နေပြည်တော်
ဧပြီ ၇
ရှမ်းပြည်နယ်(အရှေ့ပိုင်း)
ကျိုင်းတုံ၊ မိုင်းခုတ်၊ မိုင်းဆတ်နှင့် တာချီလိတ် မြို့နယ်များ အတွင်းရှိ
နယ်စပ်ဒေသဖွံ့ဖြိုးရေးလုပ်ငန်း များကို ဧပြီ ၄ ရက်မှ ၆ ရက်အထိ နယ်စပ်ရေးရာ
ဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ် သွားရောက်ကြည့်ရှုစစ်ဆေး ခဲ့သည်။
ထို့နောက်
ဒုတိယ၀န်ကြီးသည် ဧပြီ ၅ ရက်တွင် ဒေသတင်ပြချက်အရ လိုအပ်လျက်ရှိသည့်
မိုင်းဆတ်မြို့နယ် ၀မ်ဟုန် - ဆိတ်ခြံ - ဟိုပန် - ဟိုရွက် - နားပါကော် (၄၀/၁)မိုင်
အတွင်း ပေ ၃၀ အကျယ် မြေသားလမ်းအား မြေဖို့ခြင်း၊ လမ်းအကျယ်ချဲ့ခြင်း၊
ပြုပြင်ထိန်းသိမ်းခြင်းလုပ်ငန်းနှင့် Box Culvert တည်ဆောက်ခြင်းလုပ်ငန်းများကို
ကြည့်ရှုစစ်ဆေးခဲ့ပြီး သတ်မှတ်ကာလအတွင်း အချိန်မီပြီးစီးရေး၊
စံချိန်စံညွှန်းပြည့်မီရေး အရှိန်အဟုန်မြင့် ဆောင်ရွက်ရန် မှာကြားပြီး
မိုင်းဆတ်ခရိုင် ဖွံ့ဖြိုးမှုကြီးကြပ်ရေးရုံးနှင့် (၂)ခန်းတွဲ ဝန်ထမ်းအိမ်ရာကို
ကြည့်ရှုစစ်ဆေး၍ မိုင်းဆတ်မြို့ ဘုန်းတော်ကြီးသင် ပညာရေး သဗ္ဗညု သာသနာကျောင်းရှိ
ကျောင်းသား/ကျောင်းသူများအတွက် ကျောင်းဝတ်စုံများ၊ ဗလာစာအုပ်များနှင့် ထောက်ပံ့ငွေများကို
ပေးအပ်သည်။
ယင်းနောက်
ဒုတိယ၀န်ကြီးသည် ဧပြီ ၆ ရက်တွင် မိုင်းဆတ်မြိုနယ်အတွင်းရှိ ၂၀၁၇ - ၂၀၁၈
ဘဏ္ဍာရေးနှစ်မှစတင်၍ အကောင်အထည်ဖော် ဆောင်ရွက်ခဲ့သော လွယ်ပါရင် (၂) -
မယ်ကြုတ်(၁၁/၄)မိုင်အနက် လက်ရှိဘဏ္ဍာရေးနှစ် (၃/၀)မိုင် ကျောက်ခင်းခြင်း၊
တံတားများနှင့် Box Culvert တည်ဆောက်ခြင်းလုပ်ငန်းများကို ကြည့်ရူစစ်ဆေးသည်။
(သတင်းစဉ်)
No comments:
Post a Comment