မြိတ်မြို့တွင် မြန်မာ-ထိုင်း စီးပွားရေးနှင့် ရင်းနှီးမြုပ်နှံမှု ဆိုင်ရာ တွေ့ဆုံဆွေးနွေးပွဲ ကျင်းပ

မြိတ် စက်တင်ဘာ ၁၁ ရက်

မြိတ်ဒေသ၏ စီးပွားရေးနှင့်ရင်းနှီးမြုပ်နှံမှု ဖွံ့ဖြိုးတိုးတက်ရေးအတွက် မြိတ်ခရိုင် ကုန်သည်များနှင့် စက်မှုလက်မှု လုပ်ငန်းရှင်များအသင်းမှ စီးပွားရေး လုပ်ငန်းရှင်းများနှင့် ထိုင်းနိုင်ငံ The Federation of Thai Industries (FTI) မှ လုပ်ငန်းရှင်များ စီးပွားရေးနှင့် ရင်းနှီးမြုပ်နှံမှုဆိုင်ရာ တွေ့ဆုံဆွေးနွေးပွဲကို စက်တင်ဘာ လ (၁၁)ရက် နံနက်(၁၀)နာရီ က မြိတ်မြို့ ပုလဲသန္တာဟိုတယ်တွင် ကျင်းပခဲ့သည်။ 

 

ရှေးဦးစွာ မြိတ်ခရိုင် ကုန်သည်များနှင့် စက်မှုလက်မှုလုပ်ငန်းရှင်များ အသင်း ဥက္ကဌ ဦးလှသန်းက ကြိုဆိုနုတ်ခွန်းဆက် စကားနှင့် တွေ့ဆုံဆွေးနွေးမှုတွင် နှစ်ဦးနှစ်ဖက် အကျိုးကျေးဇူးများရရှိစေနိုင်သော ကုန်သွယ်မှုနှင့်စီးပွားရေး အခွင့် အလမ်း ကောင်းများ ဆွေးနွေးပြောကြားခဲ့သည်။

ယင်းနောက် ထိုင်းနိုင်ငံ The Federation of Thai Industries (FTI) မှ ဒါရိုက်တာ Mrs. Manunchaia Fueangfukachorn  က တွေ့ဆုံ ဆွေးနွေးပွဲ ကျင်းပရခြင်းနှင့် ပတ်သက်၍ ရှင်းလင်းပြောကြားခဲ့သည်    ထို့နောက် ထိုင်းနိုင်ငံ The Federation of Thai Industries (FTI) မှ စီးပွားရေးကုန်ထုတ်လုပ်မှု လုပ်ငန်းရှင်(၂၇)ဦးက တစ်ဦးချင်း မိမိတို့ထုတ်ကုန်များဖြစ်သော ရေလုပ်ငန်းသုံးပစ္စည်းများ၊ ရေထွက် ပစ္စည်းများ၊ အသုံးအဆောင်ပစ္စည်းများ၊ စားသောက်ကုန်ပစ္စည်းများကို ရှင်းလင်းပြောကြားခဲ့ကြသည်။

ဆက်လက်၍ နှစ်နိုင်ငံခေါင်းဆောင်များက  အမှတ်တရလက်ဆောင်ပစ္စည်းများ အပြန်အလှန် လဲလှယ် ခဲ့ကြပြီး  မြိတ်ခရိုင် ကုန်သည်များနှင့်စက်မှုလက်မှုလုပ်ငန်းရှင်များအသင်း ဒုတိယဥက္ကဌ ဦးထွန်းထွန်းဝင်းက မြိတ်အဝေးပြေး ကားဝင်းတည်ဆောက်ရေး စီမံကိန်းလုပ်ငန်များ ဆွေးနွေးပြောကြား၍ ဆွေးနွေးပွဲ ရုပ်သိမ်း ခဲ့သည်။

ဆွေးနွေးပွဲအပြီးတွင် ထိုင်းနိုင်ငံ စီးပွားရေးလုပ်ငန်းရှင်များက နမူနာပစ္စည်းများဖြင့် ခင်းကျင်းပြသ ပေးခဲ့၍ စီးပွားရေးနှင့်ရင်းနှီးမြုပ်နှံမှုဆိုင်ရာကိစ္စရပ်များ လုပ်ငန်းရှင်များအချင်းချင်း ဆွေးနွေးခဲ့ကြသည်။

အဆိုပါ ဆွေးနွေးပွဲသို့ မြိတ်ခရိုင် ကုန်သည်များနှင့်စက်မှုလက်မှုလုပ်ငန်းရှင်များအသင်းမှ စီးပွားရေး လုပ်ငန်းရှင် (၆၅)ဦး နှင့် ထိုင်းနိုင်ငံ The Federation of Thai Industries (FTI)မှ လုပ်ငန်းရှင်(၄၈)ဦး တက်ရောက် ဆွေးနွေးခဲ့ကြောင်း သတင်းရရှိသည်။