စစ်တွေ ဇွန် ၁၃
အိန္ဒိယ-မြန်မာချစ်ကြည်ရေးစီမံကိန်းအရ
ရခိုင်ပြည်နယ်အစိုးရအဖွဲ့သို့ အိန္ဒိယနိုင်ငံအစိုးရမှ လယ်ထွန်စက် ၁၅ စီး၊
စပါးရိတ်သိမ်းခြွေလှေ့စက် ၁၅ စီး၊ ကွန်ပျူတာအလုံး ၄၀ နှင့် ဆက်စပ် ပစ္စည်းများ
ထောက်ပံ့ ပေးအပ် လှူဒါန်းပွဲ အခမ်းအနားကို ယနေ့ညနေပိုင်းကစစ်တွေမြို့ စစ်တွေ
ဆိပ်ကမ်း၌ ကျင်းပသည်။
စိုက်ပျိုးရေး ကဏ္ဍများ ဖွံ့ဖြိုးလာစေရန်
အခမ်းအနားတွင် မြန်မာနိုင်ငံဆိုင်ရာအိန္ဒိယသံအမတ်ကြီး Mr.
Saurabh Kumar က
ရခိုင်ပြည်နယ်အတွက် စိုက်ပျိုးရေး ကဏ္ဍများ ဖွံ့ဖြိုးလာစေရန်နှင့် လူငယ်များအကြား
နည်းပညာ ကဏ္ဍဖွံ့ဖြိုး တိုးတက်လာပြီး အလုပ် အကိုင် အခွင့်အလမ်းများ
ပိုမိုရရှိလာစေရန် ရည်ရွယ်၍ လယ်ထွန်စက်များ၊ ရိတ်သိမ်း ခြွေလှေ့စက်များ၊
ကွန်ပျူတာများနှင့် ဆက်စပ်ပစ္စည်းများ လှူဒါန်းပေးအပ်ရခြင်းဖြစ်ကြောင်း
ပြောကြားသည်။
အကျိုးရှိရှိအသုံးပြုသွားမည်
ထို့နောက် ရခိုင်ပြည်နယ်ဝန်ကြီးချုပ်ဦးညီပုက ကျေးဇူးတင်စကား
ပြန်လည်ပြောကြားရာတွင် မြန်မာနိုင်ငံနှင့် အိန္ဒိယ နိုင်ငံ သည်အိမ်နီးချင်း
နိုင်ငံများဖြစ်သည်နှင့်အညီ ကာလကြာရှည် ချစ်ကြည် ရင်းနှီးစွာနေထိုင် လာခဲ့ကြ သည့်
နိုင်ငံဖြစ်ပါကြောင်း၊ ရခိုင်ပြည်နယ် စိုက်ပျိုးရေးကဏ္ဍနှင့် ကွန်ပျူတာ တက္ကသိုလ်မှ
ကျောင်းသား၊ ကျောင်းသူများ အတွက် အမှန်တကယ် လိုအပ်နေသည့် ပစ္စည်းများကို
အိန္ဒိယနိုင်ငံအနေဖြင့် နှစ်နိုင်ငံ အကျိုးရှေးရှုပြီး ကူညီ ဆောင်ရွက်ပေးမှုကို
ကျေးဇူး တင်ရှိပါကြောင်း၊ ရခိုင်ပြည်နယ်သည် စိုက်ပျိုးရေးကိုအဓိကအား ထားရသည့်
ပြည်နယ်တစ်ခုဖြစ်ရာ ယခုပေးအပ် လှူဒါန်းသည့် ပစ္စည်းများကိုအကျိုးရှိရှိအသုံးပြုသွားမည်ဖြစ်ကြောင်း
ပြောကြားသည်။
ယင်းနောက် ရခိုင်ပြည်နယ်ဝန်ကြီးချုပ်ထံ အိန္ဒိယနိုင်ငံ
သံအမတ်ကြီးက လယ်ထွန်စက် ၁၅ စီး၊ စပါးရိတ်သိမ်း ခြွေလှေ့စက် ၁၅ စီး၊ ကွန်ပျူတာအ
လုံး ၄၀ နှင့် ဆက်စပ်ပစ္စည်းများကို ပေးအပ် လှူဒါန်းသည်။
ပေးအပ်လှူဒါန်းပွဲသို့ ပြည်နယ်ဝန်ကြီးချုပ်နှင့်အတူ
ပြည်နယ်ဝန်ကြီး များဖြစ်ကြသည့် ဦးကျော်အေးသိန်း၊ ဦးကျော်လွင်၊ ဦးအောင်ကျော်ဇံ၊
ပြည်နယ်ဥပဒေချုပ် ဦးကျော်လှထွန်း တို့တက်ရောက်ကြပြီး၊ မြန်မာနိုင်ငံ ဆိုင်ရာ
အိန္ဒိယနိုင်ငံ သံအမတ်ကြီးနှင့် သံရုံးမှတာဝန်ရှိသူများ၊ ကွန်ပျူတာ တက္ကသိုလ်(စစ်တွေ)မှ
ဆရာ ဆရာမများ၊ ကျောင်းသား၊ ကျောင်းသူ များနှင့် ဖိတ်ကြားထားသူများ တက်ရောက်ကြသည်။
သတင်းနှင့်ဓာတ်ပုံ-ဟန်မင်း
No comments:
Post a Comment