ဒုတိယအကြိမ် ပြည်ထောင်စုလွှတ်တော် တတိယပုံမှန်အစည်းအဝေး အောင်မြင်စွာ ကျင်းပပြီးစီး

နေပြည်တော် - ဒီဇင်ဘာ ၂၀

ဒုတိယအကြိမ် ပြည်ထောင်စုလွှတ်တော် တတိယပုံမှန်အစည်းအဝေး ဒသမနေ့ ကို ယနေ့ မွန်းလွဲ ၁ နာရီခွဲတွင် ကျင်းပသည်။

အစည်းအဝေးတွင် နိုင်ငံတစ်ဝန်း အာဏာမတည်သော ဥပဒေများအား အာဏာ တည်တံ့ စေရေးကိစ္စနှင့်စပ်လျဉ်း၍ ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ် များ လေ့လာဆန်းစစ်သုံးသပ်ရေးကော်မရှင် အဖွဲ့ဝင်ဦးခင်မောင်ဝင်းက လွှတ်တော်သို့ ရှင်းလင်းတင်ပြရာ လွှတ်တော်က မှတ်တမ်းတင်ကြောင်း ဆုံးဖြတ်သည်။

ထို့နောက် နိုင်ငံတော်သမ္မတထံမှပေးပို့သော မဟာမဲခေါင်ဒေသခွဲ အဖွဲ့ဝင် နိုင်ငံ များအကြား မဟာမဲခေါင်ဒေသခွဲခရီးသွား လုပ်ငန်းညှိနှိုင်းရေးရုံး  ထူထောင်ရေးသဘော တူညီချက်ကို မြန်မာနိုင်ငံမှ ပါဝင်လက်မှတ်ရေးထိုးရန်ကိစ္စနှင့်စပ်လျဉ်း၍ လွှတ်တော် ကိုယ်စားလှယ်များ ထောက်ခံဆွေးနွေးကြသည်။

ဖာပွန်မဲဆန္ဒနယ်မှ ဦးစောထွန်းမြအောင်က မဲခေါင်ဒေသခွဲ ခရီးသွားလုပ်ငန်း ညှိနှိုင်းရေးရုံးထူထောင်ရေးသဘောတူညီချက်ကို မြန်မာနိုင်ငံမှ လက်မှတ်ရေးထိုး ပြီးပါက စီးပွားရေးဖွံ့ဖြိုးတိုးတက်မှု၊ သဘာဝပတ်ဝန်းကျင်ရေရှည်တည်တံ့ခိုင်မြဲမှု၊  နိုင်ငံတကာအဖွဲ့အစည်းများနှင့်ပူးပေါင်းပြီး ခရီးသွားလုပ်ငန်းမြှင့်တင်ရေးကို ဆောင်ရွက် ခြင်းဖြစ်သည့်အတွက် ကြိုဆိုပါကြောင်း၊  အဖွဲ့ဝင် ၆ နိုင်ငံအနေဖြင့် အစိုးရအဖွဲ့ဖြစ်စေ၊ ပုဂ္ဂလိကဖြစ်စေ၊ အဖွဲ့အစည်းကဖြစ်စေ လုပ်ဆောင်မည်ဆိုပါက ခွင့်ပြုသည်ဖြစ်သည့် အတွက် ဒေသခံငြိမ်းချမ်းရေး အဖွဲ့အစည်းများနှင့် ပြည်သူများက ကြိုဆိုပြီး ဆင်းရဲ နွမ်းပါးမှုကိုလျှော့ချနိုင်မည်ဖြစ်ပါကြောင်း၊  Micro Tourism ကို ပိုမိုဆောင်ရွက် နိုင်မည် ဖြစ်သည့်အတွက် ထောက်ခံပါကြောင်း ဆွေးနွေးသည်။

အလားတူ စစ်ကိုင်းတိုင်းဒေသကြီး မဲဆန္ဒနယ်အမှတ်(၉)မှ ဦးမောင်မောင်လတ်၊ ၀ါးခယ်မဲဆန္ဒနယ် မှ ဦးဇော်သိန်း၊ မကွေးတိုင်းဒေသကြီး မဲဆန္ဒနယ်မှ ဦးကျော်ဆွေ၊ ရေကြည်မဲဆန္ဒနယ်မှ ဒေါက်တာစံရွှေဝင်း၊ တွံတေးမဲဆန္ဒနယ်မှ ဦးမြင့်လွင်၊ တနင်္သာရီတိုင်းဒေသကြီးမဲဆန္ဒနယ် အမှတ်(၄)မှ ဦးဟန်ဝင်းသိန်းတို့က ထောက်ခံ ဆွေးနွေးကြသည်။

ယင်းကိစ္စနှင့် စပ်လျဉ်း၍ ပြည်ထောင်စုဝန်ကြီး ဦးအုန်းမောင်က မြန်မာနိုင်ငံသည် ခရီးသွား လုပ်ငန်းတွင် အာရှနိုင်ငံများနှင့်နှိုင်းယှဉ်ပါက နောက်ဆုံးပွင့်လင်းလာသည့် နိုင်ငံဖြစ် ပါကြောင်း၊ ထိုင်း၊ ကမ္ဘောဒီးယား၊ဗီယက်နမ်နိုင်ငံတို့ထက် ခရီးသည် ၀င်ရောက် မှုနည်းပါကြောင်း၊ သို့သော်လည်း မိမိတို့နိုင်ငံအနေဖြင့် သဘာဝသယံဇာတ များကို သေသေချာချာစနစ်တကျ စီစဉ်ပြီးအသုံးချမည်ဆိုလျှင် တိုးတက်အောင် လုပ်ဆောင် နိုင်သည့် အခြေအနေရှိပါကြောင်း၊ ထိုင်းနိုင်ငံ ဘန်ကောက်တွင် ခရီးသွားလုပ်ငန်း ရုံးဖွင့်ပြီး အာရှနိုင်ငံများပူးပေါင်း၍ ဆောင်ရွက်နိုင်မည်ဖြစ်ပါကြောင်း၊ မိမိတို့တွင် ရှေးဟောင်း အမွေအနှစ်များ ရှိပါကြောင်း၊ သို့ဖြစ်ပါ၍ မဟာမဲခေါင်ဒေသခွဲ အဖွဲ့ဝင်နိုင်ငံများအကြား မဟာမဲခေါင်ဒေသခွဲခရီးသွားလုပ်ငန်း ညှိနှိုင်းရေးရုံး ထူထောင် ရေး သဘောတူညီချက်လက်မှတ်ရေးထိုးနိုင်ရေးအတွက်  ပြည်ထောင်စုလွှတ်တော်က အတည်ပြုပေးနိုင်ပါရန် ရှင်းလင်းတင်ပြရာ လွှတ်တော်က သဘောတူကြောင်း ဆုံးဖြတ် သည်။

ယင်းနောက် နိုင်ငံတော်သမ္မတထံမှ ပေးပို့ထားသော ပြည်ထဲရေးဝန်ကြီးဌာန မီးသတ်ဦးစီးဌာနအတွက် ပိုလန်သမ္မတနိုင်ငံအစိုးရထံမှ ယူရိုသန်း ၅၀ ချေးယူရန်ကိစ္စ နှင့်စပ်လျဉ်း၍ ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်စိုးက  ချေးယူခွင့် ရရှိရေးအတွက် ပြည်ထောင်စုလွှတ်တော်မှ အတည်ပြုပေးပါရန် ရှင်းလင်း တင်ပြ သည်။

အလားတူ စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်း က ကာလလတ်ကြွေးမြီစီမံခန့်ခွဲမှုမဟာဗျူဟာ၂၀၁၆တွင် ပြည်ပမှ ငွေချေးယူရာတွင် သက်သာသည့်ချေးငွေများကို ဦးစားပေးချေးယူရမည်ဟု ပါရှိပါကြောင်း၊ပိုလန်ချေးငွေ မှာ ချေးငွေသက်တမ်းကြာရှည်ပါကြောင်း၊ ဖွံ့ဖြိုးမှုအတွက် ပေးအပ်သည့်ချေးငွေဖြစ်ပြီး ချေးငွေရယူမည့်အဖွဲ့အစည်း၊ ချေးငွေပေးအပ်မည့် နိုင်ငံ၏ လက်ရှိအခြေအနေမှာ ချေး ငွေသုံးစွဲနိုင်သည့် အရည်အချင်း၊ ပြန်လည်ပေးဆပ်နိုင်သည့် စီမံကိန်းနှင့် ဒေသအတွက် အကျိုးပြုမည့် အခြေအနေများကိုလေ့လာပြီး ပေးအပ်ခြင်းဖြစ်ပါကြောင်း၊ မိမိတို့အ နေဖြင့် ချေးငွေစာချုပ်ချုပ်ဆိုရာတွင် နိုင်ငံအတွက် နစ်နာမှုမရှိစေရန် စိစစ်ညှိနှိုင်း သွားမည် ဖြစ်ပါကြောင်း ရှင်းလင်းတင်ပြသည်။

အဆိုပါချေးငွေချေးယူခြင်းကို  လွှတ်တော်က သဘောတူကြောင်းဆုံးဖြတ် သည်။

ယင်းနောက် နိုင်ငံတော်သမ္မတထံမှ ပေးပို့ထားသော စိုက်ပျိုးရေး၊ မွေးမြူရေးနှင့် ဆည်မြောင်း ၀န်ကြီးဌာနအတွက် အရှေ့ပိုင်းပြည်နယ်များ စိုက်ပျိုးစီးပွားဖွံ့ဖြိုးတိုးတက် ရေး စီမံကိန်းဆောင်ရွက်ရန် အပြည်ပြည်ဆိုင်ရာ စိုက်ပျိုးရေးဖွံ့ဖြိုးတိုးတက်မှု ရန်ပုံငွေ အဖွဲ့ထံမှ အမေရိကန်ဒေါ်လာ ၅၆ ဒသမ ၈ သန်းချေးယူရန်ကိစ္စနှင့် စပ်လျဉ်း၍ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာ အောင်သူက ချေးငွေထောက်ပံ့ငွေများဖြင့် ဆောင်ရွက်သည့် စီမံကိန်းများအတွက် စီမံကိန်းဖြစ်မြောက်နိုင်စွမ်း ဆန်းစစ်လေ့လာခြင်းမှစ၍ ဒီဇိုင်းရေးဆွဲခြင်းလုပ်ငန်းအဆင့် ဆင့်တွင် ကဏ္ဍအလိုက် ကျွမ်းကျင်ပညာရှင်များသာမက လက်ရှိတာဝန်ထမ်းဆောင် လျက်ရှိသည့် ကျွမ်းကျင်ဝန်ထမ်းများ၊ ပြည်တွင်းရှိ အငြိမ်းစားကျွမ်းကျင်ဝန်ထမ်းများ၊ ဒေသန္တရအလိုက် ကျွမ်းကျင်သည့်ဌာနမှ ကျွမ်းကျင်ဝန်ထမ်းများ၊ ဒေသအလိုက် အုပ်ချုပ်မှုဆိုင်ရာတာဝန်ရှိသူများ ပါဝင်ညှိနှိုင်းဆောင်ရွက်ခဲ့ပါကြောင်း၊ လက်ရှိ တောင်သူလယ်သမားများပိုင်နေရာများကို တောင်သူလယ်သမားများ၏ သဘောတူ ညီချက်ကိုရယူ၍ တစ်ဆက်တစပ်တည်း အဆင့်မြင့်လယ်ယာများ ဖော်ထုတ်ဆောင် ရွက်ခြင်း၊ ရေသွင်းရေထုတ်မြောင်းများ စနစ်တကျ ဖော်ထုတ်ပေးခြင်းနှင့် ကုန်ထုတ် လမ်းများဖော်ထုတ်ခြင်း စသည်တို့ကို စီမံကိန်းက အခမဲ့ဆောင်ရွက်ပေးသွားမည်ဖြစ် ပါကြောင်း။

 သီးနှံ၊ သစ်တောရောနှောစိုက်ပျိုးထုတ်လုပ်ခြင်းလုပ်ငန်းများတွင် တန်ဖိုး မြင့်သည့် သီးနှံမျိုး စေ့များကို စတင်မိတ်ဆက်စိုက်ပျိုးစေခြင်းအပါအ၀င် မျိုးကောင်း မျိုးသန့်နှင့် ပျိုးစေ့ပျိုးပင်များကို ပံ့ပိုးကူညီပေးမည့် အစီအစဉ်များလည်း ပါဝင်ပါကြောင်း၊ စီမံကိန်း အကောင်အထည်ဖော်မည့်ဒေသများတွင် အသိပညာပေးဗဟို ဌာနများကို တည်ထောင် သွားမည်ဖြစ်ကြောင်း၊ တောင်သူလယ်သမားများထုတ်လုပ်မှုစွမ်းအား  မြှင့်တင်နိုင်ရေး အတွက် နည်းပညာပေးခြင်း၊ ကျွမ်းကျင်မှုမြင့်တင်ပေးခြင်း၊ အရည် အသွေးမြင့် သွင်းအား စုများရရှိစေခြင်း၊ ဈေးကွက်သတင်းအချက်အလက်များ လက် လှမ်းမီရရှိစေခြင်း၊ စက်မှုလယ်ယာစနစ်ဖော်ထုတ်ပေးခြင်း၊ ငွေကြေးဝန်ဆောင်မှုများကို ရရှိစေခြင်းတို့အတွက် ဆောင်ရွက်ပေးသွားမည်ဖြစ်ကြောင်း ရှင်းလင်းတင်ပြသည်။

ထို့အတူ စီမံကိန်းဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက  ချေးငွေဆိုင်ရာနှင့်စပ်လျဉ်း၍ ရှင်းလင်းတင်ပြခဲ့ပြီး အဆိုပါချေးယူမည့်ကိစ္စကို  လွှတ်တော်က သဘောတူကြောင်း ဆုံးဖြတ်ခဲ့သည်။  

မျိုးမြင့်(သတင်းစဉ်)