နေပြည်တော် ဒီဇင်ဘာ ၁၉
စိုက်ပျိုးရေး၊မွေးမြူရေးနှင့်
ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူသည် ဒီဇင်ဘာ(၁၈) ရက်နေ့ လယ်ပိုင်းက
လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာန ညွှန်ကြား ရေးမှူးချုပ် ဦးသက်နိုင်ဦး ၊
စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းတို့နှင့်အတူ မန္တလေးတိုင်းဒေသကြီး
လယ်ယာမြေစီမံခန့်ခွဲမှုနှင့် စာရင်းအင်း ဦးစီးဌာန တိုင်းဒေသကြီး ဦးစီးမှူးရုံး အစည်းအဝေးခန်းမ၌
တိုင်းဒေသကြီး၊ ခရိုင်၊ မြို့နယ် ဦးစီးမှူးများအား တွေ့ဆုံပြီး လုပ်ငန်းဆိုင်ရာများ
ဆွေးနွေးမှာကြားသည်။
ပြည်ထောင်စုဝန်ကြီးက
ဆွေးနွေးမှာကြားရာတွင် ဝန်ထမ်းများအနေဖြင့် လုပ်ငန်းကဏ္ဍများအလိုက် စွမ်းဆောင်ရည် မြင့်မားရေးကို
စဉ်ဆက်မပြတ်ဆည်းပူးလေ့လာကြရန် လိုအပ်သည့်နည်းတူ သက်ဆိုင်ရာ ဥပဒေ နည်းဥပဒေများကို ကျွမ်းကျင်ပိုင်နိုင်စွာနားလည်ပြီး
တည်ကြည်ခိုင်မာစွာ ရပ်တည်ဆောင်ရွက် ကြရမည်ဖြစ်ကြောင်း၊ ဝန်ထမ်းများ၏ သက်သာချောင်ချိရေးအပါအဝင် ခံစားခွင့် ရပိုင်ခွင့်များ ဖြည့်ဆည်း
ပေးနိုင်ရေးကိုလည်း ဥပဒေနှင့်အညီ စီမံဆောင်ရွက် ပေးကြရန်နှင့် လုပ်ငန်းဆိုင်ရာ လိုအပ်ချက်များကို ဆွေးနွေးမှာကြားခဲ့ကြောင်းသတင်းရရှိသည်။
(သတင်းစဉ်)
No comments:
Post a Comment