ရန်ကုန်တိုင်းဒေသကြီးဝန်ကြီးချုပ်ဦးစိုးသိန်း မြန်မာနိုင်ငံမှ I.S.P.E FC အမျိုးသမီးဘောလုံး အသင်း နှင့် မွန်ဂိုလီးယားနိုင်ငံမှ KHOVD WESTERN FC အမျိုးသမီးဘောလုံးအသင်းတို့၏ ယှဉ်ပြိုင်နေမှု အား ကြည့်ရှုအားပေး

ရန်ကုန် ဩဂုတ် ၂၉

မြန်မာနိုင်ငံမှ I.S.P.E FC အမျိုးသမီးဘောလုံးအသင်းနှင့် မွန်ဂိုလီးယားနိုင်ငံမှ KHOVD WESTERN FC အမျိုးသမီးဘောလုံးအသင်းတို့၏ AFC Women’s Championship League (AWCL) 2025/ 2026 ပြိုင်ပွဲ၏ Preliminary Stage ပြိုင်ပွဲအုပ်စုအဆင့်ပွဲစဉ်ကို ယမန်နေ့ညနေပိုင်းက ရန်ကုန်မြို့ သုဝဏ္ဏဘောလုံးကွင်း၌ ကျင်းပသည်။

ထိုသို့ မြန်မာနိုင်ငံမှ I.S.P.E FC အမျိုးသမီး ဘောလုံးအသင်းနှင့် မွန်ဂိုလီးယားနိုင်ငံမှ KHOVD WESTERN FC အမျိုးသမီးဘောလုံးအသင်းတို့၏ AFC Women’s Championship League (AWCL) 2025/2026 ပြိုင်ပွဲ၏ Preliminary Stage ပြိုင်ပွဲအုပ်စုအဆင့်ပွဲစဉ် ယှဉ်ပြိုင်နေမှုများကို ရန်ကုန် တိုင်းဒေသကြီးဝန်ကြီးချုပ်ဦးစိုးသိန်း၊ တိုင်းဒေသကြီးဝန်ကြီးများ၊ အားကစားနှင့်ကာယပညာဦးစီး ဌာနညွှန်ကြားရေးမှူးချုပ်နှင့်တာဝန်ရှိသူများ၊ ဌာနဆိုင်ရာများမှတာဝန်ရှိသူများ၊ မြန်မာနိုင်ငံဘောလုံးအဖွဲ့ချုပ်မှတာဝန်ရှိသူများ၊ ဖိတ်ကြားထားသောဧည့်သည်တော်များနှင့် ဘောလုံးပရိတ်သတ်များကကြည့်ရှုအားပေးကြရာ ပွဲပြီးဆုံးချိန်တွင်မြန်မာနိုင်ငံမှ I.S.P.E FC  အမျိုးသမီး ဘောလုံးအသင်းက မွန်ဂိုလီးယားနိုင်ငံမှ KHOVD WESTERN FC အမျိုးသမီးဘောလုံးအသင်းကို (၈)ဂိုး ဂိုးမရှိ ဖြင့်အနိုင်ရရှိခဲ့သည်။

မြန်မာနိုင်ငံမှ I.S.P.E FC အမျိုးသမီးဘောလုံးအသင်းသည် AFC Women’s Championship League (AWCL) 2025/ 2026 ပြိုင်ပွဲ၏ Preliminary Stage ပြိုင်ပွဲအုပ်စုအဆင့်ပွဲစဉ်တွင် (၂)ပွဲ ကစားအပြီး ရမှတ်(၆)မှတ်ရရှိကာ ကျန်ပွဲစဉ်အဖြစ် ၂၀၂၅ ခုနှစ်၊ ဩဂုတ်လ(၃၁)ရက်နေ့တွင် ဖိလစ် ပိုင်နိုင်ငံမှ STALLION LAGUNA FC အမျိုးသမီးဘောလုံးအသင်းဖြင့် ယှဉ်ပြိုင်ကစားသွားရမည် ဖြစ်ကြောင်းသိရသည်။

ဇွဲထက်ကို(ပြန်/ဆက်)