moigovnews.blogspot.com

နေပြည်တော် စက်တင်ဘာ ၅

 

နိုင်ငံတော်သမ္မတ ဦးထင်ကျော်​နှင့်ဇနီး ဒေါ်စုစုလွင်တို့သည် အိန္ဒိယသမ္မတ နိုင်ငံဝန်ကြီးချုပ် ရှရီ နာရန်ဒရာ မိုဒီ ဦးဆောင်သည့် ကိုယ်စားလှယ် အဖွဲ့အား ယနေ့ညပိုင်းတွင် နိုင်ငံတော်သမ္မတ အိမ်တော်၌ ဂုဏ်ပြုညစာစားပွဲဖြင့် တည်ခင်းဧည့်ခံ သည်။

 

 ညစာစားပွဲသို့ နိုင်ငံတော်သမ္မတ ဦးထင်ကျော်နှင့် ဇနီး ဒေါ်စုစုလွင်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယသမ္မတ ဦးမြင့်ဆွေနှင့် ဇနီး ဒေါ်ခင်သက်ဌေး၊ ဒုတိယသမ္မတ ဦးဟင်နရီဗန်ထီးယူနှင့် ဇနီး ဒေါက်တာရွှေလွှမ်း၊ ပြည်ထောင်စု ၀န်ကြီးများ၊ ဒုတိယ ၀န်ကြီးများနှင့် တာဝန်ရှိသူများ တက်ရောက်ကြသည်။

ညစာစားပွဲတွင် နိုင်ငံတော်သမ္မတ ဦးထင်ကျော်နှင့် အိန္ဒိယသမ္မတနိုင်ငံ ၀န်ကြီးချုပ် ရှရီ နာရန်ဒရာ မိုဒီတို့က နှုတ်ခွန်းဆက်စကား ပြောကြားကြပြီး ညစာကို အတူ တကွ သုံးဆောင်ကြသည်။

နိုင်ငံတော်သမ္မတ ဦးထင်ကျော်က နှုတ်ခွန်းဆက်စကား ပြောကြားရာတွင် မြန်မာနိုင်ငံနှင့် အိန္ဒိယ နိုင်ငံတို့၏ နှစ်နိုင်ငံ ဆက်ဆံရေးသည် နယ်မြေချင်း ထိစပ်နေသည့် အိမ်နီးချင်း နိုင်ငံများထက် ပိုမိုပါကြောင်း၊ ထို့ပြင် မိမိတို့၏ သမိုင်း ကြောင်းများနှင့် ယဉ်ကျေးမှုသည် ဆက်နွှယ်နေရုံသာမက နှစ်နိုင်ငံ လွတ်လပ်ရေး ကြိုးပမ်းမှု သမိုင်းတွင်လည်း နီးကပ်စွာ တည်ရှိခဲ့ပါကြောင်း၊ မဟတ္တမဂန္ဒီနှင့် ဗိုလ်ချုပ် အောင်ဆန်း၊ ဝန်ကြီးချုပ် ဂျဝါဟာလာ နေရူးနှင့် ဝန်ကြီးချုပ် ဦးနုတို့၏ လွတ်လပ်ရေး ကြိုးပမ်းမှု သမိုင်းကလည်း  ရင်းနှီးချစ်ကြည်မှုကို ပိုမိုခိုင်မာစေပါကြောင်း။

မြန်မာနိုင်ငံ၏ လူမှုစီးပွား ဖွံ့ဖြိုး တိုးတက်ရေး၊ အခြေခံ အဆောက်အအုံ ဖွံ့ဖြိုး တိုးတက်ရေးနှင့် စွမ်းဆောင်ရည်မြှင့်တင်ရေး အတွက် ကူညီ ထောက်ပံ့ပေးခဲ့သည် များကို ကျေးဇူးတင်ရှိပါကြောင်း၊ မကြာသေးမီက မြန်မာ ပြည်သူများအတွက် H1N1 ကာကွယ်ဆေးများကို လှူဒါန်းပေးခဲ့ပါကြောင်း၊ အာနန္ဒာဘုရား အပါအဝင် ၉၂ ဆူသော ပုဂံဘုရားများ ပြန်လည်ပြင်ဆင်ရန်အတွက် အကူအညီ ပေးခြင်းသည်လည်း အိန္ဒိယ နိုင်ငံ၏ ကောင်းမွန်သော စိတ်စေတနာကို ဖော်ညွှန်းနေပါကြောင်း။  

အိန္ဒိယနိုင်ငံ၏ အရှေ့နှင့် လက်တွဲ ဆောင်ရွက်ရေးမူဝါဒ အိမ်နီးချင်း နိုင်ငံသာ ပထမ မူဝါဒများကို လေးစား ဂုဏ်ယူပါကြောင်း၊ ထို့ပြင် အဆိုပါမူဝါဒများသည် နှစ်နိုင်ငံ ချစ်ကြည်ရင်းနှီးမှု ရှိသော ဆက်ဆံရေး ခိုင်မာစေရန် သာမက အာဆီယံ-အိန္ဒိယ ဆွေးနွေးဘက် ဆက်ဆံရေးတွင်လည်း အရေးကြီးသည့် အခန်းကဏ္ဍက ပါဝင်လျက် ရှိပါကြောင်း၊ လာမည့် ၂၀၁၈ ခုနှစ် ဇန်နဝါရီ ၂၅ ရက်တွင် နယူးဒေလီမြို့တွင် အာဆီယံ-အိန္ဒိယ အထိမ်းအမှတ်ညီလာခံကို လက်ခံကျင်းပမည်ဟု သိရှိရသည့် အတွက် ဂုဏ်ယူဝမ်းမြောက်မိပါကြောင်း။

နှစ်နိုင်ငံအနေဖြင့် ဒေသတွင်းနှင့် ကမ္ဘာ့နိုင်ငံများ၏ ငြိမ်းချမ်းရေး၊ တည်ငြိမ် အေးချမ်းရေးတို့တွင်  အတူတကွ ပူးပေါင်းဆောင် ရွက်သွားမည်ဖြစ်ပါကြောင်း ပြော ကြားသည်။ 

အိန္ဒိယသမ္မတနိုင်ငံ ၀န်ကြီးချုပ် ရှရီ နာရန်ဒရာ မိုဒီက နှုတ်ခွန်းဆက်စကား ပြောကြားရာတွင် မိမိတို့ နှစ်နိုင်ငံ သံတမန် ဆက်ဆံရေးသည် နှစ် ၇၀ နီးပါးရှိခဲ့ပြီဖြစ်ပြီး နှစ်နိုင်ငံ လူမှုအသိုင်းအဝိုင်းတွင်လည်း နီးစပ်သော ဆက်သွယ်မှုများ တည်ရှိ ပါကြောင်း၊ အိန္ဒိယနိုင်ငံသည် မြန်မာနိုင်ငံနှင့် အာဆီယံ ဆက်နွှယ်မှုတွင်လည်း ပါဝင်တည်ရှိနေပါကြောင်း၊ ကိုလိုနီ လက်အောက်မှ လွတ်မြောက်ရန် ကြိုးပမ်းမှု သမိုင်းသည် တူညီစွာ တည်ရှိခဲ့ပါကြောင်း၊ ထိုသို့ တူညီစွာ တည်ရှိခဲ့သော အခြေအနေများနှင့်အတူ ပိုမို ချစ်ကြည်ရင်းနှီးသော ဆက်ဆံရေး၊ ပူးပေါင်း ဆောင်ရွက်ရေးကို ဆောင်ရွက်သွားနိုင်မည် ဖြစ်ပါကြောင်း၊ အခြေခံအဆောက်အအုံ၊ ဆက်သွယ်ရေး၊ ကျန်းမာရေးနှင့် စွမ်းဆောင်ရည် မြှင့်တင်ရေး ဆိုင်ရာ ကိစ္စရပ်များတွင် ပိုမို ပူးပေါင်းဆောင်ရွက်သွားမည် ဖြစ်ပါကြောင်း၊ မြန်မာနိုင်ငံ၏ လူမှုစီးပွား ဘဝဖွံ့ဖြိုး တိုးတက်ရန်အတွက် ကူညီ ဆောင်ရွက်သွားမည်ဖြစ်ပါကြောင်း၊ မြန်မာနိုင်ငံ၏ ငြိမ်းချမ်းရေး လုပ်ငန်းစဉ်အတွက် ကြိုးပမ်း ဆောင်ရွက်မှုများကိုလည်း  ဂုဏ်ယူ ဝမ်းမြောက်မိပါကြောင်း ပြောကြားသည်။

ညစာစားပွဲအပြီးတွင် အိန္ဒိယသမ္မတနိုင်ငံ ၀န်ကြီးချုပ် ရှရီ နာရန်ဒရာမိုဒီ ဦးဆောင်သည့် ကိုယ်စား လှယ်အဖွဲ့အား နိုင်ငံတော် သမ္မတအိမ်တော်ရှိ သဘင်ဆောင်၌ သာသနာရေးနှင့် ယဉ်ကျေးမှု ၀န်ကြီး ဌာနမှ အနုပညာရှင်များက ယဉ်ကျေးမှုပဒေသာ ကပွဲဖြင့် ဧည့်ခံဖျော်ဖြေခဲ့သည်။ 

(သတင်းစဉ်)