ရန်ကုန်
မတ် ၁၀
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ
ချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးသည် ရန်ကုန်တိုင်းဒေသကြီးအတွင်း
လူမှုဝန်ထမ်းဦးစီးဌာနအောက်ရှိ ကျိုက်ဝိုင်းလူငယ်သင်တန်းကျောင်းသို့ ရောက်ရှိပြီး ကလေးငယ်များကို ရင်းနီးစွာ တွေ့ဆုံကာ အသက်မွေးဝမ်းကျောင်း သင်တန်းများ စနစ်တကျ
လေ့လာသင်ယူကြရန်၊ သတ်မှတ်အရည်အချင်းနှင့် ကိုက်ညီသည့် ကလေးများကို
အလုပ်အကိုင်ရရှိရေးအတွက် သက်ဆိုင်ရာများနှင့် ချိတ်ဆက်ဆောင်ရွက်ပေးရန်၊ ကလေးငယ် တစ်ဦးချင်းစီ၏
အရည်အသွေးတိုးတက်မှုကို စောင့်ကြည့်ပြီး မှတ်တမ်းထားရှိရန်တို့ကို ပြောကြားသည်။
ထို့နောက်
အမျိုးသမီးကလေးများ သင်တန်းကျောင်းသို့ရောက်ရှိပြီး ကလေးများအတွက် ကျောင်းပညာ
သင်ကြားရေး၊ အသက် မွေးဝမ်းကျောင်းပညာရပ်များ လေ့ကျင့်သင်ကြားရေး၊ အကျင့်စာရိတ္တကောင်းမွန်ပြီး
မိမိဘာသာ ဘ၀ရပ်တည်နိုင်ရေးအတွက် ဦးတည်ကြိုးပမ်း ဆောင်ရွက်ကြရန်
တိုက်တွန်းပြောကြားခဲ့ပြီး ကလေးများအား မုန့်များဝေငှခြင်း၊ တက္ကသိုလ်ဝင်တန်း စာမေးပွဲ
ဖြေဆိုကြသည့် ကလေးများကို အားပေးသည်။
ထို့နောက်
ပြည်ထောင်စုဝန်ကြီးသည် ရွှေဂုံတိုင် ကလေးပြုစုရေးဌာန၀င်းအတွင်းရှိ ရင်ခွင်မဲ့
ကလေးငယ်များအား မုန့်များဝေငှပြီး မွေးကင်းစ ရင်ခွင်မဲ့ကလေးငယ်များအား
စောင့်ရှောက်ရန် အဆောက်အဦ ပြင်ဆင်မွမ်းမံနေမှုများကို လှည့်လည်ကြည့်ရှုသည်။
လူမှုဝန်ထမ်း၊
ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် လူမှုဒုက္ခ ခံစားနေရသူများအတွက်
မူဝါဒအသစ် များချမှတ်ကာ လူမှုကာကွယ်စောင့်ရှောက်ရေး နည်းလမ်းများဖြင့်
ပြန်လည်ထူထောင်ရေးလုပ်ငန်းများကို ဦးစားပေး အကောင် အထည်ဖော် ဆောင်ရွက်လျက်ရှိကြောင်း
သတင်းရရှိသည်။
(သတင်းစဉ်)
No comments:
Post a Comment