအပ်ချက်ရှိလို့ ဝယ်လိုအားများတဲ့အတွက် အခုနှစ် ဈေးကောင်း ရတယ်လို့ထင်ပါတယ်'' စစ်ကိုင်းတိုင်း ဒေသကြီး ဖရဲသခွား စိုက်ပျိုးထုတ်လုပ်
တင်ပို့ရောင်းချသူများ အသင်းဥက္ကဌ ဦးစိုးလွင်ကပြောသည်။
စစ်ကိုင်းတိုင်းဒေသကြီး အတွင်းဖရဲသခွားနှင့်
သခွားမွှေးသီးနှံကို ဧက(၁ဝဝဝဝ) ကျော်စိုက်ပျိုးလျက်ရှိရာ ချောင်းဦး မြို့နယ် အနေဖြင့်
တိုင်းဒေသကြီးအတွင်းဧက(၈ဝဝဝ)ခန့်စိုက်ပျိုးလျက်ရှိရာ စစ်ကိုင်းတိုင်းဒေသကြီး အတွင်း ဖရဲသခွားနှင့် သခွားမွှေးများ ဆုံး
စိုက်ပျိုးထုတ်လုပ်သည့် မြို့တစ်မြို့ဖြစ်ကြောင်း သိရသည်။
မင်းဝေ(မုံရွာ)
No comments:
Post a Comment