ဒေသတွင်း အတွေ့အကြုံ ကောင်းများကို ဆင့်ပွား၍ မြန်မာနိုင်ငံတွင် စွမ်းအားမြှင့် မီးဖိုထုတ်လုပ်ဖြန့်ဖြူးမှု မြှင့်တင်ရေး စီမံကိန်း၏ ကနဦးအလုပ်ရုံ ဆွေးနွေးပွဲကျင်းပ

နေပြည်တော် စက်တင်ဘာ ၁၂

ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာန၊ အင်ကြင်းခန်းမ၌ (၁၂-၉-၂၀၁၄) ရက်နေ့၊ နံနက် (၉:၃၀) နာရီတွင် ကျင်းပပြုလုပ်သည့် ဒေသတွင်း အတွေ့အကြုံ ကောင်းများကို ဆင့်ပွား၍ မြန်မာနိုင်ငံတွင် စွမ်းအားမြှင့်မီးဖို ထုတ်လုပ်ဖြန့်ဖြူးမှု မြှင့်တင်ရေး စီမံကိန်း၏ ကနဦးအလုပ်ရုံဆွေးနွေးပွဲသို့ ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာန ပြည်ထောင်စု ဝန်ကြီး ဦးဝင်းထွန်း တက်ရောက်၍ အဖွင့်အမှာစကား ပြောကြားပါသည်။

ဆွေးနွေးပွဲသို့ ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာန ဒုတိယဝန်ကြီး ဒေါက်တာ သက်သက်ဇင်နှင့် ညွှန်ကြားရေးမှူးချုပ်များ၊ မြန်မာနိုင်ငံဆိုင်ရာ ဥရောပသမဂ္ဂရုံးမှ တာဝန် ရှိသူများ၊ ပြင်သစ်နိုင်ငံ အခြေစိုက် ပြန်ပြည့်မြဲစွမ်းအင် သုတေသနဌာန၊ အရှေ့တောင်အာရှ ဒေသရုံးမှ တာဝန်ရှိသူ များ၊ ဆက်စပ်ဌာနများမှ ကိုယ်စားလှယ်များ၊ အစိုးရမဟုတ်သော အဖွဲ့အစည်းများ တက်ရောက်ကြပါသည်။

ပြည်ထောင်စုဝန်ကြီးမှ အဖွင့်အမှာစကား ပြောကြားရာတွင် သစ်တောဦးစီးဌာနနှင့် ပြင်သစ်နိုင်ငံ အခြေစိုက် ပြန်ပြည့်မြဲစွမ်းအင် သုတေသနဌာနမှ ပူးပေါင်းအကောင်အထည်ဖော်မည့် ဒေသတွင်း အတွေ့အကြုံ ကောင်းများကို ဆင့်ပွား၍ မြန်မာနိုင်ငံတွင် စွမ်းအားမြှင့် မီးဖိုထုတ်လုပ်ဖြန့်ဖြူးမှု မြှင့်တင်ရေး စီမံကိန်း၏ ကနဦးအလုပ်ရုံဆွေးနွေးပွဲကို ကျင်းပရခြင်းဖြစ်ကြောင်း၊ နိုင်ငံတော်ဖွံ့ဖြိုး တိုးတက် ရေးအတွက် လုပ်ငန်းစဉ် (၇) ရပ်ချမှတ်ပြီး စီးပွားရေး ဖွံ့ဖြိုးတိုးတက်ရေးကိုသာမက သဘာဝပတ်ဝန်း ကျင်ထိန်းသိမ်းရေး၊ ဆင်းရဲနွမ်းပါးမှု လျှော့ချရေးနှင့် ကျေးလက်ဒေသ ဖွံ့ဖြိုးရေး လုပ်ငန်းတို့ကို အလေးထား ဆောင်ရွက်လျက် ရှိကြောင်း၊ လူဦးရေနှင့် လူနေမှုစနစ် တိုးတက်လာသည်နှင့်အမျှ ရေ၊ မြေ၊ သဘာဝသယံဇာတများ ထုတ်ယူသုံးစွဲမှု များပြားလာပြီး ပတ်ဝန်းကျင်ဆိုင်ရာ ပြဿနာများဖြစ်သော ရေထု၊ လေထုညစ်ညမ်းမှု၊ ရာသီဥတုပြောင်းလဲခြင်း၊ ဇီဝမျိုးစိတ်များ မျိုးတုံး ပျောက်ကွယ်ခြင်း၊ ဂေဟစနစ်များ ယိုယွင်းခြင်းစသော စိန်ခေါ်မှုများဖြင့် ရင်ဆိုင်နေရကြောင်း၊ သစ်တောသယံဇာတများ ပြုန်းတီးလာမှုသည် ကမ္ဘာ့ရာသီဥတု ပြောင်းလဲမှုအပေါ် တိုက်ရိုက် သက်ရောက်မှုရှိကြောင်း၊ IPCC ၏၂၀၀၇ ခုနှစ်တွင် ထုတ်ပြန်ခဲ့သော အစီရင်ခံစာအရ သစ်တော ပြုန်းတီးမှုနှင့် သစ်တောအတန်းအစား ကျဆင်းမှုကြောင့်  မှန်လုံအိမ် ဓာတ်ငွေ့ထုတ်လွှတ်မှု ပမာဏမှာ ကဏ္ဍအသီးသီး ထုတ်လွှတ်မှု၏ (၁၇.၄)% ရှိကြောင်း၊ သစ်တော ပြုန်းတီးခြင်း၏ အဓိက အကြောင်းအရင်းတစ်ရပ်မှာ လောင်စာအတွက်ထင်း၊ မီးသွေးထုတ်လုပ်ခြင်း ဖြစ်ကြောင်း၊ မြန်မာ့ကျေးလက်နှင့် မြို့ပြပြည်သူများအတွက် ထင်းလိုအပ်ချက် ကုဗတန် (၁၆.၅၃) သန်းခန့်ရှိပြီး ထင်း၊ မီးသွေးသုံးစွဲမှုပမာဏမှာ (၇၆.၄၁)% ထိရှိကြောင်း၊ ထို့ကြောင့် နှစ် (၃၀) အမျိုးသား သစ်တောကဏ္ဍ ပင်မစီမံကိန်းအရ ထင်းလောင်စာသုံးစွဲမှု ပမာဏသည် ၂၀၀၀ ပြည့်နှစ်တွင် စွမ်းအင်သုံးစွဲမှု စုစုပေါင်း (၇၆.၆)%၊ ၂၀၂၀ ခုနှစ်တွင် (၅၈)% နှင့် ၂၀၃၀ ခုနှစ်တွင် (၄၆)% အထိ လျော့ကျစေရန် ရည်ရွယ်ဆောင်ရွက်လျက် ရှိပါကြောင်း၊ ဝန်ကြီးဌာနအနေဖြင့် အပူပိုင်းဒေသ စိမ်းလန်းစိုပြည်ရေး ဦးစီးဌာနမှ ကျေးလက်ဒေသများတွင် စွမ်းအားမြှင့်မီးဖိုများဖြန့်ဝေခြင်း၊ ထင်းအစား အခြားလောင်စာ သုံးစွဲခြင်းလုပ်ငန်းကို အဓိကထား အကောင်အထည်ဖော်ဆောင်ရွက်လျက်ရှိရာ ၁၉၉၇-၉၈ ခုနှစ်မှ ယနေ့အထိ စွမ်းအားမြှင့်မီးဖို လုံးရေ (၅) သိန်းခန့် ဖြန့်ဝေနိုင်ခဲ့ပြီး ဖြစ်ပါကြောင်း၊ စွမ်းအားမြှင် မီးဖို သုံးခြင်းဖြင့် ထင်းလောင်စာကုန် ကျမှု (၄၀)% သက်သာပြီး ကျေးလက်ပြည်သူများအနေဖြင့် တစ်နှစ်လျှင် ထင်း (၂.၅) တန်သုံးစွဲရသဖြင့် စွမ်းအားမြှင့်မီးဖို (၁) လုံး သုံးစွဲပါက တစ်နှစ်စာအတွက် ထင်း (၁) တန် ချွေတာနိုင်ကြောင်း၊ သစ်တောဦးစီးဌာနနှင့် ပြင်သစ်နိုင်ငံ အခြေစိုက် ပြန်ပြည့်မြဲ စွမ်းအင်သုတေသနဌာနတို့ ပူးပေါင်းပြီး ဧရာဝတီတိုင်းဒေသကြီး၊ မန္တလေးတိုင်းဒေသကြီးနှင့် စစ်ကိုင်းတိုင်း ဒေသကြီးတို့တွင် ထုတ်လုပ်မှုမြှင့်တင်ရေးနှင့် ဖြန့်ဖြူးရေးအတွက် အကောင်အထည် ဖော် ဆောင်ရွက်သွားမည်ဖြစ်ကြောင်း၊ စွမ်းအားမြှင့် မီးဖိုအသုံးပြုခြင်းဖြင့် ထင်းသုံးစွဲမှု၊ သဘာဝ တောများအပေါ် မှီခိုမှုလျော့ကျလာခြင်း၊ အချိန်ကုန်ငွေကုန်သက်သာခြင်း၊ မီးအန္တရာယ် ကာကွယ်ခြင်း၊ ကာဗွန်ထုတ်လွှတ်မှု နည်းပါးစေခြင်း၊ ပတ်ဝန်းကျင် ထိန်းသိမ်းရေးကို အထောက်အကူပြုခြင်း စသည့် အကျိုးကျေးဇူးများ ရရှိနိုင်မှာ ဖြစ်ကြောင်းဖြင့် ဆွေးနွေးမှာကြားပါသည်။

အဆိုပါ အလုပ်ရုံဆွေးနွေးပွဲကို ပြင်သစ်နိုင်ငံ အခြေစိုက် ပြန်ပြည့်မြဲစွမ်းအင် သုတေသနဌာနမှ ပညာရှင်များ၊ ဆက်စပ်ဌာနများမှ ကိုယ်စားလှယ်များ၊ အစိုးရမဟုတ်သော အဖွဲ့အစည်းများနှင့် ပညာရှင် များတို့မှ ပြန်ပြည့်မြဲစွမ်းအင်ဆိုင်ရာ စာတမ်းများ ဖတ်ကြားပြီး ဆွေးနွေးပွဲကို ညနေ (၄:၃၀) တွင် ရုတ်သိမ်း လိုက်ကြောင်း သတင်းရရှိပါသည်။