နေပြည်တော် ဇွန် ၁၃
မြန်မာနိုင်ငံ၌ ချစ်ကြည်ရေးခရီးရောက်ရှိနေသော
တီမောလက်စ်တေ ဒီမိုကရက် တစ်သမ္မတနိုင်ငံ နိုင်ငံခြားရေး နှင့် ပူးပေါင်းဆောင်ရွက်ရေးဝန်ကြီး
Mr.Dionisio da Costa Babo Soares ဦးဆောင်သည့် ကိုယ်စားလှယ် အဖွဲ့ သည် ယနေ့တွင် နေပြည်
တော်ရှိ ဥပ္ပါတသန္တိစေတီတော်မြတ်ကြီးအား ဖူးမြော်ကြည်ညို၍ မြန်မာ့ကျောက်မျက် ရတနာ ပြတိုက်သို့
သွားရောက်လေ့လာကြည့်ရှုသည်။
ရှေးဦးစွာ နိုင်ငံခြားရေးနှင့် ပူးပေါင်းဆောင်ရွက်ရေးဝန်ကြီး
နှင့်အဖွဲ့သည် ဥပ္ပါတသန္တိစေတီတော်မြတ်ကြီးသို့
ရောက်ရှိ ကြပြီး ဥပ္ပါတသန္တိ စေတီတော်လှိုဏ် အတွင်းရှိ ဗုဒ္ဓရုပ် ပွားတော်မြတ်အား ပန်း၊
ရေချမ်းများ ကပ်လှူ ပူဇော်ကာ ဧည့်သည် တော်မှတ်တမ်းစာအုပ်တွင် လက်မှတ်ရေးထိုး၍ အလှူငွေများပေးအပ်လှူဒါန်းသည်။
ဆက်လက်၍ နိုင်ငံခြားရေးနှင့် ပူးပေါင်းဆောင်ရွက်ရေး
ဝန်ကြီးနှင့်အဖွဲ့သည် မြန်မာ့ ကျောက်မျက် ရတနာ ပြတိုက်သို့ သွားရောက်၍ ကျောက်မျက်ပြခန်းဆောင်နှင့်
ကျောက်မျက်ရတနာဈေးတို့တွင် ပြသထားသော မြန်မာနိုင်ငံထွက် အဖိုးတန် ကျောက်စိမ်း၊ ကျောက်မျက်၊
ပုလဲ၊ ငွေထည်နှင့် သယံဇာတများကို ကြည့်ရှု လေ့လာ ကြပြီး ဧည့်သည်တော်မှတ်တမ်းစာအုပ်တွင်
လက်မှတ်ရေးထိုးသည်။
ညပိုင်းတွင် နိုင်ငံခြားရေးနှင့် ပူးပေါင်းဆောင်ရွက်ရေး
ဝန်ကြီးနှင့်အဖွဲ့သည် နေပြည်တော် အပြည်ပြည်ဆိုင်ရာ လေဆိပ်မှ တဆင့် ဘန်ကောက်မြို့သို့ပြန်လည်
ထွက်ခွာသွားသည်။
(သတင်းစဉ်)
No comments:
Post a Comment