နေပြည်တော်၊
အောက်တိုဘာ ၅
လွှတ်တော်များ ဖွံ့ဖြိုးတိုးတက်ရေးဆိုင်ရာ
ပေါင်းစပ်ညှိနှိုင်း ဆောင်ရွက်ရေးအဖွဲ့ ဥက္ကဋ္ဌ ဦးတီခွန်မြတ်သည် ဗြိတိန်နိုင်ငံ အောက်လွှတ်တော်ဥက္ကဋ္ဌ
Rt. Hon.Mr. John Bercow နှင့် အဖွဲ့အား ယနေ့ မွန်းလွဲ ၂ နာရီတွင် နေပြည်တော်ရှိ လွှတ်တော်အဆောက်အအုံ၊
ဇမ္ဗူသီရိဧည့်ခန်းမဆောင်၌ တွေ့ဆုံသည်။
တွေ့ဆုံပွဲသို့ လွှတ်တော်များဖွံ့ဖြိုးတိုးတက်ရေးဆိုင်ရာ
ပေါင်းစပ်ညှိနှိုင်းဆောင်ရွက်ရေးအဖွဲ့ ဥက္ကဋ္ဌနှင့်အတူ ဒုတိယဥက္ကဋ္ဌ ဦးအောင်ကြည်ညွှန့်၊ အတွင်းရေးမှူးနှင့်
အဖွဲ့ဝင်များတက်ရောက် ခဲ့ကြပြီး ဧည့်သည်တော်အဖွဲ့နှင့် အတူ မြန်မာနိုင်ငံဆိုင်ရာ ဗြိတိန်နိုင်ငံသံအမတ်ကြီး
H.E. Mr. Andrew Patrick လည်းတက်ရောက်သည်။
တွေ့ဆုံစဉ် မြန်မာလွှတ်တော်များ ဖွံ့ဖြိုးတိုးတက်ရေး၊
လွှတ်တော်ကိုယ်စားလှယ်များ/ ဝန်ထမ်းများ၏ စွမ်းရည်မြှင့်တင်ရေး၊ လွှတ်တော်၏ ဥပဒေပြုရေးဆိုင်ရာ
ကိစ္စရပ်များနှင့် ပတ်သက် ၍ ဆွေးနွေးကြသည်။
No comments:
Post a Comment