နေပြည်တော်
ဇန်နဝါရီ ၁၈
ပြည်ထောင်စု၏
အခွန်ဘဏ္ဍာငွေ တိုးတက်ရရှိရေး အထောက်အကူပြု ဦးစီးကော်မတီ လုပ်ငန်း ညှိနှိုင်း အစည်းအဝေးကို
ယနေ့တွင် နေပြည်တော်ရှိ စီမံကိန်းနှင့်ဘဏ္ဍာရေး ဝန်ကြီးဌာန၊ အစည်းအဝေး ခန်းမ၌ကျင်းပခဲ့ရာ
စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း တက်ရောက် အမှာစကား
ပြောကြားသည်။
အဆိုပါ
အစည်းအဝေးသို့ စီမံကိန်းနှင့်ဘဏ္ဍာရေး ဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း၊ နေပြည်တော်ကောင်စီနယ်မြေ
အပါအဝင် တိုင်းဒေသကြီး/ပြည်နယ်များမှ စီမံကိန်းနှင့်ဘဏ္ဍာရေး ဝန်ကြီးများ၊ ပြည်တွင်းအခွန်များ
ဦးစီးဌာန၊ ညွှန်ကြားရေးမှူးချုပ် နှင့် တာဝန်ရှိသူများ တက်ရောက်ခဲ့ကြပြီး၊ အခွန်ဘဏ္ဍာငွေ
တိုးတက်ရရှိရေးအတွက် ဒေသအလိုက် အခွန်အထောက်အကူပြု အဖွဲ့များဖြင့် အခွန် အခြေချဲ့ထွင်နိုင်ရေး၊
အခွန်ပေး ဆောင်ထိုက်သူများကို လွတ်ကင်းကြွင်းကျန်မှု မရှိပေးသွင်းနိုင်ရေးနှင့် တိုင်းဒေသကြီး/
ပြည်နယ် အခွန်ဘဏ္ဍာငွေတိုးတက်ရရှိရေး အထောက်အကူပြု အဖွဲ့များ၏ လုပ်ငန်း တာဝန်များကို
အကောင်အထည်ဖော် ဆောင်ရွက်နိုင်ရေးအတွက် ပေါင်းစပ် ဆောင်ရွက်ရမည့် ကိစ္စရပ်များကို ဆွေးနွေးခဲ့ကြကြောင်း
သိရသည်။
(သတင်းစဉ်)
No comments:
Post a Comment