စစ်တွေ မတ် ၁၀
ရခိုင်ပြည်နယ် စစ်တွေခရိုင်
ပြန်ကြားရေးနှင့် ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) တွင် ဓာတ်ပုံပြပွဲ ၊ စာအုပ်စာစောင်ပြပွဲနှင့်
ဟောပြောပွဲကို မတ် ၉ ရက် မွန်းလွဲ ၂ နာရီတွင် ကျင်းပကြောင်း သိရသည်။
မြန်မာနိုင်ငံ၏ တည်ငြိမ်အေးချမ်းမှု၊
သာယာလှပမှု၊ ဖွံ့ဖြိုးတိုးတက်မှု၊ မြန်မာ့ယဉ်ကျေးမှုပုံရိပ်များ၊ မြန်မာ့ရေမြေတောတောင်သဘာဝ
ရှုခင်းအလှများ၊ ချစ်စဖွယ်ကောင်းသော တိုင်းရင်းသားလူမျိုး၏ ယဉ်ကျေးမှုများ၊ ရိုးရာဓလေ့ပွဲတော်များ၏
ပုံရိပ်များကို ဓါတ်ပုံများမှတဆင့် သိရှိခံစားနိုင်ရန်နှင့် ဓါတ်ပုံပညာလေ့လာနိုင်ရန်ရည်ရွယ်၍
(၇၀) ပြည့်နှစ်မြောက် လွတ်လပ်ရေးနေ့ အထိမ်းအမှတ် ပြိုင်ပွဲဝင်နှင့် ဆုရဓါတ်ပုံများအား
“အေးချမ်းသာယာ ပြည်မြန်မာ” ခေါင်းစဉ်ဖြင့် ဓါတ်ပုံပြပွဲကျင်းပြီး မျိုးဆက်သစ် လူငယ်လူရွယ်များ၊
ကျောင်းသား၊ ကျောင်းသူများ အသိပညာဗဟုသုတတိုးပွားရေး၊ စာဖတ်ရှုသည့် အလေ့အကျင့်ရှိစေရန်
ရည်ရွယ်၍၊ စာအုပ်ပြပွဲနှင့် စာပေတန်ဖိုး၊ စာကြည့်တိုက်အကျိုး၊ ပြည်သူ့စာကြည့်တိုက်ဝန်ဆောင်မှုအကြောင်း
ဟောပြောပွဲကို ကျင်းပရခြင်းဖြစ်ကြောင်း၊ စစ်တွေခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ
ခရိုင်ဦးစီးမှူး ဒေါ်စမ်းစမ်းအောင်က ပြောကြားသည်။
ထို့ပြင် ရခိုင်ပြည်နယ်
စာကြည်တိုက်များဖောင်ဒေးရှင်းဥက္ကဋ္ဌ ၊ စစ်တွေခရိုင် Book Club အသင်းဝင် စာရေးဆရာ ဟာသ
သရုပ်ဆောင် ဗဂျီးကျော် (စစ်တွေ) က ပြပွဲ၊ ပြခန်း လေ့လာသူ လူငယ်များအား စာဖတ်ခြင်း၏
အကျိုးကျေးဇူးများအကြောင်း အသိပညာပေးဟောပြော သည်။
“ အေးချမ်းသာယာပြည်မြန်မာ”
ခေါင်းစဉ်ဖြင့် ခင်းကျင်းပြသထားသော ဓါတ်ပုံ ၅၃ ပုံနှင့် သုတရသစာအုပ်စာစောင် ၃၀၀ ကျော်အား
ခင်းကျင်းပြသထားရာ ဌာနဆိုင်ရာများ၊ ဒေသခံဓါတ်ပုံပညာရှင်များ၊ ၀ါသနာရှင်များ၊ သတင်းမီဒီယာများ၊
ကျောင်းသား ကျောင်းသူများ၊ Wisdom City
Computre Training မှ သင်တန်းသား သင်တန်းသူများ၊ ဖိတ်ကြားထားသူများက စိတ်ပါဝင်စားစွာ
လေ့လာကြည့်ရှုကြပြီး ပြည်သူ့စာကြည့်တိုက်အားလည်း လေ့လာခဲ့ကြကြောင်း သိရသည်။
ဝင်းမင်းစိုး(ပြန်/ဆက်)
No comments:
Post a Comment