ထားဝယ်
မေ ၁
၂၀၀၂ ခုနှစ်မှ ၂၀၁၃ ခုနှစ် အထိ သင်တန်းသား/သူ
ဟောင်းများ၏ ပထမအကြိမ် မြတ်ဆရာ ပူဇော်ပွဲ အခမ်းအနားကို ယနေ့နံနက် (၀၉း၀၀) နာရီက တနင်္သာရီတိုင်းဒေသကြီး၊
ထားဝယ်မြို့၊ ထားဝယ်ပညာရေး ကောလိပ်ကျောင်း၌ ကျင်းပရာ အခမ်းအနားကို တက်ရောက်လာသူများက
ပဉ္စဂုဏံ အဟံဝန္တာမိ အာစရိယဂုဏံ အဟံဝန္တာမိ သုံးကြိမ်ရွတ်ဆိုဖွင့်လှစ်ပြီး ဆရာကြီး/ဆရာမကြီးများအား
မြတ်ဆရာသီချင်းဖြင့် ပူဇော်ကန်တော့၍ ကန်တော့ခံ ဆရာ/ဆရာမကြီးများက မိမိကိုယ်ကို မိတ်ဆက် စကားပြောကြားသည်။
ဆက်လက်၍ ကျောင်းသား/ကျောင်းသူ ဟောင်းများက
ဆရာကြီး/ဆရာမကြီးများအား ကန်တော့ချိုးဖြင့် ပူဇော်ပြီး ဆရာကြီး/ဆရာမကြီးများအား ကန်တော့ပစ္စည်းဖြင့်
ပူဇော်ကာ အငြိမ်းစား ကျောင်းအုပ် ဆရာ/ဆရာမကြီးများ က ဆုံးမသြ၀ါဒစကား ပြောကြားသည်။
ထို့နောက် ထားဝယ်ပညာရေးကောလိပ် တပည့်ဟောင်းများ
(ကိုယ်စား ) ကိုကျော်ဇင်ထွေးက ကျေးဇူးတင်စကား ပြောကြားပြီး တက်ရောက်လာသူများက သာဓု
သုံးကြိမ်ရွတ်ဆို၍ အခမ်းအနားကို ရုပ်သိမ်းလိုက်သည်။
အဆိုပါ အခမ်းအနားကို အငြိမ်းစားကျောင်းအုပ်ဆရာ/ဆရာမကြီး(၁၂၀)
ဦး၊ ကျောင်းသား/ကျောင်းသူဟောင်းများ (၈၀၀) ဦးခန့် တက်ရောက်ကြောင်း သတင်းရရှိသည်။
No comments:
Post a Comment