ထုတ်ပြန်ချက်အမှတ်(၄/၂၀၁၅)
၁။ ၂၀၁၅ ခုနှစ် မတ်လ ၃၁ ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး
လုပ်ငန်းကော်မတီ(UPWC)နှင့် တိုင်းရင်းသား လက်နက်ကိုင် အဖွဲ့အစည်းများ၏
တစ်နိုင်ငံလုံး
အပစ်အခတ် ရပ်စဲရေး ဆိုင်ရာ ညှိနှိုင်းရေးအဖွဲ့ (NCCT)တို့က တစ်နိုင်ငံလုံး ပစ်ခတ်တိုက်ခိုက်မှု
ရပ်စဲရေး သဘောတူစာချုပ်မူကြမ်းကို နှစ်ဖက်သဘောတူ ညှိနှိုင်းပြုစု ရေးဆွဲပြီးစီးကြောင်း
အတည်ပြု လက်မှတ်ရေးထိုးနိုင်ခဲ့ခြင်းသည် မြန်မာနိုင်ငံ၏ သမိုင်းဝင်အောင်မြင်မှုတစ်ရပ်အဖြစ်
မြန်မာနိုင်ငံ အမျိုးသား လူ့အခွင့်အရေးကော်မရှင်မှ ဂုဏ်ပြုမှတ်တမ်းတင်အပ်ပါသည်။
၂။ ဤဆွေးနွေးပွဲမှ ရရှိထားသော သဘောတူစာချုပ်(အတည်ပြုမူကြမ်း)ကို သက်ဆိုင်ရာတိုင်းရင်းသား လက်နက်ကိုင်အဖွဲ့အစည်း အသီးသီးတို့က
မိမိတို့၏ ခေါင်းဆောင်များထံ တင်ပြအတည်ပြုချက်ရယူပြီး တစ်နိုင်ငံလုံး ပစ်ခတ် တိုက်ခိုက်မှု
ရပ်စဲရေး သဘောတူစာချုပ် (Nationwide Ceasefire Agreement-NCA)ကို တရားဝင် လက်မှတ်ရေးထိုးကြမည်ဖြစ်ရာ
အဆိုပါ လုပ်ငန်းစဉ်အား ချောမွေ့လျင်မြန်စွာ အကောင်အထည် ဖော်နိုင်လိမ့်မည်ဟု ကော်မရှင်အနေဖြင့်
မျှော်လင့်ပါသည်။
၃။ ယင်းကဲ့သို့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်ကို ချောမွေ့လျင်မြန်စွာ
လက်မှတ်ရေးထိုးနိုင်ခြင်းအားဖြင့် ပြည်သူလူထု တစ်ရပ်လုံး၏ ဆန္ဒနှင့်အညီ ရေရှည်တည်တံ့ခိုင်မြဲသော
ငြိမ်းချမ်းရေးတည်ဆောက်နိုင်ရေးအတွက် နိုင်ငံရေးဆွေးနွေးပွဲများ စတင်ကျင်းပနိုင်ရန်
များစွာအထောက်အကူဖြစ်စေမည်ဟု ကော်မရှင်အနေဖြင့် ယုံကြည်ကြောင်း ဖော်ပြအပ်ပါသည်။
မြန်မာနိုင်ငံ အမျိုးသားလူ့အခွင့်အရေးကော်မရှင်
No comments:
Post a Comment