လွိုင်ကော် နိုဝင်ဘာ ၂၈
၂၀၂၆ ခုနှစ်၊ ဇန်နဝါရီလ ၁၅ ရက်တွင် ကျရောက်မည့် (၇၄) နှစ်မြောက် ကယားပြည်နယ်နေ့ အခမ်းအနားအောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယမန်နေ့ မွန်းလွဲပိုင်းက ပြည်နယ်အစိုးရအဖွဲ့ရုံးအစည်းအဝေးခန်းမ၌ ကျင်းပရာ ပြည်နယ်ဝန်ကြီးချုပ် ဦးဇော်မျိုးတင်၊ ဒေသကွပ်ကဲရေးမှူး ပြည်နယ်အစိုးရအဖွဲ့ဝင်များ၊ ဌာနဆိုင်ရာများ တက်ရောက်ကြသည်။
အစည်းအဝေးတွင် ပြည်နယ်ဝန်ကြီးချုပ်က အဖွင့်အမှာစကားပြောကြားရာ၌ (၇၄) နှစ်မြောက်
ကယားပြည်နယ်နေ့ အထိမ်းအမှတ်အခမ်းအနားကို အနှစ်သာရရှိစွာဖြင့် အောင်မြင်စွာ ကျင်းပနိုင်ရေး
သက်ဆိုင်ရာကော်မတီအသီးသီးက မိမိတို့ကဏ္ဍအလိုက် လုပ်ငန်းများကို အကောင်အထည်ဖော်ဆောင်ရွက်ကြရန်ဖြစ်ပါကြောင်း၊
ပြည်နယ်နေ့အခမ်းအနားတွင် တိုင်းရင်းသားရိုးရာအကများ၊ ပြပွဲများ၊ ပျော်ပွဲရွှင်ပွဲများ၊
အားကစားပြိုင်ပွဲများ ထည့်သွင်း၍ စည်ကားသိုက်မြိုက်စွာ ကျင်းပနိုင်ရေးနှင့် ပြည်နယ်နေ့အခမ်းအနားသို့
ပြည်နယ်သူ၊ ပြည်နယ်သားများအားလုံး ဂုဏ်ယူစွာဖြင့် ပါဝင်ဆင်နွှဲနိုင်ရေးအတွက် ဆောင်ရွက်ရမည့်
လုပ်ငန်းများကို ယခုကတည်းက ကြိုတင်ပြင်ဆင်စီမံဆောင်ရွက်ကြရန် ဖြစ်ပါကြောင်းစသည်ဖြင့်
ပြောကြားခဲ့သည်။
ထို့နောက် အစည်းအဝေးသို့ တက်ရောက်လာသည့် ကော်မတီ၊ ဆပ်ကော်မတီအသီးသီးမှ တာဝန်ရှိသူများက
မိမိတို့သက်ဆိုင်ရာကဏ္ဍအလိုက် ဆောင်ရွက်မည့် လုပ်ငန်းအစီအမံများ၊ လိုအပ်ချက်များ၊ ဖြည့်ဆည်းပေးရန်အချက်များ
တင်ပြခဲ့ကြပြီး ပြည်နယ်အစိုးရအဖွဲ့ဝင်များက ဖြည့်စွက်ဆွေးနွေးခဲ့ကြသည်။
ထို့နောက် ပြည်နယ်ဝန်ကြီးချုပ်က ဆွေးနွေးတင်ပြမှုများအပေါ် လိုအပ်သည်များ ပေါင်းစပ်ညှိနှိုင်းပေးခဲ့ပြီး
နိဂုံးချုပ်အမှာစကားပြောကြားခဲ့ကြောင်း သိရသည်။
မြို့နယ် (ပြန်/ဆက်)
No comments:
Post a Comment