ကော့သောင်း ၊ သြဂုတ် ၁၁ ရက်
ကော့သောင်းမြို့၊ ထားဝယ်ရိပ်သာကျောင်းတိုက် ဆရာတော် အဂ္ဂမဟာပဏ္ဍိတ၊ အဂ္ဂမဟာန္တဝါစက၊
သာသနာဓဇသီ ရပရဝဓမ္မစရိယ၊ ဝိနယပါဋ္ဌိပါရဂူ ဘဒ္ဒန္တသီလဝံသ မထေရ် သက်တော်(၈၆)နှစ်၊ဝါတော်(၆၆)
ဝါ ၏ အန္တိမအဂ္ဂိ ဈာပန ပြာချပူဇော်ပွဲ သဘင်အား သြဂုတ် ၁၁ ရက် ညနေ ၃ နာရီက ကော့သောင်းမြို့
၊ရန်ကြီးအောင်အားကစားကွင်း တွင်ဆင်ယင်ကျင်းပရာ တပည့်သားသံဃာတော်များ၊ တနင်္သာရီ တိုင်းဒေသကြီး
အစိုးရအဖွဲ့ သာသနာရေးဝန်ကြီး ဦးဝင်းဆွေနှင့် ခရိုင်/မြို့နယ် တာဝန်ရှိသူများ၊ ဌာနဆိုင်ရာများ၊
မြို့မိမြို့ဖ ဒါယိကာ၊ဒါယိကာမ မြို့သူမြို့သားများ စည်းကားသိုက်မြိုက်စွာ ကြက်ပျံမကျ
လာရောက် ကြည်ညိုပူဇော်ကြသည်။
အခမ်းအနားအား ရှေးဦးစွာ နမောတသ သုံးကြိမ်ရွတ်ဆို ဘုရားကန်တော့ ဖွင့်လှစ်ပြီး
ဆရာတော် သံဃာတော်ကြီးများ ထံမှ ငါးပါးသီလခံယူဆောက်တည်ကြသည်။
ယင်းနောက် ဆရာတော်သံဃာတော်များမှ လောင်တိုက်တော်ပင့်ဂါထာတော်နှင့် နတ်ပန်းရထားပေါ်ပင့်
ဂါထာတော် များ လျှောက်ထားရွတ်ဆို တော်မှု ကြပြီး မီးရှူးမီးပန်းများပစ်ပေါက်ကာ ဆရာတော်၏
ဥတုဇ ရုပ်ကလပ်တော်အား ကော့သောင်းမြို့ ထားဝယ်ရိပ်သာကျောင်းတိုက် စံကျောင်းတော်မှ တပည့်သား
သံဃာတော်များ၊ တိုင်းဒေသကြီး သာသနာရေးဝန်ကြီး၊ ဌာနဆိုင်ရာများ၊ ဆရာတော်ဘုရား၏ ဆွေတော်မျိုးတော်များ၊
အသင်းအဖွဲ့များက အဆင့်ဆင့် ပင့်ဆောင်ကာ ဈာပနပြာချပူဇာသဘင်ဆင်ယင် ကျင်းပရာ ရန်ကြီးအောင်
အားကစားကွင်းသို့ မော်တော်ယာဉ်များဖြင့် ပင့်ဆောင်ကြသည်။
ယင်းနောက် ပြုဖွယ်ကိစ္စရပ်များအား ဆရာတော်သံဃာတော်ကြီးများ ဦးဆောင် ဦးရွက်ပြု
ဆောင်ရွက်ကြပြီး ဆရာတော်ဘုရားကြီး၏ ကြွင်းကျန်ရစ်သည့်ဥတုဇ ရုပ်ကလပ်တော် အား တိုင်းဒေကြီး
သာသနာရေးဝန်ကြီးနှင့် ခရိုင်/မြို့နယ်မှ တာဝန်ရှိသူများ၊ တပည့်ဒကာများမှ မီးပူဇော်ကာ
ဈာပနပြာချ သဘင်အား ဆရာတော် ဘုရားကြီး၏ ကျေးဇူးတော်အန္တအား ရည်မျှော်မှန်း၍ ခန်းနားသိုက်မြိုက်စွာ
ဆင်ယင်ကျင်းပသည်။
ဆရာတော်ဘုရားကြီး၏ ကြွင်းကျန်ရစ်သည့် အရိုးပြာများအား သြဂုတ်လ ၁၂ ရက်နေ့ နံနက်ပိုင်းတွင်
ဆရာတော် သံဃာတော်ကြီးများ သြဝါဒဖြင့် ကော့သောင်းမြို့၊ မြို့မ ဘောတံတားမှ တဆင့် အမြန်ရေယာဉ်ဖြင့်
အက်ဒမန် ပင်လယ်ဝ သို့ပင့်ဆောင် ရေမျောပူဇော်ခဲ့ကြောင်းသတင်းရရှိသည်။
No comments:
Post a Comment