မွန်ပြည်နယ်ဝန်ကြီးချုပ်ဦးအောင်ကြည်သိန်း ချောင်းဆုံမြို့နယ်ရှိ ကျောင်းကျန်းမာရေးစစ်ဆေးခြင်းလုပ်ငန်းနှင့် လူငယ်စကားဝိုင်းဆောင်ရွက်နေမှုအား ကြည့်ရှုအားပေး

မော်လမြိုင် ဩဂုတ် ၂၉

မွန်ပြည်နယ်၊ ချောင်းဆုံမြို့နယ်အတွင်းရှိ ကျောင်းသား၊ ကျောင်းသူများ ကာယဉာဏ ဖွံ့ဖြိုး တိုးတက်လာစေရန်အတွက် ကွမ်သဲ(အ.ထ.က)ကျောင်းတွင် ကျောင်းကျန်းမာရေးစစ်ဆေးခြင်း၊ အာဟာရကျွေးမွေးခြင်းနှင့် ကျောင်းစာကြည့်တိုက်ဖွံ့ဖြိုးတိုးတက်ရေးလှုပ်ရှားမှု လူငယ်စကား ဝိုင်းများဆောင်ရွက်လျက်ရှိရာ ဩဂုတ် ၂၈ ရက်နေ့နံနက်ပိုင်းက မွန်ပြည်နယ်ဝန်ကြီးချုပ် ဦးအောင်ကြည်သိန်းနှင့် ပြည်နယ်အစိုးရအဖွဲ့ဝင်ဝန်ကြီးများ ဌာနတာဝန်ရှိသူများ လာရောက် ကြည့်ရှုအားပေးခဲ့ကြသည်။

ဦးစွာ မွန်ပြည်နယ်ဝန်ကြီးချုပ်နှင့်ပြည်နယ်အစိုးရဖွဲ့ဝင်ဝန်ကြီးများက ကွမ်သဲ(အ.ထ.က)ကျောင်းအတွင်း ကျန်း မာရေးဦးစီးဌာနမှ ကျောင်းကျန်းမာရေးစစ်ဆေးခြင်းနှင့် ကုသခြင်း လုပ်ငန်းများ၊ သွားနှင့်ခံတွင်းအထွေထွေစစ် ဆေးကုသခြင်းလုပ်ငန်းဆောင်ရွက်နေမှုများနှင့် KG ကျောင်းသား၊ ကျောင်းသူများအားကျန်းမာရေးသတ်မှတ်စံနှုန်းများနှင့်အညီ အာဟာရ ကျွေးမွေးခြင်းလုပ်ငန်းများဆောင်ရွက်နေမှုများကို ကြည့်ရှုအားပေးခဲ့သည်။

ဆက်လက်၍ မွန်ပြည်နယ်ဝန်ကြီးချုပ်နှင့် ပြည်နယ်အစိုးရဖွဲ့ဝင်ဝန်ကြီးများက အဆိုပါကျောင်းအောင်သပြေခန်းမ၌ပြုလုပ်သည့် ကျောင်းစာကြည့်တိုက်ဖွံ့ဖြိုးတိုးတက်ရေးလှုပ်ရှားမှု လူငယ်စကားဝိုင်းသို့တက်ရောက်ပြီး ပြည်နယ်ဝန်ကြီးချုပ်က နိုင်ငံတော်စဉ်ဆက်မပြတ်ဖွံ့ဖြိုးတိုးတက်ခိုင်မာစေရေးအတွက် အမျိုးသားပညာရေးကဏ္ဍ၊ ကျန်းမာရေးကဏ္ဍတို့ကို အလေးထားမြှင့်တင်ရေးဆိုတဲ့အချက်နှင့်အညီ လူငယ်များ၏ကာယ၊ ဉာဏ၊ စာရိတ္တ၊ မိတ္တနှင့်ဘောဂဆိုသည့် ဗလငါးတန်ဖွံ့ဖြိုးတိုးတက်ဖို့အဓိကလိုအပ်ကြောင်း၊ လူငယ်စကားဝိုင်းများကို ကျောင်းသား လူငယ်များကြားမျှဝေခြင်းနှင့် ဆွေးနွေးဖလှယ်ခြင်းစွမ်းရည်များ တိုးတက်လာစေရန်၊ အသိ ပညာဗဟုသုတများတိုးပွားလာစေရန်၊ ပူးပေါင်းဆောင်ရွက်မှုတိုးတက်လာစေရန်နှင့် လူငယ်များဉာဏစွမ်းရည်မြင့်မားတိုးတက်လာစေရန် ရည်ရွယ်ကျင်းပရခြင်းဖြစ်ကြောင်း၊ နိုင်ငံတော်အစိုးရ အနေဖြင့် စာဖတ်ရှိန်မြှင့်တင်ရေးလှုပ်ရှားမှု၊ အားကစားပြိုင်ပွဲ၊ မူးယစ်ဆေးဝါးအသိပညာပေး ဟောပြောပွဲ၊ နည်းပညာနှင့် ကိုယ်ကျင့်အဘိဓမ္မာသင်တန်းကျောင်းများ ဖွင့်လှစ်ဆောင်ရွက်နေမှုများကိုအားပေးဆောင်ရွက်လျက်ရှိရာ အားလုံးသိရှိပြီးဖြစ် ကြောင်း၊ လူငယ်စကားဝိုင်းများမှ သဘောထားအမြင်များကျယ်ပြန့်လာခြင်း၊ ဗဟုသုတများတိုးပွားလာခြင်း၊ စ ကားပြောစွမ်းရည် များတိုးတက်လာခြင်း၊ နားထောင်မှုစွမ်းရည်မြင့်မားလာခြင်း၊ ပူးပေါင်းဆောင်ရွက်မှု အား ကောင်းလာခြင်း၊ ပြဿနာရပ်များကို မတူညီသောအမြင်များဖြင့်ဖြေရှင်းနိုင်ခြင်း၊ ခေါင်းဆောင်မှု စွမ်းရည်များတိုးတက်လာခြင်းစသည့် အကျိုးကျေးဇူးများရရှိစေမှာဖြစ်ပြီး ယနေ့လူငယ် နောင်ဝယ်လူကြီးဆိုသကဲ့သို့ ယခုလူငယ်ဘဝတွင် သင်ယူထိုက်တာတွေကို သင်ယူခဲ့ကြမှသာ အရည်အချင်းရှိတဲ့ ဦးဆောင်သူတွေဖြစ်လာကြမှာဖြစ်၍ မိမိအကျိုး၊ မိမိပတ်ဝန်းကျင်အကျိုး၊  နိုင်ငံ၏အကျိုးကိုသယ်ပိုးနိုင်သည့် သားကောင်းသမီးကောင်းများဖြစ်လာစေရန် တိုက်တွန်းမှာ ကြားခဲ့သည်။

ထို့နောက် လူငယ်စကားဝိုင်းဆွေးနွေးပွဲကျင်းပရာ ချောင်းဆုံမြို့နယ် ပြန်ကြား‌ရေးနှင့်ပြည်သူ့ဆက်ဆံရေးဦးစီး ဌာနဦးစီးအရာရှိဒေါ်မိသူဇာက ဦးဆောင်ဆွေးနွေးသူအဖြစ်ဆောင်ရွက်ကာ ပါဝင်ဆွေးနွေးသူများအဖြင့် (Grade-12) ကျောင်းသားမောင်အောင်ပြည့်ဖြိုးက “မူးယစ်ဆေးဝါး ၏ဆိုးကျိုး”၊ (Grade-10) ကျောင်းသားမောင်ပညာသွန်းက“ မူးယစ်ဆေးဝါးသုံးစွဲ ခြင်းကြောင့်ဖြစ်ပေါ်လာတဲ့ပြဿနာ”၊ (Grade-12) ကျောင်းသူမခိုင်ဝါမြင့်က “မူးယစ်ဆေးဝါး အမျိုးအစား”နှင့် (Grade-10) ကျောင်းသူမဖြူစင်အေးမင်းက “မူးယစ်ကင်းစင်ရေးအတွက် လုပ်ဆောင်ရမည့်အချက်” စသည့်‌ခေါင်းစဥ်များဖြင့် အသီးသီးဆွေးနွေးခဲ့ကြပြီး တက်ရောက်လာကြသူများမှ သိရှိလိုသည်များကို ပြန်လည်ဖြေကြားခြင်းများဆောင်ရွက်ခဲ့ကြသည်။

ယင်းနောက် ပြည်နယ်ဝန်ကြီးချုပ်ဦးအောင်ကြည်သိန်းက ကွမ်သဲ(အ.ထ.က)ကျောင်း ဘင်ခရာ တီးဝိုင်းအတွက်လိုအပ်သောပစ္စည်းများ ဝယ်ယူနိုင်ရန်အတွက် ချီးမြှင့်ငွေကျပ် သိန်း(၃၅၀)နှင့် လူငယ်စကားဝိုင်းတွင် ဦးဆောင်ဆွေးနွေးသူနှင့် ပါဝင်ဆွေးနွေးခဲ့ကြသူများအား ဂုဏ်ပြုဆုငွေများချီးမြှင့်ပေးအပ်ခဲ့ပြီး မွန်ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝန်ကြီးများက လူငယ်စကားဝိုင်းတက်ရောက်လာကြသည့် ကျောင်းသား၊ ကျောင်းသူများနှင့် ရင်းရင်းနှီးနှီးတွေ့ဆုံကာ အားပေးစကားပြောကြားခဲ့ကြောင်း သိရသည်။

စည်သူ(ပြန်/ဆက်)