ပြည်ထောင်စုဝန်ကြီးဒေါက်တာဝင်းမြတ်အေး မွန်ပြည်နယ်အတွင်း လူမှုလုပ်ငန်းများဆောင်ရွက်

နေပြည်တော် ဧပြီ ၇

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးသည် ယနေ့နံနက်ပိုင်းက မော်လမြိုင်မြို့၊ လူမှုဝန်ထမ်းဦးစီးဌာန၊ လူငယ်ပြုစုရေး ဌာနသို့ရောက်ရှိ၍ ဌာနက စောင့်ရှောက်ထားသော ကလေးငယ်များအား ရင်းရင်း နှီးနှီးတွေ့ဆုံ နှုတ်ဆက်ပြီး ကလေးငယ်များအား အာဟာရမုန့်များနှင့် ကစားစရာ အရုပ်များကိုပေးဝေခဲ့ကြသည်။ ထို့နောက် ပြည်ထောင်စုဝန်ကြီးနှင့် အဖွဲ့သည် အထူးစောင့်ရှောက်ရန် လိုအပ်သော အမျိုးသမီးများအတွက် လုံခြုံစိတ်ချရသော ခေတ္တနားခိုရာ နေရာသို့သွားရောက်၍ အစောင့်အရှောက်ခံ အမျိုးသမီးများအား တွေ့ဆုံအားပေးစကား ပြောကြားသည်။ 

ဆက်လက်၍ ပြည်ထောင်စုဝန်ကြီးနှင့်အဖွဲ့သည် မော်လမြိုင်မြို့၊ လူမှုဝန်ထမ်းဦးစီးဌာန၊ အိမ်တွင်းမှု သက်မွေးလုပ်ငန်းပညာ သင်ကျောင်း၌ ကျင်းပသော မော်လမြိုင်မြို့နယ် အတွင်းရှိ မူလတန်းကြို ကျောင်းများနှင့် မိခင်ဝိုင်းများမှ မိဘများနှင့်တွေ့ဆုံပွဲသို့ တက်ရောက်ပြီးအမှာ စကားပြောကြားသည်။

ထို့နောက် တက်ရောက်လာကြသော မူလတန်းကြိုကျောင်းများနှင့် မိခင်ဝိုင်းများမှ မိဘများက မူကြို ကျောင်းများတိုးချဲ့ဖွင့်လှစ်နိုင်ရေး၊ ကျောင်းသားဦးရေ တိုးချဲ့လက်ခံပေးရေး၊ မူကြိုဆရာမဦးရေ တိုးမြှင့်ခန့်ထားရေး၊ မိခင်ဝိုင်းနှင့် မူလတန်းကြိုကျောင်းများ ဆက်စပ်နေမှု၊ ပြည်သူလူထုက ပူးပေါင်း ဆောင်ရွက်မှုတို့နှင့်ပတ်သက်၍ တင်ပြဆွေးနွေးကြရာ ပြည်ထောင်စုဝန်ကြီး၊ ဒုတိယဝန်ကြီးနှင့် ညွန်ကြားရေးမှူးချုပ်တို့ကပေါင်းစပ် ညှိနှိုင်းဆွေးနွေးခဲ့ကြသည်။

ထို့နောက် ပြည်ထောင်စုဝန်ကြီးနှင့် အဖွဲ့သည် ပေါင်မြို့နယ် အလှပ်ကျေးရွာသို့ ရောက်ရှိပြီးမိဘ ပြည်သူများအား ရှေးဦးအရွယ် ကလေးသူငယ်များဖွံ့ဖြိုးရေး အခြေအနေ တိုင်းတာစစ်ဆေးမှုနှင့် ပြန်လည် ထူထောင်ရေး (Early Childhood Intervention) နှင့် ပတ်သက်၍ အသိပညာပေးလုပ်ငန်းများ ဆောင်ရွက်နေမှုတွင် ပြည်သူများနှင့်တွေ့ဆုံကာ Early Childhood Intervention ၏ အရေးကြီးမှုအား ရှင်းလင်း ပြောကြားခဲ့ပြီး တက်ရောက်လာသူများ၏ မေးမြန်းမှုများကို ပြည်ထောင်စုဝန်ကြီး၊ ဒုတိယဝန်ကြီးနှင့် လူမှုဝန်ထမ်း ဦးစီးဌာန ညွန်ကြားရေးချုပ်တို့က ပြန်လည်ညှိနှိုင်းပြောကြားသည်။ ထို့နောက် ကျေးရွာတွင် ဖွင့်လှစ်ထားသောရှေးဦး အရွယ်ကလေးသူငယ်များ ဖွံ့ဖြိုးရေးအခြေအနေ တိုင်းတာစစ်ဆေးမှုနှင့် ပြန်လည်ထူထောင်ရေး (ECI) စင်တာမှ အိမ်တိုင်ရာရောက် ဝန်ဆောင်မှုပေးနေသူများ၏ (၅)နှစ်အောက် ကလေးများ ဖွံ့ဖြိုးမှု ဆန်းစစ်ခြင်း လက်တွေ့ဆောင်ရွက်နေမှုများကို သွားရောက် လေ့လာကြည့်ရှုခဲ့ကြသည်။

ECI စင်တာတွင် ရှေးဦးအရွယ် ကလေးသူငယ်များ၏ ကိုယ်ကာယနှင့် ဦးနှောက်ဖွံ့ဖြိုး တိုးတက်ရန် ကဏ္ဍအလိုက် စိစစ်လေ့ကျင့်ပေးလျက်ရှိရာ၌ အခက်အခဲဖြေရှင်းနိုင်ခြင်းဆိုင်ရာ ဖွံ့ဖြိုးမှု၊ စိတ်ခံစားမှု ဆိုင်ရာ ဖွံ့ဖြိုးမှု၊ အပြန်အလှန်ဆက်သွယ်ခြင်းနှင့် ဘာသာစကားဖွံ့ဖြိုးမှု၊ လက်နှင့်လက်ချောင်းများ ဖွံ့ဖြိုးမှုများ အတွက် အထောက်အကူပြုပစ္စည်းများအသုံးပြု၍ လေ့ကျင့်သင်ကြားပေးလျက်ရှိပါသည်။ ဤဝန်ဆောင်မှုကို ရန်ကုန်တိုင်း၊ ဧရာဝတီတိုင်း၊ စစ်ကိုင်းတိုင်းနှင့် မွန်ပြည်နယ်တို့တွင် ရှေ့ပြေးဆောင်ရွက်လျက်ရှိပြီး ဆက်လက်တိုးချဲ့ဆောင်ရွက်သွား မည်ဖြစ်သည်။

မွန်းလွဲပိုင်းတွင် ပြည်ထောင်စုဝန်ကြီးနှင့်အဖွဲ့သည် သထုံခရိုင်၊ လူမှုဝန်ထမ်း ဦးစီးမှူးရုံးသို့ ရောက်ရှိပြီး ဝန်ထမ်းများနှင့်တွေ့ဆုံ၍ လုပ်ငန်းလိုအပ်ချက်များကို ဆွေးနွေးမှာကြားခဲ့ကြောင်း သတင်းရရှိသည်။

(သတင်းစဉ်)