နေပြည်တော် မတ် ၁၀
မြန်မာနိုင်ငံ ကျောက်မျက်ရတနာ
လုပ်ငန်းရှင်များအသင်း၏ (၂၀၁၈-၂၀၂၁) ခုနှစ်၊ ပဉ္စမသက်တမ်းအတွက် ဗဟိုအလုပ်အမှုဆောင်နှင့်
အလုပ်အမှုဆောင်များ ရွေးချယ်တင်မြှောက်ပွဲအခမ်းအနားကို ယနေ့နံနက်ပိုင်းတွင် နေပြည်တော်ရှိ
မဏိရတနာကျောက်စိမ်းခန်းမ၌ ကျင်းပသည်။
အဆိုပါအခမ်းအနားသို့ပဉ္စမသက်တမ်း
ဗဟိုအလုပ်အမှုဆောင်နှင့် အလုပ်အမှုဆောင်များ ရွေးချယ်တင်မြှောက်ရေး ကော်မရှင်ဥက္ကဌနှင့်
တာဝန်ရှိသူများ၊ သံယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ တာဝန်ရှိသူများနှင့်
အသင်းသူအသင်းသားများ ဖိတ်ကြားထားသူများ တက်ရောက်ကြသည်။
ရှေ့ဦးစွာ ကော်မရှင်ဥက္ကဌ
ဦးညီညီက အဖွင့်အမှာစကား ပြောကြားပြီး ကော်မရှင်အတွင်းရေးမှူးက ရွေးချယ်တင်မြှောက်ပွဲနှင့်
ပတ်သက်၍ စည်းကမ်းချက်များကို ရှင်းလင်းပြောကြားသည်။
ထို့နောက်အသင်းချုပ်ရှိ
မဲပေးပိုင်ခွင့်ရှိသူ အသင်းသူ အသင်းသားများက ဆန္ဒမဲပေးကြပြီး မဲစာရင်းကြည့်ကြပ်အဖွဲ့များက
မဲရေတွက်ခြင်း များကို ဆက်လက်ဆောင်ရွက်ကြသည်။
ယင်းနောက် ရွေးချယ်တင်မြှောက်ရေး
ကော်မရှင်အတွင်းရေးမှူးက မြန်မာနိုင်ငံကျောက်မျက်ရတနာ လုပ်ငန်းရှင်များအသင်းချုပ်ဥက္ကဌသစ်
အဖြစ် ဦးလဖိုင်ခွန်ဆာ (ဧရာ ကျောက်စိမ်းကုမ္ပဏီလီမိတက်) နှင့် ဒုတိယဥက္ကဌများ၊ အတွင်းရေးမှူးနှင့်
တွဲဖက်အတွင်းရေးမှူးများ ဗဟိုအလုပ်အမှုဆောင်/ အလုပ်အမှုဆောင်များတို့၏ အမည်စာရင်းများကို
ကြေငြာသည်။
မြန်မာနိုင်ငံ ကျောက်မျက်ရတနာ
လုပ်ငန်းရှင်များအသင်းချုပ်၏ ပဉ္စမသက်တမ်းအတွက် သက်ဆိုင်ရာကဏ္ဍ ရာထူးအလိုက် ရန်ကုန်၊ မန္တလေးနှင့်
နေပြည်တော်မှ ၁၃၇ ဦး လျှောက်ထားရာ အသင်း၏ စည်းမျဉ်းစည်းကမ်းနှင့်ကိုက်ညီသူ ၁၀၄
ဦးကို အရွေးချယ်ခံအဖြင့် သတ်မှတ်ပြီး အသင်းချုပ်ရှိ စည်းမျဉ်းစည်းကမ်းနှင့်ကိုက်ညီ၍
မဲပေးပိုင်ခွင့်ရှိသူ ၃၈၅ ဦးရှိကြောင်း သိရသည်။
ထိန်နန်နော်-သတင်းစဉ်
No comments:
Post a Comment