နေပြည်တော် ဒီဇင်ဘာ ၂၀
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည်
ယနေ့ နံနက်ပိုင်းတွင် မောင်တောမြို့နယ်အတွင်းရှိ ဗန္ဓုလကျေးရွာနှင့် ပတ်ဝန်းကျင် တိုင်းရင်းသား
ကျေးရွာများမှ ဒေသခံ တိုင်းရင်းသား ပြည်သူ ရပ်မိရပ်ဖများ၊ ပြည်သူ့စစ် ဌာနေအဖွဲ့ဝင်များနှင့်
ဒေသခံတိုင်းရင်းသားများအား တွေ့ဆုံအားပေးစကား ပြောကြား သည်။
ထိုသို့ တွေ့ဆုံစဉ် တပ်မတော်ကာကွယ်ရေးဦးစီးချုပ်က
တပ်မတော်အနေဖြင့် မိမိနိုင်ငံ၏ အချုပ်အခြာအာဏာ ပိုင်နက်နယ်မြေကို တစ်လက်မမျှ မပွန်းပဲ့စေရန်
ထိန်းသိမ်းကာကွယ်စောင့်ရှောက်သွားမည်ဖြစ်ကြောင်း၊ ထိုသို့ ကာကွယ်စောင့်ရှောက် ရာတွင်
တပ်မတော်နှင့်အတူ တိုင်းရင်းသားပြည်သူများလည်း ပါဝင်ရန် လိုအပ်ကြောင်း ပြောကြားသည်။
ထို့နောက် ပြည်နယ်ဝန်ကြီးချုပ်က နှုတ်ဆက်စကားပြောကြားပြီး
ကျေးရွာများမှ ရပ်မိရပ်ဖများက ဒေသလို အပ်ချက်များအား တင်ပြရာ တပ်မတော်ကာကွယ်ရေး ဦးစီးချုပ်နှင့်
ဝန်ကြီးချုပ်တို့က လိုအပ်သည်များ ညှိနှိုင်းဖြည့်ဆည်းဆောင်ရွက်ပေးသည်။ ယင်းနောက် တပ်မတော်ကာကွယ်ရေးဦးစီးချုပ်နှင့်
ဇနီးတို့က ဒေသခံတိုင်းရင်းသား ပြည်သူများအတွက် စားသောက်ဖွယ်ရာများ ပေးအပ်ကာ ၀န်ကြီးချုပ်နှင့်
ပြည်နယ် အစိုးရအဖွဲ့မှ တာဝန်ရှိသူတို့က ထောက်ပံ့ငွေနှင့် စားသောက်ဖွယ်ရာများ ပေးအပ်
သည်။
ဆက်လက်ပြီး တပ်မတော်ကာကွယ်ရေးဦးစီးချုပ်နှင့်
အဖွဲ့ဝင်များသည် ဗန္ဓုလ ကျေးရွာအတွင်း လှည့်လည်ကြည့်ရှုပြီး အောင်မြေကျောင်းတိုက်သို့
သွားရောက်၍ ကျောင်းထိုင်ဆရာတော် က၀ိသာရအား ဖူးမြော်ကြကာ လှူဖွယ်ပစ္စည်းများနှင့် ၀တ္ထုငွေ
များ ဆက်ကပ်လှူဒါန်းသည်။
မွန်းလွဲပိုင်းတွင် တပ်မတော်ကာကွယ်ရေးဦးစီးချုပ်နှင့်
အဖွဲ့ဝင်များသည် အမှတ်(၁) နယ်ခြားစောင့် ရဲကွပ်ကဲမှု
အဖွဲ့မှူးရုံးသို့ ရောက်ရှိကြပြီး နေမျိုးခန်းမတွင် ရဲတပ်ဖွဲ့ဝင်များနှင့် မိသားစုများအား
တွေ့ဆုံအမှာ စကားပြောကြားသည်။
ထိုသို့ ပြောကြားရာတွင် တပ်မတော်ကာကွယ်ရေးဦးစီးချုပ်က
ကိုယ့်လူမျိုး၊ ကိုယ့်တိုင်းပြည် လုံခြုံမှုရှိအောင်၊ နိုင်ငံအချုပ်အခြာအာဏာ တည်တံ့ခိုင်မြဲအောင်
မိမိ တပ်ဖွဲ့ဝင်များသာမက တိုင်းရင်းသားများ၏ “အား” များကိုပါ ရယူဆောင်ရွက်ရမည် ဖြစ်ကြောင်း၊
တပ်မတော်အနေဖြင့်လည်း နိုင်ငံတကာမျက်နှာစာ၊ နိုင်ငံရေး မျက်နှာစာ နှင့် အုပ်ချုပ်ရေးမျက်နှာစာများပေါ်တွင်
ချိန်ဆ၍ ခိုင်မာစွာ ရပ်တည်လုပ်ဆောင်နေ ကြောင်း ရှင်းလင်းပြောကြားသည်။
တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်က
ရဲတပ်ဖွဲ့ဝင်များနှင့် မိသားစုများအတွက် စားသောက်ဖွယ်ရာများအား လည်းကောင်း၊ တပ်မတော်
ကာကွယ်ရေးဦးစီးချုပ်၏ဇနီး ဒေါ်ကြူကြူလှက မိခင်နှင့်ကလေးစောင့်ရှောက်ရေး အသင်းအတွက်
ချီးမြှင့်ငွေများအား ပေးအပ်သည်။
ဆက်လက်ပြီး တပ်မတော်ကာကွယ်ရေးဦးစီးချုပ်နှင့်
အဖွဲ့ဝင်များသည် ဘူးသီး တောင်၊ ၀ါးခုတ်ချောင်းတပ်နယ်ခန်းမတွင် ဘူးသီးတောင်တပ်နယ်နှင့်
ဝါးခုတ်ချောင်း တပ်နယ်တို့မှ အရာရှိ၊ စစ်သည် မိသားစုများအား တွေ့ဆုံအမှာစကား ပြောကြားသည်။
တွေ့ဆုံပွဲအပြီးတွင် တပ်နယ်မှ အရာရှိ၊
စစ်သည်၊ မိသားစုများအတွက် တပ်မတော်ကာကွယ်ရေးဦးစီးချုပ်က စားသောက် ဖွယ်ရာများကို ပေးအပ်ပြီး
တပ်မတော် ကာကွယ်ရေးဦးစီးချုပ်၏ဇနီး ဒေါ်ကြူကြူလှက တပ်နယ်မိခင်နှင့် ကလေး စောင့်ရှောက်ရေးအသင်းအတွက်
ချီးမြှင့်ငွေများကို ပေးအပ်ခဲ့ကြောင်းသတင်း ရရှိ သည်။
(သတင်းစဉ်)
No comments:
Post a Comment