ကျောင်းသား၊ ကျောင်းသူများ သုတေသနလုပ်ဆောင်သည့်အခါ မည်သို့လုပ်ဆောင်နေ သည်နှင့် ပတ်သက်သည့် စကားဝိုင်း

မိမိတက္ကသိုလ်မှာရှိတဲ့ ၊ အခြားဌာနတွေမှာရှိတဲ့ အထူးပြုဘာသာ ရပ်တွေနဲ့ ပူးပေါင်းပြီးတော့ ဆောင်ရွက်မယ်ဆိုရင် ဘက်ပေါင်း စုံပြည့်စုံတဲ့ သုတေသနတစ်ခုဖြစ်ပြီးတော့ နိုင်ငံ့အကျိုးပြု လုပ်ငန်းတွေ ဆောင်ရွက်နိုင်မှာ ဖြစ်ပါတယ်

ပါမောက္ခ(ဌာနမှူး) ဒေါက်တာသဲမောင်မောင်

ကျောင်းသား၊ ကျောင်းသူများ သုတေသနလုပ်ဆောင်သည့်အခါ မည်သို့ လုပ်ဆောင်နေသည်နှင့် ပတ်သက်သည့် စကားဝိုင်းကို မြန်မာ့အသံနှင့် ရုပ်မြင်သံကြားမှ ရိုက်ကူး ထုတ်လွှင့် ခဲ့သည်။ု အဆိုပါစကားဝိုင်းတွင် မန္တလေးတိုင်းဒေသကြီး အောင်မြေ သာစံမြို့နယ်(အ.ထ.က-၁၁) ကျောင်းအုပ်ကြီး ဒေါက်တာသန်းထိုက်စိုး၊ ရန်ကုန်တက္ကသိုလ် ဓာတုဗေဒဌာန ဒေါက်တာ နီနီသန်း၊ နည်းပညာတက္ကသိုလ်(သန်လျင်) ပါမောက္ခချုပ် ပါမောက္ခဒေါက်တာသိင်္ဂီ၊ အဆင့်မြင့်ပညာ ဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းသန်းဝင်း၊ သုတေသနနှင့် တီထွင်ဆန်းသစ် မှုဦးစီးဌာန ဒုတိယညွှန်ကြားရေး မှူးချုပ် ဒေါက်တာဖြူဖြူဝင်း၊ မြန်မာနိုင်ငံလေကြောင်းနှင့် အာကာသတက္ကသိုလ် မောင်းသူမဲ့လေယာဉ် သုတေသနဌာန ပါမောက္ခ(ဌာနမှူး) ဒေါက်တာသဲမောင်မောင်တို့၏ ပါဝင်ဆွေးနွေးမှုများကို ဖော်ပြလိုက်ပါသည်။

▲▲ ▲▲ (၂၀-၁-၂၀၁၉ ရက်နေ့မှအဆက်) ▲▲▲▲

အစီအစဉ်မှူး။ ။ သုတေသနနှင့်နှင့် တီထွင်ဆန်းသစ်မှု ဦးစီးဌာနအနေနဲ့ အခြေခံပညာကနေ တက္ကသိုလ်အဆင့်အထိ ကျောင်းသား၊ ကျောင်းသူတွေ သုတေသနလုပ်ငန်းတွေ လုပ်ကိုင်နိုင်အောင် ဘယ်လိုမျိုးတွေ ပံ့ပိုးကူညီပေးနေသလဲ ဆိုတာကိုလည်း ဆွေးနွေးပေးပါဦး။

ဒေါက်တာဖြူဖြူဝင်း။ ။ အခြေခံပညာ အထက်တန်းကျောင်းတွေမှာရှိတဲ့ ကျောင်းသား၊ကျောင်းသူတွေအတွက် သူတို့ စိတ်ဝင်စားနိုင်တဲ့ သုတေသနလုပ်ငန်းတွေကို သိပ္ပံဆိုင်ရာပြပွဲတွေမှာ သွားရောက်ပြသပြီးတော့ သူတို့ရဲ့ စူးစမ်းချင်တဲ့ စိတ်တွေကို မြှင့်တင်ပေးတာတွေ ဆောင်ရွက် ပေးပါတယ်။ တက္ကသိုလ် အဆင့်မှာတော့ ကျွန်မတို့ဌာနက ပံ့ပိုးပေးတာ အများကြီး ရှိပါတယ်။ နည်းပညာတက္ကသိုလ်တွေရော၊ ဝိဇ္ဇာနဲ့ သိပ္ပံ တက္ကသိုလ်ေ တွရော တက္ကသိုလ်အသီးသီးမှာ ပထမနှစ် ကနေ စပြီးတော့ နောက်ဆုံးနှစ်အထိ ကျောင်းသား ကျောင်းသူတွေဟာ ကျွန်မတို့ဌာနမှာ သူတို့ရဲ့သုတေသနတွေ စူးစမ်း ဖို့ဆိုပြီး လာရောက်လေ့လာတာရှိပါတယ်။ နောက်ဆုံးနှစ်မှာ နှစ်လကနေ သုံးလအထိလက်တွေ့ ကွင်းဆင်းဆောင်ရွက်ပြီး လက်တွေ့လာလုပ်တာရှိပါတယ်။ သူတို့ရဲ့ ပါရဂူဘွဲ့နဲ့ မဟာဘွဲ့တွေအတွက်ကိုလည်း ကျွန်မတို့ဆီမှာ သုတေသန ကျမ်းပြုတာတွေ လာလုပ်တာ ရှိပါတယ်။ ဆရာမတို့က ဘာကြောင့် ဒါတွေလုပ်လဲဆိုရင် တက္ကသိုလ်တွေနဲ့ MOU ထိုးထားပါတယ်။ MOU ထိုးထားတဲ့အတွက် သူတို့ရဲ့မဟာဘွဲ့တွေအတွက် ကျမ်းပြုဖို့အတွက် ကျွန်မတို့ဌာနမှာ သုတေသနဆောင်ရွက်လို့ရသလို ကျွန်မတို့ဌာနမှာရှိတဲ့ စက်ပစ္စည်း ကိရိယာတွေနဲ့လည်း သူတို့ကို ဓာတ်ခွဲစမ်းသပ်တာ တွေကို ပံ့ပိုးကူညီဆောင်ရွက်ပေးနေ ပါတယ်။

အစီအစဉ်မှူး ။ ။ University Research Instititute ပူးပေါင်းလုပ်ကိုင်ရတဲ့ ရည်ရွယ်ချက်ရယ်၊ သုတေသနလုပ်မယ့် ဆရာ၊ဆရာမတွေ၊ ကျောင်းသား၊ ကျောင်းသူတွေရှိမယ့် အကျိုးကျေး ဇူးတွေနဲ့ ပက်သက်ပြီး ဆွေးနွေးပေးပါဦး။

ဒေါက်တာဖြူဖြူဝင်း ။ ။ နိုင်ငံတစ်နိုင်ငံ ဖွံ့ဖြိုးတိုးတက်ဖို့၊ စီးပွားရေးဖွံ့ဖြိုးတိုးတက်ဖို့အတွက် ဆိုရင် နည်းပညာက အလွန်အရေးကြီးပါတယ်။ နည်းပညာ ဖွံ့ဖြိုးတိုးတက်ဖို့ အတွက်ဆို ရင်လည်း သုတေသနနဲ့ ဆန်းသစ်တီထွင်မှုတွေ ဆောင်ရွက်ဖို့လိုလာတယ်။ ဒါတွေ ဆောင်ရွက်တဲ့အခါမှာ တက္ကသိုလ်တွေ၊ သုတေသနဌာန တွေ၊ စက်မှုလုပ်ငန်းတွေရော ပူးပေါင်းပြီးတော့ ဆောင်ရွက်ဖို့လိုလာပါတယ်။ ဒါကြောင့် URI Collabration ကို လုပ်ခြင်း အားဖြင့် တက္ကသိုလ်မှာရှိတဲ့ ပါမောက္ခတွေ၊ ဆရာမတို့ဆီက သုတေသီတွေ၊ ပညာရှင်တွေ၊ ကုန်ထုတ်လုပ်ငန်းရှင်တွေရောဟာ နိုင်ငံ့အကျိုးပြု သုတေသနလိုလုပ်ငန်းတွေ၊ သူတို့ရဲ့ နိုင်ငံတကာဈေးကွက် ကိုထိုးဖောက်မယ့် စီးပွားရေးလုပ်ငန်းတွေနဲ့ လိုအပ်တဲ့ နည်းပညာတွေကို ဆရာမတို့က ပူးပေါင်းဆောင်ရွက် လိုက်တဲ့အတွက် သုတေသနလုပ်တဲ့အခါမှာ တွေ့ကြုံရ တဲ့ အခက်အခဲတွေ၊ ကုန်ကျစရိတ်တွေ၊ သုတေသနအသုံးစရိတ်တွေ၊ စက်ပစ္စည်းကိရိယာ အတွက် လိုအပ်တဲ့စရိတ်တွေ လျှော့ချနိုင်တယ်။ သုတေသနလုပ်ငန်းတွေကို လျင်လျင်မြန်မြန် ဆောင်ရွက်နိုင်ခဲ့ပါတယ်။

▲▲အကျိုးကျေးဇူးတွေ ရလာ▲▲

ဒီလို URI Collaboration လုပ်တဲ့အတွက်ကြောင့် ကျောင်းသား၊ ကျောင်းသူများအနေနဲ့ သူတို့ဟာ တက္ကသိုလ်ပါမောက္ခ တွေရယ်၊ သုတေသနပညာရှင်တွေ ပူးပေါင်းဆောင်ရွက် ရတဲ့အတွက်ကြောင့် အများနဲ့ ပူးပေါင်းဆောင်ရွက်တဲ့ Team Work စွမ်းဆောင်ရည် တွေမြင့်တက်လာနိုင်တယ်။ သူတို့ရဲ့ သုတေသနအတွက် လိုအပ်တဲ့ သတင်းအချက် အလက်တွေ၊ ဒီသတင်းအချက် အလက်တေ ရှာဖွေတဲ့စိတ်တွေ ပိုပြီးတော့ စွမ်းဆောင်ရည် မြင့်လာမယ်။ သူတို့ရဲ့ Idea တွေ၊ ဖန်တီးနိုင်မှုတွေလည်း မြင့်တက်လာမယ်။ သူတို့ကိုယ် သူတို့လည်း လက်တွေ့ လုပ်ဆောင်တဲ့အတွက် အကျိုးကျေးဇူးတွေ ရလာတာ သိလာတဲ့ အခါကျရင် သူတို့ဟာ အပြင်မှာလည်း တကယ့် အတွေ့အကြုံကောင်း တွေရလာတဲ့အတွက် သူတို့ဟာ ကိုယ့်ကိုယ်ကိုယ် ယုံကြည်မှုတွေရှိလာနိုင်တယ်။ နောက်ပြီးတော့ တက္ကသိုလ်ဆရာ ဆရာမများအနေနဲ့ သူတို့ရဲ့သုတေသန စွမ်းဆောင်ရည်တွေလည်း ပူးပေါင်းဆောင်ရွက် ခြင်းအားဖြင့် ပိုပြီးမြင့်မားလာမယ်။ နိုင်ငံတကာ အဆင့်မီတဲ့ သုတေသန စာတမ်းတွေကို ဖတ်ကြားနိုင်မယ်။ ရေးသားလာနိုင်မယ်။ သူတို့ရဲ့သုတေသနလုပ်ခြင်းအားဖြင့် မူပိုင်ခွင့်တွေ ရရှိလာနိုင်မယ်။ ဒါကြောင့်မို့ တက္ကသိုလ်တစ်ခုရဲ့ အဆင့်အတန်းလည်း မြင့်တက်လာ နိုင်မယ်ဆိုတဲ့ အကျိုးကျေးဇူးတွေ ရလာနိုင်ပါတယ်။

▲▲ကူညီပံ့ပိုး▲▲

ကျွန်မတို့ဌာနကနေ တက္ကသိုလ်ကျောင်းသား၊ ကျောင်းသူတွေအတွက် ပံ့ပိုးပေးနိုင်တဲ့ သုတေသန လုပ်ငန်းတွေက ဘာတွေလဲဆိုရင် ပြန်ပြည့်မြဲစွမ်းအင်ဆိုင်ရာဖြစ်တဲ့ လေစွမ်းအင်၊ ဆိုလာ၊ ဇီဝဓာတ်ငွေ့ထုတ်တာတို့ ဘက်ထရီ တည်ဆောက်ပြီး မီးထွန်း တာမျိုးတွေလည်း ကူညီပံ့ပိုး ပေးနိုင်ခဲ့ပါတယ်။ အဲဒီအပြင် အီလက်ထရွန်နစ် နည်းပညာဆိုင်ရာ သုတေသနလုပ်ငန်းတွေကိုလည်း ကူညီပံ့ပိုးပေးနိုင်ပါတယ်။ နောက်ပြီး ဓာတုဗေဒကိုအခြေခံသော စိုက်ပျိုးရေး ထွက်ကုန်တွေဖြစ်တဲ့ စားသောက်ကုန်ပစ္စည်း ထုတ်လုပ်တဲ့လုပ်ငန်းတွေ၊ ဆေးဖက်ဝင်အပင်တွေနဲ့ သုတေသန ဆောင်ရွက် တာတွေလည်း ကျွန်မတို့ ကူညီနိုင် ပါတယ်။ ဝါးအလေအလွင့်၊ သစ်အလေအလွင့် ပစ္စည်းတွေ ကနေ Cmposis ထုတ်တာ တွေလည်း ကူညီပေးနိုင်ပါတယ်။ Nano နည်းပညာဆိုင် ရာသုတေ သနလုပ်ငန်း တွေကိုလည်း တက္ကသိုလ်ကျောင်းသား၊ ကျောင်းသူတွေ အတွက် စက်ပစ္စည်းတွေရော၊ သုတေသန လုပ်ငန်းတွေမှာရော ကျွန်မတို့က ကူညီပံ့ပိုး ပေးနိုင်ခဲ့ပါတယ်။ အခြေခံပညာ အထက်တန်းအဆင့် ကျောင်းသား၊ ကျောင်းသူတွေအတွက် ဆိုရင် ဆရာမတို့ဌာနကနေ ဘယ်လိုတွေ ကူညီပံ့ပိုးပေးနိုင်လဲဆိုရင် သူတို့ရဲ့ Curriculumမှာ ပါတဲ့ ဓာတုဗေဒ၊ ရူပဗေဒ၊ ဇီဝဗေဒတို့နဲ့ပတ်သက်တဲ့ လက်တွေ့ လုပ်ဆောင် ချက်လေးတွေ၊ Equipment တွေ ကူညီပံ့ပိုးပေးနိုင်ပါ တယ်။ စဉ်းစားတွေးခေါ်ချင်တဲ့စိတ်တွေကို မြှင့်တင်ပေးဖို့ အတွက် သိပ္ပံ ပရောဂျက်တွေ၊ သုတေသနလုပ်ငန်း တွေမှာလည်း ဒီကျောင်းသား၊ ကျောင်းသူတွေအတွက် လက်တွေ့ ပြသတာမျိုးတွေ ကူညီပံ့ပိုးပေး နိုင်ပါတယ်။

အစီအစဉ်မှူး ။ ။ ဟုတ်ကဲ့ပါ။ သုတေသနလုပ်ငန်းတွေကို တက္ကသိုလ်အဆင့်ကနေ နိုင်ငံ့အကျိုး ပြုလုပ်ငန်းတွေအထိ ဘယ်လိုမျိုးဆောင်ရွက်ရမလဲဆိုတာ ဆွေးနွေးပေးပါဦး။

ဒေါက်တာသဲမောင်မောင် ။ ။ သုတေသနလုပ်ငန်းတွေကို တက္ကသိုလ်အဆင့်ကနေ နိုင်ငံ့အကျိုးပြုလုပ်ငန်းတွေ ဆောင်ရွက် နိုင်ဖို့ဆိုရင် ရှေ့ကဆရာကြီး ဆရာမကြီးတွေ ဆွေးနွေးခဲ့တဲ့ သုတေသနလုပ်ငန်း ဆောင်ရွက်ရာမှာ လိုအပ်ချက်တွေ၊ ကြိုးစားဆောင်ရွက် ရမယ့်ပုံစံတွေ၊ နိုင်ငံတကာနဲ့ဆိုင်တဲ့ ချိတ်ဆက်ဆောင်ရွက်မှုတွေကို ဆွေးနွေးတင်ပြခဲ့ပါတယ်။ အဲဒီအချက် အလက်တွေ အတိုင်း ကြိုးစားဆောင်ရွက်ရမှာဖြစ်ပြီး တက္ကသိုလ်မှာရှိတဲ့ ဆရာမတွေက ပထမဆုံးသုတေသန လုပ်ငန်းတွေကို ဆောင်ရွက် ရတာဖြစ်ပါတယ်။ အဲဒီမှာ ကျောင်းသား၊ ကျောင်းသူ တွေက ပူးပေါင်းပါဝင်ပြီးတော့ လွတ်လပ်စွာ တီထွင်ဖန်တီးခွင့်တွေ၊ တွက်ချက်ပြီးတော့ နှိုင်းယှဉ် လေ့လာ ချက်တွေနဲ့ လက်တွေ့တည်ဆောက်မှု လုပ်ငန်းတွေကနေ စတင်ပြီး ဆောင်ရွက်ရတာ ဖြစ်ပါတယ်။သုတေသန ခေါင်းစဉ်တွေကို ရွေးချယ်ရာမှာလည်း ရှေ့ကဆရာ၊ ဆရာမကြီးတွေ ဆွေးနွေးခဲ့သလိုပဲ နိုင်ငံအတွက် လိုအပ်တဲ့ အကျိုးပြုလုပ်ငန်းတွေ ဆောင်ရွက်နိုင်တဲ့ သုတေသန ခေါင်းစဉ်တွေ၊ ဒေသန္တရအကျိုးပြုလုပ်ငန်းတွေ ဆောင်ရွက်နိုင်မယ့် သုတေသ နခေါင်းစဉ်တွေကို ရွေးချယ် ရမှာဖြစ်တဲ့ အပြင် နိုင်ငံတကာနဲ့ အဆက်မပြတ်ဖွံ့ဖြိုး တိုးတက်နေတဲ့ နည်းပညာတွေကို လက်လှမ်းမီဖို့အတွက်ဆိုရင် သုတေသနလုပ်ငန်းတွေကို မျက်ခြည်မပြတ်ဆောင်ရွက် ရမှာဖြစ်ပါ တယ်။

▲▲ဘက်ပေါင်းစုံပြည့်စုံတဲ့ သုတေသန▲▲

နောက်တစ်ခုကတော့ သုတေသနဆိုင်ရာ လုပ်ငန်းအတွက် ခေါင်းစဉ်တွေ ရွေးချယ်တဲ့ အခါမှာလည်း ဘက်ပေါင်းစုံ ပြည့်စုံတဲ့ သုတေသနခေါင်းစဉ် တစ်ခုဖြစ်ဖို့ဆိုရင် အထူးပြု ဘာသာရပ်တစ်ခုတည်းနဲ့ မလုံလောက်ပါဘူး။ မိမိတက္ကသိုလ် မှာရှိတဲ့၊ အခြားဌာနတွေ မှာရှိတဲ့ အထူးပြုဘာသာရပ်တွေနဲ့ ပူးပေါင်းပြီးတော့ ဆောင်ရွက်မယ်ဆိုရင် ဘက်ပေါင်းစုံပြည့်စုံတဲ့ သုတေသန တစ်ခုဖြစ်ပြီးတော့ နိုင်ငံ့အကျိုးပြု လုပ်ငန်းတွေ ဆောင်ရွက်နိုင်မှာဖြစ်ပါတယ်။ မြန်မာနိုင်ငံ လေကြောင်းနှင့် အာကာသ တက္ကသိုလ် မောင်းသူမဲ့ လေယာဉ် သုတေသနဌာနအနေနဲ့ကတော့ မောင်းသူမဲ့ လေယာဉ်တွေကို ကိုယ်ပိုင်ဒီဇိုင်းရေးဆွဲပြီးတော့ မောင်းသူမဲ့ လေယာဉ်အမျိုးအစား ခုနစ်မျိုးကို တည်ဆောက်ပြီး အောင်မြင်စွာနဲ့ အကျိုးပြု လုပ်ငန်းတွေ ဆောင်ရွက်လျက် ရှိပါတယ်။ အင်ဂျင်ပါဝါတပ်တဲ့ မောင်းသူမဲ့ လေယာဉ်တွေ၊ Survey တိုင်းတာနိုင်တဲ့ မောင်းသူမဲ့လေယာဉ်တွေ၊ စိုက်ပျိုးရေးလုပ်ငန်းအတွက် အသုံးချနိုင်တဲ့ ဆေးဖျန်းသုံး မောင်းသူမဲ့လေယာဉ်တွေ၊ စိုက်ပျိုးရေးရဲ့ သီးပင်တွေကို လေ့လာနိုင်တဲ့ ကင်မရာတပ်ဆင်ထားတဲ့ မောင်းသူမဲ့ လေယာဉ်အမျိုးအစားတွေကို တီထွင်စမ်းသပ် တည်ဆောက် ပြီးတော့ အကျိုးပြုလုပ်ငန်းတွေမှာ ဆောင်ရွက်လျက်ရှိပါတယ်။

▲▲ဝန်ကြီးဌာနရဲ့ အားပေးမှု ▲▲

ကျွန်တော်တို့ သုတေသနဌာနအနေနဲ့ကတော့ ဝန်ကြီးဌာနရဲ့ အားပေးမှုနဲ့အတူ ဆောင်ရွက်လာတာ ဆိုရင် မြန်မာနိုင်ငံမှာ ပထမဆုံးမောင်းသူမဲ့စနစ်နဲ့ မိုင် ၂၀ ကို စမ်းသပ်မောင်းနှင်ပျံသန်းနိုင်ခဲ့ပါတယ်။ ၂၀၁၄ ခုနှစ်ကနေ စပြီးတော့ အကျိုးပြု လုပ်ငန်းတွေနဲ့ လျှပ်စစ်ဝန်ကြီးဌာန အတွက် လိုအပ်တဲ့ ၅၀၀ ကေဗွီဓာတ်အားလိုင်း တည်ဆောက်မှု တောင်ငူကနေ ဘုရားကြီး ၁၉၂ ကီလိုမီတာ အကွာအဝေးကို မောင်းသူမဲ့လေယာဉ်ပျံ သန်းပြီး ကောင်းကင်ဓာတ်ပုံရိုက် Survey တိုင်းတာပြီး မြေပုံထုတ်တဲ့ လုပ်ငန်းတွေ ဆောင်ရွက်ပါတယ်။ မောင်းသူမဲ့လေယာဉ်နဲ့ မြေပုံထုတ်တဲ့လုပ်ငန်းတွေ ဆောင်ရွက်တဲ့ဟာက နည်းပညာအသစ်ဖြစ်ပြီးတော့ နိုင်ငံမှာလည်း မောင်းသူမဲ့ လေယာဉ်တွေ အသုံးချပြီးတော့ Detail တွေ၊ Mapping တွေ ထုတ်လုပ်လျက်ရှိပါတယ်။ ပုံမှန်အားဖြင့် လူနဲ့ တိုင်းတာမယ်ဆိုရင်တော့ ရရှိလာမယ့်မြေပုံတွေဟာ တိကျမှုနည်းမယ်၊ ကုန်ကျစရိတ်တွေ များမယ်၊ လူအင်အား တွေ အများကြီးအသုံးချရမှာဖြစ်ပါတယ်။ အချိန်တွေလည်း ကုန်မှာဖြစ်ပါတယ်။ မောင်းသူမဲ့လေယာဉ်တွေ အသုံးချပြီး တော့ မြေပုံတိုင်းတာတဲ့အခါမှာ အချိန်တိုအတွင်းမှာပဲ တိကျတဲ့ Detail တွေ၊ Mapping တွေ ရရှိမှာဖြစ်ပါတယ်။ ဒီနည်းပညာအသစ် တွေကိုလည်း တီထွင်စမ်းသပ်ပြီးတော့ အကျိုးပြု လုပ်ငန်းတွေမှာ ဆောင်ရွက်ပေးလျက်ရှိပါတယ်။

▲▲မောင်းသူမဲ့လေယာဉ်▲▲

၂၀၁၆ ပုဂံငလျင်မှာဆိုရင်လည်း ပုဂံ-ညောင်ဦး ဧရိယာကြီးတစ်ခုလုံးကို သာသနာရေးဝန်ကြီးဌာနက ပညာရေးဝန်ကြီးဌာန ကို အကူအညီတောင်းပြီး ကျွန်တော်တို့တက္ကသိုလ်ကနေ သွားရောက်ပြီးတော့ Survey တိုင်းတာခြင်း၊ Damage Assessment လုပ်ငန်း တွေအတွက်၊ World Heritage လုပ်ငန်းတွေအတွက် ဆောင်ရွက်ပေးနိုင်ခဲ့ပါတယ်။ ဆက်လက်ပြီးတော့လည်း INGo အဖွဲ့ အစည်းတွေနဲ့ပတ်သက်ပြီးတော့ FAO နဲ့ပူးပေါင်းပြီး စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနအတွက် မောင်းသူမဲ့လေယာဉ်လေးစီး တည်ဆောက်ပြီးတော့ Survey တိုင်းတာခြင်းနဲ့ သီးနှံ ဖွံ့ဖြိုးရေးလုပ်ငန်းတွေအတွက် တည်ဆောက်ပြီး သင်တန်းပေးတာတွေ ဆောင်ရွက်ပေး နိုင်ခဲ့ပါတယ်။ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန နဲ့ပူးပေါင်းပြီးတော့ သဘာဝဘေးအန္တရာယ် ဆိုင်ရာလုပ်ငန်း တွေမှာလည်း ဆောင်ရွက်ပေး နိုင်ခဲ့ပါတယ်။ FAO နဲ့ညှိပြီး ကျွန်တော်တို့ဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာနတွေနဲ့ ပူးပေါင်းပြီး မကွေးတိုင်းဒေသကြီး၊ ချင်းပြည်နယ်၊ ပဲခူး တိုင်းဒေသကြီးစတဲ့ ရေဘေးသင့်ဒေသတွေ၊ မြေပြိုတဲ့ဒေသတွေမှာ မောင်းသူမဲ့လေယာဉ် အသုံးချ ပြီးတော့ Damage Assessment လုပ်တဲ့လုပ်ငန်းတွေနဲ့ သဘာဝဘေးအန္တရာယ် ကြိုတင်ကာကွယ်ရေး လုပ်ငန်းတွေမှာ မောင်းသူမဲ့လေယာဉ်တွေကို အသုံးချပြီးတော့ ဆောင်ရွက်ပေး နိုင်ခဲ့ပါတယ်။ ဆောက်လုပ်ရေးဝန်ကြီးဌာနအတွက်လည်း တံတားတည်ဆောက်ရေး လုပ်ငန်းတွေ၊ လမ်းအူကြောင်း ရှာဖွေရေးလုပ်ငန်းတွေ ဆောင်ရွက်ပေးနိုင်ခဲ့ပါတယ်။

▲▲ဘဏ္ဍာငွေများကို ထည့်ဝင်ပေးနိုင်ခဲ့▲▲

လက်ရှိဆောင်ရွက်နေတာကတော့ မန္တလေးစည်ပင် သာယာရေးကော်မတီကနေပြီးတော့ ပညာရေးဝန်ကြီးဌာနကို အကူအညီတောင်းခံမှုနဲ့ မန္တလေးတစ်မြို့လုံး ဧက ၄၈၀၀၀ ကျော်ကို မောင်းသူမဲ့လေယာဉ် အသုံးချပြီးတော့ မြေပုံထုတ်ပါ တယ်။ မြေပုံထုတ်ပြီးရရှိလာတဲ့ မြေပုံကနေ တစ်ဆင့် စည်ပင်သာယာနဲ့ဆိုင်တဲ့အချက်အလက်တွေ၊ ရေသွင်းရေထုတ်နဲ့ ဆိုင်တဲ့အချက်အလက်တွေ၊ Smart City နဲ့ ဆိုင်တဲ့အချက်အလက်တွေ၊ e-Government နဲ့ ဆိုင်တဲ့ အချက်အလက်တွေ ရရှိမှာဖြစ်ပါတယ်။ ဒါကြောင့် တက္ကသိုလ်အဆင့် သုတေသန လုပ်ငန်းတွေ ကနေတစ်ဆင့် အကျိုးပြုလုပ်ငန်းတွေကို ဆောင်ရွက်တဲ့အခါမှာ ရှေ့ကဆရာ၊ ဆရာမကြီးတွေ တင်ပြခဲ့သလို လိုအပ်တဲ့ကြိုးစား ဆောင်ရွက်မှုတွေကို အထူး ကြိုးစားဆောင်ရွက်ပြီးတော့ ရရှိလာမယ့် သုတေသနထုတ်ကုန်တွေကို နိုင်ငံ့အကျိုးပြု လုပ်ငန်းတွေအတွက် ကြိုးစား ဆောင်ရွက်နေတာကို တင်ပြလိုပါတယ်။

ကျွန်တော်တို့ရဲ့ သုတေသနလုပ်ငန်းတွေ၊ သုတေသန ဆောင်ရွက်ထားတဲ့ မောင်းသူမဲ့ လေယာဉ် တွေကို အစိုးရဝန်ကြီးဌာန တွေအပြင် ပြည်တွင်း၊ ပြည်ပအဖွဲ့အစည်း၊ ကုမ္ပဏီတွေနဲ့ပူးပေါင်းပြီး ဆောင်ရွက်ပါတယ်။ အဲဒီလို ဆောင်ရွက်တဲ့အခါမှာ PPP စနစ်နဲ့ ဆောင်ရွက်ခဲ့တဲ့ လုပ်ငန်းတွေ ရှိပါတယ်။ ပရောဂျက် လုပ်ငန်းတွေကနေ တစ်ဆင့်လည်း နိုင်ငံ့အတွက် ဘဏ္ဍာငွေများကို သုတေသန လုပ်ငန်းကနေပြီး ထည့်ဝင်ပေးနိုင်ခဲ့ပါတယ်။

အစီအစဉ်မှူး။ ။ ဟုတ်ကဲ့ပါ။ ဒီကနေ့ ဆွေးနွေးချက် တွေထဲကနေပြီးတော့ ဖြည့်စွက်ဆွေးနွေး လိုတာ ရှိရင်လည်း ဆွေးနွေးပေးပါဦး။

ဒေါက်တာသိင်္ဂီ။။ ။။ တက္ကသိုလ်အဆင့်တောင်မကဘဲနဲ့ အခြေခံကနေစပြီးတော့ ကျောင်းသား၊ ကျောင်းသူတွေ အားလုံး အတွက် Eye Research Support Center ပေါ်ပေါက်လာစေချင်ပါတယ်။ နောက်တစ်ခုက ပြည်တွင်းကနေရရှိတဲ့ ရန်ပုံငွေ တွေ တင်မကဘဲ ပြည်ပကပါ သုတေသန ရန်ပုံငွေတွေကို တောင်းခံလာနိုင်မယ့် Research ကော်မတီတွေ ကိုလည်း ဖွဲ့စည်းစေချင်ပါတယ်။ နောက်ဆုံး တစ်ခုကတော့ တစ်နိုင်ငံ လုံးမှာရှိတဲ့ သုတေသန လုပ်ငန်းတွေကနေ စုစုစည်းစည်းနဲ့ အင်ပြည့်အားပြည့် ဆောင်ရွက်နိုင်ဖို့ National Research Council လိုမျိုး ပေါ်ပေါက်လာ စေချင်ပါတယ်။

အစီအစဉ်မှူး။ ။ ဟုတ်ကဲ့ပါ၊ ကျေးဇူးအထူးတင်ပါတယ်။